أرجــوكى فــوتينـا

[Mo chahin]

ارجوكى فوتينى

فوضينا يادنيا وفوتينا وابعــدى عـــنا ولا تجــينا

انــــتى لـــيه بتلـــعبينا لا نصاحبك ولا تصاحبينا

ربــــنا مــنك ينـــجينا لــيه بتتمحكى فـيــــــنا

عشان مش عايزينك عايزه انـــــت تخديــــنا

فى رجليكى بتـجرجـرينا ما تفوتينا بالى بينا ورجعينا

ياريتك يا دنيا تنسينا دا اللــى فـــينا مكفـــــــــينا

ولا يوم ح تغــــــــنينا ولا فى يــــوم ح ترضــينا

عـــــلى أيــه بتعــلقينا ح نـــسيــبك وح

تسبــــــينا

ليه بيكى بتشغلينا من امتى بتـــشترينا

طول عمرك بايعه فينا وغدرك جار علينا

ربنا ما يحوجنا ليكى ولا يشبطنا فيكى

ولا يعلقنا بيكى

ويهدينا ويهديكى

لاعايزك ولا بشكيكى

بس تبعدى عنى

دا بعدك

يطمنى دا انا ما ليش فيكى

شوفى غيرى عليه حنى

دا انا راجع لربى وحده ح يكفينى

ويملا بالرضا عينى

بس انت فوتينى ولا ح افكر فيكى ولا تشغلينى

ولا ح ارجع واقولك ارجوكى الحقينى

دا انا بتمنى منك انك تفوكينى

كلمات ..

محمد شاهينـ

[دمعه حائره]

احيانا المشاكل والصعاب اللى بنشوفها فى الدنيا
بتخلينا نذهد الحياه كلها ومانتعلقش بحاجه فيها
كلمات قاسيه ومعبره جدا عن الحاله
تسلم اخى ويدوم التواجد الجميل

[المستبده]

انا بعرف الدنيا قاسيه علينا

وبنشوف منها الالام والاحزان

حتى الاحباب ماعادو احباب ولا الاصحاب عادو اصحاب

ولكن لن تستسلم الها رغم مانشوف منها

لازم يكون بريق امل للحياه حتى نتغلب على كل مايحيط بنا

واتمنى لك السعاده وراحه البال

تقبل مروري اخي

[K A S E M]

اخى الحبيب مستر ميرو
كلمات ممزوجه بالوجع والحزن
هى الدنيا لم تخلق لراحه
(لقد خلقنا الانسان فى كبد)
صدق الله العظيم
جميله تلك الكلمات الناطقه بصدق احساسك
فى التخلى عن تلك الدنيا الموجعه
واللجوء الى الله والرغبه فى ما عنده
اعجبنى جدا ما نثرت هنا وانتظمت حروفه
تقديرى لجميل حرفك
ولقلبك كل الود

[شاعرة الرومانسيه]

ياريت بإدينا نوقف الزمن

كنا وقفناه عند لحظه فرح

وما كنا عشنا لحظة جرح

ولكن تبقى الدنيا هى الدنيا

للمجهول تسحب خطاوينا

الله يصبرنا على ما مر بينا

ويقدرنا نقاوم للى غايب عن عينينا

سلمت اناملك

[ساحر الأحزان]

هكذا حال الدنيا

سوء شئنا ام بينا


الوضع يتغير

ولا يبقى شىء على حال

هكذا هو حال الايام

والعمر يمضى بتقلباتة

ونحن معة

كلمات جميلة ومؤثرة

تحياتى وتقديرى

[ابتسامة الزهر]

هى الدنيا كده بتلعب بينا
بتقتل كل شئ جميل فينا؟
بتحب تشوف دموعنا وهيا بتروي عنينا
غرقتنا في هموم ومشاكل ولا حد داري بينا
بنفرح يوم ونبكي الف يوم
ولا هنعتب عليها ولا هنلوم
عشان دا قدرنا ومكتوب
كلمات بتعبر عن احساسك من هذه الدنيا
فليس لنا الا اللجوء الى الله
فهو ما يغنينا عن هذه الدنيا الفانية
جميلة كلماتك راقت لى كثيرا
تقديرى لك

[كريم عاصم]

أخى محمد شاهين الكاتب الجميل الراقي

هي الدنيا بمصاعبها ... بحلوها ..... بمرها

بمصاعبها عندما ينتابنا الحزن من صدمة تأخذنا للجحيم

وبحلوها عندما يتبدل الحزن ونعبر خطاوى النسيان على مدار السنين

وبمرها حين نقف مكتوفين الأيادي مستسلمين

واقع وقدر ونحن فيه

قلم رائع ومميز وراقي ... وربنا يبعد عنك الحزن أخي

خالص تحياتي

كريم عاصم

[Words Whisper]

اللهم اجعل دنيانا خيرا
وآتِنا خيري الدنيا والآخرة
واكفنا شر الدنيا .. آمييين ..


طرح راقٍ
راقتني حقا ..
شاكرة لحضرتك كثيرا ..
دمت بتوفيق وسعادة ..

[فداااااااااااء]

الدنيا كثيرا ما يكون على سطحها بريق لامع يجذب الأنسان اليها

ولكن تحت سطح هذا البريق أشواك تغرز فى أقدامنا لتشعرنا بالألم وتملىء القلوب بالهموم

من ترك الدنيا سعت خلفه لتنال رضاه

ومن سعى خلف الدنيا وضع تحت أقدامها

ولكنها هى الحياة أخى محمد فمن الصعب تركها

او نعيش ونوهم نفسنا انها ستتركنا فى حالنا


كلما عذبة وبوح راقى من قلم بفكر متميز

تسلم ايدك اخى ودوم التألق والابداع