الحلقة الاولي من ليالي شهرزاد مع Ѕad Єyes

[phalsteen]

بلغني ايها العضو الرشيد ذو العقل الوفير والرأي السديد انك معي اليوم ضيفي الاول في ليلة من ليالي شهرزاد داعيا انك شهريار العظيم فهل لك باجابتي علي اسئلتي قبل ان يصيح الديك وتشرق شمس الصباح فتسكت شهرزاد عن الكلام تري ان جميع الرجال ما هم الا صورة من صور شهريار ولكن تختلف علي حسب كل عصر فهل تري نفسك شهريار 2013 ؟ وهل ترضي ان تكون ذلك ام ترفضه ؟ بالتأكيد لا ,, والاجابه علي السؤاليين اكيد مش شهريار ولا بتطمح ولا برضي ان اكون كده كيف تكون هي شهرزادك ؟ شهرزادي هتكون ,, جميله خلقا ودنيا وشكلا ,, مش هقبل بحاجه علي حساب حاجه طيبه الي ابعد الحدود ,, وما ابعد من تلك الحدود كمان عاقله احيان كتير ,, ومجنونه احيان اكتر عايزها تكون عكسي ف حاجات كتير , لازم فيها نكمل بعض بس ميمنعش تكون زيي في حاجات كتير , ماهو اكيد لازم نفهم متطلبات بعض تخصني انا وبس شهرزادي انا وانا هكون شهريارها هيا اكيد وبس وهل تعتقد ان شهرزاد التي تسكن في مخيلتك اجمل ام من هي في ارض الواقع اجمل ؟ حاليا لايوجد واقع فهكتفي بالخيال لحين تحقيقه علي ارض الواقع اتمناها تكون افضل من مخيلتي ما هي الطريقة التي تفضل استعملها للوصول الي قلب شهرزاد ؟ الاهتمام ,, واني اكون زي مانا نفسي فيها تقبلني زي مانا بمميزاتي مهما قلت وعيوبي مهما زادت تكون مهتمه بيا زي ما هكون مهتم فيها هل تري فرقا بين شهرزاد 2013 وما كانت قبل 20 عاما قي فروقات كتير اكيد ,, شهرزاد اتحررت من قيود ياما وصلت لمراحل اعلي من التفكير والاستقلاليه للاسف كمان بقيت ند لشهريار زمانه مش بسهوله تلاقي شهرزاد بلا شهريار سابق في حياتها مبقتش يا شهريار اول شهريار مر ودق القلب له في العصر الحالي الحب الاول بقي لعبه جعل من شهرزاد شهريار العصر , لو كلامي مفهوم شهرزاد مستقله بذاتها ولا تقبل اي شيئ من حد ودا الي حد كبير كويس شهرزاد وصلت لدرجه كبير من التعليم والتفكير والثقافه والفكر اصبحت اجرأ في تصرفاتها بلا حدود مبقيتش تنتظر شهريار " شهريارها " الفارس بحصانه لا , اصبحت بتدور عليه بنفسها يمكن دي النقطه السلبيه الكبيره لانها بقيت بتقابل فرسان وهميين كثير قيود كتير انكسرت و اسوار كتير اتعدت ما الذي تراه مميز في شهرزاد مصر ؟ متفرده في كل تكويناتها عن اي شهرزاد تانيه لو هنقول شهرزاد لبنان ولا سوريا الاجمل فهتلاقي شهرزاد مصر الافضل بلا شك الاصاله , الطيبه , التدين , غيره كتير شهرزاد مصر بكل تاكيد الاميز وليست تحتوي علي مميزات فقط هل تتمني تغيير شئ في شهرزاد ام ستقبلها كما هي ؟ .زي ما قلت في مواصفات شهرزادي الخاصه فوق اني بتمني تقبلني زي مانا ,, فاكيد هحاول اقبلها زي ماهي لو علي التغيير فمش مشكله اكيد الطرفين لو شايفين اي شيئ قابل للتغيير للافضل في الطرف التاني لازم يقولو دا ,, ماهو علاقه شهريار وشهرزاد , تكمل ازاي لو مش كل طرف شايف في التاني انه الافضل في كل شيئ عن باقي البشر هل ستضعف امام دموع شهرزاد ؟ ايضا هل ستكون دموعها حلا للهروب من قسوتك ؟ اكيد هضعف قسوه ؟ مظنش اكيد طبعا اتمني اني مش في اي يوم من الايام اوصل شهرزادي لحد الدموع بسببي مظنش هقدر اعمل دا , ابداا ما اكتر شئ تخشاه من شهرزاد ؟ بخشي شهرزاد المخادعه , اللي بتجيد تقمص دور شهريار بخشي كذلك من شهرزاد الجاهله بابسط خبايا نفسي , لو لم تفهم ما لم ابوح به لن تفهم ما بوحته اتمني شهرزادي الخاصة تفهم كل حاجه عني قبل ما اقولها ,, وبخشي لو كانت جاهله بدا كمان بخشي شهرزاد التقليديه اللي هتشبه امها في كل شيئ بعدين وتتحول لشهرزاد الام فقط مش الام والزوجه الجزء الثاني من اسئلتي معك شهريار انا قريت الاسئله تحت وهجاوب عليها قبل مااجاوب حابب اقول الاول انا بكره النفاق وتصنع المثاليه وانا مش بحب الاسئله المجازيه المستقبليه بالطريقه دي لان محدش هيعرف يجاوب بحق طالما مجربش الموقف ممكن اقول ااه واكيد وطبعا وبلا شك وماله وليه لا وهكذا علشان اعجب مثلا ولا علشان اعيش نفسي في دور المثالي انا ابعد ما يكون عن المثاليه ,, واجابتي حاليا هتكون توقع مش اكتر ولا اقل ,, ممكن يصيب ووقتها هعمل دا وممكن يخيب بكل سهوله وفي وقت الجد يجد في الامور امور مين عارف ,, والفكر والقناعات الشخصيه سهل تتغير مع الوقت والزمن ,, هل تقبل ان تكون شهرزادك ؟ من ذوي الاحتياجات الخاصة ؟ مظنش دا ومهواش شيئ وحش مني برضوة واقدر بكل سهوله اقول اظن ,, وتبقي مجرد كلمه مطلقة او ارمله ؟ عادي ,, مفيش مشكله هنا اكبر من سنا ؟ مش بفضل دا ,, لكن مش هحطه تحت خانه المستحيل كذلك ,, سيئة السمعة ؟ !! بكل تاكيد لا !! ودي مثلا هحبها علي اساس ايه !! سمينه او نحيفة ؟ لا بكل تاكيد مش سمينه ! وبرضوة مش نحيفه ! خير الامور الوسط " رشيقه " دي احدي الاساسيات عندي ليست محجبة ؟ لو عرفتها مش محتجبه واتحجبت ,, عادي ولو اني عارف انها لو مش محجبه مش هتعجبني لكن انها تكون مش محجبه ومش ناويه ؟ لا طبعااا تعرضت وانت معاها لحادث افقدها بصرها او اصيبت بعجز ؟ قضاء وقدر اكيد وحقها عليا اني افضل معاها لكن مش هفرض افتراضات مستقبليه وانا مش متاكد من تصرفي وقتها ايه ؟ مش هقول هفضل معاها والحب والكلام دا وانا مش واثق في الطبيعه البشريه في الحالات دي ربنا وحده يعلم وربنا ما يحطني في وضع زي دا اجنبية ؟ دا عادي جدا ,, مفهوش مشكله مغتصبة ؟ ملهاش ادني ذنب في وضعها اظن عادي ,, متسلطة ؟ اما اغير البطاقه الاول ابقي اقبل ! اكيد لا طبعاا انا راجل شرقي وصعيدي جدا الراجل راجل والست ست تشوفلها دلدول في سوق الخرده لازال قلبها عالقا بشخصا اخر ؟ لا طبعاااا ,, انا مش هظلم نفسي مع واحده كده ,, انا عايز واحده تحبني وتبادلني مشاعري واكتر مني كمان مش قلبها عالق بشخص اخر ! رفضت الزواج منك ؟ برضوة لا طبعا ,, انا ليا كرامتي ,, مش هقبل بقبول بعض رفض مش هقبل بواحده قابلاني ضغط مش هرضي اكون بديل لفشل حد في حياتها اكيد لا

