مأساه دكتور ويا الفار شطور

[Mo chahin]

فيران طلعت من الجحور .... خلت بيتنا بقى مذعور

منهم حتة فار مسعور .... بيسموه فرفور الشطور

كبروه وسمنوه فا صابه الغرور .... واصبح فى الشقه بيدور

بعد ما كان فى يوم محظور .... بقى بيرعب كل الدور

ما بيعيشى وسط الناس ....... ما يعرفشى يعيش فى النور

وعشان يضمن عمره يطول ..... بلطج وعمل له دستور

لجل ما يرجع تانى لجحره ..... او يتاوى يوم فى قبور

بعد ما طفى علينا النور .... بقى مسموح له بالمرور

فى الشقه وفى كل الدور .... بس بقول له يا شطور

دا عجل الايام بيدور .... وبكره هيجي عليك الدور

وانت اللى كشفت المستور .... واللى فى قلبك شىء مفحور

مهما طلعت ولا نزلت .... انت حتة فار مسعور

دانت حتة خطاف .... وفى ديلك شابط خطاف

عايز تخطف بس وتجرى .... وتغيب عنا شهور وشهور

نصيحه منى لوجه الله .... ماتقربشى لفار مسعور

شايل فى الفروة طعون .... ابعد عنه ليجيك الدور

بس دا ايه مهما يكون .... حتة فار .. لكن مسعور

شايل فى ايده شرشور .... بيهدد بيه كل الدور

وعامل رعب للدكتور .... وعايز يخلص من فرفور

مصيده فيها سم وقوطه .... وتنهى معاه الحدوته

ولا يارب تيجي له الشوطه .... دا هايج دا بقى زى الطور

بس ح يجي يوم ويغور .... لو ولعنا عليه النور

ولا نربي فى بيتنا قط .... يستناه وفى لحظه ينط

وعلى فرفور ويحط يحط .... وتنتهى حكايه المغرور

ونريح منه الدكتـــــــــور ..

كلمات محمد شاهين ..

[تيتشر نفشه ツ]

جمييييييييييييييييييييييله

بتعجبني كتاباتك في العامي بجد

يلا استمر بقا عاوزينك تشعلل القسم الجديد دا

عقبالي يارب

[DR.SMA]

جميله يا أ\ محمد
وفكرتها روعه حقيقي
والمغزى منها واضح جدا
لكن أجمل ما فيه الاسلوب العامي البسيط
تقديري ليك ولكلماتك ..

[قلب وكلمات]

كلمات جميله أوي يا محمد

تسلم يا جميل

والله روعه

تحياتي

[Mahmoud Mohie]

رااائعه ,, خياااليه ,,
طبعا المعنى واااضح جدا ,,والكل فاهم :d
المهم ان الكلمات رائعه
والاسلوب رااقى جدا
تسلم ,,

[Mo chahin]

اقتباس المشاركة الأصلية كتبت بواسطة تيتشر نفشهـ♥’ جمييييييييييييييييييييييله بتعجبني كتاباتك في العامي بجد يلا استمر بقا عاوزينك تشعلل القسم الجديد دا:d عقبالي يارب

اسعدنى جدا اعجابك بكتابتى العاميه ,,

جزيل الشكر لكى رنين ,,

واتمنى ان اكون عند حسن الظن دائما ,,

خالص ودى لكى ,,

[a7med -3del]

انا رديت على موضوعك قبل كده وده تانى مرة

بعترف بانه هعندك موهبة وكلامك واسلوبك جميل

لكن انا شايفك متحامل على الاخوان

اتمنى انى اشوفلك حاجة تنقد بيها اوضاع اكثر خطورة

وعفوا انا مش هارد ليك عبلى اى موضوع تهين فيه الاخوان

اقسم بربى انى لا انتمى لاى فصيل كان

تحياتى

[Mo chahin]

اقتباس المشاركة الأصلية كتبت بواسطة show me the meaning of lonely انا رديت على موضوعك قبل كده وده تانى مرة بعترف بانه هعندك موهبة وكلامك واسلوبك جميل لكن انا شايفك متحامل على الاخوان اتمنى انى اشوفلك حاجة تنقد بيها اوضاع اكثر خطورة وعفوا انا مش هارد ليك عبلى اى موضوع تهين فيه الاخوان اقسم بربى انى لا انتمى لاى فصيل كان تحياتى

شرفتنى بتواجدك الطيب ,,

[Mo chahin]

اقتباس المشاركة الأصلية كتبت بواسطة dr.sma جميله يا أ\ محمد وفكرتها روعه حقيقي والمغزى منها واضح جدا لكن أجمل ما فيه الاسلوب العامي البسيط تقديري ليك ولكلماتك ..

شرف لى تواجدك الجميل كالعاده يا سما ,,

واسعدنى اعجابك بتواضع اسلوبى ,,

تحياتى ,,

[Mo chahin]

اقتباس المشاركة الأصلية كتبت بواسطة القيصــــــــر كلمات جميله أوي يا محمد تسلم يا جميل والله روعه تحياتي

جميل كا تواجدك الجميل يا قيصرنا ,,