مناظرة الانتخابات الادارية السادسة

[misho]

السلام عليكم ورحمة الله وبركاته

يشهد منتدي بنات مصر انتخابات الاداري المنتخب السادسة

حيث تقدم لها اربع مرشحين من انشط اعضاء المنتدي

و هم بترتيب تقدمهم للترشيح

Arco Baleno

Mr. M ! r o

"الرحاال""الزجاال"

~ ‏‏‏‏♥ Queeη sōmą ‏‏♥ ~

تم ارسال مجموعة من الاسئلة لكل مرشح

لاقامة مناظرة بينهم حتي يتمكن اعضاء المنتدي من معرفتهم جيدا

واتخاذ قرار من سينتخبه للمنصب عند فتح باب التصويت

رجاء من جميع الاعضاء قراءة المناظرة بتأني حتي لو قررت سابقا من مرشحك

و الأن مع المناظرة

اول مرشح / Arco Baleno

اقتباس 1-عرفي الاعضاء مين هي arco baleno وبالتفصيل؟ مخلوقه من خلق الله منحها الله قلب وعقل واحساس كا كل البشر اخفي بداخلي معالم حزن كبيره رقيقه كا رقه الزهر قلبي الصغير يحمل من الالم شي كبير رومنسيه بشكل اعجز عن وصفه اعطاني الله قوه الصبر والتحمل والعزيمه والاصرار اعطاني قدره على قوه الملاحظه والتطوير من مواهبي اعطاني قلب طيب لا يعرف يحقد يخفي الجرح ولا يستطيع ان يحقد اعطاني قلب حنون يحب اسعاد الاخرين قبل اسعاد نفسه اعطاني قلب رومنسي ان احب احب بكل طاقته ومنح حبه لشخص واحد حتى الممات اعطاني قلب كاره الى الغرور والكبر والتمايل والتغنج اخذ من حياتي اجمل زهرتين لتكون الوحده رفيقة دربي لكن اعطاني مواهب كبيره قادره على تسليتي اعطاني موهبت الرسم الذي اعتبرها الموهبه الصامته وموهبة التصميم بالفوتوشوب وكتابة الروايات الاجنبيه والخواطر الحزينه والناقده وموهبه التصوير والاعمال الفنيه اعطاني قوه اصرار وامل لوصول اي شي احلم به حتى لو الحياه كانت سوداء بنظري بداخلي شي يبتسم ويهمس ستتحقق احلامك يوم ماء احب عملي واحب ان يظهر باجمل صوره حتى لو كلفني مجهود وارهاق كبير الاهم عندي نتيجه وثمره العمل اسمي في المنتدى حوراء واركو وجميعهم اسماء مستعاره سعوديه من الحجاز من مدينه الرسول محمد صلى الله عليه وسلم طوال وقتي ويومي وشهري اقضيه في البيت ودخولي في النت طوال يومي لحين نومي ان لم اكن متواجده اكون زائره وان ابتعدت عنه اكون امارس هواياتي او اعمالي في البيت او متعبه اعشق الطبيعه وسحرها واعشق النيل ومصر وحزينه لما تمر به الان اعشق هدوئي هادئه جدا ولا املك ادنى عصبيه لكن اتاثر بمن يجرح رقه قلبي وتدمع عيني واكتفي بما قدمت تعريفنا بنفسي 2-ايه السبب انك تترشحي لمنصب الاداري رغم انك كنتي مرشحة قبل كدة ليه بس خسرتي الانتخابات ؟ الانسان لو فشل وفضل واقف مكانه هنا يسمى استسلام للفشل الفشل قد مايكون وقعه على النفس قوي ومحبط لكن يعطي الانسان حجات كثير انه يطور من نفسه واسلوبه وانه يعرف الثغرات ويقدر يتجاوزها وكمان يعطي قوه في كتابه البرنامج الانتخابي وفهم وفصل بين برنامج الاداره الى الاداري المنتخب وبين فكر الاداري المنتخب وتطويره واضافاته الى البرنامج وانا لو قلت خلاص راح اوقف هنا لان انا فشلت اذا فاشله في نظر الاعضاء هنا انا اظلم نفسي واجلد ذاتي لذلك الانسان لازم يواجه الفشل ويحاول ينجح لان كثرت الاصرار يحقق المستحيلات طوال ما الامل موجود بالله وتمني يكون الاعضاء شايفين في القدره والاستحقاق 3-كتير من الاعضاء احيانا شايفين ان حوراء بتتعصب شوية ؟؟ انا هادئه جدا ولا احب اثارت اي نوع من انوع الاثاره والشغب والتجريح اعامل الجميع بشكل عفوي والنظره غير صحيحه لان الهدو صفه من صفاتي التي اعشقها واتقنها جيدا لكن احزن حينما يتم التقليل مني وجرحي بشكل متعمد فهنا اتاثر اي احزن لكن لا اتعصب يوجد فرق كبير بين(( التعصب وضيق الخلق)) ((وبين التاثر والحزن )) وتعاملي من اول دخولي الى اليوم لم اتعصب على اي شخص من الاشخاص او اقلل من وجوده وقيمته لان كما ذكرت لي عالمي الخاص والهدوء صفه من صفاتي التي اعشقها وان حدثت خلافات بسيطه كانت السبب الرسمي لها رقه قلبي وتاثره وحزنه فيظهر الحزن في حروفي لكن انا لا اعرف ان اتعصب والذي يعيش معي سوف يشهد بصدق كلامي ما اعرف امارس دور العصبيه بي اي شكل من الاشكال لان قلت لك انا هادئه جدا ولا يختل توازن هدوئي الا حينما يتم التقليل مني وتعمد جرحي (هنا اتاثر واحزن لكن لا اتعصب اتمنى الفصل بين المعنى) لان المعنى والمضمون مختلف اختلاف كبير بين التعصب وضيق الخلق والحزن والتاثر تفتكري دي صفة صح انها تكون موجودة في اداري بيتعامل مع شخصيات مختلفة من الاعضاء؟ انا وضحت فى السؤال اللى فوق الفرق لكن لا مانع من التوضيح بشكل مختصر لمن سيدعموني ويعطوني اصواتهم.. العصبيه صفه غير موجوده بداخلى لان انا اعشق عالمي وهدوئي بشكل كبير وتعاملي مع الجميع يشهد به ان كانت حوراء ضيقه الخلق ونفسي على راس انفي او طيبه جداااااااا واتعامل معاهم برقه فضيعه الشاهد هنا الله وتعاملي مع الاعضاء وايضا مو كل كلام يتقال فهو صحيح احتمال يكون كلام من اجل التقليل والتنقيص 4-برنامجك الانتخابي بتقولي في ايه ؟؟ واهتماماتك هتكون في ايه اكتر ؟ برنامج واقعي فصلنا فيه عن دورنا الاساسي وبرنامجنا وهنا موجود البرنامج بالكامل البرنامج الانتخابي الى .. Ѕad Єyes .. Arco Baleno اتمنى الاطلاع عليه 5-ايه رأيك في الفترة السابقة للاداري المنتخب اللي كانت فيها دمعة حائرة ادارية ؟؟ فتره ممتازه جدا عملت فيها نشاط جميل وقدرت تنفذ برنامجها وكانت عند حسن ظن الجميع منتشره وخلوقه وقدرت تعمل نشاط ومسابقات وعندها قدره تحمل احييها بجد على نجاحها ولوجي النائبه كانت متفاهمه مع منه ومحتفظه بنشاطه وعملت دور كبير مع منه بجد كانت خير فتره ومرت بسرعه وكانت حقا رائعه 6-شايفة انك تقدري تكملي الانتخابات وتنجحي وسط مرشحين ليهم شعبية في المنتدي زي اللي موجودين ؟ انا لا احب ان استسلم هذا مبدا عندي احب اكمل سواء نجحت او لم انجح لان على يقين كامل ان الله عند ظن عبده به وانا محسنه الظن في ربي وفي الاعضاء وثقتهم في برنامجي ودعمهم لي من اجل النجاح وخدمه الاعضاء وانا لا اقل عنهم في الشعبيه بشي لكن الحكم الفاصل بيننا هو صوت الاعضاء ونظرت الاعضاء الى البرامج 7-مين هيكون النائب ليكي في حالة فوزك ؟ وعلي اساس ايه تم اختياره؟ النائب وهو محمود (( ساد ايز )) تم اختياري له عن قناعه كامله اولا لان عقله اكبر من سنه ويعرف كويس هو بقول ايه يهتم في رده وكلامه كويس ما يخرج شي بشكل عشوائي عارف هو في كذا فلازم يقول كذا ثانيا انسان خدوم جدا وخلوق جدا ويحب عمله ويخلص له وقدر يثبت وجوده في فتره قصيره ونال على الاشراف لحسن وجمال انتشاره ثالثا عقليه رزينه ومتفاهم معاي جدا ونقدر نعمل شغل ممتاز بسبب وجود التفاهم الي بيننا شخصيه ممتازه لي الشرف انها اتواجدت معاي.. 8-ايه رأيك في الـ3 مرشحين التانيين (الرحال الزجال-م0ميرو-كوين سوما) ؟ بكل صراحه سوف اجيب الرحال . شخصيه واثق من نفسه وكتاباته جميله وعنده عزيمه للوصول وحب لتغيير اتمنى له التوفيق في الوصول للمنصب ميرو . مميز في كلماته وصريح جدا وموهوب صاحب صوت جميل وعنده عزيمه للوصول وربي يوفقه في الوصول ويحقق كل شي نفسه يحققه في فترته الانتخابه سوما . بنوته خلوقه جدا وحبيت اصرارها وحبيت انها تنافس معاي للوصول من اجل خدمه الاعضاء وبجد اتمنى لها التوفيق والسعاده وتقدر توصل وتلبس الفستان الاحمر ومين فيهم ترشحيه لو مكنتيش في الانتخابات والسبب؟ بصراحه راح احتار في الاختيار مابينهم لان جميعهم عندهم اراده وعزيمه للوصول والتغيير ودا الشي يعجبني جدا عايزة نقد لكل مرشح علي حدة ؟؟ اعتذر لا استطيع ان اقدم اي نقد ولعده اسباب ليس ضعف او خوف او خلو من العيوب او عدم مقدره على النقدبل لاني لم يسبق لي التعامل معهم اولا ولاني مقتنعه تماما ان اغلب النقد في هذه المواقفهو ابراز للذات وتقليل من الاخرين ورغبه في الصعود علي اكتافهم فا اخلاقي لا تسمح لي ان اكون جارحه او مقلله منهم او محلله لشخصيه احد وخاصه اني لم اتعامل معهم الله يوفقني بدون صعود على اكتاف المترشحين والله يوفقهم ويقدرو يحققو الوصول لخدمه الاعضاء 9-قولي كلمة لكل الاعضاء علشان صوتوا لصالحك ؟ حابه اقولكم اني لم ارشح نفسي لاني احلم في كرسي اتربع على عرشه بل اني ترشحت لان حلمي ان اخدمكم واكون مساهم في تطور المنتدى وخدمه الاعضاء وتخفيف الاعباء والحمل عن الاداره رشحت نفسي لاني عندي ثقه ان خلف كل سقوط وفشل سيكون نجاح رشحت نفسي ليس من اجل لون افتخر به بل رشحت نفسي كي يكون هذا اللون وسيله تجعلني اخدمكم واكون قادره على حمل امانت اصواتكم رشحت نفسي من اجلكم واتمنى لي ولكم والى جميع المترشحين التوفيق وتحقيق الوصول لخدمتكم صوتكم اعطوه من يستحق وكونو امام انفسكم وضمائركم صريحون ___________________❜❁

