مقر تعذيب ريا وسكينة وشربات

[Sєяєєη●•ʚɞ]

ازيكم وعاملين اية فى التلج اللى احنا فية دة !!! بمناسبة ان انضمت لينا مشرفة جديدة وبتمنى انها تتبسط معانا فى القسم قررت انا بكامل قوايا العقلية انزل فكرة تعذيب بما انى شوريرة وطبعا لازم اشرك معايا المشرفات حبيباتى فى الجريمة البشعه دى تعالوا الاول احكيلكم القصة وبعد كدة افهمكم الفكرة كل يوم خميس بتنزل شربات مع حسبوا وعبد العال ويدوروا على ضحية !!! واول اما يقفشوا الضحية بيطلبوا منها تشد زميله ليها وممكن الضحية دى تكون ولد بردوا وبعد كدة هياخدوهم لمقر التعذيب بتاعهم ويبدأ حسبوا بتكميم الضحية وتبدأ الضحية بالصراخ آةةةةةةة إيييييييييييييية أووووووو وللاسف "لاحياة لمن تنادى " وتبدأ ريا وسكينة وشربات بعذاب الضحيتين ويخلصوا عليهم بالأسئله وهيشغلوا ليهم أغنية تهدى أعصابهم والملاحة والملاحة وحبيبتى ملو الطراحة انا اية ذنبى انا اية ذنبى حدفتلى المنديل البمبى وحسرة عليها حسرة عليها شالوا رجليها شالوا رجليها ولما تخسر الضحية هيتفتح باب البدروم , , , , اللى هيلاقوا فيه الشابة شلبية المجنونة اللى وشها لوحدة يقطع الخميرة من البيت وهتقوم شلبية بالواجب وهتخلص على الضحيتين وفى الاخر هيدخل حسبوا وعبد العال ويدفنوا الضحية " حبيت ما انزلش صور مرعبة عشان اصحاب القلوب الضعيفة تعالوا نشوف الفكرة يلا الفكرة ان ريا وسكينة وشربات هيخطفوا عضوين ويحبسوهم فى مقر التعذيب بتاعنا وهنعذبهم لمدة ساعه بإننا هنزل عليهم اسئلة كل ربع ساعه سواء خلصوا وجابوا عليها او لا و مطلوب من كل عضو يجاوبهم من غير اما يفوت سؤال فـ الاخر اللى هيجاوب الاسئلة كلها وقبل اما الساعه تخلص هيفلت من ايد ريا وسكينة وهيهزمهم ويهرب والعضو اللى مش هيلحق هيتفتحلة البدروم وحسرة علية حسرة علية اكلوا رجلية اكلوا رجلية واحنا اصلا كدة كدة عاوزينهم ينزلوا البدروم "دة هدفنا الاساسى الشر نيااااااااهااا " فالتوبيك بيعتمد على السرعه فى الرد فى وقت معين تنظيم الفكرة الخميس من كل اسبوع ولمدة ساعه واحدة شربات وحسبوا وعبد العال هيخطفوا عضو "هيبعتوا لواحد والتانى يشد صاحبة معاه " و ريا وسكينة هيستقبلوهم فى مقر التعذيب نظام نزول الاسئلة كل ربع ساعه هينزل ع العضوين اسئلة من ريا وسكينة وشربات " " الثلاثة مثلا لو بدأنا الساعه 9 هنبدأ بـ 15 سؤال فى اول ربع ساعه ومع كل ربع ساعه جديدة بيزيدوا 15سؤال اضافين فى كل مرة (يعنى اول ربع ساعه سؤال 15 هيزيدوا لـ 30 وبعدها 45 وهكذا) الاسئلة هتكون سهلة خالص وعن نفسك لان هدفنا الاساسى هو السرعه وانك تجاوب الاسئلة فى الوقت المحدد وقبل اما تخلص الساعه عشان تفلت من البدروم ودة بيعتمد ع سرعتك ف الاجابة بيتم احتساب الوقت مع اول مشاركة بتنزل بالاسئله لواحدة من التلاتة سواء ريا او شربات او سكينة وبينتهى بعد مرور ساعه بالضبط لو نزلت مشاركتك بعد الساعه بدقيقة واحدة هتدخل البدروم " واى عضو هينسى سؤال ف الرد هيدخل البدروم ع طول دة اللى احنا عاوزينة اصلا كنتم مـــــع سكينة هىsereen ريا هى beauty angel شربات هى توحد ارواح ربنا يقدرنا ع الشر حاسة انى بقيت شريرة اوى هههههههه إنتظرونــــــــآ كـــــــــــــــل خمـــــــــيــس

[Mahmoud Mohie]

هههههههههههههههههههههههه


فكررررررررررة رائعه


ايه الابداع ده يا سيرين ,, يو أخ أقصد يا سكينه :d


ربنا ينجينا من شركوا انتى وريا وشربات


ويخرجنا من تحت ايديكوا سااالمين


ومحدش ينزل البدروووم :d :d


وانا بقى عاوز اشوف عبدا العال وحسبوا ,,, اصل انا قلبى مش ضعيف

يلا هستنى بقى ومتابع


تسلمى الايادى بقى

[۩۩ elMagic ۩۩]

