Benim sayfaları yazma öğretti olanlara selamlar

[Mind language]

Benim sayfaları yazma öğretti olanlara selamlar

السلام عليكم ورحمة الله وبركاته


ياقارئ صفحاتى إليك تحياتى ......


محفوظة بالحب والعطر الندى .....


إن دخلتها زادت سعادتى ......


فصلى على خير الأنام محمد وعلى إله وصحبة أجمعين


الذى سيكون لنا يوم الحشر شافيعاً وعوناً معين عليك


افضل الصلوات واتم التسليم .


اما بعد فلتكن هنا صفحاتى وجزءاً من حياتى سأقوم


بسردها كما هى وجدت من خلال حاضر وماضى


ومستقبل آتى فأبقوا معنا :


لكل يوماً بداية ولكل يوم نهاية تبدأ ببعض الكلمات


ثم تكبر لتصبح عبارات أحياناً نذكرها بالخير وأحياناً


نتركها للغير لتكون دليلاً على إدانه أو دليلاً على


هوانا أو دليلاً على دروسنا التى تركت فى كل ركن


حكاية تدور احداثها مابين عبره وعَبره ونهاية فلتحجز


مقعدتك من الآن ولتبدأ الحكايه .



*********

[Mind language]

سأعيش اغنى ما أحيا والكون يردد ألحانى

وسأسكب فيضا من روحى ورحيقاً يهمى بحنانى

وسراجاً يسطع أضواءاً ويبدد زيف الاوثان

قد أقدم حينا أو أبقى وألوذ بظل يرعانى

لكنى أبداً لن أكبو ا مادام السير بإمكانى

لن أقبع خلف الجدران سأصيح بأعلى قافيتى

وأبث رسائل أجفانى وأزف براءة افكارى

وعبير الحب بوجدانى لن أخشى عمراً يغزونى

يجتاح حقولى وجنانى لن ينضب نبع أرعاه

فتعود نضارة أغصانى سأصوغ عوالم من فنى

تزهو بزمانى ومكانى وسأحلم يوما أن أسمو

لزماناً يرقى بزمانى لو ضاع الحلم فعالمنا أشلاءً

بين الأركان لو مات الحب فأشعارى أشواكاً بين

الأبدان سألون لوحة اشعارى بزهور بين الأركان

أضواء الفجر تمازجها فتذيب مواسم أحزانى

أهداب الشمس تعازلها فتفيض مياة الغدران

والبدر صديقا يحرسها ويداعب فيض الألوان

فاللوحة كوناً أنشوده سكنى ومرابع أوطانى

قد تجمع حينا قافيتى واللفظ يلوح بعصيانى

لكن بالحب أروضه فتهيم وترقص أوزانى

وسأحلم دوماً بسلام ليعيد العالم لأمان

فالحب عوالم أعرفها تشفى أدواء الإنسان .

[Mind language]

بطاقتى الشخصية

الأسم : أميرة ......

السن : 19سنه على كام شهر وكام يوم .


تاريخ الميلاد :1/9/1993م .


الهوايه :رسم كاركاتير + شخصيات كرتونيه هتشوفوها ان امكن .


المهنه : طالبة آداب لغات شرقية شعبة تركى الصف الثانى .


المستوى التعليمى : كان الله بالسر عليم .


الحاله الاجتماعية : فى انتظار ابن الحلال ربنا يجيبه بالسلامه .


الإقامة : محافظة سوهاج .

عدد الاخوه : 6 تلات ولاد وتلات بنات وانا سبعه اللهم ما لا حسد .

الترتيب العددى داخل العائله : اخر بنوته .


اللقب داخل العائلة : حاصله على لقب خالتو لولدين على وعمر
ولقب عمتو لولدين بردوا إياد وأحمد وفى انتظار بنوتين باذن الله
خالتو بردوا .

عمل الوالد : مدير إدارة لمدرسة إبتدائية سابقاً .


عمل الوالده : سكرتيرة مالى وإدارى فى مدرسة ابتدائية حالياً .


المستوى التعليمى للاخوه : الاخ الاكبر بكالوريوس حاسب آلى

محاسب فى شركة كهرباء لكنه يعمل بالخارج حاليا .

اللى بعده متخرج من تجاره ازهر وحاليا مأمور ضرايب .

اللى بعده بنت متخرجه من كلية علوم أزهر حاليا مدرسة علوم اعدادى .

اللى بعدها بنت متخرجه من دراسات اسلاميه لغة عربيه حاليا مدرسة ابتدائى .

اللى بعدها بنت متخرجه من آداب إعلام حاليا مدرسة رياض أطفال (حضانه ).

اللى بعدها ولد بيدرس هندسه قسم كهرباء شعبه بور .

واخيرا الفاشله انا آداب تركى بدون داعى .


دى كانت بطاقتى الشخصية .

[Mind language]

معلش بس دا آثر الامتحان على الطلاب الفاشلين اللى

زى حالاتى ادعولنا ياجدعان عندى امتحان تركى بكره

وادب عربى بعد بكره دعواتكم .

[Mind language]

دكتورى التركى عايزنا نقوى اللغه بسماع الاغانى والافلام

طبعا دى لعبتنا ليل نهار على الجهاز بسمع فى الاغانى حد

يسألنى بتعملى ايه بذاكر والله بتعلم مصطلحات جديده

بس بطريقه مفيهاش ملل يعنى اسمعوا معايه الاغنيه

دى تحفه هتعجبكم جدا .

