مصر الي اين ؟(قادر وتعملها)

[لمسة حزن]

عندما قامت ثورات الرابيع العربي وقامت ثاني وانجح ثورة من الثورات وهي ثورة 25 يناير اعتقد الشعب المصري انه سوف يعود لكل مواطن كرامته المهدرة وحقوقه المستباحة كانت مطالب الثورة بسيطة وتحمل في طياتها معاني اكبر واسمي اولا اسقاط نظام الاستبداد والعبودية الذي استمر 30 عام وهو المتمثل في الفرعون الاكبر مبارك والراس المدبرة(امرأة ابو جهل) وابن الشيطان (جمال) تانيا مطالب الثورة الثلاثة وهي العيش والحرية والعدالة الاجتماعية التي هي من ابسط الحقوق لكل مواطن حتي يحصل بادميته. وقامت القوات المسلحة بحماية الثورة والثوار واقامت انتخابات نزيها لاول مرة في تاريخ مصر ان يختار الشغب رئيسه وهو في كامل ارادته وبالفعل نجح الشعب الدكتور محمد مرسي وجاء به الي كرسي الحكم ولاول مرة في التاريخ ان يمسح مقاليد الحكم في مصر رجل من جماعة الاخوان المسلمين الذين طالما ظلمهم الرؤساء السابقين كان يعتقد الشعب انه جاء بمن يحكم بالحق وبقف بجانب الظلوم ولكن للاسف جائت الرياح بما لاتشتهي السفن منذ اليوم الاول للرئيس مرسي في الحكم و هو متخذ طريقة الاداره بالصدمات دون حساب العواقب .. الرئيس يتخذ قرارات جذريه ثم يتناقش و يفكر في حل الازمات المترتبه على هذه القرارات بعد اصدارها .. رأينا هذا منذ ان قرر اعادة مجلس الشعب الى ان وصلنا الى الاعلان الدستورى الجديد الذى يلغى به الاعلان الدستورى الذى سبقه .. الي حالة الانقسام بين المصرين وبعض حالة من التخوين والتكفير كننا مسلمين وكفار وكل منهم يريد القضاء علي الطرف الاخر سؤالي الان بعد تحليلي مصر من الثورة الا الان الي اين 1- احنا ريحين علي فين؟ 2-لو استمرت حالة الانقسام ده اكتر ايه النتائج؟ 3- تفتكر الشعب كان صح لما اختار رئيس من الاخوان؟

[حبرالقمر]

1- احنا ريحين علي فين؟
ربنا يستر بجد ده الي اقدر اقوله المفروض ريحين فين ديه احنا الي نحددها برقينا بعملنا الجاد برفعة وطنا نشتغل ونبني نتقبل الاخرين دول زي العراق سنه وشيعه مش مستحملين بعض وقلنا معلش اختلاف عقائدي لكن مؤيد ومعارض ومش ادرين نستحمل بعض ده شعب غير مؤهل للديموقراطيه شعب نصه خلق ليعترض شعب حب الذل شعب معندوش غيره على دينه لما الشيوخ تتحبس في المساجد عشان بتقول رايها وتتحرق عربيتها والي يحميلهم يولعو فيهم ويقولك تجاره بالدين لكن الرقاصه حقها تقول لا والقنوات لكن الشيخ نكمكمله بقه بجد قمة الانحدار ده الي حنوصله مش ادرين نصبر على الرئيس كام شهر خلاص الدنيا داقت ده وهو معندوش لمجلس شعب ولا شورى ولا دستور لسه معمول اهو وكمان كانو عيزين ياجلوه نص سنه بنكتب فدستور خير اكتر من كده ايه وفي الاخر يقولك سلقوه 0_o
2-لو استمرت حالة الانقسام ده اكتر ايه النتائج؟
عمر مفي انقسام جاب نهضه ولا رفعه لاي بلد الا بيسبب خساره من كل النواحي بدل منتوحد ونعمر بلدنا ونوصل لمصر الي كلنا بنحلم بيها حنوصل للصومال من التدهور الاقتصادي والعراق من نحية الانشقاق وبعد كل ده حيبقى مصرنا بعد كل الانقسامات ديه مصير فلسطين

