برنامج ساعة نرغى مع / morshooo

[~♥ Queen sozan♥~]

السلام عليكم ورحمة الله وبركاته مساء البنفسج على عيونكمـــ جميعآ ,, طبعا دى اول حلقة فى البرنامج واتمنا متكونش الاخيرهـ ,, لان عيزة ارجع لى القسمـ تانى لان أشتاقتلو انهاردهـ معاية ضيف انا بعزو وحترمو جدآ ,, بجد أخ لية هنا ومن زومااااااان بتمنا ان الحوار يعجبكمـ ,, وتستمتعو معاية بية لان هو طويل شوية سا الخير ازيك يا مورشيتى ؟ الحمد لله تمام اسومه منور الحلقة .. دا نورك ومنورة اليوميات اول سؤال كدهـ مفيش جديد عندكـ ؟ الجديد الحمد لله ربنا كرمنى واتغفلت وخطبت ^_^ مبروك يا مورشيدى فرحتلك كتير كتير - أية رائيكـ فى المنتدى فى المرهـ الاخيرهـ ؟ المرحله الاخيرة قصدك المنتدى ماشى كويس جدا وفية نشاط كبير وفيه مسابقات على مستوى كويس ليها دور كبير فى تنشيط الاعضاء لسة على مستوى التميز ولا أقل ؟ طبعا المنتدى لو هنقارنه بالمنتديات الكبيرة هيبقة موصلش للتميز ولكن المنتدى متميز بالاعضاء الموجودين فيه وفيه اعضاء ماشاء الله اصحاب اقلام مميزة جدا مديين للمنتدى شكل مميز وفيه اعضاء اصحاب فكر مميز جدا برضو مدين للمنتدى شكل مميز . - شايف قسمـ اليوميات لسة بين الاقسامـ المميزة ولا لء ؟ اكيد من الاقسام المميزة ادخلى شوفى المواضيع والردود الى فى القسم عامله ازاى وانتى تتاكدى انه من ضمن اهم الاقسام الى فى المنتدى - لية أهملت قسمـ اليوميات من البرامج ... وركزت مع الراديو ؟ انا مأهملتش القسم والا حاجا بالعكس الراديو كان اصعب من استضافه الاعضاء فى المنتدى اجمد عضو فى المنتدى مكنتش بعمل حاجا غير انى ابعت الاسئله للناس ويجوبو براحتهم خلال يومين والا حاجا وفى منهم ممكن اعمل الحوار كله فى ساعتين وانا قاعد والعضو قاعد بيبعت الاجابات . الراديو بالنسبالى كان صعب فى التسجيل وخاصه انى مش بسجل الا فى وقت متاخر ممكن ميكونش مناسب لناس كتير وممكن اتفق مع عضو على يوم معين ويحصل ظروف ماندخلش فنأجلها غير صعوبات تظبيط الصوت والمونتاج الحوار وانى اخلى بالى من الكلام وانا مع الضيف عشان مفيش حاجا تفلت منى وانا مع الضيف . عموما فى اعضاء افتكرت انى اهملت القسم بعدم تنزيل مواضيع بس ( انا والنجوم ) كان تابع لقسم اليوميات لانة استضافه . - شايف ان فكره الراديو نجحت با الفعل ؟ فى الاول كانت ناجحه بعد كدا قل نجاحها بسبب اختفاء ( قلم بلا حبر ) بس دى عادة سيد ^_^ بيظهر فترة ويختفى فترات . لما اختفى سيد قولت اشيل انا الموضوع واحاول امشى الموضوع بس لقيت فى صعوبه فى التزام الناس الى هيبقو معايا فى منهم ملتزم طبعا وكان ماشاء الله كويسين جدا وملتزمين بالايام المحددة ليهم . فربنا يسهل ونشوف هنعمل اية الفترة الجايه بس الناس تخلص امتحانات وربنا يكرم . - اية وجهه نظرك فى الناس لى رفضو التسجيل فى الراديو وقالو مش عيزين نكشف شخصيتنا ؟؟ ههههههههههههه والله دى حريه شخصيه كل واحد زى ماهو عايز بس الغريب ان فيهم عايز يكلم بس مكسوف وان صوت المرأهـ عورهـ :d ؟ عورة انتى مش طالعه تغنى انتى بتقدمى اكيد حاجا للاعضاء ممكن مثلا زى ( لوجى ) انا بعتقد انهم عايزين يقدمو حاجا فى الراديو بس من كسوفهم بيقولو ان صوت المراة عورة . زيك مثلا سيح سيح انا الغلطانة لى بقولك على حاجة - حسس ان البرامج بتاعت نجحت فى الراديو والمشاهده افضل من اليوميات ؟ نجح والا لا الله واعلم الاعضاء هما الى يقولو الراديو كان بالنسبالى افضل لانة صوت بس كان تحضير الحلقات اصعب زى ما قولتلك . - حوارك مع محمد علاء .. محمد شاهين .. الرحال .. احضان الاحباب ... الخ كان مفيد لى أعضاء المنتدى ؟ ومعاهم دكتورة صافى ^_^ وماتركس وساحر الاحزان هو كان مفيد ليا انا كمقدم برنامج يعنى كل عضو فيهم خلال الحوار قال حاجات مهمه عنة يعنى ( احضان ) كشفلنا عن علاقته بالادارة ( ماتركس ) كشفلنا عن علاقته بالاعضاء وخلافة مع بعضهم ( الرحال ) فى كتير مكنوش يعرفوة واتشجع فى تقديم برنامج بعد الحلقة ( شاهين ) الاعضاء عرفت علاقة بأهلة كانت اية فى البدايه ( محمد علاء ) فى الحوار قال انة هيسيب المنتدى وحصل دلوقتى انة مش موجود ( صافى ) كان حوار طويل ومهم وعرفنا سبب غياباتها عن المنتدى اية سببه ( ساحر ) الاعضاء كانو عايزين يعرفوة اكتر ويكلم عن حياته الشخصيه ودا حصل لو كانت اللقاءات دى فى المنتدى مكنتش هعرف اخليهم يكلمو بالطريقه دى لان فى الاول والاخر دا برنامج صوتى فالضيف مش بيعرف يهرب من الاسئلة عكس المنتدى الاسئلة معاة يوم واتنين وبراحته . - بعد كل حوار كانت بتحس انك كشفت لينا عن الشخصية لى كانت معاكــ ؟ بشكل كبير دا حصل وزى ما وضحتلك ان فى فعلا اعضاء قدرت انى اخرج منهم حاجا ممكن تكون كانت مش معروفه عنهم قبل كدا او معروفة بس مش كل الاعضاء كانت تعرفها . ولا الضيف عرف يهرب منكـ ؟ اصل بصى انا مش هجبر حد انه يجاوب على حاجا غصب عنه بس الحمد لله انا طول الحلقات مفيش اى ضيف قالى لا بلاش السؤال دا او شيله من الحوار لانى انا كمان عارف حدودى اية فى الحوار مع الاعضاء بس فى اعضاء كانو لما بيحبو يهربو كنت برجع تانى لنفس الموضوع الى كنت بسئل فيه زى مثلا ( صافى ) فى الحوار حتى قالت ( فيما معناة ) انها بدوهنى وانا برضو برجع لنفس الحوار مرة تانيه . - شايف فى نفسك مزيع ناجح ؟ مش لدرجه مزيع يعنى بس تعرفى بيعجبنى جدا الاسماء الى الاعضاء بتقولها عليا ( طونى ) ( الابراشى ) ( عمرو اديب ) بس طبعا دا كله هزار من الاعضاء . والا تصدقى ممكن يطلع بجد لان منهم 2 من اعلام الفلول - انا مش هقولكـ قول رئيك فية لان انا عارفة :P بس عيزهـ منك تحليل من وجهه نظركـ لى الاسماء دى واقربهمـ لى قلبكـ .. كأ صديق واخ ,, واختلافك معاهم فى وجهات النظر كمااان :_ سما من الاعضاء الى بعتز بيهم جدا وهى ماشاء الله عليها مميزة جدا حتى هنا فى المنتدى اتمنالها التوفيق فى حياتها وبشكرها على التوبيك بتاع الخطوبه ,, رفيف اهلا اهلا ^_^ رفيف رغم اختلافى معاها كتير جدا فى المنتدى بس علاقتنا كأصدقاء عمرها ما اتغيرت يعنى كنا نتخانق فى المنتدى ونكلم ميل عادى جدا ونهزر على الى بنعمله طبعا هى من الناس الى بعتز بيهم جدا ,, مشتاقة للجنة ام العيال ^_^ سارة برضو من الاعضاء الى اعرفهم من فترة كبيرة جدا بس ساعات بتغيب وبترجع تانى بس هى برضو عارفا انى بعزها جدا ,, كبرياء رجل اعوز بالله ^_^ قصدى حبيب هارتى الغالى الى نفسى ادخل القسم مالقهوش جنبى عايزين حاجا طريه كدا بينى وبينه ^_^ دا حبيب قلبى الغالى بحترمه جدا طبعا وهو شخصيه لوز اللوز بيعرف يخلى الى قدامه يحترمه كويس بس مش معايا طبعا انا بديله على دماغه طارق سلفر من الاعضاء الى برضو عرفتهم من فترة كبيرة حصل خلافات بينا بس عادى الامور بتعدى وهو طبعا من الناس الى شايله المنتدى بشكل كبير وبيعرف يجمع الاعضاء كويس جدا ,, قلمـ بلا حبر المخفى ^_^ سيد علاقتى بيه لسة من فترة قريبه بس بيعجبنى جدا تفكيرة ودماغه بحسه انة لما بيعوز يعمل حاجا بيعملها بس عيبه انه بعد ما بيمل الى فى دماغه خلاص مش من النوع الى بيكمل الى بيعمله ساحر الاحزان من الناس المحترمه جدا طبعا مش بتاع مشاكل والا حاجا مشوفتلوش اى مشكله مع حد بس بقوله شد حيلك واعملك مشكله كدا عايز اشوفك بتعمل اية فى المشاكل ^_^ حبيبى ساحر طبعا ,, رقة بنوتا علاقتنا مش قويه بس على فترات ممكن نسئل على بعض حنون اهلا اهلا ^_^ والا اعرفها دى معانا فى المنتدى حنون طبعا اعرفها من فترة وهى من الاعضاء الى بينا صداقه كبيرة ودائما برخم عليها بس هى بنت حلال وتستاهل يعنى ,, سنبتيكااااا من الاعضاء الى علاقتى بيهم مش قويه لكن كنا كل فترة ممكن نسئل على بعض لكن دلوقتى مبقاش فى اى سؤال بينا وبين بعض دمعة حائرهـ منه من الاعضاء الى بحترمهم جدا علاقتنا الحمد لله كويسه جدا ببعض وتقريبا كل يومين والا حاجا بيكون فى رسائل بينا فى المنتدى سواء سؤال عن بعض او متابعه حاجا فى المنتدى ,, واد حبيب حاحا الحبيب الغالى ^_^ نجم الرومنسيه هههههههه الحمد لله علقتى بيه كويسه جدا ودائما بلقيه فى المواضيع وفى مرة لقيته ناسى يكتب فى اخر المشاركه ( الحبيب ) فقولتله فى التوبيك فدخل وخد باله وقال مرتين ( الحبيب ) عشان يعوض المشاركه الى نسى فيها يكتب اسمه ^_^ ,, الرحال محى ^_^ علاقتى بيه قربت خلال الفترة الاخيرة وبنكلم كتير على الميل لو موجود ومحى حبيبى طبعا وشخص محترم جدا ,, فرح اهلا اهلا ^_^ فرح من الاعضاء الى بحترمهم جدا كنا فى فترة بنسئل على بعض كتير بس بعد كدا اختفت فترة ودلوقتى بشوفها كتير فى المنتدى وبيوصلنى سلامها اتمنالها التوفيق - نيجى بقة الاشعات -لية انت من الشباب لى بيتكلمو فى حقهمـ ؟ انتى قولتى من الشباب ^_^ كله بيكلم على كله ودا طبيعى على فكرة والكلام مش على الشباب بس الكلام على البنات كمان والكلام كله واحد سواء على الولد او البنت ودا الجميل فى الاشاعات دى أكــــــــــــــــــــــــــــمل مورشيدى ومنتدى بنات مصر يعنى ( مكان بحب التواجد فيه ولكنه مش كل حياتى ) الحب بنسبالكـ هو ( استكمال الحياه مع من أحب ) الصديق يعنى ( اجمل حاجا فى الحياه ) الكدب ( طبيعه فى الانسان ) شوية سياسة - وجهه نظركـ فى الاحداث الجارية ؟ مش عايز اكلم فى السياسه عشان انا من ( الفلول ) ^_^ والله الاحداث كلنا شايفينها وكفايه ان عندنا رئيس جمهوريه ماشاء كداب يطلع فى خطاب موجه للشعب يقولهم اننا مسكنا ناس تابعين للفلول واعترفو فى النيابه وتانى يوم نلاقى كل الـ اتمسكو خرجو من النيابه واتثبت انهم مسكوهم وعزبوهم قبل ما يسلموهم للشرطه ودا موجود فى الفيديوهات على اليوتيوب - نعم / لا .. لدستور ؟ اكيد لا للدستور بس انا شايف ان الى بيعمله مرسى طبيعى دى جماعه بقالها سنين مرميين فى السجون والمعتقلات طبيعى لما يوصلو للحكم يأمنو نفسهم يعنى انا مش مستغرب من قراراته انه بيحاول يحصن نفسه - الاختلاف فى وجهه النظر السياسية بيخلق معاك اختلاف على المستوى الشخصى ؟ الاختلاف كان من ايام الثورة ومبارك وانى كنت بنزل مواضيع عن استمرارة وانا كنت ضد اهانته كرئيس دوله بعد كدا كان الاختلاف انى مع ( شفيق ) ضد ( مرسى ) مع انى مكنتش مع ( شفيق ) فى بدايه الانتخابات ولكن معاة فى الاعادة ومحدش خد باله من دا ^_^ بس الى بياخدو بالهم بيخدو بالهم عشان يثبتو وطنيتهم قدام الاعضاء ^_^ عموما انا مش بحب نظام انى اكون منزل موضوع عن فلان والاقى معارضين ويدخولو يقولولك اية اقنعنى . دا على اساس انى لو جبتلك شفيق بنفسه هتقتنع بيه حتى لما نزلت توبيك من اسبوعين تقريبا عن الناس ندمت انها رشحت مرسى قالو انى بقول كدا عشان انا قولت فى الاول ( شفيق ) عموما اهى الناس الى كانت بتقول مفيش مشكله اننا نجرب حكم الاخوان اديكو جربتو وادى النتيجه ومروك عليكم . - عمرك نزلت مظاهرهـ ؟ الفترة الاخيرة نزلت عند الاتحاديه وكان ايام الثورة بنزل بس مش على طول طبعا نزلت مرتين والا تلاته بس هو دا معناة ان الى بينزل المظاهرات دا وطنى والى مش بينزل دا معندوش وطنيه ^_^ - انت مع مرسى امـ لا ؟ بعد الى بيحصل دا ازاى اكون معاه - انت قالت انك وقعت فى الفخ وتم الخطوبة على خير ..؟ اها الحمد لله اية احساسك وانت بتلبس العروسة الدبلى ؟ هيبقى نفس احساسك لما ربنا يكرمك ان شاء الله ^_^ اكيد بتكون حاجا كويسه جدا ان الواحد هيبدء حياة جديدة - انت حسس انك بقيت مقيد ولا دى اسعد مرحلة فى حياتك ؟ لا مقيد والا حاجا لان كدا كدا انا شغلى بيحكمنى واكيد انا مبسوط جدا بالمرحله دى والمهم ان الواحد يختار البنت الى مقتنع بيها وشايف فيها زوجه صالحه وعقبال جميع الاعضاء - هتجيب هدية الفلنتين يا مورشيدى فى شهر 2 ؟ لا انا ماليش فى الحوارات دى وهى عارفا كدا ^_^ دا حتى عيد ميلادها هيكون فى شهر 4 ف ان شاء الله مش هجيب برضو هديه لان هنكون ان شاء الله فى بيتنا وقتها ووقتها هيبقى سهل اضحك عليها بكلمتين - واخر سؤال ,, الخطوبة حلوة ولا لء يعنى تنصح اخواتك الشوباب با اية ؟ هههههههههه والله لو قادرين على المرحله ى فأكيد اعملوها وأمركم لله ^_^ بس انا ضد ان فترة الخطوبة تكون طويلة اية ريك فى فكره العصابات لى طارق عملها ؟ هى الفكرة انا مش فاهم اية اهميتها او هتفيد بئية لحد دلوقتى لكن اكيد لما تتنفذ ويبقى فى شغل منهم الفكرة هتوضح اكتر وهتبان ياترى فكرة ناجحه والا لا . تفتكر هتكون بداية فكره مفيده ومهمة زى ادارى منتخب ؟ هو الى فهمتة انها ممكن تساعد ترشيح عضو للادارى المنتخب ان مثلا حزب منهم او عصابه منهم يتفقو على ترشيح حد فيهم للمنصب وكمان حكاية البرلمان لو هتتعمل لكن . برضو هنستنى ونشوف ياترى الفكرة هتنجح بالاعضاء والا هتنجح بالعافية ^_^ عشان هيبقى فى فرق بينهم . انت ناوى تشترك فى عصابة ولا اية ؟ حد عرض عليك ؟ ناوى دى لسة مش عارف لانى مستنى فعلا اشوف اهميه العصابه دى اية واية الى هيشتغلو علية حكايه حد عرض عليا حصل فعلا وتقريبا من العصابتين الى اتكونو لحد دلوقتى وفى اعضاء لسة بيكوونو فريق جديد عرضو عليا الانضمام بس زى ما قولتلك هنشوف اية اهمية الفكرة . كنا سمعنا عن موضوع مسترك بينك وبين عبدهـ .. احضان الحبايب فى قسم صفحات مكشوفة ؟ الكلام دة صح ؟ ومنزلش لية لحد دالوقتى ؟ والله الفكرة كانت برلمان للمنتدى والى كان قائم بدور الموافقه احضان الحبايب والى اعرفة انة راسل طارق وعرض علية الفكرة . وكان عليا انا واحضان التنفيذ والى اعرفه ان احضان فى دماغه من فترة كبيرة حكاية برلمان المنتدى دى يمكن من ساعت ما عملت معاة حوار فى الراديو وهو قال انا عايز ارجع فكرة برلمان المنتدى . كلمة أخيره لية ؟ ههههههههههههه اهلا اهلا طبعا انتى من الاعضاء الى بعتز بيهم جدا واعرفك من فترة كبيرة جدا اعتقد جية الوقت الــ لازم نقول كفايه كدا طبعا انتى عارفا كويس انا بحترمك اد اية ولما بنكلم ساعات بنلاقى افكارنا قريبة من بعض طبعا بعيد عن السياسه :d لان رئينا فى السياسة ماشاء الله بعيد خالص عن بعض اشكرك على الحوار الجميل واتمنالك التوفيق :: وخلصنا كدهــ مع نجمـ المنتدى ,, بجد يستحق اللقب دة اتمنا تكون الحلقة مميزة من وجهه نظركمـ انتو كمان ودى ليكمــ

