بصراحة مع SiLver Spectra

[مِسكُ الشَهادة]

ا المقدمة ... مضت ْ مسيرتنا نحو شغف اللقاء ورست على شواطئ الفخر دوما ً بمن نحلم بهم أو نسأل الله لهم خيرا ً لما هم فيه من رقي وتحضر علت كلماتنا ونبض فؤادنا وإستقر بنا الحال على شاطئ ٍ يزهو بالجمال لنلتقي هناك بضيف ٍ راقي الخلق ويافع التفكير رحبوا معنا بضيفنا لهذة الحلقة الأخ الغالي ( SiLver Spectra ) أهلا ً وسهلا ً بك أخي شرفتنا ننتقل بكم لمضمون الحوار ... قبل ذلك نسأل الله النصر لإخوتنا الأبطال الأحرار في سوريا الغالية والذين يضحون بأرواحهم من أجل ِ حرية ٍ سرقها الظالم بشار من مآقيهم ... أهديكم قلبي يا إخوتي ونسأل الله أن يرزقنا الشهادة في ثراكم المقدس لسلام عليكم ورحمة الله وبركاته إزيك يا دكتور طارق عامل ايه ؟ تمام الحمد لله سلام و نعمة من رب المجد يارب دايما كدا يا غالي القسم الأول ... د . طارق ؟ 1_ شايف مهنة الطب إزاي من وجهة نظرك ؟ مقرفة ههههه زي أي مهنة , هو المجتمع الي عاملها اعتبار كبير دا اظن انه بيرجع الى الاستشارة الإنسان دايما بيحترم الشخص الي بيستشيره او بيحس انه بيفهم في حاجه أو متخصص في مجال بيهمه زي الشيخ كدا انت بتستشيره عن شيء خاص بيك هي نفس الفكرة للطبيب ,,بتستشيره حاجه بتخص صحتك فدا الي بيعمل لصاحبها اعتبار عند الناس حسب فلسفتي المتواضعة لكن ان جيت للحق ,,ففي مهن كتيره جدا و بتكون صعبة برضو , اشمعنا الطب الي له المكانة دي ! أظن السبب في الكلام الي ذكرته (الاستشارة) 2_ هل كان طموحك مهنة الطب منذ الصغر أم كان أمر آخروتغيرت الفكرة عبر الزمن ؟ و لا كان في دماغي اي حاجة أنا كنت بضرب العيال الي يقولك نفسي اطلع ظابط هههههه بص ,,أنا مش من النوعية الي بتحلم كتير و أعد بقى اتخيل اني في مهنة معينه او اني عايش في قصر و الكلام دا بحلم على أدي كدا 3_ لماذا لم تذهب مهندس مثلا ً ؟ قسمة و نصيب بقى بس أنا فعلا كنت أمشي في هندسة أحسن و بحب اسمع من بتوع هندسة عن شغلهم أو المواد بتاعتهم بنتشرف بيك في قافلة المهندسين يا دكتور حلوة قافلة دي هههه 4_ لماذا إخترت طب الإسنان دون غيره :؟ ما قولنا قسمة و نصيب و الله بص أنا قولت أخويا الكبير طب و التاني صيدله , مش حبيت أقلد حد فيهم فكتبت أول حاجه طب اسنان كان مجموعي يجيب طب , انا شهادة معادلة فبتبقى اسنان اعلى من طب يعني الكلية الي فيها بياخدوا اتنين بس من ****************** 5_ على فكرة بسمع طبيب الأسنان بيكسب أوي ايه رأيك ( اللهم بلا حسد ) ههه ؟ هو هنا في مصر في حاجه بتكسب عدل هههههه تعالى شوفهم برا بيكسبوا ازاي السعر برا عشر اضعاف مصر يعني زراعة السنة هنا بتقف عليك ب 3 ل7 الاف جنيه برا ب10 الاف دولار يعني 70 الف جنيه و قيس على كدا كل حاجه , حشو خلع تركيب اضرب في عشره على طول ربنا يجلبك الخير مش بنحسدك طبعا ً بالسؤال دا ربي يزيدك كمان وكمان 6_ ما هي أكثر مادة علمية سئمت َ منها ولماذا ؟ تصدق مافيش مادة عدله و كلو حفظ المواد الي بترخم معايا اوي هي الي بيكون فيها المنهج كبير و اوله زي اخره , كلو شبه بعضه 7_ هناك من يقول التخصصات العلمية للفهم بينما الأدبية للحفظ وع الماشي كدا ايه رأيك ؟ في طب حفظ و حتى هندسه فيها نسبة كبيره من الحفظ بتحفظ اسماء و حالات و خلافه نسبة الفهم مش كبيره , زي الاحياء بالظبط خلافا للرياضة انت في الرياضة بتحفظ ايه ؟ ارقام و قانون بس , الباقي كلو فهمك لكن طب بتلاقي كتاب كبير و كلو حفظ ,,فين الفهم هنا ! فمافيش مقارنة والله عندنا في الهندسة كان في مواد حفظ كتير ورخمة اوي يا دكتور نعمل ايه بقى 8_ برأيك لماذا مجتمعنا يريد إبنه إما طبيب وإما مهندس كيف تفسر هذا النظرية الشائعة في المجتمع العربي كله ع فكرة ؟ دي اول اجابة انا جبت جزء منها بس للاسف المجتمع بقى فيه طبقية شهادات يعني أبو دبلوم يبقى مكسوف لو يخطب واحده خريجة جامعه و هكذا مع ان دا مش بيبقى موجود برا , انت عارف كمان لما يبقى مجتمع مرفه و اي وظيفه بتكسبك كويس , هتلاقئيك مش بدور على كلية معينة عشان تكسب منها هتلائيك بتدور على شغلانه تكون حاببها دا في المجتمعات الطبيعية في مجتمعات تانيه الي هي فجاة بتلاقيها اتغنت بسبب ثروات طبيعية ,,دي بتبقى مش طبيعية شوية و فيها ظواهر عجيبة زي ما الفلوس جت فجاة بشكل مش طبيعي يعني السباك في امريكا بتلاقي عنده سيارة فور باي فور و شكله نضيف كدا , دا نتيجة ان الفلوس كتير , فاقل حاجه تعملها تلائيك بتلم عليها دولارات 9_ هل تلامس تقدير لمهنة الطب بشكل عام في مصر أم أنها مهمشة وتحتاج لدعم كبير من حيث الإمكانيات والجهد والعقول ؟ مازالت الدولة مش بتدي ميزانية كبيرة للصحة بالمقارنة بالداخلية الي بتاخد نصيب الاسد مع ان نجاح اي مجتمع بيكون مبني على الصحة و التعليم بس تقول ايه للظروف الاقتصادية ! طبيعي كل ما هتهتم اكثر و تصرف ا كثر كل ما المكان يكون آدمي اكثر 10_ كيف يصل الإنسان للنجاح من وجهة نظرك ؟ النجاح مش نقطة بيتم عبورها النجاح هي صفة مدح بيطلقها عليك غيرك نتيجة ما توصلت اليه و دا يقدر الشخص يحققه لو عنده طموح او شغف بحاجه معينه القسم الثاني ... ( مدير المنتدى ) 1_ شايف المنتدى إزاي في الفترة الحالية ؟ عادي , الجو مستقر نسبيا عن فترات فاتت , بالذات لما ريحتكم مني شوية و دي مش أول مره تحصل شوية خلافات أو احداث رغم غيابك بالخير حاضر يا دكتور متقولش كدا ربنا يحفظك 2_ متى تولدت لديك فكرة الإداري المنتخب ولماذا؟ شكاوي الأعضاء بان رد الاداري صاحب اللون الاحمر بيفرق مع العضو كتير و كان من الصعب عليه أنا شخصيا اني اتابع و ارد على الناس لان انت بيكون وراك مشاغل اخرى او اهتمامات تانية بتستهلك وقتك الأول انا حبيت اتخلى عن المهام الادارية الروتينية فعينت مجموعة من الاداريين الثابتين , و بعدين بدا بعضهم يتغيب فجت فكرة عمل الانتخابات بدات قبلها بعمل (متحدث باسم الااعضاء) ثم الى اداري منتخب و تطورت صلاحياته بشكل كبير مع كل مره بنعيد فيها الانتخابات و بنوسع مهامه و مع ذلك تلاقي ناس بتفصل برضو بين الادارة و بين الاداري المنتخب يقولك الادارة مش بترد ,, الله امال الاداري المنتخب دا ايه ههههه 3_ رسالة من مدير المنتدى لكل الإداريين الذين عايشتهم هنا لأنني لم أعرف الكثير منهم للأسف ماذا تقول لهم وإن أحببت فلك ذكرأسماء ؟ القائمة كبيره اوي يا استاذ خالد http://forums.banatmisr.com/new.php أنا بفكر افتح المجال للأعضاء بكتابة التاريخ الاداري بشكل اوسع زي فكرة الويكيبيديا أنا شخصيا مش بقدر احكم او ابالغ في الحكم فبكتفي ببعض المعلومات المحايدة لكن بفكر فعلا اني افتح زي استبيان و الناس الي عاصرت فترات سابقة تكتب نبذه من عندها عن الإداري دا و ناخد الاشياء المشتركة الي هتتكتب و نوثقها في تاريخ كل واحد فكرة مجنونة شوية بس جت في بالي من فترة ايه القائمة دي يا لطيف كل دول اداريين كل التحية ليهم من هنا وربنا يحفظهم يا رب اينما كانوا ... 