glitter gift

[Words Whisper]

بقالي فترة مش نزلت حاجة هنا وقلت بئا أبطل كسل وأنزل حاجة الأول نقول الكواليس :: كنت حابة أعمل مفاجأة حلوة لــ سمسم ( سما ) ومن ضمنها كنت هحتاج كارت أكتب عليه بس مش كنت هلئا كارت يكفي اللي عايزة أكتبه فقلت خلاص أنا هاخد ورقة من دفتر يوميات عندي وأكتب عليه وبعدين قطعت الورقة ولقيت انه مش عايزاها تفضل زي ماهي وقررت أزينها وأعملها كارت كيوت طبعا أنا بقالي 4 سنين ودي الــ5 مش بعمل حاجات يدوية بس قررت أعمل بئا وكان عندي جليتر واحتجت صمغ مش لقيت عندي فاستخدمت مناكير شفاف عملت الكارت وعجبتني اللعبة فكملت وزينت اللاب والفلاشة تبعي .. دا الكارت بس سنداه ع كيس الهدية وسمسم اللي كاتباها دي أقصد بيها أنا حبيت يعني أكتب اسمنا احنا الاتنين ع الكارت :: ودا الكارت حطاه ع اللاب وصورته :: دا اللاب بئا زينته بوردة :: ودي الفلاشة أنا أصلا حطاها مع المفاتيح ف ميدالية :: بس كدا .. دمتم بتوفيق وسعادة ..

[DR.SMA]

أنا بحبك يا سمسمه ههههههه
يومها حقيقي فرحت جدا بالهديه
وعجبتني جدا
وعلى فكره قبل ما افتحها صورتها
وكمان الكارت معايا
تسلمي يا سمسم :*
ربنا ما يحرمنا مننا يا جميل
وحلو طبعا كل الي عملتيه ده

[۩۩ elMagic ۩۩]

أيه الجمال دا يا عم
بجد جميل جداا
والفلاشه معايا واحده زيها
بس على ازرق فى ابيض :d
ربنا يديم المحبه بينكــوا بقآ
ومش يحرمكــوا من بعض ابدا
انتو من الشخصيات اللى كل الناس هنا بتحبها وبتحترمهــا
موفقين دايما بأذن الله
احترامــى ,,

[DESERT]

حلو كتير كتير ربنا يخليكم لبعض

[براءة حلم]

حلووه كتييير ياسمسمه ويارب يخليكو لبعض ياحبيبتي

[زهره الشتاء]

حللوة اوووي الدنيآ دى
ربنا يخليكم لبعض يآآآرب
جميل التنفيذ .. وعجبنى لون االلآب اووي ^^
تسسلم ايدك ي عسسل
دمتم بحب وخير

[Words Whisper]

اقتباس المشاركة الأصلية كتبت بواسطة dr.sma أنا بحبك يا سمسمه ههههههه يومها حقيقي فرحت جدا بالهديه وعجبتني جدا وعلى فكره قبل ما افتحها صورتها وكمان الكارت معايا تسلمي يا سمسم :* ربنا ما يحرمنا مننا يا جميل وحلو طبعا كل الي عملتيه ده

حبيبي انتِ يَ سمسم
وحياة ربنا كفاية عليَّ دا يكون أسعدك :-*


منورة حبيبتي
ودمتِ بتوفيق وسعادة ..

[Words Whisper]

اقتباس المشاركة الأصلية كتبت بواسطة ۩۩ elmagic ۩۩ أيه الجمال دا يا عم بجد جميل جداا والفلاشه معايا واحده زيها بس على ازرق فى ابيض :d ربنا يديم المحبه بينكــوا بقآ ومش يحرمكــوا من بعض ابدا انتو من الشخصيات اللى كل الناس هنا بتحبها وبتحترمهــا موفقين دايما بأذن الله احترامــى ,,

يَ رب
الله يكرم حضرتك ..


نورت
دمت بتوفيق وسعادة ..

[تيتشر نفشه ツ]

طب وربنا شغلك جااااااااااااااااااااااااااااامد ياسمسم
انتي اللاب بتاعك لونه بنك وانا احمر قاتم

..

سمـــــــــا
عاوزاكي تصلي دايما شكر لربنا ان عندك اخت زي أسماء ( ماشاء الله )
والله انا بحب البنت دي وبحترمها بشكل عمرها هيا نفسها ماتتخيله..
وقلبها الكبير وحنيتها يستاهلوكي فعلا,,

..

اسمـــــــــــــاء
وانتي كمان صلي شكر لربنا مش هيا بس وانتي على راسك ريشه
وانا بحبك قوي ويابخت سمـا بيكي ( ماشاء الله بردو عشان ماتقولوش اني بحسد ولاحاجه)


..

ربنا مايحرمكم من بعض طول العمر يارب
وتفضلو اخوات كدا دايما ع الخير والسعاده
ويارب يارب ,, يجمعني بيكو عن قريب


..


تسلم ايدك الحلوه ياسمسم ع الشغل الجميل دا
ومبروك عليكي ياسما الهديه ,, ربنا يفرحك بيها دوم

..

في أمان الله

[مشتاقه للجنه]

تسلم الاياادى يا سمسم رووعه

يا بختك يا سما يارب يديم بنكم المحبه

موفقين