استفتاء الدستور المرحله الاولى

[قلم بلا حبر]

بسم الله الرحمن الرحيم

السلام عليكم


للى عايز يفهم ,, ويمتنع الخرفان (( الخرفان هنا مش لفصيل بعينه انما لاى حد مش عايز يشغل عقله ))

1- التيارات الاسلاميه فى 10 محافظات جرى فيهم الاستفتاء بالامس حشدت كل طاقتها للاستفتاء

2- لم نسمع عن اى فصيل من التيارات الاسلاميه ان اعلن مقاطعته للاستفتاء

اذن فقوة التيار الاسلامى عن بكرة ابيها كانت موجوده فى الاستفتاء

3- نسبة المشاركه فى الاستفتاء حوالى 32% اقل بحوالى 10% عن مثيلتها فى التعديلات الدستوريه 2011 وده سببه لان فى شريحه معترضه اساسا على طرح الاستفتاء للدستور واعلنت مقاطعتها ومن ضمنهم العبد لله

4- لا احد يستطيع انكار المخالفات التى شابت عملية الاستفتاء ,,, قد لا يكون لها تأثير قوى بس موجوده وفى كل المحافظات وده ثابت بمحاضر رسميه ونذكر منها نقص فى عدد القضاه ,, تأخر فتح لجان ,, اغلاق لجان قبل موعد الاغلاق ,, تعمد التباطؤ ,,, عدم تمديد فترة التصويت بالرغم من وجود مصوتين بكثره امام بعض اللجان الهامه ,, منع تصويت غير المحجبات فى بعض اللجان (( مش عايز اقول مسيحيين )) ,,, تصويت وحشد جماعى للمصوتين بنعم ,,, دعايه امام اللجان ,,, خروقات فى عملية الفرز

5- بالمقارنه بين نسبة الاميه ومعدل التصويت بنعم حنلاقى مثلا



محافظة سوهاج / نسبة الاميه = 29.1% / التصويت بنعم = 79%

محافظة اسيوط / نسبة الاميه = 29.4% / التصويت بنعم = 77% (( تكتل للجماعه الاسلاميه ))

محافظة الشرقيه / نسبة الاميه = 25.1% / التصويت بنعم = 66%

محافظة الدقهليه / نسبة الاميه = 22.2% / التصويت بنعم = 55%

محافظة الغربيه / نسبة الاميه = 20.8% / التصويت بنعم = 48%

محافظة القاهره / نسبة الاميه =16.1% / التصويت بنعم 43%



محافظات ذات تكوين خاص

ثلاث محافظات فيها مكون اجتماعى خاص زى النوبيين وقبائل البدو فى سيناء

محافظة اسوان / نسبة الاميه 18.3% / التصويت بنعم = 76%

محافظة شمال سيناء / نسبة الاميه = 17.9% / التصويت بنعم = 78%

محافظة جنوب سيناء / نسبة الاميه = 10.1% / التصويت بنعم = 64%

والمحافظه المعروفه بتكتل السلفيين بها

محافظة الاسكندريه / نسبة الاميه = 16.1% / التصويت بنعم = 56% (( تكتل سلفى ))

اذن فالاخوان لم يأتوا بجديد

فميراث مبارك فى استغلال الاميه والفقر والعصبيات قد تم الاستفاده منه بشكل قوى ,,, وزى ما شفتوا بمجرد النظر حتعرف ان لما نسبة الاميه بتزيد بيزيد معاها (( نعم )) وده نتيجة الشعارات الدينيه اللى بيروجها التيار الاسلامى ,, فى حين انك لما تخرج الى المحافظات الاقل اميه بتلاقى نسبة نعم بتتراجع لصعوبة ترويج مثل تلك الشعارات بين الشباب الجامعى والمثقف

نجمل بقى كل المعطيات دى

حشد كامل من التيارات الاسلاميه عن بكرة ابيهم + نسبه مقاطعه للاستفتاء من التيارات المدنيه + عزوف اكثر من 50% ممن لهم حق التصويت + مخالفات شابت الاستفتاء من نقص فى عدد القضاه لعدم تنظيم لاغلاق لجان قبل موعدها لاعلان نتائج قبل الفرز ...... الخ + ارتباط التصويت بنعم بالاميه فى المحافظات زى ما شوفنا

كل ده = 13% فرق بين المؤيد والمعارض اللى بيمثلوا 1.048.457 صوت من اجمالى عدد اصوات شاركت فى الاستفتاء 8.096.319

= 6% زياده عن نصف عدد المشاركين اللى هم حوالى ثلث اللى ليهم حق التصويت

= خسارة 20.8% من نفس نسبة التعديلات الدستوريه اللى فاتت اللى كانت (( 77.2% ))