اقتباس حبيت ما انزلش صور مرعبة عشان اصحاب القلوب الضعيفة :d

ههههههههه
يا سلام على البراءه
وهو دخول شربات خلاكوا شوريرين اوى كده
عايزين 60 سؤال يتجاوبوا خلال ساعه يا شوريرين
ربنا يبعدنا عنكــوا يا عم
اكييد الفكـره جميله
وانتوا قايمين بالواجب اهو ماشاء الله
مدرسة بتعذبوا وهنا فيه تعذيب
هنتطفش كلنا منكــوا فى الاخر احنا
يلا بالتوفيق ليكــوا بقآ
ومنتظرين اولى ضحاياكــوا
دا سمايل مبدأى

[DESERT]

هههههههههه فكرة جبارة تحياتى

[beauty angel]

اقتباس المشاركة الأصلية كتبت بواسطة ۩۩ elmagic ۩۩ ههههههههه يا سلام على البراءه وهو دخول شربات خلاكوا شوريرين اوى كده عايزين 60 سؤال يتجاوبوا خلال ساعه يا شوريرين ربنا يبعدنا عنكــوا يا عم اكييد الفكـره جميله وانتوا قايمين بالواجب اهو ماشاء الله مدرسة بتعذبوا وهنا فيه تعذيب هنتطفش كلنا منكــوا فى الاخر احنا يلا بالتوفيق ليكــوا بقآ ومنتظرين اولى ضحاياكــوا دا سمايل مبدأى

60 سؤال فى ساعة

نـــاس طيبين اوى ياخال
60 سؤال فى أخر ربع ساعة بس ياماجيكوا
تطفشوا تروحوا فين
مفيش بديل وطبعا هتشرفنا هتشرفنا ياماجيكووا
مااحنا شوريرين مفيش كلام

[Mahmoud Mohie]

اقتباس المشاركة الأصلية كتبت بواسطة beauty angel 60 سؤال فى أخر ربع ساعة بس ياماجيكوا

لما قريت الجمله دى ,,,


I Feel Like

[Sєяєєη●•ʚɞ]

اقتباس المشاركة الأصلية كتبت بواسطة mahmoud mohie هههههههههههههههههههههههه فكررررررررررة رائعه ايه الابداع ده يا سيرين ,, يو أخ أقصد يا سكينه :d ربنا ينجينا من شركوا انتى وريا وشربات ويخرجنا من تحت ايديكوا سااالمين ومحدش ينزل البدروووم :d :d وانا بقى عاوز اشوف عبدا العال وحسبوا ,,, اصل انا قلبى مش ضعيف يلا هستنى بقى ومتابع تسلمى الايادى بقى

ههههههههههههههههههه
كنت جايبة ف الاول صور رعب حقيقية وسكاكين ودم وطرطشة ههههههههه
بعدين قلت بلاش
منور يامحمود
واكيد اكيد حسبوا وعبد العال هيخطفوك هخاف ع نفسك بقا

[حنـــــون]

ايوا بئه الشر حلو ياولاد
ورونا الشغل ماحدش بياكلها
بالساااااااااااااهل
موضوع عسل زيك ياسيرو انى
ويويو وتواجد الروح
منورين القسم والله ^^

[۩۩ elMagic ۩۩]

اقتباس المشاركة الأصلية كتبت بواسطة beauty angel 60 سؤال فى ساعة نـــاس طيبين اوى ياخال 60 سؤال فى أخر ربع ساعة بس ياماجيكوا تطفشوا تروحوا فين مفيش بديل وطبعا هتشرفنا هتشرفنا ياماجيكووا مااحنا شوريرين مفيش كلام

هههههههههههههه
نعم ياختـى
هو الـ 15 دا مقدار زياده على القديم
يعنى نقول المجمل 150 سؤال ف الساعه
لا وسيرين تقول اسئله بتخص العضو وسهله
طب احنا هنعمل مظاهره ونوقعكوا انتوا الاول
نشوف هتخلصوا الاسئله دى كلها فى الساعه ولا لاء

[Sєяєєη●•ʚɞ]

اقتباس المشاركة الأصلية كتبت بواسطة ۩۩ elmagic ۩۩ ههههههههه يا سلام على البراءه وهو دخول شربات خلاكوا شوريرين اوى كده عايزين 60 سؤال يتجاوبوا خلال ساعه يا شوريرين ربنا يبعدنا عنكــوا يا عم اكييد الفكـره جميله وانتوا قايمين بالواجب اهو ماشاء الله مدرسة بتعذبوا وهنا فيه تعذيب هنتطفش كلنا منكــوا فى الاخر احنا يلا بالتوفيق ليكــوا بقآ ومنتظرين اولى ضحاياكــوا دا سمايل مبدأى

ههههههههههههههههه
احنا بنعلمها الشروبنحتفل بيها
قررنا نطفش الاعضاء م القسم
حاسة انى بقيت شريرة اوى
وبص ياسيدى اول ربع ساعه 15 التانية 30 التالتة 45 الرابعة 60
بنقيس سرعة الكتابة والاسئله هتكون عبيطة يعنى وكلها عن نفسك
دة نظام شرنا
والشابة ريا ردت عليك
واكييييييييييد حسبوا وعبد العال هيخطفوك وخاف ع نفسك بردوا بقت فية عصابة ف المنتدى هنا