الركن البعيد الهادي...

[سهـــر]

ايه الشقلبه اللي حاصله في المنتدى دي
؟

[سهـــر]

انتهيت من قراءه رواية ( اني راحلــه )
لــ يوسف السباعي

الروايه حلوة جدا بـــس ..

عايده امها هربت مع عشيقها وهي صغيره
فابوها اتعقد وكان جامد اوي في تربيتها
كان ليها ابن خاله اسمه احمد
حبوا بعض
راح احمد يتقدملها
ابوها رفضه عشان راتبه قليل ^^
وغصب على عايده تتجوز ابن الباشا
واحمد انتقم لكبرياؤه وراح اتجوز هو كمان
ابن الباشا كان زباله وكان بيخونها وهيا عارفه بس كانت عايشه وخلاص
لحد ما في يوم شافت الخيانه في بيتها على سريرها
واجهت جوزها وسابت البيت ومشيت
وراحت على المكان اللي كانت بتقابل فيه احمد
شويه ولاقت احمد جاي هو كمان نفس المكان
خدها وسابوا البلد وراحوا بلد تانيه
بعد ما قالها ان مراته ماتت هيا وبنته وهيا بتولد
قعدوا في اسكندريه اجمل 3 ايام ممكن يتعاشوا مع حد بتحبه
في اخر يوم جاتله الزايده وملحقتش تعمله حاجه
ومات احمد
عايده جابت ورق كتبت فيه قصتهم وحطتهم في شنطه ورمت بعيد عن البيت
وراحت مولعه في البيت
ونامت على السرير جمب حبيبها
وبس


وانا اتضايقت واكتئبت وقررت مش هقرأ تاني ليوسف السباعي
وبالمناسبه في فصل في الروايه اسمه ( ميلاد جديد )

[سهـــر]

نفسي مره اعمل كيكه ومتهبطش مني
بطفي عليها الفرن بتكون ايه ما شاء الله
بعد خمس دقايق بلاقيها رغيف عيش
اه والله
😭

[سهـــر]

فجر ^_^
مش اللمونه بس اللي بجنيه
البيضه كمــان باقت بجنيه ^_^
المهم احسن ما نبقى زي سوريا والعراق

[سهـــر]

مسلسل باب الحاره
مسلسل سوري
بتابعه من وانا في 2 اعدادي
لحد ما خلصت 3 ثانوي
كان كدا 5 اجزاء خلصوا
كان بيجي في رمضان
وقطع سنتين ميجيش
بعد كدا رجع ييجي تاني
ووصلنا دلوقتي للجزء 8
حد يقولي عندك قوة صبر ازاي
اقوله المسلسل حلو اوي وبيعيشك في الجو معاهم
بعدين ده عشره ييجي 10 سنين
ممثلين اتغيروا وممثلين زي ماهما
كان كل مشكلتي قبل كدا
اني اموت مثلا ومعرفش الجزء الجديد ايه اللي هيحصل فيه
دلوقتي كل حاجه اتغيرت والتفكير نفسه اتغير
نقدر نقول العقل كبر شويه
بس برده بفكر رمضان الجاي ان شاء الله لو كان ليا عمر
الجزء التاسع هيون عامل ازاي
^_^

فجر
انا بحس في حاجات انتي بتكتبيها رساله ليا
بتفرحني اوي وتخليني اكمل يومي حلو وبتفاؤل
ربنا يفرح قلبك

[سهـــر]

انا بقالي 6 سنين في مصر
كل سنه بيحصل فيها حدث
اكبر من السنه اللي قبليها
بجد لما كنت بعيد عن هنا
كان واحشني ارجع هنا واكون مع اهلي
بس لما رجعت عرفت ان البعُد مفيش احسن منه
بجد وبدون مبالغه انا اتصدمت في ناس كتير اوي
ناس المفروض انهم قرايبي وناس عرفتهم هنا
بما ان صحابي كلهم سبتهم هناك
المهم 6 سنين بـ 6 خوازيق في حياتي
انا بقيت خايفه الناس اللي هما معايا حاليا
يبانوا على حقيقتهم ويكونوا خوازيق جديده

..

الذين يشاهدون محتوى الموضوع الآن : 3 ( الأعضاء 1 والزوار 2)
‏سهـــر

منـــــورين ^_^

[سهـــر]

احداث كتير حصلت والمنتدى واقع

مصر وصلت نهائي افريقيا واتغلبت ^^
الحضري سمع السيسي بيقوله اتحدف ناحيه الشمال ي حضري فشال ضربه الجزااء
الزمالك فاز على الاهلي
رحت معرض الكتاب وخربت بيت نفسي وجيت
اتصورت مع احمـــد مـــراد
لسا بدور على شغل
وهو لسا بيدور على شغل
وميدو لسا بيدور على شغل


بس خلاص
وحشني المنتدى
يارب تكونوا بخير

ملاحظة:
انا من الناس اللي فرحت ان مصر مخادتش البطوله دي

[سهـــر]

بحب البرتقال جدا
بس بكسل اقشره
ومش بلاقي حد يقشرهولي
فمش باكله
بس بحبه جدا
^_^

..

طارق منور وهجرب الطريقه اللي قلت عليها

[سهـــر]

اول لما رجعت هنا مكانش ليا صحاب خالص
اول حد عرفته في مصر كان من المنتدى هنا
بقالنا 6 سنين صحاب
بقا الاخ اللي ماما مجبتهوش
معرفش شكله ايه
بس على طول لما بحتاجه بيكون جمبي
من سنه ونص اخبارنا اتقطعت عن بعض
لظروف ما
والنهارده كلمني اطمن عليا واطمنت عليه
مبسوطه جدا جدا جدا
الحمدلله على نعمه الصحاب بجد
الصحاب الجدعان والسند الحقيقي
نورت المنتدى تاني
^_^

[سهـــر]

المتواجدون الآن: 305 (الأعضاء 4 والزوار 301)
مشاهدة المتواجدون الآن

‏سهـــر, ‏(طائر الشرق), ‏طبيب الهوى, ‏ملك جبال الاحزان

كل الموجودين دلوقتي مشرفين سابقين ^_^
منور ي ابيه
منور ي ميدو
منور ي طائر الشرق