[βÄşmα ♥]

بجــــــــــــــــــد رغيكم جمييل اوووي ههههههه
يسسلمواآ

[طمطم]

حلقة حلوة اوى بجد
منور ءاحمد وربنا ^^
وفعلا حكاية الراديو كانت صعبة جدا ..ومجهدة اكتر من عمل برنامج ف اليوميات ..
بس ان شاء الله يرجع الراديو لنشاطه تانى ..تيجى الاجازة بس ^^ ,,

تسلمى ع الحلقة ي حووبى ,,

[ساحر الأحزان]

لا هو انتى حتقولى عليكى فى الرغى

عودة جميلة ياسومة

بعد غياب عن اليوميات ببرنامج جميل

مع مرشدى عريس المنتدى

وبشكرة على جميل كلامة فى حقى وبقولة المشاكل مش كل حاجة يامرشدى’

لازم نحكم عقلنا شوية ونفكر قبل ما نعملها ’لان الواحد ساعة المشكلة النرفزة والتعصب بيحط علية وممكن تخذ قرار فى نفسة

بعد كدة يحس انة اخطاء فى وقتها,

ويلا بقى ياعريس عيش فترة خطوبتك

قبل ما تخش جوة القفص ويتقفل عليك

من بعد المغرب مفيش خروج

حوار جميل فى ساعة رغى يا سومة

مع مرشدى

تحياتى لكم

[المستبده]

حوار جميل وممتع


بتمنا لكم التوفيق

لكم ودي

[دمعه حائره]

حوار جميل بجد
موروشو من الاعضاء اللى بيأثروا بشكل ايجابى فى المنتدى
مواضيعه ومسابقاته كلها قيمه
وبتفيد المنتدى جدا
ربنا يوفقك فى حياتك ويتم زواجك على خير يارب
شكرا سومه على الاستضافه الجميله

[مِسكُ الشَهادة]

حوار رائع ومميز بكل المقاييس
أسئلة راقية ومعبرة وشاملة
وإجابات أخي أحمد مهذبة ورائعة
وإن كنا نختلف في وجهات النظر من الزاوية السياسية
فهذا سيؤكد إأن الوطن يجمعنا جميعا ً
والإختلاف لن يُفسد حبا ً أقمناه لله
حلقة راقية بكل ما تحمل الكلمة من معنى
وفقكم الله لكل خير

[كبرياء رجل]

ايه الجمال ده
نجمه جديده في اليوميات
بس فين اﻻعلان بتاع البرنامج وﻻ حاجه
انا لقيت عنوان رغي قولت ادخل ارغي وخلاص
منور اكيد موردي ربنا يوفقك في حياتك يارب
وانتا عارف قد ايه انتا انسان عزيز على قلبي وبعزه وبحترمه جدا
ﻻنك انسان من جواك نضيف وده اللي لمسته فيك
اشكرك في كلامك الجميل في حقي وربنا يديم بينا كل احترام وود اﻻخوه
مع انك مش بتقدر تتكلم معايا وانا اللي بضربك
بس عادي مش مشكله العمليه في بيتها يعني

كوين سوما الحلقه قد ايه رائعه ومميزه جدا والله
سعدت جدا وانا بقراها حوار شامل وانتي عندك درايه جيدا بالشخصيه اللي بتعملي معاها الحوار
وعلى علم كبير عن بعض النقاط المهمه التي قام عليها الحوار
ربنا يوفقك
وانا بسعد لما بشوفك في القسم
شكرا على الحلقه الرائعه
دمتم بخير دائما وحسن الحضور
تحياتي لكم

[Şα3Đ..♥]

منور يا مورشد )

[احضان الحبايب]

يااااه

انا قريت الكلام ده كله !! ,,

و كمان مورشو ال بيجاوب ,,

ده انا ليا الجنه ,,




برنااامج جميل ,,

و اسئله رائعه جداا يا سومااا ,,

تحسى انها مش كوبى ,,

يعنى مواكبه للاحداث ,,

و كدا يا مورشو تكشفلهم سر العمل ال بناا !!

ابقى تعالى قابلنى لو شفنااه من بعيد البرلمان ده ,,

بس احنا مع بعض فى حااجه تانيه ,,

و المره ال جايه انا هبقى اقول ايه ,,

و احييك على انك هتنجز و تتجوز بدرى ,,

التوفير حلو بردوا