تجربه

[سهـــر]

النهارده نزلت السوق مع ماما
لاول مره في حياتي

لقيته عالم تاني خالص
المهم ماما كانت بتنقي وانا احط في العربيه

لغايه ما شفت منظر كنت هعيط والله

لقيت وحده بتنقي طماطم كانت بتناقي طماطم معفنه والبتاع الابيض ده عليها ولما سالت الطماطم بكام وقالتلها بنص جنيه مشيت وما خدتهاش

انا بقيت وقفه مذبهله وصل الفقر انها تنقي طماطم معفنه

الشعب المصري ده غلبان وفقير اوي

ربنا يرزق كل محتاج يا رب

[تجملت بالعفآف]

الأرزاق بيد الله

وما علي الفقير غير الصبر علي البلاء

وطلب الرزق من الله

مؤثر جدا المشهد

ربنا يكون في عونهم

[ملك جبال الاحزان]

انتى واحده يا ستى بتحطى فى العربيه
هيهمك ايه من اللى بينقى طماطم معفنه
بيحب يعمل صلصه حارة مزاجه وعلى قد حاله يا ستى
مش يمكن يجى يوم وتنقى معاها
ويمكن كمان تستغلى النص جنيه
البلد تعبانه ياDestiny وفى اكتر من كدة كمان
الناس نفسها تجيب كل حااجه بس الحال مش مساعدهم

[طمطم]

وده الحال ف مصر ف عصر النهضة !!

هنقول ايه بس ,,
الحمد لله ع كل شئ ,,

[سهـــر]

منورين يا جماعه

العربيه اقصد بيها عربيه السوق الي بعجلتين دي

[Mahmoud Mohie]

جهل
سوء تخطيط
سوء احوال اقتصاديه
اخيرا
فقر

هذا ما ننعانيه جميعا

ليس فقط هذه السيده

هى فقيرة مال

ونحن فقرأ لأشياء اخرى

فقط .. ندعوا الله ،، ونعمل باخلاص

شكرا سهر

[lover moon13]

عندك حق والله هى حاجة تزعل فعلاً بس مين عالم مش يمكن نبقى يوم من الايام وقفين بنقى معاها الطماطم المعفنة دى ههههههههههههه

[سهـــر]

انا بجد اتضايقت اوي حسيت اني انانيه كدا لما كل اسبوع لازم اشتري طقم جديد وفي ناس مش لاقيه تاكل

ربنا يعين كل واحد على حاله

[Words Whisper]

واااااقِع للأسف
وبنسمع انه مصر الاقتصاد فيها انتعش !!
تقريبا الاقتصاد بتاعهم بيشرب سفن اب فبينتعش
بس الاقتصاد اللي احنا بنشوفه وبينعكس ع الناس بيموت ..


الله يكون مع الكل
ويرزق الجميع من فضله ..


تسلمي
ودمتِ بتوفيق وسعادة ..

[احضان الحبايب]

كلامك للاسف صحيح .,

و انا غالبا بنزل السوق كل اسبوع .,

و بشوف اكتر من كدا .,

ال بتتخانق عشان نص جنيه ولا جنيه يقل .,

و حاجات صعبه فعلاا .,

يبقا لسانى ما بين كلمة الحمدلله ., و انى ادعيلهم ربنا يرزقهم .,

بلدنا فيها غلابه كتير .,

ربنا يرزقهم يا رب