حلمـــت بيها

[Şα3Đ..♥]

حلمت بيها اول امبارح
وقت اما كنت محتاجلها
وقت اما كنت انا سارح
قبل اما انام فـ شكلها
اول ما عنيا غمضت
شفت المكان بتاع زمان
وتفاصيل كتير كانت مضت
مش عارف انساها مهما كان
وحلمت بساعه طلتها ليا
ساعه ماشفتها ودق قلبي
وجريت عليها وجريت عليا
وف المكان اياه قعدت جمبي
وحلمت اني كلمتها
ومسكت ايدينا ببعض
وقالتلي اني وحشتها
وقولتلها مش طايق البعد
والحلم كان طويل المدي
وابتسمتي فيه ما راحتش
وكلامنا كان عاطفي وكدا
ورومانسيه ما انتهتش
وعقلي اتصور حجات كتير
وجسدها ف هيئه احلام
وب شويه طفاف ف التغيير
قرر يتمادي ف الاوهام
هعمل ايه لعقلي الباطن
علي طول مسكنها عنده
بيفكر فيها كتير لكن
كل ده هيقلب ضده
ميعرفش انه اكيد لازم
ينساها ويشيلها من قلبه
والحلم شال فيا وحط
وضربني بميته وموجه
ورماني علي اقرب شط
وسابني اصحي ونفي وعوده
والحلم لما انتهي ابتدي
عذاب قلبي اللي مبيهمدش
وسمعت ييجي مليون صدي
لآهات لـجرح مبيسكتش

محمد سعد
31\1\2013

[ساحر الأحزان]

كلام جميل منك يا محمد

واحساس جميل فى انتقاء جميل الكلمات

فها هو حال المحبين

عندما يبوحون بكلامهم فى حق من يحبون

بتمنى ليك كل سعادة

[طِيشْ !]

كلمآت جميلة و إحساس رقيق منك أخي

نسجته لنا بحبرك العذب

طرح أنيق أحييك عليه

يعطيك العافية

ودي ووردي

[دمعه حائره]

كلمات رائعه كغنوة حب جميله
ابدعت ياسعد فى توصيل احساسك
تسلم ويدوم التواجد الراقى
احترامى

[Mo chahin]

كلام جميل جدا يا سعد ,,

واحاسيس اروع كالعاده ,,

اشتقنا جدا لكلماتك الطيبه ,,

[K A S E M]

خاطره جميله ..
بحب اوى اسلوبك فى الكتابه يا محمد
بتحب تكتب باسلوب
بسيط وكلمات قويه مفعمه بالاحساس
قريبه دايما من القلب
منور القسم بطلتك العذبه
اللى دايما بستناها
..
كنت لسه بكتب فى التقييم
اتبعت قبل ما اخلص
مش فاهم ليه *_*

[حنـــــون]

جميله اوى يامحمد
واحلى مافيها ان احساسك
عالى جدا فيها
تسلم ايدك مبدع كالعاده

[ابتسامة الزهر]

كلمات بسيطة كتبت بأحساس
فكان له وقعا جميلا على النفس
هذا هو حال من يحب دائما يعيش
حتى فى الأحلام مع من يحب
تقديرى لك على روعة الأحساس

[ارهابية وامى عرفة]

كلام جميل قد يكون حدث لاحد احب
حقا لكنى ائمن ان الحب لايسطتيع ان يقف فى وجةة احد

[Words Whisper]

كثيرة هي الأحلام
التي ترتبط برغبة يقظة
ليس لها أن أن تكون إلا حلماً ..~


طرح راقٍ حقا
شاكرة حد السماء ..
دمت بتوفيق وسعادة ..




5 ستارز ..