اتيكيت ركوب المواصلات العامة

[توحد ارواح]

طبعا معظمنا بتركب المواصلات العامة سواء الطالبة او اللي بتشتغل أو حتي المتزوجة اللي قاعدة في البيت ساعات بتخرج للزيارات أو عشان الshopping ♣♣ طيب ازاي هيكون تصرفنا في الموصلات العامة ♣♣أولا :: الميكروباص Microbus ☺ الجلوس في المقاعد الخلفية مش من الذوق – و حتي الحياء – انك تقعدي قدام عند السواق و لو اضطرتي تقعدي قدام في حالة ان كل المقاعد محجوزة ادفعي الأجرة لاتنين يعني أحجزي المقعدين ليك ☺ لو قابلت وحدة صاحبتك في الميكروباص ممكن تدفعي الأجرة ليها لكن لو رفضت بلاش تضغطي عليها و تحلفي ☺ طبعا ممنوع تماما الأكل في الميكروباص مراعاة لمشاعر الأخرين لانه ممكن حد يشتهي الأكل بس مثلا لو عطشانة ممكن تشربي مية مش أكتر من كده ☺المهملات طبعا اي حاجة انتي مش عايزاها – استخدمت مثلا كلينكس أو ورقة – من قلة الذوق انكي تفتحي الشباك و ترميها أو تحسبي انه مافيش حد واخد باله و ترميها تحت الكرسي ههههههههه ♂♂ مثلا هنا في الأمارات اللي يرمي حاجة في الشارع بيدفع غرامة 500 درهم – عقبال مصر يارب - شيلي اي مهملات معاكي لحد ما تنزلي و في أقرب basket ارميها ☺ لو معاكي شنط كتير جدا – من الshopping مثلا – اكيد هتزاحمي الناس و لا انتي و لا اللي قاعد جنبك هيكون مرتاح فالأفضل تحجزي مقعدين واحد ليك و واحد للشنط ♠♠ بالنسبة للمترو ♠♠ ☻ الأفضل ركوب عربية السيدات حتي لو زحمة لان العربيات المشتركة ممكن يحصل فيها تحرش أو اختلاط و زحمة ☻في عربية السيدات الوضع مختلف شوية يعني ممكن تأكلي شيبسي او sandwich مع مراعاة انكي تعزمي علي اللي الناس اللي حواليك حتي لو مش عارفهم ☻ العادة اللي.....تيتتتتتتتت و كمان تيت انكي تلاقي اربع أو خمس بنات – - فرشوا و قعدوا علي أرض المترو حركة وحشة جدا لا الداخل و لا الخارج عارف يتحرك و عقبال ما حد يقوم منهم ممكن الباب يكون قفل و كمان الناس كده مش بتلاقي مكان تقف فيه طيب هتقولوا احنا تعبانين و مافيش مكان فاضي عندي الحل ممكن كرسي جميل خفيف و مريح و مش بياخد مكان و شكله أشيك من القعدة علي الأرض ☻ طبعا اللي بيركب المترو بيكونوا جروب اصحاب مع بعض ياريت يكون الكلام بينا بصوت مش عالي ☻ و اساسي مع اني عارفة انكم بتعملوا كده مجرد تأكيد ,, الكلام في الموبيل بصوت مش عالي ☻ لو لاقيتي سيدة كبيرة و خصوصا أمهاتنا اللي بيشتغلوا قومي و خليها تقعد مكانك و اكيد لو عملتي كده بردو هتلاقي اللي يقوم لمامتك و بردو لو وحدة حامل أو معاها طفل رضيع ☻ لو هتفتحي الشباك - و خصوصا في الشتا الكل بيكون قافل الشباك و الريحة حقيقي بتكون صعبة – لو حابة تفتحي الشباك اسألي اللي جنبك

[توحد ارواح]

انا عملت تعديل صغير بس كنت حذفت كلمه فى ثانيه كدا

[ساحر الأحزان]

معلومات جميلة منك

فى كيفية التعامل والمحافظة

على المواصلات

مجخود جميل منك

بالتوفيق لكى

[توحد ارواح]

اقتباس المشاركة الأصلية كتبت بواسطة ساحر الأحزان معلومات جميلة منك فى كيفية التعامل والمحافظة على المواصلات مجهود جميل منك بالتوفيق لكى

اشكرك اخى ع مرورك العطر

دمت بحفظ الله و امنه

[dяєαм..|♥]

موضوع جميل ي توحد
نصايح قيمه منك
تسلمى ع الافاده
مستنيين جديدك بقى ^^

[jasmean]

توبيكـ جميلـ جدآآ ومميز
مجهود جميلـ منكـ
منتظره جديدكـ
ودي

[توحد ارواح]

اقتباس المشاركة الأصلية كتبت بواسطة υรt ร๓เlєנ موضوع جميل ي توحد نصايح قيمه منك تسلمى ع الافاده مستنيين جديدك بقى ^^

شكرا اختى مرورك اجمل نورتينى

[توحد ارواح]

اقتباس المشاركة الأصلية كتبت بواسطة jasmean توبيكـ جميلـ جدآآ ومميز مجهود جميلـ منكـ منتظره جديدكـ ودي

مشكوره يا قمر مرورك اجمل نورتى

[Lost Pearl]

حلو الموضوع و ياريت بجد نلتزم بالقواعد دي ف المواصلات

لأن الواحد بيشوف حاجات بجد سيئة

تسلم ايديكي يا توحد ع الموضوع

ف انتظار جديدك دايما

و بالتوفييق ,,

[الأميرة رودي]

فعلا فى ركوب المواصلات بنقابل مواقف كتيره
ومعظمها بتكون بايخه ..
تسلمى توحد توبيك مهم ونصائح غاليه