4_ هناك بعض الأقلام الرائعة التي غادرت المنتدى إما لخلاف في الرأي أو لإعتراض ع سياسة ما ماذا تقول لهم ؟ نقولهم ان احنا خسرنا قلمكم 5_ كيف إستقبلت وفاة الأخ ( kinglion ) وما رسالتك إليه الآن إن أحببت أن توجه له كلمة ما ؟ أنا فجاة لاقيت اهداء من لوست بيرل بتقول انه توفى و انت قبلها بفترة كنت بتسألني عليه و انا قبل كمان كنت مفكر ان رقمه متسيف عندي لانه كان كلمني اظن تلت مرات قبل كدا هو شخص طيب جدا على فكرة يعني حتى كمان لما تكلمه صوت غير المنتدى بيكون متفاهم جدا ان كان الخبر صحيح بالفعل فربنا يرحمه و يغفرله, انت عارف كل واحد له ثانية هتنتهي فيها حياته بس احنا بنحاول ننسي نفسنا من اللحظة دي عشان نعرف نعيش ربنا يرحمه يا رب ويجمعنا بيه في الجنة 6_لماذا إنتهت فكرة العصابات دون رجعة أم أن هناك خطة معينة لتطويرها وعودتها مرة أخرى ؟ أنا ذكرت يا استاذ خالد السبب كل حزب عدد اعضاءه بقى كبير في وقت قصير جدا و في ناس كانت بتضم اي حد و بيدخلوا الحزب عشان اسمه حلو , فانا لما فكرت قولت طب انا كدا هعمل انتخابات ازاي ! طبيعي الحزب الي اعضاءه كتير هياخد اعلى نسبة فكان المفروض الحزب مثلا اعضاءه مش يزيدوا عن عشره بحيث يكون في تساوي في عدد الاعضاء بين الاحزاب و تعتمد النتيجة على برنامج كل حزب الانتخابي فدا خلاني اهد الفكرة , حتى لو خليت كل حزب ب10 بس هيبقى العمل ضيق غير لما يكون الحزب مفتوح , و هما نفسهم مش هيحبوا كدا و السبب كمان الاضافي هو في ان التحزب مش حلو لان دا هيعمل خلافات بعد كدا و تكتلات ,,غير لما تكون الردود عشوائية فتلاقي حد مختلف معاك و بعدين متفق معاك حسب فكرة الموضوع مش حسب الانتماء الحزبي 7_ فكرة الراديو وجدت إستحسان الكثير وهناك من طالب بعودتها مرة اخرى فلماذا إلتغت من وجهة نظرك ؟ مش اتلغت بس ماعتش حد بيهتم بيه و ماعتش في برامج , فبقى البنر متعلق فوق طول الاسبوع و مافيش غير برنامج واحد بس كان بتاع مورشو هو اخر واحد كان فاضل الراديو كان حلو و فكرة جديده بس طبيعي الناس هتمل التجربة في الاول ليها طابعها الخاص بعد كدا خلاص , بتبدا تبقى عادي عيبها ان الراديو كان متعب سواء في انك تسجل او انك تبث طول اليوم من جهازك تحس ان عليك هم 8_رأيك كإداري بفترة كل من ( دمعة حائرة ولوست بيرل ) من حيث النشاط والجهد ؟ هيكون صعب على اي اداري قادم انه يقدر يشابه مجهود دمعة و لوجي , و دا اظن انه هيكون من اكبر التحديات الي هتواجه الفائز الجديد والله كل التقدير لمنة ولوجي الكل اكيد حاقد عليهم دول عملوا حاجات فوق التخيل طبعا بنهزر في كلمة حاقد إخنا كلنا واحد وكلنا أحبة ومفيش فرق بينا وكل التحية لمنة ولوجي ولكل المترشحين دلوقتي لأنهم وسام ع صدورنا والله فقط كلمة حاقد للدعابة كدا هههه 9_ما هي أقرب فترة في المنتدى لقلبك ولماذا ؟ البداية اكيد كتجربة جديده عليك , بتكون كل حاجه حلوة 10_ متى سيتم رفع الحظر عن كل من أحمد الخزرجي وغريب الأطوار أم أن الأمر أكبر من ذلك متعصبش هنا يا دكتور طارق ههههه ؟ هعصب ليه طيب انا بعتلك رقمي يا استاذ خالد و قولتلك خليه يكلمني او انا حتى اكلمه مافيش عندي مشاكل , و الكلام دا من زمان, من وقت ما عملت المبادرة ,,لكن هو مش كلمني او مش وصلني حاجه , حتى انت مش قولتلي هو رافض و لا اي حاجه و انت فاهم انا هدفي من كدا هو انه يرجع بدون مشاكل ,,مايبقاش شايل مني او من حد عارف لما كنت قبل كدا برجع حد من غير ما يكون بينا تواصل قبلها بلاقيه في اي وقف جاي ينط عليك و بيقرفك في عيشتك ههههه دا بالنسبة للخزرجي اما بالنسبة لغريب الاطوار فدا موضوعه منتهي مش عايز اقولك اني بعتله رساله قبل يوم حظره و كلمته على فونه , عشان ابينله ان احنا ناس عادية مش زي ماهو راسم في دماغه مؤامرات و كدا بس للاسف أنا ندمت اني كلمته , و لاقيته بعد كدا كاتب كلام ان انا بلعب في دماغه و كلام غريب كدا زي ما اكون كنت بقوله تعالى اشرب بانجو ههههه و قفل معايا المكالمة برضو بشكل غريب ,,مع انك لو تسأل اي حد هنا بكلمه هيقولك اني بتكلم مع الناس عادي بود و بهزر معاهم و كدا فلما كتب تحذير في المنتدى بعد المهازل الي كانت بتحصل ان هيتم اتخاذ اجراءات في اي موضوع فيه اساءات لاعضاء لاقيته مستمر في الاساءة في التوقيع و الردود فحظرته و بعدها حاول يسجل بعضويات تانيه و قاعد ينشر كلام تشويه و انه مظلوم و كدا فانا عملت الي عليه معاه و موضوعه انتهى احنا مش في المنتدى هنا عشان نستفز بعض لو انت شخص مش طايق المكان , امشي لكن مش تبقى وظيفتك انك تستفز في الخلق ما انا انسان و ليه مشاعر هو كشخص ماحدش جه جنبه نهائي و انا شخصيا عمري ما أخدت في حقه اجراء , مجرد كان اجراء لمحمد علاء عمله و كان يستحقه و جاب علاء الادلة على كدا فخلاص موضوع و عدا تبص تلائيه في كل موضوع يخش يتكلم عن نيتك و يبدا يفسر بشكل غريب طيب بعدين ! يعني لو عديتلك مره اتنين هل كل موضوع اخشه الائيك كاتب كلام من دا ! مش منطقي و كل حاجه و ليها حدود بصراحة أحمد كان داخل المنتدى وبعت ليه الرقم برسالة خاصة وبلغته حتى يكلمك معرفش الرسالة مصولتش او احمد مكلمش كل الي ظننته انه احمد كلمك اما بالنسبة لوليد حكيت معاه ع الميل وبلغني انه كلمك وانه الحوار بينكم ما وصلش لحاجة كل الي بتمناه انه يفضل منتدانا عنوان للمحبة الإخوة ويا رب ميجيب زعل بينا تاني القسم الثالث ..حياتك الشخصية .1_ تلفزيون أ_ ما هو أقرب برنامج سياسي لقلبك ولماذا ؟ مافيش حاجه معينه زي ما تيجي كبرنامج ساخر طبعا باسم يوسف ,,دا الي بستناه من اسبوع لاسبوع الباقي لما بلاقي في حاجه معينه عايز اسمع راي المذيع فيها زي عمرو اديب ,,دا انا بسمعه من 2008 ,,بحب زعيقه اخوه عاقل بس بارد و في كتير مش هعد اقول اسماء ب_ ما هي الفضائية التلفزيونية المفضلة لديك ولماذا؟ بفتح عالاخبار على طول او وثائقيات و باخدلي لفه كدا على الفضائيات المصرية بعد الساعة 7 ج_ أكثر إعلامي تحترمه وتحبه ؟ باسم يوسف سيبك من برنامجه الساخر حتى شوفه في اي لقاء لما بتكلم بشكل طبيعي ,,عقليته ما شاء الله الناس المحايده اوي ,,منى الشاذلي مش هتلاقي مذيع حيادي و محترم زيها أما الي بحب زعيقه و حماسه و تهجيصه هههههه عمرو اديب د_ رايك بكل من :_ 1_ قناة cbc قناة ناجحة قدرت في وقت قصير تعمل نسبة مشاهدة عالية جدا عن طريق جذب مذيعيين كبار للقناة و اظن البرنامج بتاعها بتاع (مصر تنتخب الرئيس) كان مبين فيه مدى نجاحها و قوتها 2_ قناة مصر 25 بصراحة مش عندي عالدش أو مفقوده مش عارف ((هتزعل انت كدا هههههه) لسه كنت بفكر