افتراح من فروحة

[فرحة]

السلام عليكم ورحمة الله وبركاته اهلا بكل اعضاء بنات مصر انا بفترح اننا نعمل قسم تابع للقسمى صور واخبار الفنانين وهو قسم اخباروصور الفن التركى. وده لانى لقيت ناس كتير مهتمه بيه من جمع صور واخبار عنهم .. انا منتظره رائ الاداره ف انشاء القسم ده .. وحابه اشوف ردود االاعضاء ف امان الله .. فروووحة

[Mahmoud Mohie]

أظن الفن التركى وفنانين تركيا ,,

يندرج تحت نفس القسم ,,


ولو هنعمله ,, يبقى نعمل الفن الهندى لأنه أيضا راقى ,,


الفن السورى الفن السعودى الفن المصرى يكون مستقل ,,


.........


رأيي ان القسم شامل و كويس
وملهاش لزمه زيادة التفريعات ,,


اشكر تقبلك وجهه نظرى
تحيااتى

[حنـــــون]

طب وليه قسم
ما انتى ممكن تعمل مثلا
تعملى ملف صور خاص بيه فى موضوع وحده
كدا يعنى
متهيالى مش محتاج قسم خاص
لانها صور بردوا الفن واحد يعنى
موفقه ياقمرى

[احضان الحبايب]

اممممممم .,

اناا راى من راى محمود .,

القسم لما يكون شامل .,

بدون اى تقسيمات ادارية .,

يكون احسن .,

لان مثلا ممكن عضو موهوم بالفن المكسيكي مثلا

يعملك كل يوم 3 مواضيع صور و اخبار عن الفن المكسيكى

و مره واحده لقيتى القسم كله فن مكسيكى

هل هنعمل قسم خاص بالمكسيك !!

نفس الفكره مع الفن المصرى

بس ممكن يبقا فى فكرة قسم الفن الاجنبى

يعنى تقسمى الفن لحاجتين

فن عربى

و فن اجنبى

يعنى بحيث ال عايز يدور ع صور فنانين او اخبار فنانين اجانب يبقا سهل بالنسباله

و نفس الشئ الفن العربى

اظن كدا احسن

ده لو حابه يبقا فى فصل

[فرحة]

اقتباس المشاركة الأصلية كتبت بواسطة احضان الحبايب اممممممم ., اناا راى من راى محمود ., القسم لما يكون شامل ., بدون اى تقسيمات ادارية ., يكون احسن ., لان مثلا ممكن عضو موهوم بالفن المكسيكي مثلا يعملك كل يوم 3 مواضيع صور و اخبار عن الفن المكسيكى و مره واحده لقيتى القسم كله فن مكسيكى هل هنعمل قسم خاص بالمكسيك !! نفس الفكره مع الفن المصرى بس ممكن يبقا فى فكرة قسم الفن الاجنبى يعنى تقسمى الفن لحاجتين فن عربى و فن اجنبى يعنى بحيث ال عايز يدور ع صور فنانين او اخبار فنانين اجانب يبقا سهل بالنسباله و نفس الشئ الفن العربى اظن كدا احسن ده لو حابه يبقا فى فصل

تسلم اخى ع وجهو نظرك
بس انا لما طلبت القسم ده عشان لقيت اعضاء كتيييييير بنزله عنه
وانشاء الله احطها ف الاعتبار
نورت برايك

[فرحة]

اقتباس المشاركة الأصلية كتبت بواسطة mahmoud mohie أظن الفن التركى وفنانين تركيا ,, يندرج تحت نفس القسم ,, ولو هنعمله ,, يبقى نعمل الفن الهندى لأنه أيضا راقى ,, الفن السورى الفن السعودى الفن المصرى يكون مستقل ,, ......... رأيي ان القسم شامل و كويس وملهاش لزمه زيادة التفريعات ,, اشكر تقبلك وجهه نظرى تحيااتى

تسلم اخى ع وجه نظرك
بس انا لما طلبت القسم ده عشان لقيت اعضاء كتيييييير بتنزل عنه
وانشاء الله احطها ف الاعتبار
نورت برايك .. وهنشوف باقى الاراء

[فرحة]

اقتباس المشاركة الأصلية كتبت بواسطة حنـــــون طب وليه قسم ما انتى ممكن تعمل مثلا تعملى ملف صور خاص بيه فى موضوع وحده كدا يعنى متهيالى مش محتاج قسم خاص لانها صور بردوا الفن واحد يعنى موفقه ياقمرى

تسلمى حنون ع رايك
وانا فعلا النهارده ثبت موضوع للعضوه عملت نفس فكرتك وهنجمع فيها كل حاجه
بس انتى عارفه ان لما بيحصل صفحات كتير بعد كده بيكون التصفح ف الملف ده تقيل ورخم

نورتى برايك حبيبتى

[الأميرة رودي]

صباح الخير اولا
انا بصراحه مع الاراء الى قبلي يافرحه
لان كل واحد وله ميوله بالنسبه لموضوع الفن
يعنى فيه ناس بتميل للهندي وناس للتركى وناس أجنبي
فصعب انك تعملى قسم لكل حاجه فيهم
لكن سهل انك تفتحى موضوعات خاصه لكل حاجه فيهم وتكون مثبته عندك
واللى يحب يدور على حاجه معينه وقت مايدخل الموضوع ويعمل بحث فى المشاركات هتظهرله حتى لو المشاركات والصفحات كتيره زى ماقولتى
ده مجرد رأى واللى انت شايفاه صح اعمليه
صباحك سكر ياقمرى

[مشتاقه للجنه]

أفكارك حلوه يا فرووح
وشغلك رائع ومستوى قسمك بالارتفاع بمجهودك
وممكن الفكره تكون اشمل لتشمل الفن الاجنبى اى خارج مصر لوحده
والمصرى نركز عليه لوحده ,,
موفقه يا قمرايه

[دمعه حائره]

دايما بتفكرى ازاى تنشطى قسمك وعندك افكار جميله
ولو فعلا عملتى توبيك لاشهر الممثلين الاتراك هايكون جميل
وانا اول واحده هاتابعه بس لميس تكون اول صفحه