[phalsteen]

والي هنا ستنتظر شهرزاد حتي يقول شهريار السؤال المراد

فتجاوب شهرزاد قبل صياح الديك اللعين



والا ستروي لشهريار قصة من قصص الزمان



الي ان تنهي شهرزاد الحوار وتسكت عن الكلام المباح

[ķąyąŋ..♡]

اسئلة جميله جدا سندريلا

مع شخص رائع واجابات اجمل

بجد حوار جميل جدا

بس محمود مش ليه في المسابقات بس

واللهي عجبني وجه نظرك كلها يا محمود

يارب تكون دايما متالق كدا

[๓αℓάҝ]

ايووووه بقى يا محمود اموت انا ههههههه
لا بجد إجابات حلو كلها عجبتني و قرات الحلقه كلها
و كمان يابني انت عسل أكيد محدش هيرفض حد زيك

ممكن اقول ااه واكيد وطبعا وبلا شك وماله وليه لا وهكذا علشان اعجب مثلا
ولا علشان اعيش نفسي في دور المثالي
انا ابعد ما يكون عن المثاليه ,,
واجابتي حاليا هتكون توقع مش اكتر ولا اقل ,,
ممكن يصيب ووقتها هعمل دا وممكن يخيب بكل سهوله
وفي وقت الجد يجد في الامور امور مين عارف ,,
والفكر والقناعات الشخصيه سهل تتغير مع الوقت والزمن ,,

عجبني الجزء ده اكتر حاجه ..
تحفه بقى كل الردود امحمود
عقبال محضر فرحك يا مضروب ههههههه

تسلمي يا جميل
عجبتني الأسئلة و عجبتني الاستضافة اكتر

[۩۩ elMagic ۩۩]

جميل جدا التوبيكـ داا
الله عليكـ يا محمود ولا يا شهريار :d
منور بإجاباتكـ المميزه
تسلمى لمجهودكـ سندريلا
بالتوفيق دايما ان شاء الله

[شاعر واسير الحب]

مجهـــــــــود رائع
تسلم الايــــــــادي
حلقة رائعه واجابات دبلوماسية
يدوم النشــــــــاط
محاورة مبدعه
دمت بخير

[طمطم]

اقتباس متفرده في كل تكويناتها عن اي شهرزاد تانيه لو هنقول شهرزاد لبنان ولا سوريا الاجمل فهتلاقي شهرزاد مصر الافضل بلا شك الاصاله , الطيبه , التدين , غيره كتير شهرزاد مصر بكل تاكيد الاميز وليست تحتوي علي مميزات فقط

انت مصرى اصلى ع فكرة ^^
منور ي شهريار ..

حلقة اصلى ي فتاة =)

[ساحر الأحزان]

حلقة جميلة سندريلا مع محمود

اجابات شهريار جميلة

على اسئلة شهرزاد


تحياتى لكم على تلك الحلقة المميز

ومنتظرين شهريار جديد

[აα∂ Ԑγεა]

اقتباس المشاركة الأصلية كتبت بواسطة Čίŋđёяёℓℓα والي هنا ستنتظر شهرزاد حتي يقول شهريار السؤال المراد فتجاوب شهرزاد قبل صياح الديك اللعين والا ستروي لشهريار قصة من قصص الزمان الي ان تنهي شهرزاد الحوار وتسكت عن الكلام المباح

طيب واللي بيفكر يندل ويسمع حدوته
كنت بقول مسالش او أسأل سؤال صعب مثلا عدد نجوم السماء
علشان اسمع الحدوته
بس عادي اسأل وخلاص
سؤالي هنا مركب شويه
هل سبق ليكي يا شهرزاد وكان لكِ شهريار في حياتك ,,
لو نعم ,, احكي ,, لو لا ,, ما هي مواصفات شهريارك ,,
؟

ف الانتظار
وتسلمي للاستضافه الجميله دي
كنت سعيد بالحلقه وبالاسئله
ميرسي الك ,

[طِيشْ !]

إجابات جميلة و أسئلة أجمل

حضور جميل منكـ أخي العزيز

حوار ممتع وشيق

سلمت أناملكـ غاليتي

ودي ووردي