Benim sayfaları yazma öğretti olanlara selamlar

[Mind language]

و أنا ليه أضحك فى وش حد مبحبوش


و ليه أخادع نفسى و أفضل أغيّر فى وشوش


مش لازم الكل يعجبنى مانا كتير ما بعجبوش


انا اللى ف قلبى على لسانى و هقولك فى وشك لو منكوش


يا ابيض يا اسود ..مافيش رمادى .. مافيش رتوش


اللى بحبه خلاص قفلنا عليه الباب و الباقى أحبوووش .

[Mind language]

نرجع بالذاكرة

ياعينى على دى ايام على رأى الشاعر :

ليت الشباب يعود يوماً
فأحدثه بما فعل المشيب

زمان كان فى الفصل كل مايدخل مدرسة يقوم كل اللى فى الفصل

يقول دى اميرة بنت المدير فيقوم المدرسين يقولوا انتى انتى بنت

المدير فيه ايه ياجماعه هو انا مشبهش ولا حاجه كنت بجاوب ببراءة

آه انا بنته فما اجى اجاوب غلط على اى سؤال يقوم المدرس او

المدرسة يقول لالالالا مكنتش متوقع منك كدا خالص ازاى تجاوبى

غلط وكأنى بنت المدير كمبيوتر متحرك لازم لازم تعرف كل الاجوبه

على كل الاسئله وفيه منهم اللى كان بينزل لوالدى ويشتكى من

مستواية وبسمع كلمتين حلوين من الوالد ارجع اتنيل اذاكر تانى

يقوموا يشكروا شوية لوالدى يفرح يقوموا يشتكوا تانى والدى

يهزق هههههه وهكذا إلى ان خلصت مرحلة الابتدائى على خير

جيت علشان ادخل اعدادى واشوف نفسى بقى لقيت والدتى

بتشتغل فى الفتره الصباحية بتاعت نفس المدرسة هى فى

الفتره الابتدائية وانا كنت مسائى فى الفتره الاعدادية والشكاوى

مازالت ورايه ورايه ان ماكنتش لوالدى تبقى لوالدتى بصراحه

اصعب مرحلتين الاعدادى والابتدائى اجمل مرحله الثانوى طبعا

باشا دى كانت مدرستى فى المركز نفسه فا اعمل اللى انا عايزاه

ولا حد بيسأل انا فين بس الحمدلله مغيرتش اصحابى من ابتدائى

لحد جامعه زى ماهما فعلشان كدا متغيرتش محتفظة بهبل الابتدائى

والاعدادى وشقاوة الثانويه العامه .

[Mind language]

موقف لاينسى

هو انى مرة كنت نازله من الفصل ورايحة لوالدى

فكان واقف معاه وكيل المدرسة كنت بكره جدا

شخصية من الشخصيات اللى نصف البلد بتكرهوا

فراح فجأه بص عليه وراح قال لوالدى تعمل اية

يا استاذ فلان لو بنتك جابت ملحق فى ابتدائى

بالله عليكم من حقى اكرهوا ولا لا حتى كلامه

بارد زيه راح والدى قاله انا لو بنتى جابت ملحق

فى اى سنه والله ما انا موديها مدارس تانى تأديبا

ليها والدى حبيبى واثق من قدراتى والله اوقات

كتير كنت بذاكر خوفاً من الكلمة دى انها تتنفذ

على الرغم من انى ادايقت جدا وحسيت انى

خلاص بجد هجيب ملحق اللى انى الكلمة دى

كانت دافع قوى جدا ليه فى انى اعرف قيمة

العلم واهمية وانى تيجى عليه لحظة اتخيل

نفسى من غير تعليم هبقى ازاى الحمدلله

كل ما اشوف وكيل المدرسة دا افتكر الموقف

دا على طول واقعد اضحك .

