ميلاد جديد

[Words Whisper]

في البداية يَ رب يكون عام سعيد وكله خير وبركة على البشرية كلها وعلى الوطن العربي خصوصا و يَ رب كل شخص فينا فرد فرد يكون عامه الجديد أسعد وأجمل من العام الماضي .. النهاردة بإذن الله نهاية شهر وبداية عام ميلادي فالمفروض هنعمل تكريم الشهر دا وهنضمه هنا في الموضوع وكمان ناخد جولة سريعة كدا في قسم الأقلام ونتكلم عن نشأته سوري لو الصور قليلة بس دا اللي قدرت أعمله بجد .. كنا قلنا في موضوع قسم اليوميات تبع النقد ان هنتبع أسلوب مختلف في التكريم الشهري .. نجم الشهر هيتم اختياره بناء على استمرارية نشاطه بمعنى كرمنا المرة دي عدد معين واستمروا على نشاطهم نفاضل بينهم ونختار منهم نجم الشهر لاستمرار نشاطه شهرين وكدا دا هيكون أكثر عدلا بحيث انه اللي ياخد نجم الشهر هو اللي بيستمر نشاطه لأكتر من شهر وعشان الناس اللي بتفضل مستمرة في مجهودها تاخد حقها طبعا نجم الشهر مش بس اللي بينزل مواضيع كتير كمان قيمة الموضوع ومتابعته بالردود لمواضيع الاخرين >> مهم دا عشان بس تعرفوا حضراتكم ع أي أساس اخترنا نجم الشهر دا .. >>> يتبع >>>

[قلم بلا حبر]