رجاء عدم الرد قبل اكتمال المناظرة

[misho]

ثاني مرشح /Mr. M ! r o

اقتباس عرف نفسك اكتر للأعضاء .. مستر ميرو .. عضو تم تسجيله في المنتدى بتاريخ 15-6-2009 بداية كانت مندفعه بعض الشيء .. حاولت من خلالها الولوج واثبات الوجود من خلال كتابة المواضيع وكذلك الردود .. كحال عضو جديد.. انسجمت مع بعض الاعضاء بعيدا عن ذكر اسماء .. تنافرت مع الاخر بطبيعتي البشرية .. تخبطت في البداية وتهذبت في ما ابتدأ لي من مسيره فعلية .. تواجدي في المنتدى كان محصور في بعض الاقسام بحكم عضويته الجديده .. وضيق علاقاتي بالاعضاء .. وما هي الا اشهر.. حتى بدأت حلقة التواجد بالاتساع والتشعب .. محاولا بذلك الوصول الى قلوب الاعضاء من خلال الشفافية والميل الى قول الحق محاولا التقليص من المجاملات .. حتى افيد ذاتي وافيد الاخرين بالحكمة والموعظه الحسنه.. احببت تواجدي ما بين احضان بنات مصر .. بجميع جوانبه .. وهاهي اعوام تجرى لأجد نفسي في العام الخامس .. كل ما بي قد نضج .. حتى تواجدي اختلف عن ذي قبل للارقى .. ليس ذكاء اجتماعي مني ..! بل هي خبرات نلتها بشرف التواجد ما بين شريحة عظيمة من عظماء بنات مصر .. اكثر ما يطغى على مواضيعي .. مبدء ( العدل ورد الجميل ) ظننت بأن اكثر ميلي هو للادبيات .. ولكن وجدت بداخلي شخص يستطيع ان يفصل بين الحق والباطل بنقاشات حاولت قدر المستطاع ان تكون منطقيه عقلانيه .. ومازلت ابحث عن جوانب وميول ورغبات اخرى تولد بداخل الشاهين .. ايه سبب ترشحك للمنصب ؟ بعيدا عن المثالية المشابة للسياسات الواقعية .. احببت ان ارشح نفسي لأجد حلقات وصل بين امور وشخصيات واقسام بحاجه لعقلية جديدة تٌضيف لسابقية تسأؤلات كثيرة تملاء عضو ومشرف واداري بداخلي احببت ان اجيب عنها بطريقة رسمية .. ما بين اعطاء كل ذي حق حقه من اقسام واعضاء ومشرفين وبين محاولة تصحيح غشاوة تطرأ على فكر الكثيرين ممن يرون المواضيع من جوانب حدتها بعيدا عن منطقيتها .. احببت ان اٌرشح نفسي لأنني وبصراحة معارض لبعض السياسات المتبعة وأحاول ان اصححها بطريقة تخلو من القمع او الحرية المفرطة .. ولكن بطريقة نرضي بها طرفي المشكلة ايا كان نوعها لا انكر مدى صعوبة الوضع والمسؤولية والجهد ولكن كلي ثقة بأني لم اضع نفسي هاهنا الا وانا بأذن الله قادر ا اكون صدى لأصوات كثيره .. وهل انت شايف انك ممكن تنجح فيه ؟ سؤال لا يحتمل اكثر من اجابة !! بكل تأكيد نعم اذا كان العدل اساس الملك فطبيعي ان ارى بأنني سأنجح .. فأيمان وقناعت شخص واحد بك دون مجاملة والله كافيه وكفيلة بأضفاء روح النجاح على نفسيتي فكيف بأقتناع وايمان الجميع ..؟؟ مستر ميرو .. حصل قبل كده مشاكل بينك وبين بعض الاعضاء وكانت بتظهر عصبيتك ,, هل دا دعايه لصالحك أم ضد ترشحك ؟ ليس بدعاية ولا بأمر قد يؤخذ ضدي ..! عصبيتي جزء وامر في شخصيتي فمن منا لم تتحرك بداخله حمية على الحق ..؟ ومن منا لم يأخذه موقف خاطيء لضرب من الجنون .. امر فطري وطبيعي ولا يؤخذ على اي شخص الا في حالة العصبية بطريقة همجية الهدف منها تبادل صنوف الالفاظ الجارحة .. ! واثبات الأحقية لمجرد اثباتها للذات بعيدا عن محاولة احقاق الحق .. لحقيقة انه حق فقط ..! وهي عصبيه متيقن بعدم وجودها ما بيننا مهما كثرت اختلافاتنا وخلافاتنا .. لوجود احترام لفظي فطري في ذواتنا ومكتسب من خلال احتكاكنا بشخصيات محترمة منها نٌهذب انفسنا حقا .. رأيك فى الفترة السابقه للادارى المنتخب اللى كان فيها دمعه حائرة ؟ الاخت الفاضلة منة لم توضع في هذا المكان الا وهي قادره على التعايش مع فترة ادارية انعشت فيها ما يمكن انعاشه من اقسام المنتدى امانة ادارية تعلمتها منها بحق .. فترة انتخاب منه كأدارية كانت بالنسبة لي واعتقد لن يخالفني الرائي غيري ,, انها فترة تعليمية لنا ,, تعلمنا منها الكثير .. وايضا لن انساق خلف ايجايبات واطراء استطيع سردها لأعوام .. ولكن هناك ايضا جوانب غفلت عنها او سقطت سهوا من الادارية الفاضلة منه .. جاء دورنا الان لنكمل المشوار .. واضفاء روح اخرى على ارواح تلتف حول منتدى بنات مصر .. ايه برنامجك الانتخابى ؟ البرنامج الانتخابي الخاص بالاداري Mr. M ! r o ونائبه Mahmoud Mohie وهتهتم اكتر فيه بايه ؟ ارى بأن كل ما ذُكر بالغ الاهميه ولم يُذكر على سبيل الحشو والبهرجة الانتخابيه ..! لذا سأهتم ونائبي بكل ما تم ذكره في البرنامج الانتخابي مع التجديد المستمر .. لبنوده النائب بتاعك هيكون مين فى حاله فوزك ؟ الأخ الفاضل والصديق العزيز محمود محي وايه سبب اختيارك ليه ؟ عني انا سأترك الحديث للأعضاء عن شخصية محمود .. وماقدمة للمنتدى .. وما زال يقدمه محمود ورقه رابحة للجميع .. اخلاق ,, مباديء .. قيم .. عفوية وروح تتحدث عن نفسها .. لا نجدها سوا تنطق برقي التعامل .. وحبكة الاسلوب .. اما الجوانب الادارية .. شخصية لها هدوءها المقنع .. مٌتتبعة لكل ما يحدث في المنتدى .. تحترم متابعيها وتقدر تواجدهم تستطيع ادارة حوار هادف تٌرضي فيه جميع الاطراف ولن يغفل الجميع عن كونه متعدد الذكاءات في كل مكان يوضع به .. يٌبدع بقدر الاستطاع واخيرا وليس اخراً.. محمود كتف لا يستغني عن تواجده اداري حقيقي .. شايف نفسك قد المنافسه اللى انت داخل فيها مع 3 مرشحين اقوياء ؟ بالطبع .. وها انتي تصيفهم بالقوة فعلا اقويا .. ولكن اجد نفسي على قدر كبير من الثقة التي تخولني لمنافسة 3 مرشحين او اكثر وليس ايمان بشخصيتي فقط !! بل ايمانا مني بقوة خفية تدعمني متمثلة في اعضاء ينولني شرف اختيارهم لي .. ومين بتعتبره منافسك الحقيقي فيهم ؟ لكل شخص فيهم جانب قوي يجعله منافس حقيقي لي لذا فالجميع ينافسوني كما انا منافس لهم .. قولى رايك فى ال3 مرشحين (اركو بالينو – كوين سوما – الرحال الزجال ) الاخت الفاضله حورا .. شخصيه لا يختلف في نشاطها ومجهوداتها اثنان ابداعها يحكي قصته .. فلاشات ابدعت في اخراجها وشخصية لها شعبية وحضور ملحوظ امام العيان كل التوفيق اتمناه لها النقد تفردها بالتواجد في اقسام محددة حساسية تولد بينها وبين اي موضوع يعارض لها شعورها بأنها مٌهاجمة في بعض الاحيان أيمن .. الرحـــــــال .. من ارقى شخصيات المنتدى .. رزانه يخالطها هدوء ادبي لا يتوانا عن مد يد العون لمحتاجية .. ونعم الاخ بحق .. النقد ,, ايضا ايمن يميل لنزعة تعصبية ,, ومقل في انتشاره في جميع اقسام المنتدى سوما كوين .. شخصية عفوية خلوقة جدا.. مجتهدة حقا تحاول ان تتواجد في كل حين استطيع ان اقول متفانية اثناء تواجدها النقد .. رغم محاولتها في التواجد الا انها مقله في ذلك تحتاج لان يعرفها الجميع .. منتدى بنات مصر ,,, بيمثلك ايه ؟ منتدى بنات مصر يمثل لمحمد شاهين انطلاقة لقلم يحكي الكثير عن ما يحاول ان يخفيه عن الجميع وحكايات لمشاعر تضاربت بداخلي لتولد بأنتظام من خلال تواجده بين من علمني كيف اظهرها من اعضاء منتدى بنات مصر وايه عيوب المنتدى اللى عايز تغيرها ؟ بصراحة من عيوبه وجود بعض الحقوق المهدورة ناتجه عن سياسة القمع ,, في بعض الاحيان ايضا ظاهرة الاحزاب والمجاملات بعيدا عن المنطقية لمجرد علاقات وصداقات .. شعور لا نعلم سببه يولد لدا بعض الاعضاء وهو الاحساس بالاضطهاد ..! خاصة الجديد منهم .. واخيرا قول كلمه للاعضاء عشان يرشحوك ,, لا يصعب علي مخاطبة اعضاء بنات مصر فجميعنا اخوة واخوات جمعنا صرح واحد .. واعتقد ان الحوار كفيل بأختيار ترشيحهم لي من عدمة لشخصية ظهرت لهم من خلال الاحتكاك رسم ملامحها ما قيل في هذا الحوار .. وتوعدهم بايه ؟ اعدهم بأن ابقى محمد شاهين العضو المقرب من الجميع مع محاولة الارتقاء ببعض .. وتحقيق مبدأ ( الكل للواحد والواحد للكل ) من خلال تطبيق بنود البرنامج الانتخابي بحذافيره بعيد عن التعصب .. واضفاء روووح العدل بين الجميع أًمًل ومتأمل من الجميع احسان الظن بي تحيات .. محمد شاهينـَ مٌرشح محتمل .. ___________________❜❁