[Mind language]

اكتر تلات أسئلة بيسمعوها منى فى البيت



ياجماعه محدش شاف نظارتى ؟

ياجماعه محدش شاف موبيلى حطيته فين ممكن حد يرن عليه ؟

ياجماعه محدش شاف باقى الكتب حطتها فين ؟

والاجمل من دا كله انى معايه فى البيت اجندة سودا رايحه

جايه بيها عامله زى الكتاب الاخضر بتاع القذافى بالظبط

دى بقى تحتوى على خناقات كتباها فيها اللى بحسه بكتبه

ابيات شعر ادعية معلومات اغانى تركى جداول مذاكره من ساعة

مادخلت جامعه لكل اسبوع لدرجة انى كاتبه فيها جملة خاليكى

هنا وانا رجعالك كمان شوية وفيها حاجات لوقراتها مرة تانى

بقعد اضحك عليها فيها بردوا ورق تانى غير ورقها والله لو حد

مسكها فى يوم هروح فى داهية يعنى هروح فى داهية بس

الحمدلله محدش بيعرف طريقها غيرى وحتى لو حد جرب يمسكها

هيلاقى فى اولها مذاكره وفى اخرها مذاكره المشكله فى النصف

بقى ياترى مين الشاطر اللى هيوصل للنصف ؟؟؟؟!!!!!.

[Mind language]

[Mind language]

زيادة المرء فى دنياه نقصان

وربحة غير محض الخير خسران

أحسن إلى الناس تستعبد قلوبهم

فطالما استعبد الإنسان إحسان

ياخادم الجسم كم تسعى لخدمته

أتطلب الربع مما فيه خسران

أقبل على النفس واستكمل فضائلها

فأنت بالنفس لا بالجسم إنسان

وأشدد يديك بحبل الله معتصماً

فإنه الركن إن خانتك أركان

من يتقى الله يحمد فى عواقبه

فيكفيه شر من عزوا ومن هانوا

من أستعان بغير الله فى طلب

فإنه ناصره عجز وخذلان

من كان للخير مناعاً فليس له

على الحقيقة خلان وأخلان

من يزرع الشر يحصد فى عواقبه

ندامة ولحصد الزرع أبان .

[Mind language]

حاجات عايزة صبر والله


صباح العسل الملزق فى الشنوشتات على الجميع


وعلى رأى عمو راغب طب لية كدا .....................


لية منحترمش المواعيد ليه الدكتور يبقى معاده 12ل2 يدخل 3ويخلص5ليه


لية اما ابقى مأمنه واحده على كشكول محاضرات تاخده معاها البيت


ومتجيش الجامعه تانى لظروف ما فى داهيه انا يعنى ما ذاكرش .


ليه اما ابقى واقفه مع واحده زملتى تيجى واحده صحبتى تانى تتكلم فى النص


متخلنيش افهم ولا حرف من اللى بتتكلم واما اقوله كدا مش اسلوب كويس


تسبنى وتمشى وتقولى دا من حبى فيكى لا دا من خنقتك ليه ما انا عايزة


بردوا اتكلم مع دى ودى ودى مش هقفل حدود صداقتى ومعارفى عليكى


وبس ....بصراحه كدا تفكير اطفالى .


ولية اما تبقى معيده مواعده الطلبه بشرح منهج كامل تقوم تسبهم فى اللحظة


الحرجه زى ما بيتقال ليه وتقعد تتحجج باى حاجه وتغير ارقامها فى خمسميت


سلامه فى معيد بيشرح احسن عندك هما كدا الستات دايما التناكه اساسهم.