3- تفتكر الشعب كان صح لما اختار رئيس من الاخوان؟
عن نفسي ده كان انسب خيار اكيد مش حختار حد ميمثلش عقدتي ورايي وخصوصا في مرحلة الاعاده اكيد مكنتش حنتخب شفيق اصل واللهي احنا كنا بنهزر مع مبارك عشان نرجع واحد من حزبه ديه كانت حتبقى مهزله والمصيبه النتيجه الي كان جيبها

اعتذر عن الاطال تحياتي تقبلي م روري اختك حبــر القمــر

[المستبده]

مصرالى اين

تتوالى التطورات في مصر بشكل حاسم ومصيري ولا سيما بعد ان بدأت امس، انتخابات المرحلة الثانية والاخيرة من انتخابات الرئاسة وسبقها قرار قضائي بحل مجلس الشعب. وتنقسم مصر بين اتجاهين سياسيين الاول هو التيار الاسلامي ويمثله د. محمد مرسي مرشح الاخوان المسلمين ود. احمد شفيق المحسوب على النظام السابق وآخر رئيس وزراء في عهد مبارك، وتقف بينهما قوى ثورية كثيرة ترى ان عليها الاختيار بين ما هو سيء وما هو اسوأ او ألا تختار أبدا وتترك اوراقا بيضاء في الصناديق او لا تصوت.

ونعرف ان 50 بالميه بس الي صوت
وهدا كتير سيء

ولسا طالما موجود التيارين بهذه القوه مصر بنقول يارب يحميها

ونعرف ان التيار الاخوان لايؤمنون بالتعدديه وبتمنى الامور تمشي للاصلح وخاصه بعد موضوع الاستفتاء

2- حاله الانقسام

انا متاكده موجود الكثيرين يستفيدو من حجه الانقسام للشعب المصري
حتى يلهون الشعب باالمشاكل الصغيره ويوسعون الدائره

وبتمنى ان ينتبه الشعب المصري ويحاولون ان يتفقو الااحياء البلد

الاختيار للرئيس

لانحكم على رئيس نصف الشعب المصري بس الي اختاره
باقي الشعب وينه وهدا بدل على ان الثورات ستزيد

الا لما يصلح الحال وترجع مصر بهامتها كما كانت

شكرا لك على موضوعك القيم

ولك الله يامصر

[طِيشْ !]

1- احنا ريحين علي فين؟

بص أنا عندي أمل كبير في بكرة و إنه بإذن الله هيكون أحسن ومصر هتتقدم لإن احنا قلنا للظلم لأ
بص احنا مش معقول نستنى النهضة تيجي وتخبط لنا عالباب ومش معقول كل واحد مش عاجبه حاجة
يروح يعمل حزب ويقوللك لأ دا مفيش دولة قانون ومعرفش أيه


2-لو استمرت حالة الانقسام ده اكتر ايه النتائج؟

أسوأ شيء في المراحل الإنتقالية إن الشعب يكون منقسم و المشكلة الأكبر إن الإنقسام مش إلى قسمين بس

أو إنه سلمي لا دا في دم وفي أكتر من جبهه في الموضوع إحنا كدا بنخلق صورة مريعة للشعب المصري وبندمر مستقبل وبنضيع

وقت ومصادر احنا في أمس الحاجة ليها في الفترة الحالية


3- تفتكر الشعب كان صح لما اختار رئيس من الاخوان؟

أنا بالنسبة لي متفرقش معايا كان من الإخوان ولا لأ لأنهم جزء من الشعب و الدولة ولا أنا و لا إنت و لا أي حد يقدر يغير دا

أهم حاجة إنه يكون قد المسؤولية ويتخذ قرارات لصالحنا ولتنمية مستقبلنا \\ بالنسبة لدكتور مرسي فإلى الآن معنديش اعتراض

عليه كقرارات لكن اعتراضي الوحيد على الدم و الأرواح إلى راحت \

و المشكلة الأكبر إن الشباب المعتصم في الوقت الحالي و أنا متأكدة إن فيهم ناس مش عارفين هما نازلين ليه

