..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : إيلاانا - مشاركات : 4 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


التقليديه المصريه .. ؟؟!

مواضيع عامة - ثقافة عامة


إضافة رد
 
LinkBack أدوات الموضوع انواع عرض الموضوع
قديم منذ /12-19-2012, 11:31 PM   #1

 

 رقم العضوية : 79814
 تاريخ التسجيل : Jan 2012
 المشاركات : 38
 النقاط : Mr . WinneR will become famous soon enough
 درجة التقييم : 50
 قوة التقييم : 0

Mr . WinneR غير متواجد حالياً

أوسمة العضو
Talking التقليديه المصريه .. ؟؟!

التقليديَه المَصريَّه .. ؟!





(الأهلي بطل الدوري) - (الأهلي يفوز علي الزمالك) - (برشلونه يفوز بكأس العالم للأنديه) - (البرازيل تهزم مصر 15 , 0) - (طفل يسقط في بلاعه) - (القمامه تملأ الشوارع المصريه)



بعـد الإعتذار لمُشجعي الزمالك أبدأ موضوعي



لما قعدت تبُص وتشوف العناوين اللي أنا كاتبها والأخبار اللي انا كاتبها , الأهلي بطل الدوري ؟!! .. قديمـه أوي
الأهلي بيكسب الزمالك ؟ ! .. أقدم بكتير ()
برشلونه بيكسب كأس العالم للأنديه ؟ .. قديمه
طفل بيقع في بلاعه ؟! .. عادي جداً
القِمامه تملأ الشوارع ؟! .. عارفين

رد فعلك وردّ فعل أي إنسان بيشوف الأخبار دي , ردّ فعل طبيعي وعادي جداً ومفيش أي مفاجأه .. لأن الأمر تقليدي وإعتيادي, ديماً الأهلي بيكسب وديماً موجود قمامه في الشوارع وديماً أطفال بتقع في بلاعات,, ودي هي فكرتي .. التقليديه والإعتياديه اللي أصبحت في كل شيء في حياتنا .. وجعلتنا شعب مُتأخر مفيش أي تقدُّم ولا أي إبداع .. كل شيء بيحصل تقليدي ومعروف نهايته كويس جداً




المدرسه




التزويغ وعدم حُب المدرسه , سببه الرئيسي الـ " تقليديه " اللي موضوعي عنها إنهارده


أساليب المُدرسين تقليديه جداً , مفيش أي إبداع في الشرح , مُجرد ان المُدرّس يقول كلام محفوظ ويكرّ الدرس وفي الآخر يقولك إحفظ الـ 15 صفحه دول , عنصر الإبداع في الشرح غايب تماماًَ , مفيش أي إسلوب يسهل فهم المعلومه , حتي التكنولوجيا اللي كل بلاد العالم بتستخدمها في التعليم , معدومه تماماً عندنا .. إزاي الطالب هيحب المَدرسَه ؟ ، ده حتي أجهزة الكمبيوتر السيّئه الرديئه اللي موجوده في المدارس , محظور علينا كـَ طلاب إننا نستخدمها .. موجوده منظر فقط .. ولو إنها مش عامله أي منظر بالعكس ده منظرها يجيب قيء للطُلّاب


تروح تاني يوم وإنت مش فاهم الدرس بيتكلم عن إيه , المُدرّس يسألك .. تسمع الكلام اللي انت حافظه ومش فاهمه ، لو مكتوب في الكتاب " بررم بررم " هتروح تقول للأستاذ "بررم بررم" .. ويقولك برافـو يـا حبيبي ماشاء الله عليك , لكن في النهايه إنتَ إستفدت إيه ؟ .. ولا حاجه ، هل الدرس اللي انت حفظته صم هتعرف تطبقه علي أرض الواقع ؟ .. لا


مره كان عندنا حصة في سنه رابعه وأنا صغير .. كان المفترض اننا نتعلم إزاي نعمل سندوتشات , الأبله ( أبله ؟؟!!) دخلت علينا الفصل معاها 50 سندوتش .. كل واحد أخد اللي فيه النصيب , وفي آخر الحصه .. العقول خاويه .. والبطن مملوءه


نستخلص من شوية الرغي اللي انا قولتهم دول ، ان المدرسه مُجرّد روتين .. تروح تشوف شوية شرح متفهمش حاجه .. تروح البيت لو طالب شاطر هتحفظ .. لو بليد هتنفض وتاخدلك عصايتين وخلصت


وطبعاً التقليديه بتاعت المدرسَه إنعكست علي الطالب , أصبح الطالب اللي بيزوّغ معندوش أي إبداع في الكذب والضحك علي المُدرسين


لو غبت مثلاً يومين عن المَدرسه أو عن الدرس , الحوار ده يحصل بينك وبين الأستاذ :


الأستاذ : غبت ليه كُنت فين ؟

الطالب : كُنت تعبان ( كنايه عن لعب البلاي ستيشن )


الأستاذ : إيه سبب الغياب ؟

الطالب : كُنا مسافرين ( كنايه عن لعب البلياردو )


الطالب أصبح تقليدي حتي في موضوع الضحك علي المُدرسين ، الطالب إما تعبان ومريض أو مسافر مع عيلته ..