بسم الله الرحمن الرحيم السلام عليكم كل سنه وحضراتكم طيبين بمناسبة بداية عام جديد بتمنى انه يكون عام سعيد عليكم وعلى كل المرتبطين بيكم سواء اهل او اصدقاء او معارف حابب بس فى البدايه وبلاش تعتبروه عنصريه منى لان خيركم خيركم لاهله ,, ومشرفى القسم هنا بالنسبه ليا فى المنتدى زى اهلى ,,, فحابب اقدملهم شكر على كل المجهود اللى بيقوموا بيه وكل التطوير اللى بيحصل فى القسم والافكار والمنابعه اللى بتخلى منهم مجموعه من أفضل الناس اللى اشتغلت معاهم فى المنتدى فياريت كلنا بشكل او بالتانى نقدم ليهم شكر خاص وكل واحد بطريقته ,,, ولازم يكون الاسلوب دا منهجنا بعد كدا فى المنتدى ان المجتهد يقدر ويكرم ويتم شكره ,,, فانا عن نفسى بشكرك مشرفى قسم قلم الاعضاء سما واسماء وامجد ,, ومن تقدم لتقدم ان شاء الله ويفضلوا محافظين على الرياده الجميله اللى حققوها فى الفتره الاخيره بمجمل افكارهم المبدعه اللى غلفت القسم بتميز واضح لكل الاعضاء الحاجه التانيه اللى حابب اشارككم بيها فى مناسبه زى دى ,,, انى بتقدم بتهنئه خاصه برده للاخ (( كبرياء رجل )) بمناسبة ميلاد السيد المسيح ويارب يبقى ايامه كلها اعياد ويفضل منورنا باخلاقه العاليه وبادبه الجم تالت حاجه بقى ,, بستغل المناسبه دى فى انى اوجه نداء للاعضاء وعلى مسؤوليتى الشخصيه ,, ان ان شاء الله 2013 حيكون عام مختلف على المنتدى من خلالكم انتم مش منحه منى ولا من اى حد نيجى بقى للدعوه اللى اتوجهت ليا علشان اتكلم عن نشأة القسم القسم اتولد بفكرة لا للنقل نعم للتميز ,,, لما اشتركت فى المنتدى كان اغلب تواجدى فى قسم النقاش وحسيت باحساس اى حد بيتعب وبيجهد نفسه علشان يكتب موضوع ويفاجئ تانى يوم انه بقى فى الصفحه التانيه نتيجة تراكم المواضيع المنقوله من بعض الاعضاء احساس صعب انك تكون محتاج مشاركه من الاعضاء فى نقاش رؤيتك وتتفاجئ ان موضوعك انتهت صلاحيته بسرعة البرق ,,, مكنشى دافع لانى ابطل كتابه على قد ما كان دافع انى احاول انى اكتب فى مواضيع تشد الانتباه فيبدأ العضو يهتم انه يرد فاقدر اخد نصيبى من التواجد فى الصفحه الاولى ولو حقولكم ,, فدا شئ صعب جدا لانك حتضطر تدور على الفكره اكتر من اللى ممكن تستغرقه فى الكتابه عنها ,,, ففكرة (( لا للنقل )) كانت موجوده براسى لانى اتأذيت منها قدرت والحمد لله ان يكون ليا متابعين من اعضاء ومشرفين وحتى الاداره فى الوقت دا كانت بتابع المواضيع اللى بكتبها ودا كان عامل مسعد انى اكمل فى نفس الطريق اللى رسمته فى انك ازاى تقدر تتواجد فى وسط المنقول لحد ما يوم جه ابو ادهم وعرض عليا الاشراف فى قسم النقاش ,, بحكم انى واحد من الناس اللى كانت بتكتب فيه كتير ,, ولان علشان تطبق عدم المنقول فى قسم قديم وقائم بالفعل ومليان مواضيع منقوله كتير لاعضاء كتير يعتبر سباحه ضد التيار ,, فكان ردى هو الرفض اتكررت المحاوله من ابو ادهم انى اكون مشرف على حسب الرؤيه اللى انا شايفها للقسم ,, فشرحتله الوضع وان المجهود اللى ممكن اعمله علشان احقق قوانين جديده فى قسم النقاش تمنع المنقول ,, ممكن نوفره لاننا ننشئ قسم جديد ونهتم بيه وندعمه ونفرض قوانين تحفظ ليه الشكل اللى احنا كنا بنتمناه لان اللى كتير من الاعضاء ميعرفهوش ان مفيش مراقب او ادارى الا ونفسه يلغى المنقول ,, بس للاسف حيكون فى غير صالح طايفه كبيره من الاعضاء اللى ممكن يضايقوا من كونهم مش قادرين يشاركوا فى الاقسام عموما اتناقشت الفكره من كل جوانبها ,, وقررنا اننا نعمل القسم واختارنا عنوانه (( بقلم الاعضاء )) ,, تقريبا فى الوقت دا نادرا ما كنت تلاقى منتدى فيه حاجه زى كدا ,, يعنى الى حد ما كان المنتدى هنا سباق فى الفكره دى طبعا زى اى فكره كان ليه مؤيدين ومعارضين ,,, سواء فى الطاقم الاشرافى او الراقبى او الادارى وقتها ,, انا فاكر انى دخلت فى نقاش مع احد المراقبين كان بمنصب اسمه (( مشتشار ادارى )) فضلنا اكتر من يوم نتناقش فى جدوى القسم فى النهايه اتعمل القسم واتطلب منى احط قوانينه ,, فكانت بالشكل اللى انتم شفتوه دا ,,(( الى حد ما بعض بنود القوانين معطله )) بس فى الاول كانت كل القوانين بتطبق فعلا وكان لاول مره ممكن موضوع لمشرف يغلق او يحذف او رد لمراقب يتحذف او مشرف يمنع من الكتابه فى القسم ,, فاستهوى شريحه جديده من الاعضاء انهم يشاركوا فى القسم لانهم ضامنين ان الامور ماشيه بدون لا تحيز ولا مجامله انا فاكر الاسماء اللى بدأت بالكتابه فى القسم ,, طارق طبعا كان من اوائل الناس ومواضيعه كانت بنفس نكهة مواضيعه دلوقتى غريبه كدا بس فيها افكار جميله ,, كان فى ياسمين رفعت كانت بتعبر بلغه قويه عن افكارها واحيانا كانت بتكون صادمه للبعض ,, كان فى ميرا بنت احساسها رهيف جدا وكانت بتناقش افكار انسانيه غايه فى الروعه ,, كان فى سمر (( سمسمه 2008 )) مواضيعها دمها خفيف وغير متوقعه ,,, طبعا بدأت شرائح من الاعضاء يستهويهم فكرة القسم فى انه بيتيح ليك تعبر عن نفسك او افكارك او همومك بشكل بيحفظ ليك احترام موضوعك وافكارك من الحذف التعسفى او المجاملات الزائفه ,, وكمان حدة النقاشات اللى كانت بتكون فى القسم فى الوقت دا وبعض القرارات اللى كان البعض بيعتبرها قرارات جريئه عملت هاله من التعجب حوالين القسم خلت ناس مكنتشى بتكتب فى الادب او النقاش بدأت تحاول تشارك الاسره الصغيره اللى بتكتب فى قسم بقلم الاعضاء ,, زى كراميلا كانت اولى تجاربها فى الكتابه فى القسم هنا ولما لاقت نجاح انطلقت ومحدش بعد كدا كان ملاحق عليها كتابه ,,, واتحول القسم من مجرد بوتقه لعرض الافكار لمكان لاكتشاف المواهب الادبيه ,, طبعا انضم معايا بعد فتره فى الاشراف ياسمين رفعت ورحيق الجنه ,, ودخلت انا الجيش وهم كملوا المسيره ,, ودايما كان القسم فى حالة تأرجح ,, يعنى اوقات تلاقيه عامل زى برج ايفل بالمنتدى بيجذب كل الاعضاء والزوار ليه ,, واوقات تانيه تلاقيه منحصر بين بعض الاسماء اللى بيستهويهم الكتابه الادبيه واظن احنا دلوقتى فى العصر الذهبى للقسم من حيث النشاط وتميز الافكار ,,, بفضل المشرفين المكلفين بادارته واللى قايمين بمجهود يشكروا عليه للمره التانيه كان ولايزال القسم دا ليه زكريات مع ناس كتير ,,, كان بيحصل فيه بلاوى ,, اه والله ههههههههههه خناقات وغلق وحذف واحيانا حظر ,, ومشرفين يزعلوا ازاى يعاملنا كدا ,, واعضاء يسجلوا علشان يتحدوا بنقاشهم ولما يفشلوا يغيبوا ومحدش يشوفهم بعتقد والله اعلم ان القسم دا يجوز انى اقول عليه (( تربية ايدى )) ههههههههههههه كل سنه وانتم طيبين ,,, وسنه سعيده عليكم ويارب تتحقق كل امانيكم ,, وحياتكم فى السنه الجديده تكون للافضل بالتوفيق

