الدم ع القضبان ،، ملحقش ينشف

[Mahmoud Mohie]

ليه يابلد كارهانا ؟
وفى أرضك معَذِبانا
طب ليه دايما معندانا ؟
وف كل حته قتلانا


دم حبيبى على القضبان
مالحقش ينشف امبارح
وانتى ولا همك انسان
مات ، والكل كان سارح

ذنبه كان خايف عليكى
حامل سلاح يحميكى
سايب بيته وعياله
كله عشان يرضيكى
اخرتها مات ف اراضيكى
مع انه كان مبسوط فيكى
شوفتيه فرحان بعنيكى
واخدتى فرحه بإيدكى

أسف يا بلدى على عتابك
من غلبى مش عارف مالى
اسف لأنى اتهمتك
مع انى عارف الجانى
بس برده كمان عارفك
ان انتى دايما حميانى
وهتفضلى مستحملانى
ولا يوم هشوفك
يا بلدى ،، أبدا كارهانى


15-1-2013
محى

[فداااااااااااء]

دايما بنلقى على بلدنا اللوم والغضب مع اننا مشاركين فى اللى بيحصل فيها علينا وعليها

اما بجهلنا او صمتنا او عجزنا او تهاوننا فى كل الامور

لحد ما بيضع فيها حقنا وحق اللى ضحوا علشانها وعلشانا

ولكن مازال الامل موجود لاصلاح كل شيئ إما بهدوء او بقوة

كلمات جميلة سلمت الايادى على الطرح الرائع

[دمعه حائره]

كلمات جميله برغم ماتحمله من عتاب وحزن
على حال اصبح لايرثى له
تسلم يامحى ويدوم التميز

[ابتسامة الزهر]

مظلومة البلد معانا
دايما نتهمها بأنها السبب
مصر عمرها ما تقسى على أبنائها
ولا نقدر ننظر اليها على انها الجانى
ولكنها هى المجنى عليها
اهمال وجهل وصمت
كلمات جميلة محمود وقلم بينزف بجد
تقديرى لك

[الرحــاال المٌتَمرد]

انهُ مٌحي ,,
وإنها مِصر ,,
الرائع دائما فى تناوله للاحداث
والمنهاره من أنظمتها وحٌكامها ,
للحديث بقيه ,, فـــ قطار البدرشين لن يكون الأخير
سلسله سقوط وطن ,, وبدايه مأسويه لعام تأملنا فيه الخير
راائع ,, إستمر أيُها الجميل
وسبكون لك شئن رائع فى هذا المجال
فقط ,, صبراً جميلاً وتكرار التجربه كثيراً
تحياتى غلاى

[Mahmoud Mohie]

اقتباس المشاركة الأصلية كتبت بواسطة فداااااااااااء دايما بنلقى على بلدنا اللوم والغضب مع اننا مشاركين فى اللى بيحصل فيها علينا وعليها اما بجهلنا او صمتنا او عجزنا او تهاوننا فى كل الامور لحد ما بيضع فيها حقنا وحق اللى ضحوا علشانها وعلشانا ولكن مازال الامل موجود لاصلاح كل شيئ إما بهدوء او بقوة كلمات جميلة سلمت الايادى على الطرح الرائع

اشكرك اختى فداء
فمرورك اسعدنى كثيرا

خالص الشكر والتقدير

تحيااتى

[Mo chahin]

كم انت جميل أيها المحمود ,,

فا والله بات قلمك من افضل الاقلام .. واعتز بمتابعته ,,

استمر حبيبي قد تكون يوما ما الافضل على الاطلاق ,,

[Words Whisper]

لاالذنب ذنب الوطن
ولا الكره سمة الوطن
لكنها خطيئة من سكن الوطن
أو بمعنى أدق
من شارك في نزف دماء أبناء الوطن ..


طرح راق جدااا
شاكرة لحضرتك كثيرا ..
دمت بتوفيق وسعادة ..




5 ستارز ..

[شاعر واسير الحب]

شكرا علي الكلمات الحلوة
مبدع

تسلم الايادي
نشكرك علي مجهودك
دمت بخير