رجاء عدم الرد قبل اكتمال المناظرة

[misho]

ثالث مرشح/"الرحاال""الزجاال"

اقتباس - عرف الاعضاء اكتر مين الرحال الزجال ؟؟ الرحال ,, أيمن ,, عضو فى المنتدى من سنه ونص تقريباً ,, مشرف قسم الابداعات من حوالى سنه ,, له وعليه ,, والحمد لله بنحاول قد ما نقدر نقدم شىء ينال احترام الاخوه والزملا ,, من خلال بعض النشاطات والمسابقات وتحفيز الاعضاء ,, ودا فى القسم ومن خلال التفاعل مع موضوعاتهم فى الاقسام الاخري - ايه سبب تقدمك للمنصب دة مرة تانية رغم خسارتك فيه قبل كدة ؟ وهل انت جدير بيه؟؟ السبب ,, أني ما بستسلم لــ فشل والمحاوله ثم المحاوله كفيله بأن تحقق الفوز ,, ودا مبدأ بشكل عام بطبقه فى كل امور حياتى . -وجودك شبه الدائم في الاقسام الادبية بيقلل من معرفة الاعضاء بيك ,,, دة ممكن يضر بانتخابك ولا هيفيدك ؟؟ أعتقد أن السؤال مش فى محَلٌه ,, لان انا خلال الــ 3 شهور السابقين حصلت على درع التميز ودا بيكون للمشرفين المجتهدين واللى ليهم مجهود فى معظم اقسام المنتدى ,, دا غير تكريم المنتدي السنوي اللى كان يومين والحمد لله كان فى تكريم من الاداره للمشرفين الاكثر نشاطا ,, وانا مقتنع تمااما ان على حسب المسئوليات المخوله إليا بيكون نشاطي ,, بمعنى انى كـ مشرف مش مطلوب مني أرد على جميع المواضيع اللى فى المنتدى لكني بحاول قد ما بقدر ارد على المواضيع القيمه ,, لكن لو حصل وربنا وفقنا فى الانتخابات هنتعامل مع المرحله على قد المسئوليات المفوضين بها ,, -المنافسة مع 3 اعضاء اقوياء مش شايفها انها مجازفة منك؟؟ رغم ان الافضل ممكن مايحصلش على المنصب ,, لان فى عوامل كتير بتتحكم فى رأيى العضو وأختياره ,, لكن الــ 4 المتأهلين لــ مرحله التصويت مافيش تفاوت كبير بين الكفائات والمجهود والتنافس مش محسوم للاى طرف , -برنامجك الانتخابي بيعتمد علي ايه؟؟ وايه اول اهتماماتك في حالة الفوز؟؟ برنامجى الإنتخابى انا عرضته وأفضل ان اللى عنده رغبه في الإختيار من بين المرشحين يراجع كل البرامج الانتخابيه بنفسه ,, وكان فى بنود كتير هنعتمد عليها ان شاء الله , وانا لو عندى الصلاحيات كــ مشرف انى اقدم ولو جزء من برنامجي ان شاء الله هقدمه وانا فى اى موقع , -مين النائب بتاعك لو فوزت؟؟ واخترته علي اساس ايه؟؟ النائب مورشو ,, مرشدي إختياري لـه كان اكيد لــ كفائته وخبرته فى المنصب دا لانه كان نائب فى اثناء فتره الماجيك واللى قدروا خلالها يحققوا نجاحات كتير ,, وانا بثق فيه جدا وان شاء الله ربنا يوفقنا . -(مستر ميرو-اركو بالينو-كوين سوما) ايه رأيك فيهم كمرشحين ؟؟ وايه النقد اللي تقدمه لكل مرشح علي حدة؟؟ التلات مرشحين ليهم كل الاحترام والتقدير ,, ولكل منهم مجهود وانجاازات لا يمكن اننا ننساها ,, وهبدء بــ الشاهينا ,, اللى بعتز بيه جدا وهو اخ ليا طموح وعنده رغبه فى تطوير المنتدى من خلاله رؤيته الخاصه . حوراء ,, اكيد محدش يختلف على نشاطها ووجودها فى قسم الهوايات شخصيه طموحه وعندها الرغبه فى الفوز فى المرحله دي واعتقد بــ وجود محمود الشخص المتزن العاقل اللى لديه خبرات وعنده وجهه نظر تحترم ,, قادرون على ذلك . سوما ,, شخصيه طموحه وقدرت تظهر بــ صوره طيبه فى الفتره اللى فاتت وبتمنالها التوفيق ان شاء الله فى حال فوزها بالمنصب . -لو انت خارج المنافسة ,,, ترشح مين من الــ3 المرشحين؟؟ وليه؟ اعتقد ان الرد على السؤال دا ممكن يكون فى مرحله الاعاده لو ماكنتشمنافس لان فى المرحله دي صعب الاختيار ,, ايه رأيك في فترة الاداري المنتخب السابقة واللي كانت فيها دمعة حائرة؟؟ المرحله السابقه نموذج لــ الادارى المنتخب الناجح ,, منه ولوجي قدروا يحققوا انجازات كتير وتفاعل كبير فى الاقسام بتمنالهم التوفيق وبتمنا لــ الادارى القادم سواً كان الرحال او اى المرشحين يحققوا نفس الانجازات ,, -ايه عيوب المنتدي اللي انت شايفها ؟؟ وهتقدر تصلحها ازاي في حالة فوزك؟؟ مطلوب اعاده هيكله لــ بعض الاقسام وبعض القوانين واعاده النظر فى كيفيه تكريم الاعضاء والمشرفين ,, لان فى اعضاء كتير تستحق التكريم والاشراف وبالمقابل فى مشرفين متغيبين او دورهم مقتصر على تسجيل الدخول والخروج دون اى مجهود ,, وفى بعض الأمور بــ تكون ورقه في يد كل مرشح مابيحب يكشف عنها الا فى الاوقات الحاسمه -قول كلمة لاعضاء المنتدي عشان ينتخبوك؟؟ هقولهم إختاروا لــ مصلحه المنتدى والصالح العام مش لصالح مرشح ,, وكل عضو حسب رؤيته لــ متطلبات المرحله القادمه يختار المرشح اللى يقدر يحقق طموحاته وانجازات ترتقى بالمنتدي

