والله حصل كدا معايا

[سهـــر]

النهارده نزلت مع اختي نجيب شهادتها
المهم وصلنا المدرسه قالتي ادخلي انتي انا خايفه
دخلت لقيت الفراشه بتقولي تعالي هنا رايحه فين
قولتلها داخله اجيب شهاده اختي قالتي الشهادات معايا
المهم ادتهاني خدتها ولسا ماشيه لقيت الي ماسكني من قفايا مسكه حرامي غسيل
وبتقولي رايحه فين يا حببتي هاتي الخمسه جنيه
قولتلها انتي مسكاني كدا ليه
قالتلي بقلك هاتي خمسه جنيه يا تجيبي الشهاده
حرقت دمي الكلمه دي
قلتلها الشهاده في جيبي خديها لو عرفتي
ومفيش خمسه جنيه على قله ذوقك دي
المهم ابتدى صوتها يعلى وانا بئا اتجننت
وشديت معاها وفي الاخر الناس جت فصلو بينا

ده مش بخل مني او حاجه انا كان معايا 200 جنيه
بس تصرفها وطؤيقه كلامها تنرفز بجد دي قالتلي هو دخول الحمام زي خروجه

عشان كدا عمرنا ما هنتقدم ابدا

[нαиαи]

إنتي ما عملتي شي غلط
هي ليش اساسا عاوزه بتاخذ منك فلوس بدون وجه حق ؟
انا والله لو معايه عشرين مليون وحد جا بياخد ربع جنيه بوقاحه راح تقوم قيامته ^^
موش شر او بخل زي ما بتقولي بس حكايه إحترام ..

[سهـــر]

اصل الي حوليا حملوني انا الغلط وباقو يقولولي ايه يعني خمسه جنيه ادهالها وخلاص

[سآرهہ]

مممممممممممم
آيآم لمآ كنت فى آعدآدي وآبتدآئى كآن بيحصل دآيمآ لمآ كنت بروح آجيب الشهـآده
وآوقآت كتيره مكنتش بدي لحد فلوس بس عشآن هي آو هو فعلآ مكنش ليه حق آنه يآخد فلوس حق الشهـآده
لآن الشهاده دي آصلا حقى مش بفلوس وآظن دي مدرسـه حكومـى يعنى .. وبعدين اللى بيطلب حآجه
بيطلبها بذوء وآدب وآحترآم مش آجبآر يعنى .. ~
فا انا كنت دآيمآ بكون بجحه آوي :d
وآلتصرف بتاعك ده فى حد ذاته صح مش غلط خآلص يعنى .. ،، ..
آحيكي علييييييه :d

[нαиαи]

لالالالا مهما كانت هي بتاخذ فلوس من وظيفتها إنت مالك اي علاقه فيها
واللي قالوا لك يعني ايه 5 جنيه غلطانين ..

[Gogo mohamed]

هو ده المعتاد عندنا لما نجيب النتيجه
بس الحمد لله نتيجتي لسه مطلعطتش
ومش انا اللي بجبها بتجيلي لحد عندي لو مش كده انشاالله مجت

[سهـــر]

اول مره اروح اجيب شهاده
في السعوديه ماكنش بيحصل كدا ابدا
والشهاده عباره عن ورقه 10×5

الشهاده في السعوديه عريضه والوان و.......الخ

[ساحر الأحزان]

هو موقف يزعل منها بصراحة

بسى النوعية دى بتتعامل بحسن نية هى قالت انها نجحت وفين الحلاوة

بتاعت النجاح لان دى عادة متعودين عليها

لان الناس دول بسطاء وعلى قد حالهم

ويوم ظهور النتيجة يبقى يوم فرح عندهم

على شان البشرة بتاعت النجاح

فمتخديش فى بالك وتزعلى نفسك

والف مبروك نجاح اختك

[سآرهہ]

معلش يً موزهـ
هي دي آم آلدنيا وهو ده نظآم مرسى :d
هنعمل إييييييييه بس يآريتها جت ع الشهـآدآت يآترى آللى هيحصل بعد كده :d

[нαиαи]

اقتباس المشاركة الأصلية كتبت بواسطة ~destiny~girl~ اول مره اروح اجيب شهاده في السعوديه ماكنش بيحصل كدا ابدا والشهاده عباره عن ورقه 10×5 الشهاده في السعوديه عريضه والوان و.......الخ

دي شهادات الإبتدائي عشان تنفتح نفسهم للحياه بس الإعدادي و الثانوي ابيض و اسود ويلا وريني عرض اكتافك ههههههه

ممكن كلام اخي امجد صح
بس موش بتوصل لدرجه الشد و العنف ؟
دي لو كانت موجوده عندنا و حد اشتكاها يعطوها إنذار لأن الدوله هي المسؤوله بصرف الرواتب موش إحنا !!