الحلقه الخامسه من الوزارة .,, الرائعه (الأميرةرودى)

[Mahmoud Mohie]

معاايا النهاردة ضيفه راائعه
مميزة بكتابتها ورائعه فى تعاملاتها
الكل بيحبها ويقدرها ويحترمها ,,
مشرفه أهدى أقساام المنتدى
الرااائعه







الأميرة رودى

بدايه اشكرك على تلبيه الدعوة وارحب بيكى معنا فى الحلقه الرابعه من حلقات البرنامج

منورانا

, ده نورك يامحمود ونور كل الموجودين .
بشكرك على الدعوه

:

نبدأ بالقسم ,قولى :اقسم باللى فى نفسى انى احب منتدى بنات مصر

ومحبش اى منتدى غيره

الله .. الوطن .. المنتدى

, ههههه اقسم بالله العظيم انى بحب منتدى بنات مصر ومش بحب غيره
الله ,, الوطن ,, المنتدى

دلووقتى حضرتك رئيسه وزراء مصر : ابسطى

, يافرحتى احمدك يارب

رأيك الصريح فى د.هشام قنديل ؟؟

"

"

,هو كـ انسان محترم جداا
لكن فى منصبه مقدرش يثبت جدراته
ومن البدايه من يوم ماطرحو اسمه كرئيس للوزرا
كنا عارفين انه مش هيقدر يعمل حاجه فى الظروف الصعبه
اللى بتمر بيها البلد وكمان تاريخه الوظيفي مش يأهله للمنصب

نروح بقى للوزارء ..

تختارى مين من اعضاء المنتدى للاشراف على وزارة العدل ؟.


, امم اختار مسك الشهاده

الاسباب

, لانه شخصيه ممتازه ومعروف بالهدوء والحكمه وهيراعي العدل والمساواه بين المواطنين

ازاى نقدر نضمن استقلال القضاء ؟ وهل ده موجود فى الدستور الجديد؟

, يوم مايبقى فيه تدخل ف احكام القضاء
يبقى بلدنا عمرها ماهتتقدم خطوه
**نضمن استقلال القضاء بوضع نصوص دستوريه
تجبر الحاكم قبل المواطن على احترام أحكام القضاء
ويوم مايتخلى عن احترامه لاحكام القضاء يشوف مصلحته..
لان اقضاء ده جزء من كيان الدوله وقوتها

** أما الدستور الجديد هو شكليـا بيضمن الاستقلآل

وزارة التعليم من الوزارات الهامه جدا تختار مين ؟ سبب الاختيار

, فــرح لآنها فعـلا لو فى المنصب ده كانت ظبطط الوزاره لانها انسانه مثقفه وعقلها كبير وكمان هى مُدرسه يعني مؤهله للمنصب

خطه مصغرة لتطوير التعليم فى مصر ؟؟

, تطوير التعليم ده عاوز خطط مش خطه واحده
** الاهتمام بالطفل نفسـه كـ انسان مش بتعليمه بس
بنشوف بره الطفل بيتعامل ازاى بمجرد مايدخل المدرسه.
شايفين كم الاخصائيين اللى بيكون فى جميع المراحل التعليميه
من اخصائي نفسي واجتماعي واخصائيين تخاطب يبرمجو الطفل لحب التعليم
**كمان الاهتمام بالعلوم التكنولوجيه واللى هى دالوقتى مفتاح السر لتقدم اى دوله
**مكافئه المدرس بقدر مايستحق لآنه هو اساس تطوير العمليه التعليميه وانا شايفه ان المدرس فى مصر مش واخد حقه بصراحه..
**الاهتمام المهارات واصحاب الهوايات وتطبيقها فعليا مش مجرد حصه او ماده بيخرجو فيها الاطفال للعب ..

الاهتمام بـ المتفوقين ولمتميزين دراسيا دول نقدر نستغلهم بشكل صحيح
**اعاده النظر فى موضوع المناهج اللى كانو بيدرسهولنا

وزارة الصحه تختار مين للوزارة دى ؟ الاسباب

, اختار د/ أسمـاء
عشان هى دكتوره طيوبه وهتحس بالشعب الغلبان ده
وهتقدر تحط خطه كويسه للاهتمام بالمريض ومعاقبه المهملين .
وتزويد المستشفيات بالامكانيات الازمه للحفاظ على حيات المواطنين .
.لاننا شايفين كم الاهمال اللى عندنا

وزارة الدفاع .. هتختارى مين ؟؟ وايه سبب الاختيار ..

السيسي .. رايك فى هذا الرجل ؟

, وزاره الدفاع عاوزه شخصيه مشاكسه فبالتالي مفيش انسب من وليد غريب الاطوار

, السيسي لآخلاف عليه طبعا شخصيه لها تاريخها
بس ارجع واقولك هو لسه ماتحطش ف الموقف اللى نقدر نحكم عليه بيه

تختارى مين لوزارة الداخليه ..

