الحلقه الرابعه من برنامج الوزارة معااناا.. المااجيك

[Mahmoud Mohie]

http://forums.banatmisr.com/msryat30400/
http://forums.banatmisr.com/msryat266409/
http://forums.banatmisr.com/msryat391456/
7
7
7
بدايه اشكرك على تلبيه الدعوة وارحب بيك معنا فى الحلقه الرابعه من حلقات البرنامج
منورنا

تسلم يا غالــى
والبرنامج منور بيكـ وبكل مشاهدين الحلقه

:
نبدأ بالقسم ,قول :اقسم باللى فى نفسى انى احب منتدى بنات مصر
ومحبش اى منتدى غيره
الله .. الوطن .. المنتدى

هههههههه
اقسم انى احب منتدى بنات مصر
ومحبش اى منتدى غيره
الله .. الوطن .. المنتدى


"
دلووقتى حضرتك رئيس وزراء مصر : ابسط يا عم

وربنا بتتكلم جد
طب كويس

رأيك الصريح فى د.هشام قنديل ؟

يعنى اهو الراجل شغال
ربنا معاه وان شاء الله يتوفق فى المهمه الموكل بيها

"
"
نروح بقى للوزارء ..
تختار مين من اعضاء المنتدى للاشراف على وزارةالقوى العامله ؟؟ ايه سبب الاختيار ؟؟

منه دمعه حائره
متابعه تمام فى المنتدى
وتفكيرهـا عقلانى
هتقدر تفيد بشكل كبير فى الوزاره ديه ..

انا شايف ان وزارة القوى العامله بجانب الشباب والاسكان ممكن يتم
استغلالهم اثناء فترات الدعايه الانتخابيه ,, بطرق كبيرة مشروعه او غير مشروعه .. رأيك ؟؟

اه اكييد هتفيد بشكل كبير بس يكون فى مصداقيه
مش مجرد مشاريع تتقال لحين انتهاء الدعايه
ويبقى بعدها ولا كأن حاجه اتقالت ..
ودا هيساعد الشباب وهيقلل نسبة البطاله الموجوده فى البلد .

وزارة التعليم من الوزارات الهامه جدا تختار مين ؟ سبب الاختيار
خطه مصغرة لتطوير التعليم فى مصر ؟؟

نقول سيرين
لانها متخرجه تقريبا من تربيه
والمدرسه اللى عاملاها فى القسم العام
اكيد هتكون قد المنصب

وبالنسبه للخطه
فا مش هأقول مقال طويل عريض والكلام دا
لا بإختصار شديد
ان هيكون الهدف الرئيسى للتعليم
هو اننا نفيد الطلبه ويتعلموا مش علشان فى امتحان اخر السنه
لا علشان دا هيخليهم يكتسبوا خبرات كتيير هتفيدهم مستقبلاً .
واللى هيساعد على جذب الطلبه للتعليم
هو ان الدش اللى فى المادة الدراسه دا هنقلل منه
احنا عايشين فى عصر السرعه
فا المضمون بإيجاز هو اللى هيتم دراسته للطالب
وهيكون فيه تدريبات عمليه وهأنهتم بالجزء الترفيهى
لان التنوع دا فى حد ذاته ميزه
هيشعر الطالب من خلالها بلذة التعليم
ايه اللى انا بقوله دا




وزارة الصحه تختار مين للوزارة دى ؟ الاسباب

ممكن نقول فارمــا
عاقله وواخده تخصصها فى صيدله بحب
هتفيد بشكل كبير المنصب دا ..

وزارة الدفاع .. هتختار مين ؟؟ وايه سبب الاختيار ..

هيثم الحب الصامت
صاحب المنتدى وداعم فنى له
يعنى شايل مسؤليه كبير
ووزارة الدفاع هيكون قدها ..

السيسي .. رايك فى هذا الرجل ؟

شخصيه عقلانيه
وليها أسمها واحترامها ..

تختار مين لوزارة الداخليه ..
محتاجين نرجع هيبه الشرطه بس ميكونش على حساب قهر الشعب
هتطلب من الوزير ايه عشان ده يحصل ؟

طارق
شخصيه منفرده بفكرهـا وليها أسلوبها
هيقدر يدير المنصب دا بشكل جيد جداا ..

وزارة التموين هتختارلها مين وايه السبب ؟

دى عاشقة الهدوء
طيبه وقلبها أبيض
هتدى المنصب أكتر ما هتاخد
وممكن توزع كل يوم
فراخ للشعب مع بطه هديه ..

اهم وزارة فى الولايات المتحده هى وزارة الخارجيه , فى مصر ملهاش لزمه ...
ايه هتكون وظيفه الوزير اللى هتختاره فى الوزارة ومين هيكون الوزير ده ؟؟

قلم بلا حبر
شخصيه قويه ولبق فى أسلوبه
هيقدر يتعامل بشكل جيد جداا فى المنصب دا ..

