ليه البنانيت كدة

[ملك جبال الاحزان]

سؤال ودايما بسآله لنفسى

واول مرة اسآله لحد

ليه داايما البنت تحب ترفض بس متترفضش !!

البنت يجى الشاب يتعرف عليها او يحبها و يصارحها بكدة

ليها حق انها ترفض وتروح تقول لصاحبتها ده كان بيحبنى ده

معرفش يكلمنى ده وده وده

اما ان البنت شاب يرفضها ديه تبقا كارثه بشريه

ازاى شاب يرفض بنت

بجد عايز افهم

ليه البنت تحب تجرح بس متنجرحش !!

ولو جرحت البنت ميبقاش عندى قلب

ليه

[Gogo mohamed]

صح هو الكلام الصح
بس يمكن عشان جرح البنت يكون اقوي من جرح الولد
وهي بالتالي اضعف
يمكن ده السبب ...............

[♥SaRa]

هو صحـ
ان دة بيحصل بس يمكن لان البنت بتبقي حساسة عن الشاب.
فا مثلا البنت لو ولد جرحها بيفضل سايب جرح مهما مرت السنين.
اما الولد لو بنت جرحتوا اكيد بيقول:عاااااااادي واحدة وعدت.ويعرف بعيدها مية وألف ومش بتفرق معاه.
صراحة دية وجة نظري معرفش بقي وجة نظر غيري.
ولمحه كويسة منك يا ميدو.

[تجملت بالعفآف]

هههههههههه انت داخل حامي ع البنات ياا حودا
خليكـ فرش حبه ياا عم

اولا : البنات ما بترفض كل الشباب ولكل رفض بيكون ليه سبب
مثلا في بنات بترفض لأنه بيكون لها هدف في الحياه وتريد تحقيقه ولا تريد اي شئ يشغلها عنه
وفي بنات برفضوا لأنهم ما يشبهوا فتي أحلامهم
وفي بنات برفضوا لأنهم بيكون لها حبيب
وفي بنات برفضوا لأنه بيكون لهذا الشب سمعه وحشه

ثانيا : أول مره أسمع أنه في بنات عندهم الجراءه يصارحوا بحبهم لشباب
تعرف أنه في بنت حبت شب لكنها لم تقول له كان دايما بيعتبرها زي اخته
وفي يوم من الايام أعجب بصديقتها وقال لها أنه يريد أن يطلب يدها
ووفقت علي طلبه وراحت لصديقتها وقالت لها والبنت وافقت عليه
وفي أثناء خطوبتهم كان هذا الشب يبعت جوابات لصديقتها أما صديقتها فكانت لا تعرف ماذا تكتب
فأستنجدت بصديقتها وقالت لها ساعديني وكل يوم تكتب له جوابات وتبعته بأسم صديقتها
ويوم زفافهم علم أن صديقتها لا تبادله نفس الشعور
وعلم أنه من كانت تكتب له الجوابات ليست خطيبته بل صديقتها الذي أعتربها زي أخته
وتزوج الشاب من صديقتهتا
وضحت الفتاه بحبها كرمال سعاده صديقتها
هذه هيا الفتاه لاتملكـ الجراءه

هذا هو ردي ياا حودا

خالص احترامي لرأيكـ

[нαиαи]

مين قال ؟
انا بعرف اولاد كتير بيرفضوا بنات
واولهم اخواني ^^
والحياه حلوه و ماشيه صح ^^

[سهـــر]

احترامي الشديد لرايك
بس انت عشان ولد بتقول كدا
وانا عشان بنت هنكر واقول لا

بس دايما جرح البنت اكبر والولد بالنسبه ليه عادي
عشان ربنا خلقنا كدا جنس ناعم حساس

[Mo chahin]

اعتقد ان السؤال دا يتسأل للطرفين مش للبنت بس ,,

وكلنا بنحب نجرح لكن مننجرحش .. او بيكون سهل علينا نجرح بمعنى اصح ,,

والبنت بطبعها كائن رقيق فا الجرح بالنسبالها بيبقى اصعب ,,

لاننا عندنا القدرة على ان نتحمل الصعاب ,,

ولكن فى مفهومى ان البنت مهما كانت قويه .. فا هى لا حول لها ولا قوة ,,

اشكرك جدا ,,

[اسوووم]

ههههههههه والله مابعرف اعبر بس الموضوع حاسي انو فطره

[الجمالwالباكي]

والله انا شايفة ان السبب لكده هو ان البنت تكون متحفظة دائما على مشاعرها لحين وجود الشخص اللي تعبرله عن حبها واما الشخص ده بيرفضها بتبقا الدنيا اتهدت في عنيها
اما الشاب فهو بيقول مشاعره دائما لما بيحب فالموضوع عادي
وعلى فكرة في شاب ممكن يموت نفسه لو بنت رفضته
وفي بنات برضه ما بتفرقش معاها
يعني الموضوع مالهوش علاقة ببنت او ولد
حسب شخصية البني ادم نفسة ........ وشكرا على الموضوع

[ملك جبال الاحزان]

اقتباس المشاركة الأصلية كتبت بواسطة gogo mohamed صح هو الكلام الصح بس يمكن عشان جرح البنت يكون اقوي من جرح الولد وهي بالتالي اضعف يمكن ده السبب ...............

يعنى الشاب من كوكب تانى هههههههههههه

انا الصراحه بحس ان البنت انانيه جداا بالموضوع ده

مش مجرد اقوى او اضعف