محتاجين نرجع هيبه الشرطه بس ميكونش على حساب قهر الشعب

هتطلبى من الوزير ايه عشان ده يحصل ؟

, هختـارك يامحمود
لانك هادي كده وهتقدر تظبط العلاقه بين الشرطه والمواطن مره تاني
,اهم حاجه انهم يحترمو المواطن المصرى ويشتغلو فقط فى النطاق المسموح ليهم بيه
التصرفات اللى كانت بتحصل من الداخليه قبل كده مكناش بنشوفها الا عندنا

وزارة التموين هتختاريلها مين وايه السبب ؟

,هختار كبرياء رجل
سامي غلبان زيينا وحاسس بالمعاناه اللى عايشين فيها
وهيراعي المواطن البسيط

اهم وزارة فى الولايات المتحده هى وزارة الخارجيه , فى مصر ملهاش لزمه ...

ايه هتكون وظيفه الوزير اللى هتختاريه فى الوزارة ومين هيكون الوزير ده ؟؟

, فعلا عندنا وزير الخارجيه محدود الصلاحيات
يادوب بيتكلم الكلمه اللى تتحدد له بس
هختار. القيصـر
انسان واعى وقراراته كلها صائبه
هيكون ممثل مصر قدام العالم ويجيب حق كل مواطن مظلوم خارج بلده ويوطد العلاقات مع الدول الاخرى
أبسط يااأشرف

وزارة الاعلام هتختاريلها مين ؟

ازاى يكون عندنا اعلام بيعبر عن رأى الشعب ويكون ملك الشعب مش ملك الدوله ؟؟

, وزير الاعلام يكون مورشو

هو انسب حد لانه جرئ وبيطرح اسألته واجاباته بحياديه ودون خوف ودى اهم صفه المفروض تتوفر فى الاعلامى
اعلامنا يكون ملك لشعب يوم مايعبر عن الشعب بجميع توجهاته وطبقاته
مايكونش مرايه او ظل للحكومه

اكتبى اسم العضو فقط لكل وازرة

وزارة القوى العامله

, هبه عاشقه الهدوء

وزارة الاستثمار

, محمد علاء

وزارة الزراعه

البت ,يوكا عاشقه ذكر الله

وزارة الرى والموارد المائيه

,sad eyes والنائب بتاعه يكون ReRooo

وزارة الماليه

,mr.miro

وزارة الثقافه

طبيب الهوى

وزارة النقل والمواصلات

احساسي صحيح
.........

لو جتلك الفرصه تضيفى وزارة جديدة بمهام جديده

اسم الوزارة .. مين هيتولى الاشراف عليها .. مهام هذه الوزارة ؟؟

, هضيف وزاره خاصه بـ أطفال الشوارع
لانهم فعلا يستحقو وزاره مستقله
ساره كونتيس هتكون الوزير
وهيكون مهامها هى مراعاه الاطفال وانشاء دور إيواء لهم ,, وتوفير حياه كريمه من تعليم ومعيشه ووظائف كمان بعد التخرج
بحلم مش كده

كلمه اخيرة وانت فى اخر لحظه فى منصب رئيس الوزارة ؟

"

"

"

, كلمتى لكل الوزرا ارجوكو اشتغلو بضمير شويه عشان ننهض ببلدنا بسرعه
وكلمتى لكل المواطنين أعضاء بنات مصر
اان المنتدى ده جمييل فعلا وبيضم نخبه كبيره من الرائعين
حافظو على تواجدكم فيه وحافظو أكتر على الوصال وروح الآخوه والمحبه بينكم

فى النهايه اشركك على تواجدك الراقى

ويارب الحلقه تكون عجبتك

نورتنا بجد ...

وربنا يوفقك فى حياتك وتبقى فعلا رئيس وزارة

....
, أكيد طبعا عجبتنى جداا وتخيلت شويه انى رئيس وزرا
, تسلم يامحمود والله انا اللى اتشرفت بوجودى معاك
والف شكر لاستضافتي

كان معكم / محمود محى

تحيااتى

[Mahmoud Mohie]

اقتباس تختارى مين لوزارة الداخليه .. محتاجين نرجع هيبه الشرطه بس ميكونش على حساب قهر الشعب هتطلبى من الوزير ايه عشان ده يحصل ؟ , هختـارك يامحمود لانك هادي كده وهتقدر تظبط العلاقه بين الشرطه والمواطن مره تاني ,اهم حاجه انهم يحترمو المواطن المصرى ويشتغلو فقط فى النطاق المسموح ليهم بيه التصرفات اللى كانت بتحصل من الداخليه قبل كده مكناش بنشوفها الا عندنا

هظبطهالك يا سيادة رئيسه الوزارة :d
شكرا للثقه الغاليه ,,
اسعدنى كلامك والله ,,
رائعه دوما يا رودى ,,

[აα∂ Ԑγεა]