[Mind language]

أخبرهم ياقلبى انك لست حجر

أخبرهم بأنك قلباً كباقى البشر

يشعر ويحب ويتألم وكل شيئ

يترك فيك آثر .

[Mind language]

الحمدلله كان أمتحان ظريف خفيف لطيف تم الحل فيما

لا يزيد عن ربع ساعه والحمدلله المشكله مش فى وقت

الحل المشكله هل اللى حليته صح ولا خطأ هنشوف

بعد التصحيح إن شاء الله والحمدلله تم الغاء امتحان

الأدب ليوم الحد فى داهيه بعد ما خرجت من الامتحان

بقى : الحياة حلوه للى يفهمها راحت واحده صحبتى

راجعت سؤال معايه ولقيت نفسى هبلت فيه بس دا

من حقى لانى محضرتش القاعده بتاعت السؤال دا

حقى ولا مش حقى حقك طبعا طبعا طبعا .

[Mind language]

اللى مجننى فى الموضوع مييييييييييييين تركيا دى

اللى ليل نهار مصدعانى كانت فين وبقيت فين ربنا

واحده يعلم فجأه غزونا بمسلسلاتهم بعد كدا بلغتهم

بعد كدا بفكرهم وثقافتهم ونظامهم وعلمهم كانوا

فين دول من سنين اينعم ليهم تاريخ مشرف

محفور على صفحاته ولكنى ازاى قدروا يرجعوا

هيبتهم الاولى وسط العالم العربى بالمنظر دا الله

اعلم دلوقتى تفتح اى اخبار ولا اى حاجه تلاقى

داود اوغلو يحاول منع تصعيد الازمة السورية

داود اوغلو يلتقى برئيس الصومال داود اوغلو

يتحدث عن الازمة الفلسطينية ويحث الكيان

الصهيونى على ..... اييييييييييييييييييييييه

ياعم الحج خد نفسك مش كدا انتوا مين وكنتوا

فين وبقيتوا كدا ازاى متقولونا على الطريقه ينوبكم

صواب بدل ما بلدنا بتغرق على ايد واحد لاحول له

ولا قوة قولونا على الوصفه دا انتوا جنبنا على

الخريطة حتى والجار للجار سبحان ماغير الاحوال

من حال إلى حال قولونا نبدأ بأية بالظبط بالمسلسلات

ولا الاقتصاد ولا النظام ولا ايه ولا ايه بس دا انتوا عالم

تانى والله ليكم الحق انكم تكونوا مميزين فى كل حاجه

الكلام دا عن دراسه وربنا الناس دى فى منتهى النظام

والاحترام احترام مفيش من بعده ولا من قبله هما آه

شعب مش بيحمل وخلقه ضيق لكنى النظام اساسهم

تعرفوا انى بيعملونا منح تعليميه على حسابهم للاوائل

وعلى حساب الطالب بسعر حنين للى عايز يسافر

كل دا علشان يوصلوا لغتهم للعالم أجمع فى كدا

لكم منى كل احترام وتقدير على انكم قدرتوا توصلوا

بلدكم للمستوى دا الله أكبر عليكم الشهادة لله .

[Mind language]

أجمل حاجه انى مهما الواحد عرف من لغات محتفظ

بلغة العربيه لبيقول بيس ولا تك كير ولا إنى واى

ولا الحاجات دى كل لغة لها اسلوبها ولها حروفها

وليها ناسها اللى بيغيروا عليها دكتور التركى عندنا

لو غلطنا فى كتابة حرف بيدايق جدا ويقعد يقول

خدوا بالكم لغتنا لغة صوتيات من صوت لصوت بيفرق

فى المعنى حقك ياعم لانى دى لغته مش عايز

يشوفها بتقرأ أو تكتب خطأ أبدا انما احنا عندنا كعرب

عمتا يقولك انطق شوية انجلش على شوية عربى

علشان يبان انك ولد او بنت كول وهى الشياكه والكول

انى كل لغة تقلب للمقابل ليها فى اللغه الاخر زى لغة

الشات حاليا اللى زى ana tamam فية فى الانجلش

حاجه اسمها انا تمام او يجى للعربى ويكتب تك كير

بيبى بالله عليكم فى العربى دى ليها اى مصطلح

فبلاش هبل فى اللغات وخلوا كل لغه فى مكانها

المناسب وياريت نرجع للغة العربية هبتها ومكانتها

من تانى مابين اللغات يكفى انكم بتتكلموا بلغة

القرآن الكريم غيركم بيتمناها فبلاش تحريف فى

اللغة كل لغة وليها مفتاح خاص بيها من قواعد

ورموز وحركات فمنألفش بقى ونعمل نفسنا زى

عمو سيبوية فى النحو انا عن نفسى عرفت

الانجلش عشر سنين والفرنساوى سنتين

والفارسى سنه والعبرى سنه والتركى سنتين

لكنى مغيرتش فى اللغة العربية حاجه يمكن

فيما بعد احذف منها (لا) لانه عملى عقده نفسية

بهزر طبعا العربى عربى وكل لغة ولها مكانتها

وعظمتها وتاريخها نرجوا من الجميع احترامها .

[Mind language]

والله الواحد مبسوط جدا لانى لونى بقى اسود

من زمااااااااااان نفسى فى اللون دا علشان اكون

مميزة بالون دا اسود اسود المهم يعيش .





Mind language