إيــه اللى جـــرى

[Mo chahin]

ايه اللى جرى فيكي وصـــار ,,



الفكر احتار .. والعقل اهو طار

وتايه مش عارف اختار

عين فى الجنه وعين فى النار

كلام الليل .. يسيح فى النهار

رايحه لفين ؟ للعمار .. ولا واخدينك للدمار

تايه مش عارف اختار .. محتار

ايه اللى جرى فيكي وصار

انا مع مين وضد مين

مش قادر اخد قرار

مش شايف نهايه للمشوار

مش شايف الا خراب ودمار

وبلد الامن والامان .. مبقاش فيها استقرار

فين مطالب الثورة .. واحلام الثوار

ايه اللى جرى فيكي وصار

قلوبنا اتغيرت .. ميتنا اتعكرت

افكارنا اتحيرت .. والفرحه اتأخرت

انا خايف عليكي من بكرة

وحلاوة الثورة فى الحلق مُره

والبلطجيه اللى واخده أُجرة

حالفين لينفذوا المُؤامرة

ومبقاش آمان للجار

ايه اللى جرى فيكي وصار

وكأننا فى نفق مٌضلم

وجرحك فى القلوب بيعلم

وبتألم ومش قادر اتكلم

يارب حوش عنا وسلم

هو احنا مش هنتعلم !!

ايه اللى جرى فيكي وصار

ليه سرقوا منك ثورتك

وطفوا عنك فرحتك .. وبسمتك

حاولوا يفضحوكى .. ويكشفوا عورتك

وجروا على الخدود .. دمعتك

مش هما دول يا مصر ولادك

ومش دى يا مصر .. اخرتك

ليه الفتنه ماسكه فينا يا مصريين

وليه نسينا عشرة سنين

ايه اللى جرى فيكي وصار

هو احنا يا مصر متجرجرين

ولا أصحاب قرار مش محسوبين

يا ترى يا مصرنا رايحه لفين

ولحد امتى هنفضل مظلومين

هو احنا متغيبين .. ولا سكرانيين

وآه يا ليل وآه يا عين

ولادك عليكي متسلطين

ايه اللى جرى فيكي وصار

كلمات ..

محمد شاهينـ

[دمعه حائره]

ازمه وهاتعدى وان شاء الله يتصلح الحال ويرجع لمصر الاستقرار
ونرسى بئا على قرار ونعرف مصلحة بلدنا فين
تسلم اخى دايما مميز

[ساحر الأحزان]

مصريتنا واخوتنا

ومحبتنا لبعضنا

حتخلينا نعبر الازمة دى ان شاء الله

والمصرى الاصيل

عمرة ما يتخلى عن وطنة الى جمعة

كلمات جميلة منك

دمت بكل خير

[الرحــاال المٌتَمرد]

تتشابهه الكَلِمات وهذا أمر طبيعي ,, ومنطقي

ولكن ما لا يتشابهه أبداً

هو روعه حروفك مَع إختلاف توجٌهاتها ,,

شاهينا ,,

مِن عٌشاق إبداعاتك ,, حقاً

كٌنت وسأظل , أسيراً لهذا البووح

تحياتى وتقديري سيدي

[فتحى عيسى]

لأننا صدقنا الكدابين وسلمنا ليهم مصرنا
والنهاردة النخبة الطين مذهولين
من خيبة حظهم وقصر نظرهم
وجهلهم بتاريخ اللي ماسكين البلد
بس ربنا كبير ولسه فيه رجاله كتير
ومهما أتأخر وصولهم راجعة مصر
لينا غصبا عن كل آفاق لئيم
أحييك وجمال ماخطه قلمك
وإحساسك
الرائع الكريم
سلمت والنبض
مودتي وإحترامي

[السفينة]

ربناااااا بحفظ مصر وأهل مصر

ويعود بها الزمان الى اوج علاها

كما عهدها التاريخ

وأهل مصر ليست أول محنه تصيبهم

وهم اهل قدره على تختي المحن

والتاريخ كفل ذالك

فلا تخف من شعب مصر بأن يسقط

بل بعد الشدايد تفرج

بأذن واحد أحد

أحـاسيسـ مؤلمه وحزينهـ

اخي ..

دائماً تبدع بقلمك الذي يتناثر كلماته من ذهب

وتسلم اخوي

[المستبده]

ان شاء الله بتتحسن الاحوال

وبترجع ام الدنيا احلى من الاول

مصر تاريخ عريق ولايمكن ينهزم

تسلم اخي على كلماتك الرائعه

[lover moon13]

شدة وتزول ان شاء الله تسلم ايدك

[احساسى صحيح]

كلمات معبرة منك شاهين
موفق دايما يا صاحبى
احترامى

[Mo chahin]

اقتباس المشاركة الأصلية كتبت بواسطة دمعه حائره ازمه وهاتعدى وان شاء الله يتصلح الحال ويرجع لمصر الاستقرار ونرسى بئا على قرار ونعرف مصلحة بلدنا فين تسلم اخى دايما مميز

اشكرك جزيل الشكر على حضورك الطيب ..

تحياتى ,,