اقتباس وزارة الرى والموارد المائيه ,sad eyes والنائب بتاعه يكون ReRooo

سوري بقي يارودي
قصدي يا سياده الوزيره هههههه
انتي هتختاريني في وزاره الري والموارد المائيه
دا بعد ماهو اختيار يبسطني وحد فاكرني في منصب
لا وكمان منصب مهم حاليا في ظل ازمه حوض النيل
لكنه لا يحق لكي باي حال من الاحوال تختاريلي نائبتي d
معرفش بقي سوري انا مش وزير خيخه منظره هههههههههه
مع اني هيا هيا هختار ريرو اصلا
بس اختارها انا مش انتي هههههه
خلاص انا قررت اغير وهجيب رول ملاك كمساعده ليا
واهو تبقي خبير مصري عايش برا ويعود لخدمه وطنه

لا تخافي سياده الوزيره الاميره رودي
ساكون عند حسن ظنك وستري جهود كبيره في هذا المجال
اوعدك بحل ازمه حوض النيل وهتكون دي اولويه اولي عندي
هاخد لفه علي البلاد دي كلها وهقترح علي سيادتك حلول ومشاريع فعاله للمشكله
اظن المشكله بسيطه وفي ايدينا حلها بمجرد اننا يكون عندنا من جديد الرغبه
في اننا نرجع ناخد دور الرياده في القاره ونكون في عون البلاد الضعيفه الفقيره
ووقتها هتكون البلاد دي حليف قوي لينا
كل الحدوته نقد سبت وهنلاقي باقي الاسبوع

والجانب التاني لا تخافي علي الفلاح المصري طول مانا موجود في المنصب
دول اهلي وعشيريتي
مقدرش اقول بحبهم كلهم ,, بس بحب المبدا هههههههههه
لا بجد انا بعشق الفلاح المصري لكن بكل بساطه مش اللي بشوفهم دول
عالعموم اوعدك بجهود فعاله ونقله شديده في المجال دا
الفلاح المصري هيلاقي كل احتياجاته اللي بيطلبها وبتسهيلات كبيره
لكن في مقابل اننا هنعمل جدول في المحافظات زراعات محدده علشان نغطي عجزنا
وكمان نورد بدال ما بنستورد مواد غذائيه

هذا المجال في امان وهيزيد في فتره وزارتك سيادتك يا افندم
ولا انتي خلاص بعد ما خلص الموضوع هيتم تغيير وزاري وهنطير كلنا
ضيفه مميزه جدا يا محمود ,, سعيد باستضافتك ليها
ولاختيارها ليا في منصبي هيدا
حلقه جميله جداا ومنورة يا روودي

[ساحر الأحزان]

نورتى يا رودى الوزارة


اختيارات جميلة منك

لوزراة جميلة

وخافى على نفسك

لتتخلعى فى اول تغيير وزارى

اسعدتونا بجميل حلقتكم الوزارية

تحياتى ليكم

[۩۩ elMagic ۩۩]

أستضافه جميله جداا
نورتى يا رودى الحلقه
جميله جدا اجاباتكـ
وعقبال ما تبقى وزيره بجد بقآ ونفرح بيكـى :d
تسلم محمود للمجهود
يدوم النشاط ,,

[morshooo]

اهلا اهلا

بصاحبة التلت والتلتين ^_^

والله وزارة عنب بجد

واختياراتك جميلة جدا وفى محلها

طالما انا فيها ^_^

نورتو القسم اشباب

وموهى منور ببرنامجة الجامد

فى انتظار الحلقة الجاية

[الأميرة رودي]

اقتباس المشاركة الأصلية كتبت بواسطة mahmoud mohie هظبطهالك يا سيادة رئيسه الوزارة :d شكرا للثقه الغاليه ,, اسعدنى كلامك والله ,, رائعه دوما يا رودى ,,

ههههههههههههه انا واثقه انك هتظبطها يامحى
انت عقلك كبير واد المسئوليه ..
بس اياك المنصب مايغيركش زى ناس كتير

بشكرك للاستضافه الحلـــوه والمقدمه الجميله دي
أخجلتم تواضعنا ..

[ķąyąŋ..♡]

منوره يا رودي

حلقه جامد وتشكيل وزاري رائع

مجهود جميل منك يا محمود

[Lost Pearl]

اختياراتك جمييييلة ارودي ههههههه

نورتي الوزارة يا الرئيسة

و مبروك ايها الوزراء الجدد

تسلم ايدك يا محمود ع الاستضافة ,,

[عاشقة الهدوء]

هههههههه عثل يارودى وطلعتى سياسيه مخضرمه أهو
نورتى ياحببتى وتسلمى على ذكر أسمى ووزارة القوى العامله
جميله طبعا وهظبط العمال بئه أعلى تظبيط هههههه
حلقه راائعه معاكى يارودى ربنا يحفظك ويسعدك ومووفق دائما
يامحمود بأختيارك أحترامى لكما