ولية دكتور التركى يكذب علشان يجمل صورة بلده فى عدم انضمامها للاتحاد


الاوروبى اجابته كانت انى تركيا استكفت من الغرب فنسحبت عن الاتحاد


بكامل إرادتها والحقيقة غير كدا اللى اعرفه انى السبب الحقيقى وراء عدم


قبول تركيا دوله تابعه للاتحاد الاوربى مذكوره فى الرابط الاتى :


ظ…ط¹ط¶ظ„ط© ط§ظ†ط¶ظ…ط§ظ… طھط±ظƒظٹط§ ط§ظ„ظ‰ ط§ظ„ط§طھط­ط§ط¯ ط§ظ„ط£ظˆط±ظˆط¨ظٹ ط¨ظ‚ظ„ظ…:ظ…ط¹طھطµظ… ط¹ظˆط¶


انا سمعته بيقول كدا قعدت اضحك عيب ياعم الحج اما تحب تكدب اكدب


على طلبه ميكونوش مصريين اما بيدرسوا ثقافة بلد بيدرسوها من الالف


للياء وخصوصا بلد عزيزة علينا زى تركيا فوسعت منك دى حاول تلمها ان أمكن .

[Mind language]

قالــوا تعلمـت قـلـت عنــاد وفراســة


أعانــد النفـس والدنيـا وأصـارعـهـــا


درست في مدرسة من شيـبت رأسـه


دنيــا العنـا اللي قصـيفات مطامعـهــا


تلميــذهـا دايــم يكـتــــب بكـراســــه


وتعـطيـه جملــة دروس ما يضيعهــا


والله عطـانا نظـر وشعـور حساســة


نأخــذ علـوم المعرفــة من مراجعهــا


ونسايــر الوقـت ونقيـسـه بمقياســه


ونـواجــه النفــس بالـواقـع ونقـنعـهـا


تـرى حياة الفتى مهـمـا قـوى باســه


محفـوفــة بالخطــر والمـوت تـابعـهــا


من مبتـدأ العمـر حتى يلفـظ أنفاســه


يمــر فــي مرحلــة تكـثــر زوابعـهـــا


أول حيـاة الفتـى مشـوار وعـساســه


مسـافــة في عجــاج الـوقـت يقطعهــا


وثاني حيـاة الفتــى تدريب ودراســة


تصعـب ظـروف الحياة وينشغـل معهـا


وثالث حياة الفتى يرجع على ساســه


والنقــطة اللـي بـدا منهــا يــراجعـهــا


يرجع لسـن الهـرم ويضيـع الطاســة


ويزحف مع الأرض ويخطط شوارعها


واليـا تلاقـت متونـه وارتخى رأســه



ضـاعـت جميـع العلـوم اللي مجمعـــها .

[Mind language]

كل سنة و انت طيب وبألف صحة وسلامة يا على


سنة جديدة سعيدة عليك ياروح قلب خالتو


مروا 6 سنين من العذاب فى تربيتك اينعم


انت كنت طفل هادى وحنين جدا لكنى فاكر


يالاااااااا كام مره اخدت الوان منى وضيعتها


ولا افكرك فاكر كام مره قطعتلى ورق المذاكره


بتاعى فاكر ماشى كله هيتحوش اما تكبر عن


كدا هعرف اخد حقى منك كويس : )


