فتح باب التسجيل فى ( شركة سمايل ) ( لدعاية والاعلان )

[morshooo]

بسم الله الرحمن الرحيم

بعد اجتماع أمس مع

قلم بلا حبر

قررنا اننا هنعمل

( شركة دعاية وأعلان )

وهى

( سمايل للدعاية والاعلان )

الشركة مش عاملنها نذاهة لينا والا حاجا بالعكس عاملنها عشان الافادة

وطبعا هتكون لجميع الاعضاء .

أهمية شركة ( سمايل للدعاية وألاعلان )

ان شاء الله هنضمن لجميع الاعضاء ان مواضيعهم المميزة هيتم الاعلان عنها

فى اقسام كتيرة فى المنتدى يعنى هتلاقى دعاية لموضوعك فى قسم

( قلم الاعضاء - الخوأطر - العام - النقاش - اليوميات ........ الخ )

ودا هيكون عن طريق وضع رابط الموضوع المهم بتاعك داخل مواضيع

الاعضاء المشاركة فى ( شركة سمايل ) .

ان شاء الله هيتم فتح باب الاشتراك معانا فى الشركة بس مش هيتم قبول

اى عضو الا لو كان صاحب مواضيع مميزة ومجهود مميز فى المنتدى

فى التوبيك الى حابب يبقى معانا فى الشركة هيعلن انضمامة لينا .

وخلال ايام هيتم متابعه الاعضاء وهيتم ارسال ( عقد اتفاق )

بين الشركة وبين العضو الى حابب يبقى معانا فى الشركة .

والعقد دا هيتم تفعيلة بعد الاتفاق علية بينا وبين العضو .

كمان هيتم قبول اى اعلان من الاعضاء لمواضيعهم ولكن هيبقى بمقابل .

والمقابل هيبقى رمزى جدا وهو التنازل عن مشاركات

عموما دلوقتى تم فتح باب الاشتراك

لمدة اسبوع .

[۩۩ elMagic ۩۩]

جميله الفكــره يا مرشد
الله ينور يا برنس
وانت عارف اخوكـ نايم ومبيعملش اى توبيكات وخلاص
ونادر لما بأنزل توبيكـ :d
يلا بالتوفيق بقآ للمشتركين
بس افتكر ان حكاية خصم المشاركات دى
الاداره رافضاها ,,

[قلم بلا حبر]

منور بنشاطك المميز يا مرشدى دايما

رااجل كل تفكيره اعلام وميديا كان لازم اى حد يستفاد من افكارك بصراحه

المهم انا بباركلك على الشركه الجديده وححاول اشرحها للاعضاء بسرعه علشان اللى يسجل يبقى عنده خلفيه

الشركه بتشتغل بنظام التنسيق بين الاعضاء على هيئة مجموعات وافراد

بمعنى عندنا فى الشركه 3 مستويات للتسجيل

1- البرامج

لصاحب كل برنامج فى المنتدى وفى اى قسم متاح التسجيل ,,,


2- الاعضاء

لكل عضو الحق انه يرشح نفسه للتسجيل بالشركه وحنتابع مواضيعه وعدد الردود والمشاهدات عليه ,, ومش حنكتفى بدا لو مواضيعه مميزه وحصريه كمان حتى لو مش ليها شعبيه حنقبل بتسجيله معانا

3- الاخوه مصممى الفوتوشوب

متاح ليهم التسجيل ودول ليهم وضع خاص جدا لانهم حيبقوا اعضاء معينين فى الشركه يعنى مواضيعهم حيتم الاعلان عنها بشكل مميز فى قاعدة اعلانات الشركه ,,, وكمان حيكون ليهم مقابل لعملهم فى تصميم البنرات اللى بتحتاجها الشركه من المشاركات اللى حتجمعها الشركه