[ساحر الأحزان]

مواضيع مختارة من القسم وللحق المواضيع كثيرة جدا جدا فاعذرونا ان لم نحصى الجميع نبذة عن المواضيع داخل القسم نشكر لكم جميل المتابعة

[DR.SMA]

بسم الله الرحمن الرحيم اهلا وسهلا بيكم أعضاء المنتدى كلهم النهارده يوم مهم جدا للكل إشترك فيه كل مشرفي القسم حبينا انكم تشاركونا يوم زي ده ونكرمكم كمان والتكريم ده للقسم قبل ما يكون ليكم لان وجود أعضاء زيكم هوه ده تكريم القسم الحقيقي أولا نجم الشهر عضو أثبت ذاته وقيمته حقيقي لما كان في مسابقه المشرفين مكنتش عارفه بيعرف يكتب ولا لأ لكن سالت عليه أمجد وقالي انه كويس ومحتاج فرصه وقلمه راقي جدا معانا النهارده محمود محي 200 مشاركة - وسام نجم الشهر ثانياتكريم الاعضاء المميزين والي ليهم بصمه في القسم بشكل خاص طبعا كل الاعضاء ليهم بصمات لكن حاولنا على اد ما نقدر نكرم عدد وان شاء الله على مر الوقت الكل له تكريم هنا أولاً عضو في التكريم هي العضوه همسه الجوراح 50 مشاركة - شهادة شكر .. ثانياً معانا أ\ محمد شاهين نتمنى دايما وجوده معانا بخير و إستمرار 50 مشاركة - شهادة شكر .. ثالثاً العضو نور دايما صاحب فكره مميز دايما وكتابات متجدده قلم له إحترامه وتقديريه وعقليه قديره .. 50 مشاركة - شهادة شكر .. رابعاً العضوه سندريللا كتاباتها راقيه جدا قلم عجبني جدا وإن شاء الله دوامه يارب 50 مشاركة - شهادة شكر .. خامساً معايا العضوه إبتسامه زهر دايما إن شاء الله منورانا 50 مشاركة - شهادة شكر .. السنه الجديده ان شاء الله هتكون سنه سعيده علينا كلنا والناس الي اتكرمت هنا دايما منورين ان شاء الله تكريمكم مميز جدا لانه بيتوافق مع السنه الجديده نتمنى تحافظوا على مستواكم بالقسم ومن تقدم لتقدم إن شاء الله انتو والقسم كل سنه وانتوا طيبين HAPPY NEW YEAR بشكرمشرفي القسم جدا على مجهودهم وتعاونهم وإهتمامهم ده قلم بلا حبر ساحر الأحزان words whisper

