رحلة يوم الى كوخ ماجيكنا او نقول الماجيك

[ساحر الأحزان]

بسم الله الرحمن الرحيم

جالى تليفون فى منتصف اليل من شخص مجهول قالى عايز تعرف كل حاجة عن الماجيك.قلتلة ماشى

دة ماجيكنا كلنا وامرة يهمنا حابين ياعم نتعرف علية,



قالى ماشى خد العنوان اهه عايز عنوان البيت ولا الكلية قلتلة هات الاتنين على شان ,ان مكنشى

فى كليتة ومزوغ منها زى عوايدة يبقى نشوف البيت او الكافى شوب المفضل عندة.

لانة راح كافية المنتدى قالبوة فى الحساب والمشاريب ,فقلك انا كدة كل ما اروح عندهم حيقلبونى

لية اروح مكان ميقلبونيش فية.

صحيت الصبح من النوم وبعد ما فطرت وجهزت نفسى اخدت اقرب مواصلة على موقف احمد حلمى,

بجوار محطة مصر وقلت اركب منين اركب قطر خفت اقلت الواحد مش بايع عمرة’اركب ميكروباص

مهو مفيش انيل من ستى الاسيدى سورى بقى فى التعبير دة,بصراحة الواحد احتار يعمل اية,

قلت اسرع حاجة اطلع على مطار القاهرة وقبل ما اروح قلت احجز تذكرة طيران لاسيوط,

قالتى موظفة الحجز التذكرة ب200دولار قلتلها لية هو انا برة مصر قالتلى انت حتركب طيارة

نفاسة مجهزة قلت مش مهم كلة يهون فدا عيون الماجيك,

بصراحة ركوب الطيارات دة حاجة جميلة قوى محبتشى اضيع وقت اتصلت علية فى التليفون.

قالتلة صباح الخير ياعم الماجيك قالى صباح النور ,

مين معاية,

قلتلة ضيف جاى ليك وحابب يزورك على شان مضيعشى وقتك انا امجد ساحر الاحزان,

لقيتة بيقلى مش معقولة انت ساحر يا مرحبا يا مرحبا تنور وتشرفنى يا ساحر.

قلتلة النور نورك ونور اهلك وناسك الطيبين ,

بعد الاتصال لقيتة بيقول لوالدة

فية ضيف جايلى عايزين نعمل معاة احلى واجب ليروح يسيح لية فى المنطقة وينشر ملحتى

فى المنتدى قالة حاضر يا حبيبى عنية ليك ولضيوفك ’

بعد الاقلاع وصلت لاسيوط بعد حوالى ساعتين فى الطيارة ,

اخدت تاكسى وعرفتة على العنوان

المهم سواق التاكسى مضيعشى الفرصة لما لقينى ضيف من برة المحافظة قلبنى فى 100جنية

قلت مش مهم وانا راكب فى السيارة شوفت اسيوط وجمالها حقيقى محافظة جميلة جدا جدا,

ومناظرها روعة بجد,ووصلت وكان اللقاء المنتظر شفت الماجيك وشافنى ياسلام

وخدنا بعض بالاحضان جميلة اقوى انك تشوف شخص تعرفة من فترة بسى اول مرة تشوفة’

وبعد السلام على الاهل والبرنسيسة ندى اختة الصغيرة ربنا يخليهالوا ويشوفها

عروسة كدة اخدنى معاة للكوخ بتاعة الى بيعمل فية الشغل الفوتو والاوسمة والبنرات والهيدرات

لقيت معمل سويتش ماكس بحالة’



قلتلة شاطر ياشقى وحلو الكوخ بتاعك جميل جدا.

الماجيك بينة وبين نفسة بيقول انت جاى تنق علية ولا اية ياريت الطيارة كانت تاهت بيك

ورحت للمحيط الاطلنطى ,

قلتلة فية حاجة يا احمد قلى لا يا امجد

وبعدها اخدنى الماجيك فى رحلة لمدينة الجميلة ,

وشكرتة على حسن الضيافة

الى قام بها هو والاهل متمنين لهم حياة سعيدة

حوار من امام كوخ ماجيكنا او الماجيك

من

تأليفى واخراجى

[۩۩ elMagic ۩۩]

ههههههههههه
طبعا التوبيكـ جاامد
وعجبنى جدااا اكييد
واهو شوفت معملى الفوتوشوبى والفلاشياوى
اكيد لو كانت الزياره بجــد
هتنورنى اكييد اكيد يا غالــى
وهنعمل معاك احلــى واجب
ربنا يديم المحبه والاخوه
مودتــــــى
,,,

[ķąyąŋ..♡]

توبك جميل جدا

يا استاذ امجد

واللهي تنفع مؤلف ومخرج كمان

رحله جميله من خيال رائع

تقبل مروري

[دمعه حائره]

ههههه
حلوة اوى الرحله دى وطلع عندك معمل فلاشى يسلام
كان نفسى اشوفه
توبيك هايل وبصراحه مالكش حل فى الخيال ياامجد
ربنا يوفقك ويسعدك دايما

[нαиαи]

ليه يا احمد بتزهق من ضيوفك كده ؟
ههههههههههه إخراج ولا احلى يا ساحر الأحزان ^^

[قلب وكلمات]

لقاء خيالي روعه بج

تسلم يا أمجد ، والماجيك يستهل الزيارة

تحياتي لكما

القيصــر

[الأميرة رودي]

هههههههههه انت ركبت طيار نفاسه مجهزه كمان
ماشاء الله دى عدت معاك خالص..
حلو الكوخ الفوتوشبي اوى
ربنا يقويك على زياره امجد يااحمد..
بس فعلا رحله جميله اوي
تسلم الايادي ياامجد

[احساسى صحيح]

ههههههههههه والله خيالك رائع يا امجد

والله صدقت ف الاول

رحلة ممتعة

عقبال ما تزورنى عن قريب

تحياتى

[viola]

ههههههههههه جامد اخر حاجة

انا قربت اصدق هههههههه يغرب عقلك

بجد يسلمووووووووو استمتعت كتير

في انتظار جديدك

[๓αℓάҝ]

ههههههه أهم شئ واجب الضيافه =))

دوم الصداقه بينكم ان شاء الله

و ان شاء الله تعرفو بعض في ارض الواقع

ههههههه قصه جميل و خيال لذيذ هههههه

تسلن الايادي يا ساحر الاحزان