مصر هتنهي بالشكل ده

[M.B]

بسم الله الرحمن الرحيم

انا امبارح كنت عند قصر الاتحاديه وبجد شوفت حاجات تخلي الواحد يبكي علي حال بلده وحال الناس الي فيها

اولا الي بيقول ان الي عند الاتحاديه ثوار حابب افهم هي دي مناظر ثوار اصلا رايح عند قصر الاتحاديه تعمل ايه تجر شكل الامن

ولا مدفوعلك تروح تضرب الامن عند وزارء الدخليه وقصر الاتحاديه

حابب افهم هل دي سلميه ولا ضحك علي الناس وشغل حرميه

البلد هتغرق علي اديكم

طب حابب اعرف الي بيعمل مظاهره ناو احتجاج علي ان الريس مش عاوزينه ولا علي قرار مرفوض

طب لو مش عاوز اخوان رشحتهم ليه !!

طب خلينا مشيين بديموقراطيه زي ما مرسي بقي رائيس بالديموقراطيه

استنوا الاستفتاء والاغلبيه تحكم زي ما حكموا ورشحوا مرسي

ولا هو كل واحد مش عجبه حاجه هينفذ الديموقراطيه بايده

مش هو ده الريس المدني الي رشحتوه

ولا هي خلاص هتشيل وتحط برحتك

متبقوش سبب في ان البلد تنهار

وبرضوا الي عند الاتحاديه ميه في الميه وبول من الي شوفته مش ثوار ولو ثوار دول طلعين تنظيم وعرفين هيعملوا اي هيضربوا اي بالضبط

عاوز اعرف منكم بقي

اذا كان مرسي انت مش عاوزه وانت قولت عاوزين ديموقراطيه رشحته او قبلت بديموقراطيه ليه ؟؟؟

اذا كنتم بتعترفوا بديموقراطيه وهو نفذها وقال استفتاء ايه الي مخلي الناس عند قصر الاتحاديه وفي التحرير ؟؟

رايكم في التوبيك ؟؟

[big bốss]

انا عن نفسي مش رشحته

و مختلف تماما مع مبادىء الاخوان


لانهم مش الناس الى بتجرى على السلطه بس و المصلحه الخاصه


و بعدين افرضنا الناس انتخبته و اعترضوا على القرار

مش المفروض هو يتنازل عن قراره

ولا يستبد و يسيب الناس تقتل فى بعض

و بعض استفتاء ايه الى يحكم ما ممكن يزوروه

[M.B]

اقتباس المشاركة الأصلية كتبت بواسطة big booss انا عن نفسي مش رشحته و مختلف تماما مع مبادىء الاخوان لانهم مش الناس الى بتجرى على السلطه بس و المصلحه الخاصه و بعدين افرضنا الناس انتخبته و اعترضوا على القرار مش المفروض هو يتنازل عن قراره ولا يستبد و يسيب الناس تقتل فى بعض و بعض استفتاء ايه الى يحكم ما ممكن يزوروه

يا عمونا نعكم بعد الاستفتاء يبقي سعاتها الغلط من عند مين لاكن تزوير مين اذا كان القضاء رافض اصلا يعني يا هيبقي التزوير ضد او مفيش تزوير

[مِسكُ الشَهادة]

أولا ً أهلا ً بيك أخي في منتدانا
ونتشرف بك بيننا ...
بص المشكلة لا في دستور ولا في غيره
أنا عاوز أبلغك إن الدستور موجود ع النت ومفيش فيه اي خلل
بإمكان الجميع يتعرف عليه
حيقلك قرارات الرئيس اهو يا عم الرئيس دعى الشعب للاستفتاء
ع هذة القرارات مع انها مؤقتة
انزلوا بقى وقولوا لا للدستور وحيسقط بطريقة سلمية
مش تهاجم قصر الرئاسة وتضرب الناس وتحرق المقرات والبلد
والمشكلة الاعلام المضلل ما شاء الله 30 محطة تبث سموم
وفتن ليل نهار تهول وتضخم وتروج
مصر مش حتخرج من كدا الا بالسلمية والاستفتاء يعبر عن دا
غير كدا لن تخرج بل ستتعقد الازمة لا قدر الله
لانه لو كان المعارضين للقرارات مليونان فالمؤيدين ملايين
يعني لازم نهدي شويا
واللي حصل مبارح مش مكفي برضوا
هناك دعوات لمليونية اليوم امام الاتحادية
في النهاية ربنا يصلح حالنا ويحفظ مصر

[❀ ЯeRōŎō ❀]

استفتاء ايه الي يستنو هانهزر الاستفتاء الي هايتزور ويبقي نعم بالاجماع احنا هانضحك علي بعض دي اكلت واطبخت خلاص بالاوي كمان
وبعدين قلتها وهاقولها ميلون مره مش من حق اي حد يفض اعتصام بالمنظر ده مين دول لاخوان الي فاكرين نفسهم مكان القانون ويضربو الناس عشان يمشو من قدام القصر وهما ملهم اصلا مدام الثوار مش اذو حد يبقي مش من حق اي حد انهم يعملو فيهم الي حصل امبارح
الي حصل امبارح ده لان الاخوان هما الي ابتدو وبقي في مصر في قانون اسمو البادئ اظلم يعني تضربني مش هاسكتلك لا ده انا هاموتك الضرب بيترد بالضرب والموت ولسه يااما هاتشوفو اكتر من كده وكل الناس الي ساكته وشايفه ان دول بلطجيه هاتشوفو اكتر من كده ياجامعه فوق بقي وافهمو الي بيحصل حواليكو مصر بتضيع

[M.B]

منور يا باشا والله

والمنتدي منور بيك

وهنزل انهرده وهشوف بقي تاني من اولها مع اني متاكد ان الي بيكسر وبيعل وبينيل بلطجيه وناس متعصبه

[بلدنا في القلوب متشاله]

لا ده عاجب ولا ده عاجب

الناس مش ناويه تهدا ابدا
يا حول الله ياااااااااارب
مفيش فايده

حسبي الله ونعم الوكيل

المعارضين هما المسؤولين عن القتل ده

والاستفتااااااااااااااء هو الحــل

بالســلميه ومش بالضرب

[الابتسامه المصريه]

مصر لن تنتهى لان مصر واهلها رغم ما تمر به من ازمات فى رباط الى يوم القيامه

وان شاء الله بكره احلى لان عندى ايمان بربى واهل بلدى

الله ينور قلبك بنور الله

[აα∂ Ԑγεა]

ماهي طول عمرها سلميه اسما فقط ؟
اي وقت في اي مظاهره في اي عهد
كانت سلميه اسما فقط

اكيد محدش له حق انه يفض اي اعتصام بالقوه مهما كان
وبرضوة المعتصمين محدش له حق يتعدي علي اي ممتلك عام او خاص

وانوه واقول تخاذل الشرطه والناس اللي ماتت
مش دي اللي اتحاكم فيها مبارك والعادلي ؟
ماهي بتتكرر

[انجي_1]

مش انتم رشحتم ريس وانتخبتوه



ونجح واصبح رئيس بفضلكم

يبقى خلاص مهمتكم انتهت من زمان

وسيبو بقى الرئيس وحكومته يشتغلو
وبلاش الاعتراضات السوده اللي هتخرب بلدكم دي