[حفيدالفراعنة]

مبروك للجميع

[Mahmoud Mohie]

اخجلتم تواضعى بهذا التكريم
حقيقى اكثر تكريم اعتز بيه
بعد تكريمى كقلم مميز ف المنتدى
اشكركم جميعا
اسماء . امجد . سما . سيد
مميزين حقا
بس ايه التكريم اللى من غير مشاركات ده :-d
انا اعترض :-d
يدوم التميز ليكم
واشكركم جميعا
تحياتى

[احساسى صحيح]

موضوع جميل والف مبرووك للمكرمين
وتحية خاصة منى
لأفضل مشرفين بالفعل
فى جميع الاقسام
هنا فى هذا القسم بدون مجاملة
الاستاذ سيد قلم بلا حبر
اخى الغالى الاستاذ امجد
الدكتورة سما الراقية والرائعة
الدكتورة اسماء عقلية فى منتهى الرقى
مبروك لنا وجودكم بينا بحق
وانا اتشرف بمعرفة اشخاص محترمين زيكم
تقبلوا منى جل الاحترام والامتنان العميق
وكل سنة وانتم طيبين .

[شاعرة الرومانسيه]

أولا كل سنه والجميع بخير وبصحه ويارب اجعل سنة 2013

سنه سعيده على الجميع وعلى مصرنا بالخير بارب

أتوجه بكلمه حق لمشرفى هذا القسم الحصرى

بصراحه مشرفين نكن لهم كل احترام وتقدير على المستوى الشخصى والعام

تميزو جميعا بالنشاط والمجهود وقبل أقلامهم تميزوا بأخلاقهم الحميده

لهم جميعا وقفه شكر وعرفان لما يقدموه للقسم ولجميع الأقسام

ثانيـــــــــــــــــــــــــــــــــــــــــا

أقدم التهنئه للأخ محمود بكتاباته ومواضيعه الهادفه

قرأت له 5 مواضيع صراحه يمتلك قلم هادف وجريىء

وأهنىء باقى الأقلام التى اسعدتنا بالقسم برغم انى

أعترف بأننى مقصــــــــــــــــــــره بهذا القسم

وان شاء الله يكون لى نصيب بالقسم بالايام القادمه


كل سنه والجميع بخير

[აα∂ Ԑγεა]

احتفاليه جميله جدا من قسم اجمل ما يكون
انا قريتها امبارح بسي كانت مغلقه فمقدرش ارد
تسلمو للاحتفاليه الجميله دي
واللي خرجت بشكل جماعي يدل علي قيمه الناس المسئوله هنا

الف مبرووك لمحمود محيي التكريم
يستحق اكيد وبكل جداره
مميز جدا وتواجده يشهد بدا
والف مبروك لكل المكرمين في القسم كذلك

جميله الاحتفاليه
والاجمل الاشخاص الي قامو بيها
حقيقي اجمل وافضل وانشط قسم في المنتدي
تحيتي للجميع هنا
كل سنه وانتم طيبين ياارب
ويارب عام سعيد عليكم
ومن تقدم لتقدم باذن الله
كيب اب :d

[المستبده]

صبااااااااااااااااح الخير للجميع

كتير رااااااااااااااااااااائع التحفيز وعدم نكران اي مجهود

مبروك للجميع لانهم فعلا اعضاء راااااااااااااااااااااااائعين جدا

وايضا بشكر جميع المراقبين والمشرفين

لانهم عملو بجداره لمتابعه اقسامهم

وبتمنالكم سنه سعيده للجميع

لكم مني كل الحب والاحترام

احباااااااااااااااااااااائي