هيا نبنى مجدا اعظم

[Mahmoud Mohie]

اليوم والأمس وغدا
أرى فجرا أسودا ،،
وأحلامنا وأمالا مشردا ،،

خرج الجنود لحما مصر وافتدوا
خرج الجنود وتركوا ما يملكوا
من مال وأولاد وزوجه وودعوا
إذ بالقطار بهم يتحطموا
ماتوا ،، وللدنيا فارقوا
أين الأموال ،،
ذهبت فهى لا تنفعوا
أين الأولاد ،،
ظلوا بلا سند وتيتموا
أين الزوجات ،،
جميعهم ترملوا
فمن الجانى ، ومن القاتل
هل تعلموا !
كل منظومه للوطن هى تفسدوا
كل منظومه للوطن هى تهملوا
كل من حملوا المسئوليه وتمردوا
كل من تركوا الأمانه وضيعوا
كل من باعوا الضمير واخطئوا
كل من هانوا الرجال و اسكتوا
فمن الجانى ومن القاتل
هل تعلموا !
كل من ذهبوا لعمل
ولا يعملوا
كل من رأوا ظلما
ولا يتكلموا
كل من كانوا عونا
وتكاسلوا
كل من قالوا نعلم
وهم يجهلوا
كل من ظنوا سواء
وأخطئوا

يا حكام مصر

من أخطاء غيركم تعلموا
كى لا نجد ضحايا يسقطوا
من أخطائكم تعلموا
كى لا نجد جرحى بالدماء ينزفوا
من سقطات الماضى تعلموا
كى لا نجد مجد وطننا يضيعوا

يا رجال مصر

على الخير
تجمعوا
على المصلحه
توحدوا
على حب الوطن
تعاونوا

كى نبنى مجدا أعظم
لوطننا بين الأمم


الأخطاء الكتابيه مقصوده :-d

شكراا

[DR.SMA]

للأسف مفيش رد يا محمود
أتمنى كلامك يوصل للكل
مش لحكومه ولا وزير ولا مسؤل
يوصل الاول للضمائر الانسانيه الموجوده داخل الكل
موضوع راقي طبعا
والواحد مش عارف يبكي على حالنا وحال مصر
ولا يقول يارب القادم احسن
تقديري ليك ..

[RoOoMaNtIc]

كلام جميل جدا جدا

دى رسالة لكل واحد فى مصر ياريت توصل

ودى!!

[دمعه حائره]

العيب فينا احنا انعدم الضمير والاستهتار طال كل مكان
والحوادث بتتكرر فى كل نظام
زى مايكون انكتب علينا الحداد
محتاجين ثورة تطهير للنفوس يمكن يتصلح حالنا
تسلم محى

[Mo chahin]

رساله طيبه من شخص اعتز به كل الاعتزاز ,,

واتمنى ان نتعظ .. اقولها مرارا وتكرارا .. اتمنى ان نتعظ ,,

ولكن لا حياه لمن تنادى ,,

اشكرك يا محي .. وديما هقول .. تعالوا نتحلى ببعض الامل ..

وان شاء الله ربنا مش هيكسفنا ,,

صبرنا كتير .. وديما جزاء الصابرين ايه ؟؟


موفق يا محي ديما ,,

[Mahmoud Mohie]

اقتباس المشاركة الأصلية كتبت بواسطة dr.sma للأسف مفيش رد يا محمود أتمنى كلامك يوصل للكل مش لحكومه ولا وزير ولا مسؤل يوصل الاول للضمائر الانسانيه الموجوده داخل الكل موضوع راقي طبعا والواحد مش عارف يبكي على حالنا وحال مصر ولا يقول يارب القادم احسن تقديري ليك ..

نورتى بجد يا سما ,,

نتمنى هذا ,,

شكراا لمرورك ,, أسعدنى حقااا

تحيااتى

[~♥ Queen sozan♥~]

بلد من كل لى بيحصل فيها تحس ان صحبها بينامو ويصحو سعات !

اول مره احس ان بلدى مغضوب عليها من كتر الكوارث لى بقت فيها

وصل بنا الحال قبل ما ننام بندعى ربنا ان كارثة بكره تكون هينة !

لكى الله يا مصر ,,

ورغم كل شئ بنحاول نبنيها بس ايد لوحده مش هتبنى حاجة

الاتحاد قوهـ ودة لى بنتمناه ,,

موضوع قيم منك يا محمود

[Words Whisper]

حتى الصمت العاجز
هو خطأ يهدم ويساهم في الهدم
ولنبنِ مجدا يجب أن يبدأ كل بنفسه
وأن تستيقظ الضمائر
ونقدر أرواحا ودماءً رحلت لأجل وطن
نحن اليوم نقف متفرجين عليه يغرق ..


طرح راقٍ قيم
شاكرة لحضرتك ..
دمت بتوفيق وسعادة ..


مش عارفة أقيم بئا

[ساحر الأحزان]

رسالة تحمل الحزن

لما نراة ويحدث من ضياع للارواح

يتدخل الاهمال والتسيب

لتزيد الجروح

وتسيل الدماء

والبكاء عليها

توضيح مؤثر منك

رحمهم الله برحمتة الواسعة