نفسي مرّه أشوف المشهد ده بين الطالب والإستاذ


الأستاذ : إيه سبب الغياب

الطالب : أبداً , كُنت ماشي في الشارع ,, قابلني مصّاص دِماء وكان عايز ياخُد مني شفطـه بس انا قاومت وقتلته في الآخر .. ولو مش مصدقني إسأل أهلي


ساعتها بس هحس إن الطالب ده مُبدع ، وإننا إبتدينا نُبدع ونخترع أخيراً ، أي نعم لو الأستاذ إتصل بأهله هيعرف انه كان بيلعب بينج بونج علي اللي يحاسب .. بس مهما كان .. الولد أبدع وعمل حركه فنيّه




الفـَنّ والأفلام ؟



التقليديه بتاعتنا في الفن والأفلام مشهوره جداً ,


طبعاً في بداية الفيلم : البطل ظابط إسمه علاء متجوز ومخلف واد رزل إسمه شريف ، الشرير تاجر المُخدرات إسمه بورعي

عشان بورعي زعيم العصابه خايف أوي من علاء ، بورعي هيروح هيحاول يقتل الواد علاء .. رجالة بورعي وعددهم 20 .. كل واحد فيهم هيضربله يجي 50 رصاصه , شوف ياخي المعجزه ولا رصاصه فيهم هتيجي في علاء ( مهو لازم يعيش لأخر الفيلم , هو في بطل بيموت ياض انت ؟ ) .. بورعي هيقتل مرات علاء ..


الكاميرا هتيجي علي علاء وهو بيقول : لااااااااااااااااااااااااااا


وهو بيقول لأ .. بورعي هيضرب علاء علي قفاه .. وهيخطف إبنه .. علي هيجيله إرتجاج في المخ بسبب القفا .. هيتحبس في المستشفي بتاع نص ساعه ( نص ساعه بالنسبه لوقت الفيلم ) .. بعد النص الساعه علاء هيخرج وهيفكر إزاي يرجّع إبنه المخطوف .. هيروح ويستقيل ومش هيبقي ظابط .. عشان ياخـُد حريته في الإنتقام , طبعاً علاء هيجهز نفسه وهياخـد المسدّس الخرز اللي إشتراه العيد اللي فات , وهيطلع علي عصابة بورعي


علاء بقدرة قادر هيتخانق مع 20 واحد .. وكلهم بيضربوا رصاص عليه .. ولا رصاصه هتيجي في علاء ( ميزانية الفيلم ضاعت علي الرصاص بدون فايده ) .. ولا رصاصه هتيجي في علاء .. علاء هيسحب مسدّس الخرز ويطيح فيهم .. رجالة بورعي كلهم هيموتوا


بورعي هياخـد الواد إبن علاء وهيركب العربيه ويفكر يهرب علي جمصه يومين لحد ما الأوضاع تتحسن والمسدس الخرز الفظيع بتاع علاء يبوظ ، علاء هيتشعلق في عمود نور وينط علي العربيه .. علاء سليم الحمد لله محصلوش حاجه .. ، بورعي هيغضب وهينزل من العربيه بنظره تحـدي لعلاء


بورعي يطلع البندقيه الخرز بتاعته ، وعلامات الإندهاش علي وش علاء

علاء وهو مُندهش كـده : يابن اللعيبه يا بُورعي .. جبت البندقيه دي منين ؟

بورعي : من المحل اللي علي أول الشارع

علاء : دي عامله كام دي ؟

بورعي : دي علي 30 جنيه يا معلم .. لو ممعكش قولي وانا هسلفك

علاء : بعـد ما الفيلم يخلص , مش هنتخانق بقا ولا إيه ؟


بورعي يضرب شوية خرز علي علاء ، علاء يتصاب أصابه خطيره .. ولكن علاء بقدرة قادر يفـوق في آخر لحظه .. ويطيح في برعي ويديله 4 رصاصات في بطن رجله .. بورعي مش قادر يمشي , بورعي خايف من علاء ومش قادر يعمل حاجه


بورعي : إقتلني وريحني من عذابي

علاء : مش هعمل كـده عارف ليه ؟

بورعي : ليه ؟

علاء : مش عارف


والواد إبن علاء يرجع أخيراً لعلاء .. والجميع سُعداء وبورعي يخش السجن ويتوب .. ويطلع من السجن ويبقي صاحب علاء .. وينتهي الفيلم