___________________❜❁

رجاء عدم الرد قبل اكتمال المناظرة

[misho]

المرشح الرابع/~ ‏‏‏‏♥ Queeη sōmą ‏‏♥ ~

اقتباس -عرفي الاعضاء عليكي اكتر ؟ بحث انو سئال صعب ! لان معتقدش حد بيعرف يعرف نفسو ,, زى ما بيتمنا ! لان فيها أحراج بــــــــــــس هحاول بقة سوما بنوتة هى مش عادية اوى زى باقى البنات انا طموحة .. وطموحى ممكن يجبلى جنان او يخالينى دايمآ فى قمة التميز ,, مش بستسلم لء لما تكون حاجة تمس عاطفتى ! حساسة شوية لمضة ودى حاجة بحبها فية ,, مش بتكلم كتير بتعامل با صمت وهدوء كدة بس سعت الجد مش بختلف كتير بردو باخد حقى با أسلوب سياسى ودة لى اتعلمتو من المجال السياسى لى انا وحدهـ منو ,, السيره بقة ,, الاسمـ : ~ ‏‏‏‏♥ Queeη sōmą ‏‏♥ ~ العمل :: مدرسة ,, وكيلة برلمان شباب وبسعى أكون على مستوى الجمهوية بس دة هيجيب اجلى با اذن الله ^^ حاصلة على دورات تنمية بشرية ,, اعداد قادهـ حقوق أنسان .... الخ لسة باخد كمان لان عيزة أكون مدربة اشتراكت فى حملات كتيرر يوم الوفاء المصرى ,, مع صناع الحياه فى مدينتى حملات الكساء فى مصر ,, .... الخ كفاية دة بختصار والله ^_^ بس عيزاكو تعرفو سوما الانسانة ,, مش سوما مشرفة الاتكيت بس -ايه سبب ترشحك للمنصب ؟ هل رغبة في الحصول علي اللون الاحمر زي ما ممكن يتقال؟ اللون مش هيضيف لية حاجة لان بعد 3 شهور هرجع تانى سوما با اللون الازرق ,, يعنى مش هتثبت على اللون بس انا عيزة احقق حاجة فى المنتدى تكون ذكره مميزة لية لما امشى ,, تفتكرونى بيها , -قوليلي رأيك في الفترة السابقة للاداري المنتخب اللي كان فيها دمعه حائرة ؟؟وايه العيوب اللي انتي شفتيها فيها وهتقدري تتفاديها؟؟ منة ما شاء الله عملت نشاط داخل المنتدى ,, غير انها كان عندها دبلوماسية وهدوء فى الرد مهما كان لى قدمها بيستفذها ودى ميزة فيها ,, انا معجبة با مرحلة منه بصراحة رخم انها 5 وفى قبلها ,, بس هى حققت طموح لينا كا بنات ,, على المنتدى وحدش ينكر مجهودها ,, العيب الوحيد كان فى التكريمات . -مين النائب بتاعك في حالة الفوز؟؟ وايه معيار اختيارك ليه؟ والله دة هختارو ل بعد النجاح ,, لان مش عيزة لو خسرت أحرجو معايه ,, هختارو ان يكون نشيط ,, تواجدو الاكتر فى الفتره الصبحية ,, محبوب من الجميع عشان يتقبلو نشاطو طبعآ ,, عندو خبره فا كيفية تنشيط المنتدى ,, قد المسئولية ,, -مش شايفة ان سوما دخلت منافسة صعبة مع مرشحين اقوياء ؟؟ والله مش هتكون أصعب من المنافسة على الواقع يعنى بطبعتى بحب التنافس بس النزيه .. يعنى كل واحد بيطرح افكارو ,, وبيطرح تميزو على الاعضاء وهما لى هيختارو ,, والنتيجة مهما كانت لازم نتقبلها ,, هنقول لى هينجح مبروك,, ولى متوفقش .. هرد لك ( وكفاية شرف المحولة ) مفيش حاجة اسمها هزيمة لان الاتنين بيستفيدو من التنافس دة اكيد . ومين تعتبريه منافس حقيقي ليكي؟؟ والله هما 3 ما شاء الله متعرفيش تقيمى مين اصلا اعلى او اقل فى الاصوات -ترشحي مين فيهم لو كنتي برة الانتخابات وليه؟ أممممممممــ ,, مش هقول -برنامجك الانتخابي بيعتمد ع ايه؟؟ واهتمامك هيكون اكبر في ايه؟ بيعتمد على كل شئ يخص الاعضاء من اول العضو با الاخضر ,, لحد المراقب زى ما قالت فى البرنامج بتعاى هنـــــــــا هيكون نشاط فى كل شئ ,, -(اركو بالينو- مستر ميرو-الرحال الزجال) قوليلي رأيك في كل مرشح بصراحة ونقدك لكل واحد؟ بصى يا ميشو ده اكتر سؤال بسترخمو فى مرحلة الانتخبات انا مش هتكلم على حد على حدى ! لان مش هندخل ننقد فى بعض عشان ترشيح هما 3 بنسبالى اخوات وبجد بعزهمـ ,, و3 نشيطين ما شاء الله عليهم حوراء نشيطة فى المجال الفنى الفوتو وميرو والرحال فى المجال الابداعى قلمهم ما شاء الله مميز فا 3 قد المسئولية زى ما انا كمان قدها -قوليلي عيوب المنتدي اللي عايزة تغيريه الما تبقي اداري منتخب؟ المنتدى عيوبو ان عيزة فكر جديد ,, زى ما طروق كدة بيقول التغيرر حلو ,, وكمان الغير لى مش هيضرنا فى شئ لية منعملهوش ودة لى هعملو ,, عيزة انشط كل الاقسام خصوصآ لى مش بيدخلها حد ,, غير با الردود الكوبى والبست انا عيزة الاعضاء تبدع با قلمها ولى ميعرفش هتكون فى دورات تدربية ازى تكتب موضوع با قلمك عيزة اوقف فكره النقل من المنتديات التانية ,, لية منكونش منتدى الابداع والمنتديات هى لى تاخد مننا ويكون السبق دايما فى المنتدى ليــــــــــــــــــــــــة لا الطموح حلو وفى حاجات كمان مش هقولها بس هعملهااااا لازم التغيير نلمسو با ايدينا مش نحكى عنو -قولي كلمة منك للاعضاء عشان يرشحوكي ؟؟ أمممممممممممــ ,, انا بحبكمـ فى الله ,, نجحت او منجحتش هفضل معاكم ,, وبنفس النشاط واكتر وهحاول انفذ البرنامج بتاعى وكمان هشجع المرشح لى هيكسب وهنضم لى الفريق بتاعو فى التنشيط ,, اى كان المرشح لان زى ما قالت احنا أيد وحدهـ هنشجع بعض ,, وهنسعى لى التميز ,, انتو بقة لو شيفين ان سومـــــــــــا عند حسن ظنكمـ ,, وهتعمل حاجة لى المكان دة وهتغير فية شئ ,, يبقة صوتكمـ أمانة لية ,, وربنا الموفق بقة لينا كلنا ,,

