قولولي اعمل ايه ؟

[phalsteen]

سلام عليكم

أنا أسفة لو هضايقكم بالكلام اللي هكتبه
بس حاسة اني تايهة وبغرق
ومش عارفه اتكلم مع حد
مشكلتي ببساطة اني مش عارفه اعيش وصلت لدجرجة كره وخوف من كل اللي حواليا
ربنا أراد يحرمني من ولدي وولدتي
وبرغم اني بحكم سني كانت صدمتي أكبر من اني انساها
رضيت بواقع وقدر ربنا كتبه
وعشت بس عشان اتنين اختي واخويا الصغير
بعدها اختي اتجوزت وكان لازم تسافر وطبعا مبقاش ليا اللي اخويا
واختي اللي بتنزل بس اجازات
مطولش عليكم
شاءت الظروف اني اتعرف علي انسان وبعد معاناة دامت اكتر من سنه اعترفت اني فعلا حبيته
شوفت الدنيا بس من خلاله هو وبمرايته هو
الثقة كانت عمياء
فعلا كان نعم الاب والاخ والصاحب ليا ولاخويا
وكذلك باباه واخواته كانوا عيلتي اللي مقدرش ابعد عنهم
وطبعا كل الحزن اللي كان في حياتي
بدأ يتصلح وبدأت احس اننا مش لوحدي
لانه فعلا عمره ما حسسني بوحده ولا حتي بوقت فراغ
بس كانت المشكله انه عزلني عن كل العالم وعن كل اللي حواليا
يعني مثلا اروح لوحدي اي مكان حتي لو الجامعة او اي مكان تاني
ممنوع يكون ليا صحاب
لو زمايل بس اوكي
لكن طبعا استحاله حد يعرف رقمي نتكلم او حتي نخرج او حاجة من كدة
ممنوع الايميل او الفيس او اي حاجة من كدة
لو احتجتي ممكن استعمل حاجته وطبعا وهو موجود معايا

الغريب بئا ان كل دا كان عادي جدا
واسوأ من كدة كمان وكنت بستحمل عادي جدا
اي حاجة بطلبها منه او من اخواته لو هو مشغول في شغله

كل اللي طلبته بس حاجتين يبعد عن الكدب والخيانه هي دي كل حقوقي

وللأسف بئا هو عمل الاتنين

وانا غصب عني مش عارفة اسامح

برغم اني من جوايا مش قادرة

حاليا

انا مش عارفة اعمل ايه

الانسان دا فعلا كان كل حياتي
مش قادرة استغني عن كلمة بابا اللي بقولها لوالده

ولا عن اخواته اللي بحبهم جدا

واخته اللي هي صحبتي الوحيدة

الدنيا كلها واقفة والايام طويلة اوي

ومقدرش انكر اني بحبه بجنون

وبرغم اني خلاص المفروض ان دلوقتي امتحاناتي

وانا اساسا حاسة اني فاقدة الوعي

لسة حاسة انه موجود في كل مكان حواليا وكل مكان بحبه

صوره وكلماته وهداياه في كل مكان

حتي جوايا

محدش يعرف سر بعدي

خايفه حتي اخواتي يشوفوه بصورة وحشة لانهم طبعا مش هيصدقوني

بموت ومش قادرة اصرخ واشتكي

[دمعه حائره]

لازم قبل كل حاجه تخلى الاشخاص اللى فى حياتك ليهم صفه يتنادوا بيها
وعلى اساسها تكون حقوقهم عليكى
الشخص ده عشان يتحكم فيكى كده يااما خطيبك او اخوكى او حتى قريبك
ولازم بردوا على قد مابتحبى حد تسامحيه
وقدام كل الحاجات اللى قدمها ليكى مش تنسيها عشان غلطه
ودايما التسامح بيرحنا احنا قبل مايريح اللى غلطوا فينا
بصى لمستقبلك اهم حاجه دلوقتى وامتحانك واخوكى اللى محتاج ليكى
وسامحى وابعدى فتره لحد ماتعرفى انتى عاوزة تكملى معاه ولا مش هاينفع
وربنا معاكى ويهديكى للى فيه الخير

[SiLver Spectra]

