عمل جولة اعادة في الانتخابات ؟

[SiLver Spectra]

السلام عليكم و رحمة الله
معلش التنبيهات كترت اليومين دول
في عجالة أنا جاتلي فكرة عمل اعادة بين اعلى اتنين من حيث نسبة الفوز في الانتخابات طبعا في حالة فقط عدم تمكن أي مرشح من تجاوز ال50% من الجولة الأولى

فهل توافقون على مثل ذلك الاجراء
و لا لأ ؟
و لو في اعتراضات اذكروها في الموضوع لتتم مناقشتها

الهدف من وجهة نظري هو في خلق اجماع اكبر على الاداري المنتخب الفائز

[morshooo]

انتا كدا هطول فترة الانتخابات ^_^
الفكرة كويسة وهتبقى افضل من ان يتم اعلان الفائز مرة واحدة
وياريت الفترة الجاية يبقى فى ترشيح
للادارى المنتخب وترشيح للنائب
يعنى الاتنين يكونو منتخبين
موافق على الفكرة

[ابراهيم دياب]

تمام الفكرة

يعنى اللى يحصل على نسبة 50% واكثر بواحد

يكون هو الفائز

كما فى الانتخابات العامة

شكرا لك

خالص ودى وتقديرى

موافق على الفكرة

[الرحــاال المٌتَمرد]

فكره كنت بفكر اطرحها عليك
بوافقك الراى طبعا ,,

[احضان الحبايب]

انا بصراحه مش موافق .,

اول تطويل فترة الانتخابات .,

ثانيا اصلاا ال بينتخبوا مش بيكون عددهم كبير .,

يعنى هنعمل جولة اعادة الاصوات هتبقى متقاربه اوى .,

و ساعتهاا هيبقى اكتر واحد يحشد صحابه هو ال يكسب ^^ .,

بص اناا شايف ان الموضوع مش مستاهل اعادة .,

خصوصا ان المرات ال فاتت ما شفناش يعنى اعتراضات ع ادار.,

و كنت عايز اعلق ع فكرة مورشو الخاصه بوجود نائب بالانتخاب .,

صعب جدا بصراحه .,

خصوصا ان النائب ده بيساعد الادارى .,

افرض ال كسب بالاستفتاء ما كان على وافق مع الادارى مثلاا !!

او افرض جه بعدد اصوات اكبر من الادارى نفسه .,

ساعتهاا هتبقى شرعيته تفوق الادارى : ) .,

اتمنى وجهة نظرى تكون وصلت .,

و ياا افكارك يا ابو طارق

[morshooo]

طيب ما مكن انا الاعضاء ترشحنى كأ ادارى
واختار انا نائب مش محبوب بين الاعضاء ^_^
اعتقد لما يكونو الاتنين منتخبين هيكون احسن
حتى للاعضاء .

[الرحــاال المٌتَمرد]

اانا بوافقك الراى يـ عبده عن تصويت النائب ,,
بس مش منطقى ان مرشح يتفوق على التانى بصوت او اتنين يفوز
لازم يكون فى نسبه مقبوله على الاقل ,,
والانتخابات اللى فاتت دمعه تفوقت بعدد اصوات كبير جدا
عموما ننتظر راى الاغلبيه

[нαиαи]

اقتباس المشاركة الأصلية كتبت بواسطة احضان الحبايب انا بصراحه مش موافق ., اول تطويل فترة الانتخابات ., ثانيا اصلاا ال بينتخبوا مش بيكون عددهم كبير ., يعنى هنعمل جولة اعادة الاصوات هتبقى متقاربه اوى ., و ساعتهاا هيبقى اكتر واحد يحشد صحابه هو ال يكسب ^^ ., بص اناا شايف ان الموضوع مش مستاهل اعادة ., خصوصا ان المرات ال فاتت ما شفناش يعنى اعتراضات ع ادار., و كنت عايز اعلق ع فكرة مورشو الخاصه بوجود نائب بالانتخاب ., صعب جدا بصراحه ., خصوصا ان النائب ده بيساعد الادارى ., افرض ال كسب بالاستفتاء ما كان على وافق مع الادارى مثلاا !! او افرض جه بعدد اصوات اكبر من الادارى نفسه ., ساعتهاا هتبقى شرعيته تفوق الادارى : ) ., اتمنى وجهة نظرى تكون وصلت ., و ياا افكارك يا ابو طارق

الكلام اللي كنت راح اقوله قاله عبده ووفر عليه الكتابه ^^

[SiLver Spectra]

اقتباس المشاركة الأصلية كتبت بواسطة morshooo انتا كدا هطول فترة الانتخابات ^_^ الفكرة كويسة وهتبقى افضل من ان يتم اعلان الفائز مرة واحدة وياريت الفترة الجاية يبقى فى ترشيح للادارى المنتخب وترشيح للنائب يعنى الاتنين يكونو منتخبين موافق على الفكرة

لا مش بفضل ان يبقى النائب منتخب
دا بصفة عامة حتى في الواقع
كاف انتخاب الرئيس
بحيث ان الرئيس بيختار النائب الي يتناسب مع وظيفته المكلف بيها بعد كسب ثقة الناخبين و تحمله مسؤولية المنصب

بمعنى اصح
لما رئيس يميني يفوز مش هيبقى حلو النائب بتاعه يبقى يساري مثلا , هيكون في انقسام في القرارات و تخبط جامد لان الايدولوجية الفكرية مختلفة

فالافضل انك بتنتخب شخص و الشخص دا يكون مسؤول عن بناء المؤسسات , او هنا هيكون مسؤول عن النائب بتاعه و بالتالي بيكون في عمل مشترك افضل بينهم و توافق , الاتنين مرتاحين لبعض
لكن مش افرض على شخص فائز شخص تاني و اجبرهم يشتغلوا مع بعض

دي وجهة نظري

[morshooo]

احنا فى منتدى هههههههههه
يعنى بتكلمو ان النائب والادارى
اكنهم من حزبين مختلفين وطبيعى دا لية
اختصاصات ودا لية اختصاصات
ومش صعب ان يكون فى بينهم توافق
داخل المنتدى فى تنظيم مسابقات
او عمل نشاط فى الاقسام