فى حضن مصر

[Mo chahin]

مصر

بتسألونى ليه بحب مصر ليه ومصر دى يعنى ايه

مصر يعنى وطن بدين بالفضل ليه

وطن جوايا عايش مش وطن بعيش عليه

مصر هي عمرى وحلم حلمت بيه

مصر يعنى نيلها ويعنى اصيلها وطن بحيا بيه

مصر يعنى عشرة وناس طيبين بتحن ليه

مصر هي فرحه لما تكون حزين وحضن ترجه إليه

لو الوطن هيحزن مش واجب نبكى عليه ؟

مصر ايه وايه وايه

مصر يعنى ناسها رجاله رافعه فاسها واخدها حماسها

دى مصر رافعه راسها وناسها طيبين

مهما تقسى عيالها صابرين على قسوة السنين

وطن عشنا ليه ولسه بتسألونى بحب مصر ليه ؟

مصر يعنى ابويا .. ابويا اللى مات وفاتنى الذكريات

ياما حكالى عنها احلى حكايات

سوما ونجاة وحلاوة الآهات

وطه ونجيب ودفىء الحارات

وشوقى ورامى واحلى الاغنيات

وزويل ويعقوب وكل الانجازات

مصر هي حلمى وأملى للممات

بتسألونى ليه بحب مصر ليه ؟

مصر يعنى نيلها وخيرها ع الجميع

مصر احلى صحبه فى جو يكون بديع

مصر دى احلى ورده فى عيد الربيع

والمصرى بطبعه شارى ازاى فى يوم يبيع

ومصرنا أبيه وطن وشعب محدش يقدر عليه

ولسه بتألونى بحب مصر ليه ؟

مصر هي أمى ودايما شايله همى

من خوفها عليا بعيونها تسمى

قومى يا مصر ضمى عيالك ولمى

خالى ويا عمى

وكل اللى يحبك .. مصر وطنا لازم نخاف عليه

ولسه بتسألونى بحب مصر ليه ؟

مصر مدرسينها والسماحه دينها

مصر مهندسينها مبانيها تزينها

فيها أطباء ازاى تستغنى عنها

جرس فى الكنيسه ويعلى صوت ادانها

مصر فى القلوب وبين الشعوب مكانها

ولسه بتسألونى بحب مصر ليه ؟

مصر دى الشهامه وديما تمد ايد

مصر دى علامه وفرحه فى كل عيد

مصر يعنى دم بيجرى فى الوريد

كرم وكرامه لسايح من بعيد

يعيش كأنه منها يرجع منها سعيد

ولسه بتسألونى بحب مصر ليه ؟

مصر يعنى حضن يتلم فيه غريب

مصر يعنى قلب بتسعين مليون حبيب

مصر يعنى دواء فيها مليون طبيب

مصر جنب نيلها كل الجراح تطيب

ماتحس يوم بغربه كأنك منها قريب

غريب ولو تغيب يسألوا عليك

لو وقعت يوم ألفين ياخدوا بايديك

ولو تنادى يوم آلاف تجرى عليك

مصر يعنى صبح تفتح عليه عنيك

مصر يعنى آمان ولا حد يطرف عنيك

مصر ايه وايه يرحم والديه ويرحم والديك

مصر يعنى ضهر تتسند عليه

ولسه بتسألونى بحب مصر ليه ؟

مصر مالألف للياء فى حروف الهجاء

مصر هي الدواء نيلها شفا وترياق

مصر هى السما شمسها دفا وضياء

وازهارها بعلمه لبست احلى رداء

فى ناسها جدعنه وقلوب فيها نقاء

وبناتها فى جمالها تبارك الخلاق

لو زورتها مرة ترجع لها مشتاق

وان شربت من نيلها تجيبك الاشواق

ولسه بتسالونى بحب مصر ليه ؟

كلمات .. محمد شاهينـ

[ساحر الأحزان]

فى حضن مصر

فى حضن الوطن

مع الاحبة نعيش فوق الوطن

عمار يا مصر باهلك الطيبين

كلمات جميلة منك

بالتوفيق ليك

[Words Whisper]

الــ[وطن]
كلمة من بضع حروف
لكنها تحمل حياة كاملة
وحين يكون هذا الوطن هو [مصر]
فهي حياة وتاريخ وحضارة وروعة ..


رااائعة كلمات حضرتك
شاكرة حد السماء ..
دمت بتوفيق وسعادة ..




تقييمي ..

[دمعه حائره]

رائع وصفك فى حب مصر الغاليه
كلمات كلها صدق ووطنية
تسلم استاذنا ويدوم التميز والتواجد الراقى
تقديرى مع التقييم +وسام التميز

[K A S E M]

بتسألونى ليه؟!!
خذوا قلبى لتشعروا به
كم هو كبير وعظيم هذا الوطن
شاهينا
رائع دوما يا انت فى كل ما تنثر
احييك على هذه الكلمات الصادقه القويه
فى حب وطننا الغالى
انسابت كلماتك الرائعه هنا
لتشهد كم هو عظي ذلك الحب بدالك
اسعدك الله اخى الحبيب
وجعل التوفيق دوما حليفك
تقديرى,,

[الأميرة رودي]

ماأجمل ان نتنفس عشقــا للغاليه مصـر

رائع هو وصفك ماأعمقها كلماتك
يأسرنا نزفك ويطربنا عزفك
أبدعت أخى كما عودتنا
دمت بــ الفـــرح

[بلدنا في القلوب متشاله]

دي مصر زمان

دلوقتي ولادها بيخربوها

وربنا يهديها ويهدي ولادها

بجد اللي بيحصل يزعل ويبكي

شكرا

[saffaa]

مصر دى احلى ورده فى عيد الربيع
يارب كل مصري يقراها ويعرفها

[ويبقى الأثر]

ربنا يحمى مصر وشعبها
ملحمه فى حب مصر
جميله جدااستاذ محمد
تسلم ويسلم رقى حرفك
تحياتى

[lover moon13]

كلمات فاقت الوصف
فى حب مصر والوطن
تسلم ايدك