___________________❜❁

تذكير بسيط للاعضاء
ستستمر الحملات الانتخابية اليوم وغدا
ويبدا التصويت يوم 29 يناير "الثلاثاء" ويستمر 24 ساعة
ويغلق التصويت يوم الاربعاء 30 ينايرواعلان النتيجة النهائية
ويتسلم المرشح الفائز منصبه من يوم 1 فبراير

بالتوفيق للجميع
تحياتي

[ساحر الأحزان]

مجهود جميل ميشو

جمعتى كل المرشحين

وكل واحد قالى رئية ونظرتة الى شايفها عن التطوير فى المنتدى

واجمل شىء احترامهم لبعضهم البعض

وان اى واحد فيهم يفوز

فالخسارة لا تقلل من شان صاحبها

يفعل الى علية ويترك التوفيق لله

فلكل مجتهد نصيب

بشكرك يا ميشو

على توضيحك الطيب للاخوة المرشحين

وبتمنى ليهم كل توفيق

[الرحــاال المٌتَمرد]

بالتوفيق للافضل ان شاء الله ,,
وبشكرك على المجهود يــ ميشو

[morshooo]

المناظرة اكيد هتعرف الاعضاء اكتر على المرشحين
وتسلمى ميشو على المجهود الجميل
بالتوفيق للجميع

[booody99]

مناظرة قوية جداً

يحتار الشخص اختيار البرنامج الأفضل

ولكن جهد رائع وشخصيات أروع

واهم حاجة الكلام الحلو ده يتنفذ

كل الأحترام والتقدير لكم

وبالتوفيق للجميع يارب

[۩۩ elMagic ۩۩]

اجابات تمام من كل المترشحين
ان شاء الله موفقين دايما
وبغض النظر عن مين هيتولى المنصب
فا لازم كلنا تكون روحنا حلوه ونعمل لصالح المنتدى
تسلمى ميشو للمجهود
خالص الاحترام والتقديـــر ,,

[აα∂ Ԑγεა]

اانا قريت نصف المناظره ولسه هكمل الباقي اكيد
بس حابب اقول قبل ما اكمل
كنت اتمني تكون الاسئله واحده للجميع
اظن مهنيا كانت هتبقي فيها عداله اكبر بكتير
بحيث الكل يجاوب علي نفس الاسئله والافكار
والاعضاء تحكم ما بينهم
دا رأيي