مافيش حاجه بتبهدل البنت غير قلبها
ركزي في دراستك يا بنتي ,, و سيبي الباقي على الله
زي ما ذكرت دمعة ,,هو فرض عليكي حاجات شخصيا ليه تحفظ عليها بس لو هنعديها مجازا ,,فالمفروض يكون له صلة بيكي زي على الاقل انه يكون خطيبك
لان وقتها هيكون هو كمان عليه التزامات اتجاهك
لكن هو يفرض عليكي و في نفس الوقت يعمل الي هو عايزه هو فكدا المعادلة مش مظبوطه

راي الشخصي ,,مش تطوري معاه العلاقة غير لو لمستي منه نيه حقيقية للارتباط
و ركزي في دراستك و اختباراتك و ماتديش لقلبك حجم اكبر من حجمه ,,الدنيا مش بتقف على شخص بس انتي الي بتكبري الشخص في نظرك و بتخليه الدنيا كلها و دا مش حقيقي ,,دا بس عقلك الباطن الي بيوحيلك بكدا و بيستغل مشاعرك في اقناعك بدا
انا مش ضد العلاقة بتاعتك بس قصاد ماهو بيقيد حريتك هو كمان لازم يتقيد بالتزامات اتجاهك و دا هتقدري تحققيه بالارتباط او على الاقل نية الارتباط ,,النيه هنا اظن هتكون ملزمه له شوية لانك تعرفي اهله (ابوه و اخواته)

بالتوفيق في حياتك..

[لمسة حزن]

السلام عليكم اختي
انا بس عايزة افكرك بشئ
ان انتي مش لوحدك اكيد
لان معكي ربنا الا خلقك
ثانيا كان ممكن تلاقي اصدقاء كتير ويبقوا اكتر من اخواتك
لاكن هو بأنانية وبحجة خوفوا عليكي بعدك عن اي شئ بتحبيه وممكن يسعدك
عشان تحتاجي ليه هو وبس
طبعا مهو لاقة واحدة طيبة ومسالمة ووحيدة لسه بريئة
قال يحتفظ بيها لنفسه
مهمهو ش هية محتاجة ايه اهم حاجة تنفيذ الاوامر وبس
رايك بقي يا اختي
حبي ربنا وقربي منه اوي وانتي تلاقي الونس والامان وعمرك هتحسي بوحدة ولا خوف
اهتمي بدراستك لانها الا بقيالك لانك شوفتي وجربتي
ادتيه كل حاجة وهو حتي مفكرش يحميكي حتي من نفسه
كمان الا قي طبعه الكذب ما بيبطلوش
والا يخون مرة يخون الف مرة

[ساحر الأحزان]

بسى دة يعتبر استملاك عايز يمتللك من دون قيود وشروط ,كخطبة وزواج ويفرض عليكى شروطة,

يمكن لانك اتحرمتى من الاب والام رحمهم الله ودة عمل فراغ عائلى عندك,فلما هو دخل حياتك هو واسرتة,

حسيتى ان دة حيعوضك عن الى فاتك,,لما تلاقى اسرة زى اسرتك ’ودة شىء جميل بسى متوصلشى ’

لحكم التملك منة ’وأنة هو الوصى عليكى ,

أظهرى شخصيتك فى تعاملك ,متبقيش متبوعة لية ’

والى مكتبلك حيصيبك,

بتمنى ليكى كل توفيق فى حياتك!!

[нαиαи]

شوفي ياقمر بقول لك كلام ممكن يجرحك بس معليش تحملي ,, لأن الصح هو اللي بيزعل في اغلب الأحيان ..
الرجل بطبيعته يحب التملك و السيطره ,, وقد ما يشوف البنت لينه معاه قد ما يتدخل في خصوصياتها اكثر و اكثر و اكثر ..

طبعا هو مانعك من ابسط حقوقك ,, طيب ليش ما يطبق هذا الشي على نفسه ؟؟؟
لأنك بكل بساطه تنازلتي له عن حقوقك بينما هو ما تنازل عن سلبياته عشان خاطرك ,, لمن تكلمي اصحابك هذا حق من حقوقك و ما يحق لأي شخص انه يمنعك ولا حتى زوجك ..

بتعرفي ليش هو بياخذ حقه و زياده و إنتي حارمك من حقك ؟؟؟

لأنك إنتي اعطيتيه مجال عشان يعمل كذا معاك ..