اى انتصار تتحدثون عنه ,, يا اغلبيه ضحكت من جهلها الديمقراطيات

مع كل يوم بيعدى وجودكم فى الشارع بيقل

ومع كل مواطن بيتعلم وجودكم فى الشارع بيقل

ومع كل مواطن بيشارك وجودكم فى الشارع بيقل

انتم الى زوال ما لم تعودوا عن سياسات الاقصاء التى تتبعوها

انتم الى زوال مالم تتيقنوا ان لكم معارضين وقادمون بقوه وكل يوم يتزايد تواجدهم بالشارع

لم يعد لديكم اى صلاحيه بوصف معارضيكم بالقله ,, ولا بالصراصير ,,

لم يعد هنالك مزيد من الادعاء بالاغلبيه الكاسحه مثلما عبر رئيسكم مرسى ان 90% من الشعب يؤيدون الدستور

من فضلك (( اخجل ))

بالتوفيق

[قلم بلا حبر]

المصادر

احصاءت مصر


شبكة رصد الاخبارية | استفتاء 2012


(( رصد موقع اخوانى على فكره شفتوا حياد اكتر من كدا ))

[❀ ЯeRōŎō ❀]

انت كلامك صح كتير علي فكره بجد
بس احنا كلنا خلاص عرفنا ان النتيجه هاتبقي نعم فعلا وهيه الي هاتفوز مع ان المعترضين كتير بس زي ما انت قلت اختراقات حصلت كتيرهانقول تزوير بقي وحاجات من دي والنتيجه بقت معروفه من قبل ما تتعلن هما اصلا عملين الاتسفتاء ده كده لعبه انما هوا مش استفتاء بجد وهايمشوه زي ما هما عايزين اكيد وهاينفزو الي في دماغهم بس ياتري السؤال بقي ,, ايه الي المفروض يتعمل ايه الي هايعملوه المعترضين هايسكوتو ويشوفو ايه الي هايحصل ولا هايفضلو عند موقفهم ؟

[dr.K!tKat]

بسسستغرب فعلا من النااس اللى مش بتششغل عقلها بس اللى بستغربله اكتر النااس اللى بيتعبوا نفسهم ويفكر ويشغلوا عقلهم ويتكتكوا ويخططوا ويعافروا اوى وف الاخر بيطلعوا بنتيجة غلط دول اللى ببقا نفسى اقولهم (( ياريتكوا مشغلتوا عقولكم ))
!!!

[ساحر الأحزان]

طيب محنا كدة حنرجع زى الانتخابات للرئاسة فى اول مرحلة ,وبكدة نسبة التصويت حتبقى تحت المتوقع’

الى كنا متصورينة ودى مرحلة وعدت طيب حتى مع الدستور الجديد نسبة العزوف عن المشاركة حتزيد,ودة حيبسبب مشاكل

وحيبقى الى ظاهر ان الكل موافق علية,وحيتم الموافقة على الدستور ,

ويبقى كدة صوت المعارضة وكانة لم يكون فى التنبية على الناس ,بسى زى ما انت قلت نسبة الامية الى فى المحافظات

حتعطى فرصة كبيرة للتلاعب على عقول المواطنين البسطاء فى تمرير الدستور والموافقة علية,

ولننتظر باقى المحافظات لنرى ما سوف يحدث

توضيح جميل يا قلم

بشكرك علية

[قلم بلا حبر]

اقتباس المشاركة الأصلية كتبت بواسطة ❀ ЯerōŎō ❀ انت كلامك صح كتير علي فكره بجد بس احنا كلنا خلاص عرفنا ان النتيجه هاتبقي نعم فعلا وهيه الي هاتفوز مع ان المعترضين كتير بس زي ما انت قلت اختراقات حصلت كتيرهانقول تزوير بقي وحاجات من دي والنتيجه بقت معروفه من قبل ما تتعلن هما اصلا عملين الاتسفتاء ده كده لعبه انما هوا مش استفتاء بجد وهايمشوه زي ما هما عايزين اكيد وهاينفزو الي في دماغهم بس ياتري السؤال بقي ,, ايه الي المفروض يتعمل ايه الي هايعملوه المعترضين هايسكوتو ويشوفو ايه الي هايحصل ولا هايفضلو عند موقفهم ؟

بصى حقولك على حاااااااجه صغنونه قد كدا

لو اجدادك من 7000 سنه كانوا استسلموا للهكسوس ,, مكنتيش زمانك بتقرى الرد اللى انا بكتبه دا


مصر من جمالها بتجذب كل الحشرات ليها ,,, بيفضل جمالها وبتموت الحشرات

منوره

[طمطم]

مهو ده المتوقع ي أ/ سيد !
قعدنا نقول "لا" و ي جماعة بلاش الدستور اللى هيلبسنا ف 600 حيطة ..
وكانت ايه النتيجة .. نعم برده .. زى استفتاء 19 مارس
امية بئآ .. او ناس بسيطة بتدور ع " الاستقرار" ..
المهم ان ف الاخر نعم هى اللى هتمشى .. ومبروك علينا الكستور ,,

[قلم بلا حبر]

اقتباس المشاركة الأصلية كتبت بواسطة dr.k!tkat بسسستغرب فعلا من النااس اللى مش بتششغل عقلها بس اللى بستغربله اكتر النااس اللى بيتعبوا نفسهم ويفكر ويشغلوا عقلهم ويتكتكوا ويخططوا ويعافروا اوى وف الاخر بيطلعوا بنتيجة غلط دول اللى ببقا نفسى اقولهم (( ياريتكوا مشغلتوا عقولكم )) !!!

