ماخترتكش .. لكنك قــدرى

[Mo chahin]

انا ما اخترتكش لكنك قدرى

وانا راضى بقضاء الله

ان كان خير دا اللى اتمناه

وان كان شر يومين وانساه

لكن وطنى انا مالى سواه

واهلى وناسى على باب الله

اتقى ربك فينا وارعاه

ولاتنسانا ولاتنساه

وان كانشى معاك خليك وياه

انت ريس للمصريين

مؤيدين ومعارضين

ارجع دايما لشرع الله

وارجع دايما لعدل الدين

لملم بعدك ابتدى صفحه من جديد

اعفى وسامح ولم الايد ف حضن الايد

ان ماعوزتوش النهارده حتعوزه بكره اكيد

لم ولملم ومصرنا فوق الجماعه و فوق اى فرد

واجمعنا وجمعناونعدى سوا اى سد

بس تصفى القلوب ونزرع بدال الحقد ود

وبدال الانتقام صلح ووئام شوكنايبقى احلى ورد

ثمانيه وثلاثين مليون ما ادوكش صوتهم

ح تجوعهم ولا ح تقوتهم

حيبقوا معاك ولا ح تفوتهم

ح تخرصهم ولاح تسمع صوتهم

ماحدش حيقدر يقطع قوتهم

الاعمار بيد الله ولاحد ف ايده يموتهم

ولاحد حيقدر يكتم صوتهم

واوعى تتسى ف يوم قوتهم

ولاتفكر فى لحظه تشوطهم

مادام قلت ح اشيل ما تشيل

واصبر دا الهم لسه تقيل

والجماعه من مصر فصيل

وانت رائيس للمصريين

كلمات ..


محمد شاهينـ

[الرحــاال المٌتَمرد]

رائعه يا شاهينا

رغم معارضتى للرئاسه

لكنى أري ان الواجب علينا جميعاً

فــ العبور من هذه الازمه ليس بيد فرد واحد

حتى وان كان رئيس الجمهوريه

احترامي لروعه ما شاهدته هٌنا

تحياتى وتقديرى لك شاهينا

[تصدق نسيت]

نزف راقي وقلم قوي وحضور واضح ومميز ...
فاهلا وسهلا بقلمك اخى

تحياتى

جنرال 25 يناير

[ساحر الأحزان]

اختيار جميل

كلنا مصريين

ويد بيد

نعبر الطريق الصعب

للوصول الى بر الامان

كلمات جميلة منك

تحياتى

[Mo chahin]

اقتباس المشاركة الأصلية كتبت بواسطة جنرال 25 يناير نزف راقي وقلم قوي وحضور واضح ومميز ... فاهلا وسهلا بقلمك اخى تحياتى جنرال 25 يناير

جزيل الشكر ليك يا جنرال ..

وبالمناسبه .. أهلا بيك انت ,,

منورنى يا جنرال ,,

[Mahmoud Mohie]

كعادتك متميز

قلمك راقى ومميز

كلماتى تعجز عن وصف تعبيراتك

بعيدا عن المشهد الموصوف .. الوصف ف حد ذاتها والتعبيرات رائعه

اشكرك كثيرا حبيبى شاهين

تحيات

عباقرة الثرثرة

[المستبده]

الوطن يعيش فينا كلنا

وندفع الغالي والرخيص لاجله ولانندم

ولكن اكيد بشعب وورجال امثالكم ستعبرون ممر الامان

كلمات من القلب تدخل القلب
محمد

بأي قلم نسجت تِلك الحروف
وبأي أبجديه نُشرت

أشاهدُ هُنا ألتهاب مشاعر
بين شذيرآت الحروف

ومعاني راقيه بسمو الكلمه

للكلمه روادها وانت من هؤلاء الرواد

كُنت هُنا وسأضل لبوحك من المُنتظرين

[قلب وكلمات]

الله عليك يا شاهين

هو دا الكلام المظبوط

تسلم اديك بجد مفيش كلام يتقال بعد كدا

تحياتي لك يا كبير

أخوك

قلب

[פﭠة ﺳگـړُھَہّ]

رائع اخى ما خطه قلمك هنا

ابدعت فى فن الكلمات

وتكلمت بلسان ملايين من المصريين

دام قلمك يفيض بهذه الجواهر

لتنعم اعيينا بها

[ياسمينااا]

كلمات جميله جدا
بتعبر عن واقع عايشينه فعلا
وان شاء الله نقدر نتخطئ العقبات
ونوصل لبر الامان
كلمات راقت لي كثيرا
مبدع كعادتك دائما
تقبل مروري البسيط