اكتب اسم العضو فقط لكل وازرة

وزارة العدل

ساحر الاحزان

وزارة الرى والموارد المائيه

همسه الجوارح

وزارة الماليه

حنون

وزارة الثقافه

بيوتى أنجل

وزارة النقل والمواصلات

بريمو

.....

لو جتلك الفرصه تضيف وزارة جديدة بمهام جديده
اسم الوزارة .. مين هيتولى الاشراف عليها .. مهام هذه الوزارة ؟؟

وزارة المهيسين
التهييس مطلوب فى بعض الاحيان
ولكن لازم يكون بحدود
لان الشئ الزايد عن حده بيقلب ضده
فا عند إنشاء الوزاره هيتم سرد قوانين
كل مهيس هيحطها فى إعتباره
قبل ما يفكر يهيس على حد ..
ودى هتمسكها حنان باشا
طفلة القمر مهيسه أصلـي

معلش دا تخريف أخر أيام الوزاره
حسبى الله ونعمه الوكيل فيكـ يا فخــري


كلمه اخيرة وانت فى اخر لحظه فى منصب رئيس الوزارة ؟

ايها الاخوة المواطنون
اننا وفى هذا الصرح العظيم
نناشد بالعمل بجد وحزم
وألا نتهاون فى عملنا
وأن نساهم فى إفادة شعبنا وزوارنا
فا من جد وجد ومن زرع حصد


"
"
"

فى النهايه اشكرك على تواجدك الراقى
ويارب الحلقه تكون عجبتك
نورتنا بجد ...
وربنا يوفقك فى حياتك وتبقى فعلا رئيس وزارة

شكرا ليك يا برنس على الاستضافه الجميله
وانا اتشرفت بحوارى معاكـ
اتمنــى تعجبكــوا الحلقه
وتكون خفيفه عليكــوا
واللى مش موجود أسمه فى التعديل الوزارى دا
هيتعين المره الجايه ان شاء الله
روؤساء الوزراء لسه كتير فى المنتدى
يلا سلامو عليكــوا


....

كان معكم / محمود محى

تحيااتى

[دمعه حائره]

الحمد لله ضمنت نفسى فى التشكيل الجديد
عشان لما اخرج من الادارى الاقى وظيفه محترمه
ربنا يكرمك ويخليك للغلابه ياماجيكيكو
دايما كده مغرقنا بجمايلك
واختياراتك كلها اصلى وجامده اخر وزاره
وعقبال ماتبقا ريسنا وتبقا كويس كده وتظبط دستور مايخرش الميه
نورت الحلقه وشكرا محمود مجهود عالى

[ساحر الأحزان]

ياة وزارة العدل

ربنا يقدرنا علبى اننا نعدل ونظلمشى حد

على شان لا نحاسب علية فى الاخرة


ووزارة المهيسين

حلوة الوزارة دى وجديدة

خلى الناس تفك زهقها فيها

حلقة جميلة ابو محيى

مع الماجيك

الذى نكن لة كل تقدير وكل احترام

تحياتى ليكم

[كبرياء رجل]

حلقه جميله اكيد منك اخونا الكريم محمود محيي
وطبعا الماجيك منور بخلفيته السياسيه المميزه واختاره للاعضاء في الوزاره انا معاه اكيد
اختيار منك مميز اخي الماجيك ربنا يوفقك ومنورنا بنشاطك الجميل
اشكرك على الحلقه الجميله
دمتم بكل الخير في انتظار القادمه اكيد
تحياتي لكم

[morshooo]

اية ياعم الوزارة العنب دى ^_^
حوار جميل يا رجاله
منور يا ماجيكووووووو
منور يا موهى ^_^
فى انتظار الوزارة الجديدة والضيف الجديد

[زهره الشتاء]

حلقه جمييله
واختيارات أجمل
تسسلم ايدك للمجهود الراقى
نورتنآ يآاحمد
دمتم بخير

[Lost Pearl]

هههههههههه انا ملاحظة ان الوزاة مأثرة فيك جامد

لأ حلقة و اختيارات جميلة

ف انتظار الضيف/ة الجاي/ة

تسلم امحمود ,,

[פﭠة ﺳگـړُھَہّ]

فكره حلوه

واسئله جميله

واجابات مظبوطه


بالتتوفيق للجميع

[عاشقة الهدوء]

هههههههههه عثل يا احمد منور والله وتسلم ياعثل على ذكر أسمى

فى وزارة التموين وفعلا اختاارت صح هظبط الغلابه وهبسطهم هههههههههه

منور ياحوده ربنا يحفظك ويسعدك وتسلم يامحمود مووفق داائما

[حنـــــون]

ايوا ادينى وزاره الماليه
وانا هفرح الشعب كله هههههه
نورت الوزاره ياااحمد
شكرا لمجهودك يامحمود ^^