ودى تيجى برده يا دكتوره ,, انتى واعيه ومثقفه ومتدينه واكيد عارفه ان الرسول صلى الله عليه وسلم قال

«إذا حكم الحاكم فاجتهد ثم أصاب، فله أجران، وإذا حكم فاجتهد ثم أخطأ فله أجر».

مش حقولك انى حاكم مثلا ,, او انى عالم ,, بس مظنش ان الدين بيمنع الناس انها تشغل عقولها

ومظنش برده ان الدين عنصرى علشان يمنح حصانه لفرد من دوان الباقيين

يعنى لما اجتهد واغلط فيا اجر الاجتهاد ,,, احسن ما اقعد واقول

(( وَإِذَا قِيلَ لَهُمُ اتَّبِعُوا مَا أَنزَلَ اللّهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا ))

(( قَالُوا أَجِئَتنَا لِنَعْبُد اللَّه وَحْده وَنَذَر مَا كَانَ يَعْبُد آبَاؤُنَا ))

(( قَالُواْ إِنْ أَنتُمْ إِلاَّ بَشَرٌ مِّثْلُنَا تُرِيدُونَ أَن تَصُدُّونَا عَمَّا كَانَ يَعْبُدُ آبَاؤُنَا ))

(( قَالُوا يَا صَالِحُ قَدْ كُنْتَ فِينَا مَرْجُوًّا قَبْلَ هَٰذَا ۖ أَتَنْهَانَا أَنْ نَعْبُدَ مَا يَعْبُدُ آبَاؤُنَا ))

(( قَالُوا يَا شُعَيْبُ أَصَلاتُكَ تَأْمُرُكَ أَنْ نَتْرُكَ مَا يَعْبُدُ آبَاؤُنَا ))


ربنا خلق لينا عقل ,,, ولازم نستفاد منه ,, ومحدش معصوم من الخطأ


بالتوفيق

[۩۩ elMagic ۩۩]

انا من الناس اللى قاطعت
والنتيجه كانت متوقعه انها نعم
حتى من غير ما يعملوا الاستفتاء اللى ملوش لازمه دا
لان الجاهلين واللى فكرهم على قدهم للأسف كتير فيه البلد
دا غير بقآ شوية كمان من اللى بيتفاؤلوا بأى حاجه فيها نعم :d
عموما اهو هنشوف ايه اخرت اللى بيحصل دا
ونتمنى بغض النظر عن نعم او لاء
ان اللى جاى يكون فيه خير للبلد
شكرا للمجهود أ / سيد

[قلم بلا حبر]

اقتباس المشاركة الأصلية كتبت بواسطة ساحر الأحزان طيب محنا كدة حنرجع زى الانتخابات للرئاسة فى اول مرحلة ,وبكدة نسبة التصويت حتبقى تحت المتوقع’ الى كنا متصورينة ودى مرحلة وعدت طيب حتى مع الدستور الجديد نسبة العزوف عن المشاركة حتزيد,ودة حيبسبب مشاكل وحيبقى الى ظاهر ان الكل موافق علية,وحيتم الموافقة على الدستور , ويبقى كدة صوت المعارضة وكانة لم يكون فى التنبية على الناس ,بسى زى ما انت قلت نسبة الامية الى فى المحافظات حتعطى فرصة كبيرة للتلاعب على عقول المواطنين البسطاء فى تمرير الدستور والموافقة علية, ولننتظر باقى المحافظات لنرى ما سوف يحدث توضيح جميل يا قلم بشكرك علية

بص يا امجد انا اعرف ناس كتير مقاطعه

واعرف برده ان الشعب المصرى مالوش ماسكه زى ما بيقولوا

انه يعاقل بتوع نعم وينزلهم من 77.2 % فى مارس 2011 وينزلهم ل 56 % فى ديسمبر 2012 ,,, فالهبوط دا فى السياسه بيسموه انهيار

المفترض فى استطلاعات الرأى لما بتقل 5% من معدلك بيبقى فى كارثه ادت لعزوف الناخبين عنك

طيب لما يبقى 20% ؟؟؟؟؟؟؟؟؟؟؟

يا عم امجد انت بتبنى وطن زى البيت كدا

طالما لسه مركبتش ليه ابواب وشبابيك ولا رميت ليه السقف حيبقى معرض للحيوانات والمسجلين خطر والتعابين والحيات يدخلوه

مصر النهارده ركبت شبابيك وابواب ,,,,

هانت ونرمى السقف وتشوف مصر بعدها شكلها ايه

دى البدايه ,,,,,