الحب إنه يبيع كل نساء العالم عشان خاطرك
الحب انه يخليكي تعملي كل شي نفسك فيه و يريحك و تحبيه مادام ما يخالف كلام الله

الحين سيبي كل شي و حاولي تركزي في إمتحاناتك وبس ’’ لأن هذا مستقبلك ..))

ولو طلب منك بيوم يرجع لك ,, قول له يترك خرابيطه اللي يعملها و ما يتخل في خصوصياتك ولا يحرمك من شي مو حرام ..))

وارجع اعتذر منك على قسوه كلامي ,, لكن والله انا ما اعرفك ولا اعرفه كل اللي عوزاه مصلحتك وبس ..

[phalsteen]

طبعا اي كلمة شكر مش هتساوي كلامكم الجميل دا واهتمامكم

بس سؤال صغير

مين اللي قاله انه مش كان خطيبي

والا مكنتش عرفت اهله وكلمتكم عليهم كدة ولا كان وجوده ليه المكانه ديه كلها

ولا انا كنت سمحت ليه بكل دا

وكمان انا مش شخصيى ضعيفة اوي كدة

انا كمان بدخل وبتحكم وكل دا عادي جدا

بس ماكنش ينفع افرض عليه الحاجات دي لان وضع الرجوله بيحكم

الموضوع مش موضوع مين تابع لمين ولا مين ملك لمين

الموضوع اني خايفة من احساسي بالندم اتجاهه واتجاه نفسي وقلبي

وخايفة اخسر انسان برغم اي خلاف بيني وبينه مقدرش انكر انه بيحبني

انا قولت في كلامي اهله واخواته وصحابه كلهم

اعرفهم جدا

تقريبا مفاتيح حياته كلهم معايا

الباس ورد الخاص بكل حاجاته

مشكلتي معاه مش تحكماته لاني عارفه طبعة وراضيه بيه لانه راضي بعيوبي زي مميزاتي بالظبط

فمقدرش اظلمه اوي كدة

عشان واثقة ان دا خوف عليا لانه دايما بعيد

مشكلتي بس انه كذب عليا فأكدلي الخيانة ودا اكتر حاجة جرحتني

[нαиαи]

آها الحين إتضحت لي الصوره اكثر ,, طيب إنتي ما قولتي انه برضو بتدخلي في خصوصياته عشان هيك الأعضاء كانت رده فعلهم قويه ..

بس إحنا ما نعرف اطباعه عشان نعطيكي حل عشان يبطل كذب ,, لأن الأساليب تختلف من شخصيه لشخصيه ..

[تيتشر نفشه ツ]

حبيبتي

والله حاسه بيكي كتيـــــر كتير

كون ان شخص يبقا ليكي كل الدنيا وفجأه بأسخف حركه

يمحي حياتك وفرحتك ودنيتك كلها

بس انا عاوزه اعرف مدام هوا بيحبك ليه بيعمل اللي يزعلك ؟

ليه مش مخلص معاكي ؟

ليه يفكر اصلا يعمل حاجه ممكن تجرحك حتى لو هوا عاوزها ؟

شوفي ياقمر

اللي بيحب بجد

يخلص بجد

الحب مرتبط ارتباط شديييييييد بالاخلاص

من غير اخلاص مايبقاش في حب من طرفه ..

عارفه كتير ان نفسيتك متدمره

وعارفه انك بتفكري في اليوم مليار مره فيه وفي الي عمله ايا كان

بس عاوزاكي الفتره دي تقربي من ربنا كتييييييير

وتدعيه كتييييييييير عشان ربنا وحده بس اللي هيقف جنبك فمحنتك دي

عشان الفتره دي ياحبيبتي مبني عليها مستقبـــــــــــــــلك كــــــله وحياتك القـــادمه كلـــها

مستوعبه انتي كَـــم المسؤوليه اللي عليكي الفتره دي بس؟

خلي بالك من روحك

ومش تفكري وعاوزاكي تؤمني بحتت النصيب دي

سدقيني حاجات كتيييير فإعتقاداتك هتتغير وقلبك هيرتاح شويا عن كدا

( قل لن يصيبنا الا ماكتب الله لنـا )

ربنا يتم عليكي سعادته طول عمرك حبيبتي ..

اختك رنين

بالتوفيق

[stefo]

أيوة إسمعي كلام رنين و بالزات إلى بيحب بيخلص بجد
ودي و إحتراامي