بهزر طبعا ياعمرى كله خالتو من النوع اللى


بينسى متخفش مش هفتكر ولا حروف من


الكلام دا علشان كدا انا داخله هنا اكتبه


علشان افتكر امال ايه فاكر الموضوع هيعدى


بالسهل ياااااااااااه انا فاكره يوم ولدتك زى


اليوم دا بالظبط قعدت ابكى خوفا على اختى


وهى بتولدك وعلى فكره انت واد زنان اوى كنت


طول الليل عمال تبكى مكنتش بعرف انام منك


انت وامك عدت اول سنه انا فاكره اول مره نطقت


فيها اسمى انا كنت ماسكه لعبه فى ايدى وانت


عمال تقولى هات هات وانا عماله اقولك قول


اميرة وانت تبكى قول اميرة واديهالك لحد ماقولت


مما علشان كدا امك اما تحتاج منى طلب بتنادينى


بالاسم دا لانها عارفه انه اغلى من اسمى الحقيقى


عندى ايااااااااام كتير وسنين عدت كبرت لحد ما بدأت


تمسك قلم كنت دايما بقعدك جنبى انا وبرسم وتقعد


تقول ايه دا ياخالتو وانا اجاوب ازاى دى ياخالتو وانا اجاوب


لحد ماشوفتك فى يوم بتشخبط فى ورقه قولتلك بتعمل


ايه ياعلى قولتلى برسم زيك ياخالتو انا بحب الرسم زيك


وعايز اجيب الواااااااان كتير كتير بكل الوان الدنيا ابنى


حبيبى زى خالتو فى كل حاجه ومن هنا بقى بدأت كل


عيد ميلاد ليك اشتريلك الواااااان وكراسات رسم كل


عيد ميلاد ماعدا عيد الميلاد دا خالفت القاعده لانى


لقيت المكتبة بتاعت الالوان كاستل قافله رحت اتصرفت


وجبت تحفه بتتحط على المكتب للاطفال علشان يتحط


فيها الالوان بردوا مبعدتش كتير وطبعا اشتريت اتنين


علشان المسواه فى الهداية عدل لانى لو مجبتش


لعمر حاجه مش هيدخلنى البيت ما انت عارف المهم


انى منستش الالوان وهجبهالك بردوا يكفى انك شبيه


ليه فى حاجه زى دى تابع يا عمرى ويارب من سنه لسنه


ومن تميز دراسى لتميز دراسى اكبر واكبر ويارب تفضل


بنفس مستواك التعليمى وتكون الاول دايما فى دراستك


بحبك جدا يا احن قلب موجود فى الدنيا بتمنالك حياة مليئة


بالسعادة والفرح دايما وبتمنى فى المستقبل ربنا يرزقنى


بأبن حنين زيك وبيكتب بالشمال وبيرسم بالشمال وكمان


منظم وملتزم زيك وعلى الرغم من انك كبرت وبقيت فى


طولى اللى انى لسه بشيلك وادخلك على السرير لانك


مهما هتكبر نونو فى نظر خالتو اما بتبات عندنا


كل سنة وانت طيب ياعلى وعقبال


مليااااااااااار سنه جاية .

[Mind language]

25/5

الساعه الواحده ظهرا والله بصيت


فى الجدول كذا مره علشان ميحصلش


معايه زى ماحصل الترم الاول


يوم الامتحان يكرم المرء او يهان


باقى من الزمن 24يوم على


6 مواد الاصعب هبدأ بيه علشان


لو احتجت حاجه اقدر انزل واجبها


من المعيدين او من اصحابى لانى


لو ركنت الصعب وبدات بالسهل


ضايعين ضايعين مواد 6 تلاته خاصين


باللغه التركية نحو وترجمه وتحويل


من اللغه العثمانيه القديمه اللى


بتتكتب بالحروف العربيه الى اللغه


التركية الحديثه دى مهمتنا فى المادة


دى ودى اتقل مادة هى والنحو التركى


اما الترجمه فى دى سهله باذن الله


باقى 3 مواد عباره عن لغة عربيه نحو وأدب


دى ماده والمادة التانيه حديث نبوى وهى


عباره عن مدخل لعلم الحديث اللى هى متى


دون الحديث ومراحل تدوينه ومتى يكون الحديث


صحيح ومتى يكون ضعيف وغير مأخوز به فى الاحكام


وهكذا اما المادة التالته وهى عباره عن نثر بالعثمانى


هنحوله لعربى وبيكون فيه التكلم عن المراحل اللى


مر بيها النثر التركى علشان يوصل للمستوى اللى


احنا بندرسه 3صعبين و3 حلوين فهبدأ بالصعب


لانى السهل هيجى لوحده بأذن الله خلاص


حضرت ورقى وكتبى ركنت كراسات رسمى


بعيد عنى علشان اعرف اركز فى المذاكره


واستعنت بالله وربنا يستر معايه بأذن الله


أدعولى إن أمكن .