ده اللي بيحصل في كل الأفلام ’ شيء تقليدي جداً , نهايه متوقعه , مفيش إبداع , مفيش عنصر مفاجأه , ولذلك إحنا مُتأخرين


الخلاصه :

ديماً بنسمع عن مُخترع ياباني وأمريكي وصيني والماني , نادراً ما بنسمع عن مُخترع مصري .. والسبب الرئيسي بيكـون التقليديه الزايده في كل مجالات الحياه .. سواء فن , كتابه , تعليم , تربيه ، كل شيء أصبح تقليدي في حياتنا ، وعمرنا ما هننتظر تقدم .. إلا لو علمنا الأطفال الصغيرين إزاي يفكروا ويبدعوا ويبتدعوا عن الإمور التقليديه ..


انا إستخدمت مثالين مشهورين في حياتنا عشان أوضح فكرتي , المدرسه والفن .. وحاولت أطوّل جداً .. وأجيب أمثله قريبه , عشان فكرتي توصل ,


وشكراً , وأسف علي الإطاله ,







  رد مع اقتباس
قديم منذ /12-20-2012, 08:42 PM   #2

عضوية التميز

 

 رقم العضوية : 90893
 تاريخ التسجيل : Nov 2012
 الجنس : ~ بنوتة
 المكان : مصر
 المشاركات : 7,712
 الحكمة المفضلة : بعض الأشخاص تركوا في نفسيُ تجربه علمتنيُ كيف اتجنب امثالهم غداً !
 النقاط : Sea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond reputeSea Pearl has a reputation beyond repute
 درجة التقييم : 1484353
 قوة التقييم : 743

Sea Pearl غير متواجد حالياً

 

 

 

 

 

أوسمة العضو

وسام مسابقة نقش القلم مركز أول وسام المركز الثاني مبدع المنتدى، وسام مبدع المنتدى  وسام الابداع الخيالى وسام الحضور المميز وسام افضل كليب 

افتراضي

على فكرة انا قرأت التوبيك كله
والفكرة وصلت
وتسلم بجد على التوبيك







  رد مع اقتباس
قديم منذ /12-23-2012, 05:29 AM   #3

مراقبة عامة سابقا

 

 رقم العضوية : 12924
 تاريخ التسجيل : Feb 2009
 الجنس : ~ بنوتة
 المكان : " مشتــــاقة للجــنة "
 المشاركات : 11,262
 الحكمة المفضلة : وَاصْبِـرْ لِحُكْمِ رَبِّــكَ فَإِنَّكَ بِأَعْـيُنِنَا ..♥
 النقاط : beauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond reputebeauty angel has a reputation beyond repute
 درجة التقييم : 357878
 قوة التقييم : 179

beauty angel غير متواجد حالياً

أوسمة العضو

التحكيم المميز 184 35 32 7 

افتراضي

جميل موضوعك وطريقة عرضك للفكرة
طبعا كلام مظبوط كل شيء فى حياتنا أصبح تقليدي جداً
روتينى جدآ, يفقتقد للإبداع أوعنصر المفاجأه
زى ماذكرت ,,
ممكن نقول العقول اتبرمجت على كده للأسف
فعلا المفروض البداية تكون من المدرسة
لازم تعلم الأطفال إزاي يفكروا ويبدعوا مش يكونوا مجرد كوبى وبيست
للأجيال السابقة ..
موضوع جميل أخى
تسلم الايادى
تم ضم موضوعك لفهرس المواضيع المميزة فى القسم








  رد مع اقتباس
إضافة رد

الكلمات الدلالية (Tags)
المصريه, التقليديه

« لمآذآ أنآ بالذآت ..! | قد تغير مجرى حياتك !! »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
الام المصريه همسه دموع نكت - طرائف - وناسة - فرفشة 5 10-27-2012 12:49 PM
نغمة Intel Sms حطمت نغمات الموبايل التقليديه اختلاف رائع جدا ومذهل بتول الشرق منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي 0 03-17-2011 03:29 PM
رنة تنبيه الساعات التقليديه تجعلك تنهض بسرعة البرق من النوم بتول الشرق منتدى الجوالات 2022- نوكيا - ايفون - بلاك بيرى - هواوي _سامسونج _اوبو _شاومي 2 03-03-2011 08:01 AM
جديد 2009 غير ساعة الوندوز التقليديه بشكل روعه Clock Tray Skins v4.1 Engineer Semsem برامج كمبيوتر - برامج نت - تحميل برامج 2022 3 01-29-2009 06:24 PM

مجلة الحلوة / مذهلة

الساعة الآن 06:35 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