ادور عليها عشان بحب اسمع وجهات النظر المختلفة أنا شوفتها كدا أول ما فتحت بس قبل ما تنظف أظن دلوقتي اتصرف عليها شوية فأنا مش هحكم بكلام ناس أو عن مطقع ,,هحاول اتابعها الاول و بعدين اكون نظرتي عنها يا راجل حرام عليك دي قناة مبتتعوضش دا أنا بصحى وبنام وانا متابع ليها حد معندوش قناة مصر 25 عاوز ترددها ابعته ليك حبيبي يا دكتور طارق احنا بنهزر معاك وازعل ليه يا غاالي انتا حر وليك وجهة نظرتك التي تحترم 3_ قناة الجزيرة قناة ليها مهنية عالية و بيتصرف عليها كثير من قطر هي قناة اصلا غير ربحية و ماحدش يقدر يقول انها مش بتقدم مادة اعلامية نظيفه و راقية و متطورة و كل الي انت عايزه بس ليها توجهات للاسف كنت اتمنى انها تكون اكثر حيادية زي مؤخرا كدا ماسكين في العراق , تحس انهم بيفتلعوا ازمة هناك و حابين يكبروا الاحداث فيها بسبب ان النظام في العراق مش حابينه و دا كان بيحصل ايام مبارك حتى بعد ما مبارك اتزاح الجزيرة بطلت تجيب اي احداث بث مباشر عن مصر زي الاول انت عارف الاول ايام الثورة كانت شغاله 24 ساعة بث مباشر من مصر و كان مبارك بيفصل عليهم النايل سات و يروحوا يبثوا من الهوت بيرد على تردد قريب من النايل سات عشان نلقطه هههههه بص طالما بتمول من دولة مش عندها اصلا ديمقراطية فطبيعي تكون موجهة زي ما صدر حكم بالسجن على شاعر قطري عشان قال قصيده فيها انتقاد للحاكم في قطر فتم سجنه , و طبعا مش بيجيبوا سيرة هما بس بيلمعوا في قطر بس بصراحة دي أكتر قناة بشوفها من صغري و بحب اسمع منها العناوين و هي طبعا افضل ن العربية بمراحل 2_ رياضة أ_ هل تمارس رياضة معينة ؟ لأ مافيش حاجه معينه الكورة و الكلام دا بطلناه من زمان عجزنا بقى و ماعتش في حد عنده نفس هههههه ب_ كيف ترى حال الكرة المصرية االيوم؟ في ازمة نوادي بسبب توقف الدوري لمدة عام كامل و اظن لو الموسم مش بدا في شهر فبراير زي ما تم تحديده, في نوادي هتتعرض للافلاس او هتلاقي صعوبة في تجديد عقود اللاعبين و بالتالي اللاعبين هيبداوا يروحوا نوادي تانية و انا بحترم جدا موقف ابو تريكة الي رفض ملايين نادي اماراتي و فضل انه يفضل في الاهلي الراجل دا مخلص اوي , و نادر انك تلاقي لعيب كورة محترم كدا كل الحب والتقدير لابو تريكة والله لاعب خلوق ورائع 3_ ما هي هواياتك وأمنياتك الشخصية التي تتمناها ولم تتحقق بعد؟ هواية ,, عايز اشتغل في شركة تصميم العاب بس يعلموني الاول البرمجه ههههههه القسم الرابع سياسة ... 1_ إيه رأيك بالوضع الحالي في مصر ؟ سيء 2_ كيف ترى أحداث بورسعيد الأخيرة ؟ البورسعيدية معروفين بالتعصب و كان متوقع انهم يدخلوا في موجات شغب بعد الحكم او كان العكس الي هيحصل في القاهرة بس انا شايف ان دلوقتي كل ما يطلع حكم الناس تتمرد عليه و ماعتش في احترام زي الاول و للاسف الرئيس الي هو اعلى سلطة في البلد اللي المفروض يكون قدوة و يكون هو اول شخص يحمي مؤسسات الدولة , ,تعدا على القضاء في اعلانه الدستوري و مسحه بكرامته الارض في صفحات الاخوان و رصد و غيره و امبارح لاقيت نفس الصفحات الي كانت ماسحه بيه الارض دي عماله تقول القضاء الشامخ و معرفش ايه هو مش كان قضاء مبارك من شوية 3_ برأيك ما هو الحل للخروج من الأزمة الحالية ؟ الحل كان موجود زمان قبل اقرار الدستور دلوقتي , اشباه حلول مافيش حل حقيقي الاخوان دخلوا نفسهم في نفق و طريق , صعب تخرج منه كل ما هيحصل حاجه هيقولك دستور الاخوان , اخونة الدولة و هما بصراحة الي سابولهم الفرصة لكدا و أنا حذرت من دا في مواضيع السابقة الاخوان خلوا نفسهم شماعة كبيره لمصر , اشرب بقى مش انت اقصيت التانيين , عارف لو كانوا يدونا حاجه تبين انهم مش بيدوروا على الكرسي اي دليل يعني مش يترشحوا للرئاسة او مش يستحوذ على كل مجلس الشعب او التاسيسية لكن كل الادلة بتقول انهم بيلهثوا وراء الكراسي , طب اديني امارة واحده عكس كدا لأ هما اثبتولك النظرية دي بما لا يدع مجالا للشك فاللهث دا هو الي عمل ازمة كبيره في البلد الناس فجاة لاقيت كل حاجه اخوان ! و بقى في كره يعني مش بيجي يعترض على مادة في الدستور , لأ هو يقولك مين الي عامله ؟ اخوان ؟ يبقى وحش الي وصلنا للمرحلة دي انا شايف انها السلطة الي بتحكم هو اول ما مسك كان بيفتح صدره في الميدان و كان عادي حتى الي كارهين الاخوان ماكانوش زي دلوقتي دلوقتي بلاقي ناس عالفيس عندها استعداد تموت مرسي ! 4_ هل تعتقد أن الحوار ما بين السلطة والمعارضة سيكون قريبا ً أم أنه من المستحيل لتباعد وجهات النظر ؟ مش عارف و الله بس ما اظنش كل طرف رافع مناخيره و بيقول كلام عن الحوار و بيحط نقطة لكن ماحدش بيبادر و بيروح للتاني و يعمل الي عليه يعني لو حد فيهم راح يخبط على التاني و التاني رفض , يبقى خلاص عداه العيب و الاعلام و الناس هتسلخ الي رفض لانه راح لحاد عنده لكن دا مش بيحصل للاسف و كل طرف بيكابر و النتيجة هو الدم الي في الشارع 5_ مجموعة بلاك بوك التي ظهرت مؤخرا ً رأيك فيها ايه ؟ شوية شباب غير مسؤول ما اظنش ان ليهم قيادة , هي مجرد فكرة كدا و حابينها هو في الظهور ملثمين و انا بلاك بلوك و كدا زي انا بات مان بس اقولك على حاجه ,, لو بنتكلم عن ان اي حركة لازم تكون مرخصه عشان تكون مسؤولة هقولك فين ترخيص جماعة الاخوان المسلمين ؟ خلي بالك لما تفكر في البلاك بلوك دا حاكم موضوع خطير جدا ما انت هتفتح مجال للمليشيات و كل الي حابب يعمل تنظيم سري يعمله و تبقى الدولة كيس جوافه انا مش مع بلاك بلوك و لا العنف لان دا هيولد عنف مقابل , و لو حصل و الطرف التاني (الجماعات الاسلامية) بدات في كدا , هنبدأ نشوف تفجيرات و اغتيالات فالناس الي متحمسه لفكرة البلاك بلوك و فرحانه بيها اوي , لسه مش عارفه انها هتندم بعد كدا ! 6_ هناك من يقول أن مصر إن إستمرت هكذا ستدخل حرب أهليه لا قدر الله ما رأيك بذلك ؟ آه لسه بقولك البلاك بلوك هتولد جماعات اخرى تواجها , و هيسموا نفسهم اي مسمى و ندخل في اغتيالات الحرب الاهلية بتبدا بعملية نوعية واحده بس تخيل تم اغتيال الناشط الفلاني الدنيا هتتقلب و هيبدا كل طرف يحاول يغتال قيادات الطرف التاني و مش هتعرف تسيطر على التنظيمات دي لانها مش تنظيمات بكيان واحد دي مجرد مجموعات صغيره مش مرتبطه ببعضها و هنا بتكمن الصعوبة و مش هيكون وقتها في حل غير ان الامن يتعامل بقسوة مع الشعب ربنا يحفظك يا مصر يا غالية علينا كلنا يا رب ويهدي النفوس ويلم االشمل لانه بجد الواحد قرف نفسه من الأخبار المحزنة التي نشاهدها يوميا ً 7_ جبهة الإنقاذ الوطني دعت لإنتخابات رئاسية للخروج من الأزمة كيف تفسر ذلك ؟ ضاق بيهم الوضع مافيش استجابة أو اهتمام , أنا مش عارف كل دا بيصب في صالح مين ! أنا الجبهة كمان مش بتعجبني لما يطلع حد و يدين العنف المفرط مفرط ايه مش فاهم ! هو في تسيب اكثر من كدا ! هو في دولة فيها مهازل زي الي هنا ! ايه الحرايق و الطرق الي بتتقطع في كل حته دي ! و المشكلة لما الشرطة تتعامل بغلظة شوية الناس تقولك الحق و شوف عملوا فينا ايه و داخلية الكلاب و الوضع يزداد سوء و توصل لحرق اقسام ! ففي حاجة غلط , او حاجات مش حاجه بس انت فكرك في امريكا ممكن تعمل مظاهرة غير مرخصة ؟ جرب و شوف هيعملوا فيك ايه ! بس الميزه بقى انهم مش بيعدوا يضربوا في الشخص المخالف بعد ما يتمسك هنا بتلاقي في تشفي في حقه , بيعتبر ان القانون هيكون حنين عليه و بخصوص كمان جبهة الانقاذ , , حاسس انهم كان نفسهم الحكم يطلع المتهمين براءة امبارح عشان البلد تولع و ياخدوا مكاسب سياسية فبصراحة الواحد كره الساسة 8_ قرأت في صفحاتك أن مقر الإخوان المسلمين قريب من بيتكم ومع ذلك لم تشارك في أي مظاهرات ... فهل أنت ضد التظاهر أم ضد التخريب أم أنت مع الهدوء في الفترة الحالية ؟ أنا بعارض آراء لكن مش بعارض يعني اني انزل احدف طوب و اعتدي على مقرات ! ما انت كدا بدمر البلد ! في شباب بيهيص في الجو دا و بيبقى متحمس و مبسوط ,,هييييه فوضى و اطلع اجري و ارمي و كدا شقاوة عيال بس الاخوان برضو هعيد تاني و هقولك عليهم لوم انهم يوصلوا الناس للحاله دي انا اقسملك بالله لما بحاول اقنع حد من العيال دي مش بعرف و بلاقيني سكت انتوا سبتلهم المجال و التبريرات انه يعمل كدا لما تيجي تقوله ما ينفعش و كذا و كذا يبدا يقولك دول الاخوان كذا و عملوا كذا و معرفش ايه و يعلي صوته بسكت , انتوا احرار ,,اولعوا في بعض كسرولنا يا عم الكوبري الاثري بتاعنا الي ادام مقر الاخوان كان زمان المحافظ بيلمع فيه و عامله زي متحف جوا هو جزء من كوبري و كان مبارك بيجي يعد فيه الازاز كلو اتكسر و اهملوه ,, فحاجه زي الفل تحسسك بتفاؤل كدا على فكرة المقر دا زرته أكتر من مرة مقر تحفة خلي بالك عليه يا دكتور طارق مش حوصيك ههههههههههه القسم الأخير ... 1_ كلمة أخيرة للأعضاء ؟ أتمنى ان كل واحد ما يحكمش على غيره غير بالتجارب الي بيمر بيها يعني مش تطلع انطباع او كلام عن حد غير لما تشوف انت بنفسك حاجه من الحد دا 2_ نصيحة لأخوك خالد ؟ هقولك مثلا سيب الاخوان انت حر في رايك و قناعتك نصيحتي انك تستمر على اخلاقك عشان خلي بالك مافيش غير اخلاقكم الي مصبرانا عليكم ههههههههههههه أسيب الإخوان ايه يا دكتور أنا بقولك نصيحة مش إنتحار هههههه نصيحتك دي تاج ع راسي وتأكد أننا لسنا بأكثر منكم أخلاقا ً بل نتعلم منكم كل خير لأن أمنا واحدة هي مصر هكذا علمتنا جميعا ً وإن إختلفنا بس عاوز ابلغك كلمة حلوة لما اشتعلت الاحداث ببورسعيد وسقط شهداء وكدا قلت خلاص راحت علينا في المنتدى الوضع تدهور واكيد عصبية دكتور طارق ارتفعت دلوقتي هههههههههههههه بنهزر يا غالي ربنا يكرمك تشرفت جدا ً بحضورك يا دكتور طارق وربنا يكرمك ويسعدك دايما ً و انا اسعد و لما طلبت مني وافقت عشان عارف انك بتحط اسئلة متقنة شرف لينا حضورك في كل وقت اخوك المحب خالد رأيي الشخصي بقى ... رغم إختلافي السياسي والفكري مع دكتور طارق ... إلى إنه أنا مش بحاجة أعبر عن رأيي بيه كإنسان وهوا بيعرف معزته عندي رغم كل الظروف ... د. طارق إنسان رائع وشاب مصري أصيل نعتز به ونفتخر والله وإن فرقتنا الحياة ... سيبقى أملنا بأمثاله الكثير لمصرنا الغالية

