الركن البعيد الهادي...

[سهـــر]

وزي ما قالت نانسي عجرم
اجي بالحنيه أنـا أنـا
بورده وبهديه أنـا أنـا

اه والله

[سهـــر]

مبدئيا كدا انتم خضتوني
عشان لقيت 11 رساله في الخاص
ودي عمرها ما حصلت معايا يعني
بس هفهمكم حاجه
انا عمري ماهوصل لمرحله اني اكتب كدا هنا
في الملأ يعني ولناس معرفهومش ولا يعرفوني
غير لما يكون فاض بيا وحاولت كل المحاولات
امي كدا وطبعها كدا ومش هيتغير
وانا خلاص اتعودت على كدا
انا بس اليومين دول محتاجه حضن امي
اللي مش فاكره هو عامل ازاي
ولا اخر مره خدتني في حضنها كانت امتى ؟
المهم شكرا لكل حد اهتم
وفكرلي في حلول
كل اللي عيزاه منكم دعواتكم بالفرج القريب والهدايه
^_^

[سهـــر]

شكرا طارق و أ/ ياسر
منورين المدونه
^_^

الذين يشاهدون محتوى الموضوع الآن : 5 ( الأعضاء 1 والزوار 4)
‏سهـــر

منورين يا زوار

[سهـــر]

بالمناسبه عمي في المستشفى من امبارح
مش عارفين يعملوله العمليه
عارفين ليه ؟!
عشان الميه نازله من الحنفيات معكره
يعني اللي بيموت وعمليته ضروريه يستنى عشامن الميه
نازله من الحنفيات مش نضيفه

..

الذين يشاهدون محتوى الموضوع الآن : 6 ( الأعضاء 1 والزوار 5)
‏سهـــر

منورين بردو

[سهـــر]

ي اهل اسكندريه الكرام
لو حصل بكره زلازل وبراكين عندكم
اعرفوا اني جيت
حد عايز حاجه من هناك ي طنطاويين
اجبهالكم معايا
^_^

[سهـــر]

اسكندريه حلوة وكانت وحشاني اوي بجد
والبحر كان حلو اوي امبارح
والميه سقعه متلجه
والتأمل كان جميل والسرحان وكل حاجه
وبير مسعود كان هادي ومش زحمه خالص
وكان في واحد قاعد بيغني كان الجو جميل بجد
يوم حلو جدا كنت محتاجاه بجد
الحمدلله
..
boba0o

تسلمي ي حبيبتي اسكندريه منوره باهلها

أ/ ياسر
تسلم ومنور دايما

[سهـــر]

المرأة أشبه بكيس الشاي ، لا تعرف قوته حتى يرمى به في الماء الساخن !
# إليانور روزفلت

[سهـــر]

انـا قولت اعمل زي ماكل الناس بتعمل
اشمعنى انا
^_^

https://sahar4460.************************************/

[سهـــر]

اللي لاحظته وانا في اسكندريه
موضوع الكلاب اللي منتشر بطريقه فظيعه
كل نص متر الاقي واحد ماشي بالكلب بتاعه
كنت بضايق من الموضوع ده عندنا هنا
بس طلع اوفر اوي في اسكندريه
شفت انواع كلاب كنت بشوفها في الكرتون بس
والكلاب كبيره اوي تحس انه حمار صغير مش كلب لأ
واللي ماشي بأربع كلاب مع بعض
وكلاب حراسه مش كلاب عاديه
واللي زاد وغطا اني عندي فوبيا منهم
مش متخيلين كنت عامله ازاي وانا قاعده البحر
والأخ ده ماشي بـ 4 كلاب في ايده
الموضوع مايتسكتش عليه

صبــاح الخيـر
^_^

[سهـــر]

صباح الخير ^_^
دي عصافيري
مش عصافيري اوي يعني
هيا عصافير الشارع
انا بحط في العلبه اللي هما واقفين عليها دي ميه
وبنشفلهم العيش واكسره واحطه على سور البلكونة مع الميه
ساعه الشروق منظرهم بيكون تحفه
اكتر من 20 عصفور واقف ياكل
بس كل يوم لازم كنس ومسح البلكونه وشتيمه وتهزيق من ماما
وممكن لو في غسيل منشور بيقفوا عليه ويعملوا حمام
بس نبص لنص الكبايه المليان
عصافير جعانه بتاكل فان شاء الله اخد ثواب
ماما بتشتمني فان شاء الله ثواب برده
جربوها جايز تكون سبب دخول للجنه