عايز افهم ازاى حيتعلن عن موضوعى وحتعلنوا عندى ازاى ؟؟؟؟؟

لنفترض ان مجموعة الاعضاء بقى فيها 10 اعضاء مسجلين ,,, حضرتك واحد منهم ,,,

فانت بتبعت لنا رابط موضوعك المميز اللى عايز تعلن عنه فى الشركه ,,, واحنا بدورنا بنلزم الاعضاء 9 الباقين انهم يحطوا بنر موضوعك فى مواضيعهم

ونفس الحال معاك

يعنى بنشتغل معاك بمبدأ المنفعه المتبادله ,, بتعلن عند الناس والناس بتعلن عندك ,, والشركه مسؤوله عن التنسيق بين كل دا
بالنسبه للبرامج نفس الطريقه السابقه


طيب انا مش مسجل (( برنامج او عضو )) ,, ازاى اقدر اعلن عندكم عن موضوعى او برنامجى او مسابقتى ؟؟؟

بسهوله جدا بيبقى فى عندنا شرائح للدعايه ,, شامله تصميم البنر لموضوعك او مسابقتك او برنامجك عن طريق مصممى الشركه

الشريحه الاولى - (( برامج واعضاء )) ودى بنعلن لك فى مواضيع اكتر الاعضاء شعبيه فى الشركه من حيث الردود او المشاهدات ,, ودا حيكلفك عدد معين من المشاركات حيتم الاتفاق عليه فى حينه

الشريحه الثانيه - (( برامج واعضاء )) ودى مقابل اعلانها بيكون اقل من سابقتها وبيكون الاعضاء فيها ذات شعبيه اقل لكن بنضمن ليك التواجد فى مختلف الاقسام من خلال مواضيع او برامج اعضاءنا المسجلين فى الشركه

الشريحه الثالثه - ودى مرتبطه بالاعلان عند الاعضاء فقط المسجلين فى الشركه من غير المميزين ودى اقل تكاليفا مما سبق


طبعا فى جوائز للاعضاء الاكثر شعبيه والبرامج الاكثر شعبيه ,, دا غير مصممى الفوتوشوب اللى ليهم نسبه من المشاركات اللى بتجمعها الشركه نتيجة الدعايه لاى مسابقه او برنامج او موضوع خارج نطاق المسجلين بالشركه


ولاى استفسار حكون حاضر مع مورشو للرد عليه

الفكره بتساهم فى رفع نشاط الاقسام بشكل جماعى من خلال التعريف بمواضيع الاعضاء

بتمنى انها تلاقى صدى كويس عندكم واللى عنده افكار للتطوير او عايز يشارك فى ادارة الشركه يراسل مورشو ويبلغه باقتراحه لتطوير الشركه

بتمنى للجميع التوفيق

[~..a7la smile..~]

احم احم انا المديرة صووح ههههههههه
بالتوفيق وفكرة حلوة ^_^
مجهوود مميز منك ماننحرمش

[ساحر الأحزان]

لا شراكة جميلة

بينكم

وان شاء الله دوام الافادة والاستفادة للجميع


من مؤسسى الشركة

والمتعاقدين

بتمنى ليكم كل توفيق لما فى الصالح العام

تحياتى ليكم

[الأميرة رودي]

, كويسه الفكره وان شاء الله تلاقي القبول
موفقين مورشو وقلم

[Mo chahin]

جميله اوى اوى الفكرة ,,

وانا مشترك معاكم ان شاء الله ,,

بالتوفيقـ يا سيد انت ومورشو ,,

[شاعرة الرومانسيه]

فكره جميله جدا

مشاركه معاكم

الله الموفق

[واد حبيب]

اللي يدخل بينك وبين سيد اكيد بيكون خسران
شوف ياعم انا مشترك معاكم بس بدون خصم مشاركات
غي انتظار توقيع عقد الزواج فصدي الشركه

[Words Whisper]

حلوة الفكرة
وانا قلت اقتراحي بئا خلاص ..
تسلموا
ودمتم بتوفيق وسعادة ..