[رقة BaNOTa]

[color=#]
أسيب الإخوان ايه يا دكتور أنا بقولك
نصيحة مش إنتحار هههههه
نصيحتك دي تاج ع راسي

هههههههههههههه انتحار مره واحده
اولا بحب اشكرك استاذ خالد على الاسئله الي في وقتها
في معلومات كتير كنت عيزه اعرفها خصوصا البلاك بلوك دول

وطبعا استاذ طارق عاقل جدا في اجباته

ربنا يحمي مصر يارب
[/color]

[~♥ Queen sozan♥~]

الله ينور يا خالد على الحوار ,, طارق بقالو كتيررر متكلمش فى برامج

بس طارق كا العادة طبيعى با اجباتو ,,

وطلع بيستنا باسم يوسف اهو زى يا ناااااااس ,, مش انا بس لى مدمنة

وتابع باسمووووون

الحوار مميز ,, تحياتى ليكمـــ ..

[دمعه حائره]

حوار رائع وشامل جوانب كتير
نورت يادكتور واجاباتك عجبتنى وعقلانيه زى ماتعودنا منك
وليه مش بتفتح قناه مصر25
دى جميله وبتهدى الاعصاب جدا
وكنت عاوزة اسألك حشو الضرس العصب بكام:d
شكرا خالد على الاستضافه الجميله

[حنـــــون]

حوار رائع كالعاده منك ياخالد
نورت ياطارق والله
الحوار دا قبل الخطاب ولا بعده
اصل لو بعده التيست كان هيعلا هههه
نورت الحوار بردودك العقلانيه طبعا ياطارق
موفق دايما

[رووكه]

حوار شامل كالعاده يا خالد

وطارق رده مقنع اما عن حال مصر

فبجد ربنا يسترها علينا البلد بتوقع بجد

منور دكتور طارق الحلقه

وتسلم خالد على الدعوه

[Mo chahin]

بسم الله الرحمن الرحيم ..

وفقت جدا جدا جدا فى اختيارك يا خالد ,,

رغم استغرابى ان طارق معاك فى الموضوع ,,

ودا لانه معروف عن طارق نادرا جدا ما يكون ضيف على أحد ,,

فا اكيد ان طارق يكون معاك فى برنامجك الطيب ,,

ان دل فا انما يدل على اتقانك فى انتقائك للاسئله كما قال طارق فى نهايه الحوار ,,

وشخصك المحترم صاحب الاخلاق الرفيعه .. كما نعلم عنك ,,

وطارق اظن جاوب على اسئله كتير يمكن البعض معرفش يجاوب عليها بالطريقه المبسطه دى ,,

والتى تخص السياسه وحال الرياضه وحال مصرنا العزيزة ,,

وفقت جدا خالد ..

كما وفقت يا طارق ,,

واكثر ما احزننى .. غير حالنا ومجموعه البلاك بلوك دى وغيرها من الاحوال السيئه ,,

هو موضوع الكوبرى يا طارق .. لانى شوفته كام مرة وكان عاجبنى جدا ,,

وان شاء الله ترجع بلدك دمياط ووطنا بشكل عام كما كان وفى ابهى صورته ,,

اشكرك جدا يا خالد على جميل حوارك ,,

وعلى حضور طارق القوى كالعاده ,,

[الحان الورد]

،

ياه ,
لما خلصت قراية خدت نفس والله
طويل الحوار بس يشدك تكمل للآخر ,,

طارق شخصية أنا بحترمها فعلاً + إنه دماغ ماشاء الله مش سهل تلاقيها عند حد
إتعلمت منه كتيير بصراحة
فيه تحفظ بس على عمرو أديب .. انت بتطيقه ازاي ؟ =))
ونفسي مرة أحل مسابقة من مسابقاته , شكلي هموت قبل ماعملها
ربنا يوفقك في حياتك ان شاء الله ,,


تسلم أ/خالد ع المجهود والحوار الحلو رغم طوله ^^
بالتوفيق ..

[Mahmoud Mohie]

راااااااءع يا طارق ,,

عقلك كبير ماشاء الله ,,

مبتكسبش كتير ايه بس ,,

ده انا لما بروح مع حد لدكتور سنان ,

ممكن اقعد اكتر من 5 او 6 ساعات عشان بس مستنى الدور :d

عارف انك بتغزى العين :d: D

منى الشازلى و cbc .,, شويه تحفظ ليس الا ,,,

الحوار فى مجمله فاق الروعه ,,

اخى خالد ,, مميز دائما ,,

وهذا ليس بغريب عليك ,,

و ع فكرة بق الهندسه مفيهاش حاجة حفظ :<<

دى كلها حفظ هههههههههههه

نوعيه الامتحانات هى اللى بتفرض علينا اننا

ناخد المادة بالطريقه دى ,,

لكن كل المواد فهمها سلس وراقى جدا ,,

بس لو فهمت وشغلت مخك

هتشيل كتيير ههههههههه

تسلموا ع الروعه دى

كونوا دائما بخير

[ŌиĹч.Ḿё]

عسل يا طارق