اتيكيتى يوم دراستى

[Aya 7ekaya]

السلام عليكم ومع يوم دراسى خآص جدا وبسيط فى نفس الوقت بما انى فى ثانويه عامه ف المرحله بتفرض حاجات مختلفه عن اى مرحله دراسيه تانيه طبعا لازم انام بدرى بعد صلاة العشاء على طول علشان اقوم الفجر ومعروف ان وقت الفجر ده والساعات اللى بعديه بتكون احسن وقت للمذاكرة لان الجو بيكون صافى وجميل اول مااصحى من النوم لازم اقول الدعاء ده الحمد لله الذي أحيانا بعد ما أماتنا وإليه النشور وبعديين ارتب سريرى وبعدين اقوم اغسل وجههى واتوضى اصلى الفجر وطبعا اصبح على اهلى ماما وبابا واخواتى واكيد اقول لامى تدعيلى فى الصلاة بعدين اقرأ قرآن شويه علشان الوم يكون حلو وفيه بركه ، طبعا لازم افطر علشان تركيزى طول اليوم بس بتبقى حاجة بسيطه كده وابدأ مذاكرتى بأكتر ماده انا حاساها صعبه ومش بحبها يعنى مثلا الانجليزى بحسه غلس شويه وده المعروف عن كل طلاب 3 ثانوى وبعديين بعد مااخلص جزء كويس ومعقول من المراجعه أحل اسأله متنوعه على الجزء ده من كتب خارجيه ومن كتاب المدرسه وبعدين ابدأ اذاكر ماده تانيه وبرده احل اسالتها بعد مااخلص وبعدين يقرب وقت المدرسه أكوى الزى المدرسى واحضر شنطتى بالجدول طبعا وانزل اركب الباص وطبعا بنحضر الطابور ونعمل تماريين الصباح ونقول النشيد الوطنى ونحيى العلم ونتوجه للفصول أول حصه يدخل المدرس يقول السلام عليكم ونرد عليه السلام وبعدين يبدأ ف الشرح ولازم كلنا نكون مركزيين معاه جدااعلشان نستفيد ويبدأ المدرس يتناقش معانا ف الدرس واسئلته ، وكمان فى حصص العملى بننزل المعمل وفى حصص الالعاب بنلعب سله او كرة المضرب وانا كمان بحب حصه الموسيقى جداا لانى ضمن الفريق الموسيقى للمدرسه بصراحه انا تقريبا ف كل الفرق غلاسه بقى دى صورة مدرستى الحقيقيه وهكذا كل الحصص وطبعا لازم نروح مسجد المدرسه انا واصحابى نصلى وبعد مابينتهى اليوم الدراسى ف المدرسه اروح ابدل ملابسى علشان بتبدأ دروسى يعنى درسين فى الوم كالمعتاد وبعد ماارجع بعد اليوم الشآق ده بكون نفسى استريح شويه أكيد ممكن اشاهد التلفزيون مع أمى والعب مع أختى الصغيرة وبعد فى شغل البيت طبعآ لازم اساعد أمى يعنى مواعين او نشتغل بالمكنسه وبصراحه انا بحب اقف ف البلكونه كتير مع ان مفيش حاجة عدله اتفرج عليها بس هى هوايه لانه مش بيكون ف مزاج للمذاكرة خالص ممكن ارسم شويه او اغنى مع نفسى والعب رياضه شويه وبعدين وقت العشى لانى عندى وجبتين فقط ف اليوم وبعدين اجلس فى اوضتى اشوف اللى ورآيا بقى وآجباتى ومذكرتى وبيكون فى اختلا لو عندى اختبار شهر او كده بكثف وقت المذاكرة وبعد مااخلص الواجب ودروس المدرسه والدرس وف النهايه لازم افتح دفتر مذكراتى علشان اكت كل اللى حصل واصلى العشا طبعا مفرود انى انام بعدها بشويه هو مش ده الى بيحصل ديما بس يعنى ف الغالب علشان اصحى الفجر تانى وبس كده دمتم فى امان الله

[dяєαм..|♥]

موضوع جميل ي قمر
تسلم ايديكى
وخلااص اعتبريه دخل المسابقه
بالتوفيق ليكى ^^

[Aya 7ekaya]

تسلمى ي حبيبتى ونورتينى

[~♥ Queen sozan♥~]

موضوع جميل منك يا قمر ,, والتنثيق عجبنى

موفقة ان شاء الله

[jasmean]

توبيكـ جميلـ جدآآ ومميز
مجهود جميلـ منكـ ,,عجبني التنثيق
وموفقه في المسابقه
ودي

[Aya 7ekaya]

اقتباس المشاركة الأصلية كتبت بواسطة ~ ‏‏‏‏♥ queeη sōmą ‏‏♥ ~ موضوع جميل منك يا قمر ,, والتنثيق عجبنى موفقة ان شاء الله

الاجمل مرورك حبيبتى نورتينى جدا

[Aya 7ekaya]

اقتباس المشاركة الأصلية كتبت بواسطة jasmean توبيكـ جميلـ جدآآ ومميز مجهود جميلـ منكـ ,,عجبني التنثيق وموفقه في المسابقه ودي

تسلمى ي ياسمين


نورتينى جدا

[نور حبى]

موضوعك حلو كتيرررررررر

وربنا معاكى و يوفقك فى الثانويه العامه

و على فكرة الانجليزى هو اسهل مادة فى تالته ثانوى

انا مش عارفه ازاى انتى مستصعباه

بس على العموم ربنا معاكى

[توحد ارواح]

اتيكيت يومك جميل يا قمر
وربنا يوفقك يارب و تجيبى مجموع كبير كدا
شكرا اختى ع مجهودك
بالتوفيق ليكى
تحيتى

[فرحة]

الله يعييييييييينك يارب
وان شاء الله تبقا سنه سعيييييده عليكى
موضوع راااااائع