المحــروم والعضمــه

[Mo chahin]

المحروم والعضمة

محروم ومسك فى عضمة بيعوض بيها حرمانــه

معقولة ح يسيبها بسهولـة ولا لو تتكسر ســنانه

دا ماصدق لقى عضمــه ح يسيبها يبقى ياجنانـه

زى المسجون لـو يخرج معقولة ح يسيب سجانه

دا لو ســابه فـى لحظة ح يرجعه ما بين قضبانه

له حق سـجانه ياما هانـه وماصدق بقى مكانــه

اصل لو خد منه العضمة ح يرجع لأيام حرمانـه

أيـام شـاف فيهـا الذل وانفض من جنبه الكـل

فسابوا فى القلب بقعه سودا واتملى القلب حقد وغل

ولاقادر يعفى ولايسـامح وخايف خوف من سجانه

علشان كده مش ح يسيبها حتى ولو كـان بالــدم

ح يموت عليها ويتمسك بيها حتى لو غرقت فى السم

ياما اتعذب وشـال الهـم مابيفرقشى حتى فى طعم

ما بقاش يحس ولا بيشـم خايف من الماضى وحرمانه

ذاق اللحمة وكل العضمـة واصبح هايج بقى مسعور

واصبح على الحق بيجـور واتفرعن وبقـى مغـرور

ولاحد حيقدر تانى يلمــه دا عاوز ضربه ع السرسور

ويتقطـع حتت بسـطور أو يرجع تانـى لسجانـه

محمد شاهينـ

[الرحــاال المٌتَمرد]

المٌبدع ,, شاهينا

خطاب , راق لي كثيراً

ولكنى أٌريد مِنك

أن يَكون حَديثك

بلٌغه أكثر هدوءاً

النصوص لا تَحتاج للثورات

فــ بإمكانك أن ترصد

أو تَبرز وتٌعلن وتبوح

بلٌغهٍ أكثر هدوءاً

كٌن بخير أيٌها الجميل

[واد حبيب]

الله ينور يا ابو شاهين
تسلم يدك ياغالي

[Mo chahin]

حاضر يا ايمن .. هحاول ,,

اشكرك لاهتمامك وتواجدك الراقى ,,

[احساسى صحيح]

ولاحد حيقدر تانى يلمــه دا عاوز ضربه ع السرسور

هههههههههه
حلوة عجبتنى
بس اللغة دى مش عامية خالص يا شاهين ...!
دى لغة غريبة خالص اول مرة اشوفها
موفق يا صاحبى

[Words Whisper]

حقيقة
اه والله
وعشان كدا مش ينفع تبئا السلطة
مع اللي كان مربوط وفجأة انطلق ..


حقا راقتني
شاكرة لحضرتك ..
دمت بتوفيق وسعادة ..

[فداااااااااااء]

الذى يعيش فترات من عمره مقيد بالظلم والجور الذى جاء عليه

فغالبا قلبه يكون قد امتلىء بالظمأ من العدل و حقوقه الضائعة

فبيتجه للإنتقام والتمسك به حتى يشعر بالارتياح ولكنه كثيرا ما لا يدرك انه بيأذى نفسه دون علم ويأذى غيره

كلمات راقية جداا ووصف جميل يحتويها

سلمت اخى محمد

[Mo chahin]

اقتباس المشاركة الأصلية كتبت بواسطة واد حبيب الله ينور يا ابو شاهين تسلم يدك ياغالي

تسلملى يا حبيب على تواجدك الطيب ,,

[Mahmoud Mohie]

هههههههههههههه

لأ جامده دى ,,

مميز كالعاده ,,

شكرااا

[Mo chahin]

اقتباس المشاركة الأصلية كتبت بواسطة احساسى صحيح ولاحد حيقدر تانى يلمــه دا عاوز ضربه ع السرسور هههههههههه حلوة عجبتنى بس اللغة دى مش عامية خالص يا شاهين ...! دى لغة غريبة خالص اول مرة اشوفها موفق يا صاحبى

سميها زى ما تسميها يا ياسر ,,

اسعدنى جدا رأيك ووجه نظرك ,,

تحياتى ليك ,,