ولما قالو لك مفيش دولة قانون \\

معتقدش إنهم كلهم عارفين يعني أيه دولة القانون

الوعي عندنا مش تمام خالص

لازم كل واحد لما يعترض يعبر عن وجهة نظره هوه

ويفكر بعقلانية قبل الأول


شكرا على الطرح

أعتذر عن الإطالة

ودي ووردي

[ساحر الأحزان]

الشعب تحسى انة كان محبوس وخرج من حبستة بعد سياسة ,لا ارى لا اسمع لا أتكلم متكلمشى فى السياسة.

الحيطان ليها ودان حتروح ورا الشمس لو اتكلمت ,ودة عمل تعميم عن الأغلبية تعميم الخوف من المجهول’

أنك ملكشى حق انك تتكلم عن سياسة بلدك دى من الامور الى غير مسموح بيها’

وجة بعد الثورة !!

من حقك دلوقتى انك تتكلم وتقول وتعبر عن رئيك وكلة بقى بقى بيجرى الى عارف والى مش عارف ,

مهو بقى خلاص معدشى خوف ’

ولقيتى بقى كل الاحزاب ظهرت عندك وبتدافع عن الثورة او عن التركة الى قدامهم وكل واحد عايز ياخد نصيبة منها؟

طيب انت قدمت أية لمصر بلدك ولأبناء شعبك ,وكأن كل المشاكل أتحلت ومبقاش غير مشاكل توزيع المناصب’

المسئولية تقبلة جدا جدا ومش وقت التخبط السياسى لازم تكون قرارتنا السياسية مدروسة لان دة من مصلحة الوطن,

على شان نقدر نخرج من عنق الزجاجة الضيقة ,

للفضاء الرحب والمستقبل المشرق لوطنا مصر!!!

بتمنى ليكى كل توفيق

[العاشق الذى لم يتب]

أختى قلب
تحياتى لشخصك الكريم
وطرح راقى ورؤية شاملة لما تمر به مصرنا
ولكن عليك بالتأنى والروية
ودراسة الأمور بمنظور آخر
وماكن للرئيس مرسى أن يضرب بعصا سحرية
لكى نرى الدنيا وردية
وفساد أمتد على مدار أكثر من ستين سنة
ليزوله فى أربعة أشهر
وماهى قراراته والتى جعلت من يريد أن يسرق يستطيع السرقة بدون مانع
وهل جاء بقرار يقول من أستطاع منكم الباءة فليحتل مصر ويقسمها أشلاء
ومن كان فى إمكانه أن يفعل فليحرق مصر ويدمرها ويوقف عجلة العمل والعمار
ويحرق المقرات ويشعل الفتن
لا يغرنك قول هؤلاء الكاذبون المخادعون وهم يتشدقون بقول معسول
يتنقلون من قناة إلى قناة
هم فقط يريدون أن يتربعوا على كرسى العرش حتى يتثنى لهم السرقة والنهب
ويقال عنهم أنهم ذواتى مناصب وكلمة
أتمنى لك أن يصلح الله حالك وحالى وحال مصرنا الحبيبة
تقبلى تحياتى وودى
رفعت

[فِتْنـہ]

ميمو اسفه لتأخير الرد

1- احنا ريحين علي فين؟
ان شاء الله مصر هتكون احسن بلد في العالم لان رئيسنا رئيس صالح ان شاء الله ومنتخب من قبل الشعب
2-لو استمرت حالة الانقسام ده اكتر ايه النتائج؟
واللهي مش عارفه بس ان شاء الله حاله الانقسام دا يتعدل لأني من جوايا حاسه ان الاحزاب دي مبوزة كول حاجه وهي سبب الانقسام دا
3- تفتكر الشعب كان صح لما اختار رئيس من الاخوان؟
ايوة صح ودا رايي لانو اولا يفهم في الشريعه والدين والحمد لله ولو ما كانشي صح ليه اكتر المصريين اختارو الدكتور مرسي
شكرا ع التوبيك الجميل يا جميل