مباشر الأن

[الرحــاال المٌتَمرد]

مٌباشر الأن


الــدَم إللى راح هَـدر
والشيطان جوانا حضر
الناس تقولك دا قدر
وعروقنا حَبل ومِن مسد



شَعب صبح بواقي
ودايــر في الســواقي
ماعدش شىء باقي
وعلي إيه هـ نتحسد



ضَمير مات فــ الكهوف
وحَــق عَفن عــ الرفــوف
وأزاى هَنكتم فـ الحروف
وكلاب بينهشوا الجسد ,

خارج حدود العقل

.....


صدق أو لا تٌصدق ,,

إنهارده جنازه 7 مصريين

كانوا ماشيين فــ جنازه 37 مواطن

علشان رافضيين أعدام 21 مواطن

مٌتهمين فــ مَقتل 73 مواطن

كانوا بيتفرجوا علي 22 شخص

بيلعبوا كوره قدم ,,

فــ لا عَجب فــ دٌنيا العَجب ,,

[lady lead]

لا تعليق ع الخبر .. دنيا عجاب !
معزوفة رائعة رغم مضمونها القاسي
أتغنى بها و أرفع الشابو لقلمك
يا خسارة !
هو ده شعب مصر !
لا تعليق ..
تقديري و احترامي

[إيلانا]

أخي الرحال صباحك عذب ندي


اولاً مايحدث في بلاد العرب والمسلمين امراً لايطاق


فتن وقتل وذل واهانات وتمردا وظلم وانشقاقات


صدقني مايحدث بعدنا عن ديننا نسينا الله فنسانا


فتن ابتلاءت لامة محمد عليه السلام


وهذه الفتن التي قال عليه السلام تكون اخر الزمان


جيش في العراق وجيش في مصر واخر في اليمن وجيش في الشام


اعتقد هذا مايحدث في هذه الدول والله اعلم


لكن كل مااعرفه انا مصر قويه ابيه مهما حدث ترجع كما كانت ولن تضعف


قلم مميز دائما يكتب من قلبه


لذلك تدخل للقلب


ابدعت وراقت لي حروفك


دمت بكل خير وسعادة

لك خالص الود والتقدير والاحترام


إيلانا

[K A S E M]

فعلا بقت دنيا العجب!!
كلام بيوجع والله يا ايمن
مش عارف بجد نتحسر على اللى بقينا فيه ولا نعمل ايه
مش هقول غير ان الدم اللى بقى زى الميه ده
فى رقبة كل مسؤول وكل قرار غلط
وكل تصرف اهوج
وكل تعصب اعمى
انا بستغرب ازاى البنى ادم عارف ان دم اللى قتله ده
هييجى يوم القيامه متعلق برقبته
ويسفكه ..
زهرة جورى لقلمك اخى الحبيب
وجنائن بيضاء على روح الوطن
ربنا يصلح الحال,,

[Mo chahin]

اقل ما يقال يا ايمن ,,

ربنا يصلح حال الجميع ويهدينا ,,

رائع ديما ,,

موفق وفى انتظار ابداعك ,,

[Words Whisper]

ببساطة
هنا لاكلام يقال
فالواقع ينزف ليقول كلمته ..


طرح راقٍ وقيم
شاكرة لحضرنتك ..
دمت بتوفيق وسعادة ..

[دمعه حائره]

مأساة شعب ساب نفسه للعنادونسى ثورة بينقضى عليها
وشهداء ضحوا بدمائهم عشان احنا نعيش بحريه
وبس بيموتوا فى بعض
كلمات فى الصميم تسلم ايمن

[ابتسامة الزهر]

المصيبة ان المصرى هو اللى بيقتل
اخوه المصرى وهو ده العجب
الشعب حلم بالخير ولكن كله طلع وهم
بس اكيد الشعب عرف ووعى الدرس
ولن يسلم بسهولة
كلمات حاكت واقع حزين
شكرا لك

[ويبقى الأثر]

بجد مبقناش عارفين
مصر واخدنا ورايحه فين
اوبمعنى اصح مصر هتروح مننا فين
ربنا يصلح الحال
شهادتى بقلمك هتكون قليله بحقك
ماشاء الله عليك
ربنا يزيدك ابداع
تحياتى وتقديرى لشخصك

[Mahmoud Mohie]

لكل جواد كبوه
وإن مع العسر يسر

طرح قيم كعادتك
اخى ايمن
شكرا