أعلان نتائج ( المرحله الثانية ) من ( مسابقه النهاية )

[morshooo]

بسم الله الرحمن الرحيم

اهلا بيكم جميعا

وأعلان نتائج المرحلة الثانية

من مسابقة ( النهاية )

طبعا المرحلة دى طولت بسبب انتخابات الادارى المنتخب

وبعض الاعضاء كان فى مشاكل فى النت عندهم

لكن الحمد لله فى النهاية المواضيع نزلت

وادينا هنقييم المرحلة الثانية .

تم استبعاد العضوة /

كاتبة على ريح الخيال

بسبب ظروف خاصة بيها

وبكدا بيتم تأهيل المتسابق المتالق /

kasem

الــ حصل حصل على

( 9.2 درجة )

ودى بعض أراء لجنه التقييم

اقتباس تنسيق جميل من قاسم واسلوب جميل فى عرض وسرد الاحداث

اقتباس القصة حلوة اوي واحداثها مرتبة طريقة الحكي جديدة كأننا حاضرين المحاكمة والنهاية مفتوحة لخيال كل قارئ لكن مفتوحة بشكل جديد يدي كل واحد فرصة للتخيل واستخدام الالفاظ موفق جدا والعنوان مناسب مع الاحداث والتنسيق والصور كويسين

الف مبروك التاهل يا نجم

[morshooo]

المجموعه الاولى

هزورة المصرية

حصلت على ( 7 درجات )

ودا تقييم بعض اعضاء لجنه التقييم

اقتباس العرض جميل من هزوة فى سرد الاحداث والتناسق فى الموضوع فجة موضوع جميل ونهايبتة على وتيرة مع بدايتة بحكم تشابك الاحداث

اقتباس القصة جميلة واحداثها حلوة الا ان فيه جزء غريب هو موقف الزوجة التانية وموافقتها وطلاقها وبعد كدة موافقتها ع اخوه الجزء دة غريب لكن القصة كلها حلوة وطريقة السرد كويسة لكن التنسيق مش موفقة فيه

mr.m!ro

حصل على ( 7.5 درجة )

ودى بعض تعليقات لجنه التقييم

اقتباس القصة سريعة في احداثها وغير منطقي ابتعادها عنه خمس شهور وزواجه فجاة من اخري وفي بيتها والزوجة التانية حامل وبعد كدة يقول حنين وشوق للاولي الاحداث هنا متسارعة وغير منطقية الاسلوب نفسه مش موفق فيه زي القصة الاولي التنسيق سئ جدا اختيار العنوان موفق

اقتباس موضوع جميل وتنسيقة كويس جدا وسرد الاحداث بصورة سلسة فجاء راقى ومعبر

مبروك ( ميرو ) التأهل

[morshooo]

المجموعه الثانية

لحظة عتاب

حصلت على ( 7.7 درجة )

اقتباس موضوع كويس منها وتنسيق جميل بسى الخط صغير جدا وبخصوص سعيد يعنى وتركة لاهلة وتعلمة الطمع بعد ان كان منهم وتغير الرواية فى الاحداث يعنى

اقتباس القصة جميلة واحداثها شيقة لكن فيه جزء مش مفهوم ازاي سعيد بقي كدة رغم تربية اهله الكويسة ليه وهو صغير كان بيدرس كويس اوي علشان يطلع اهله من الفقر ازاي فجأة بقي شخص طماع وناكر لأهله الجزء دة مش مفهوم !! لكن استخدام الالفاظ موفق جدا التنسيق غير مريح كان محتاج اهتمام اكتر

mahmoud mohi

حصل على ( 6.5 درجة )

اقتباس محمود سردة كان كويس للقصة بسى جت فى الاخر والاحداث تباعدت ولم تربط الخيوط مع بعضها البعض لتكون نهاية اين كانت اخرتها مثالية

اقتباس القصة بدايتها حلوة في الاحداث والاسلوب وبعد موت الام بدأت الاحداث تتسارع بشكل مش مفهوم دة غير ان الاسلوب اتغير بدرجة كبيرة الاعتماد اكتر كان علي انتقاء الفاظ مش حبك احداث لاخراج قصة بالفاظ جيدة محمود اسلوبه اختلف عن القصة الاولي كتير هنا التنسيق مش موفق نهائي وكذلك الصور

مبروك ( لحظة عتاب ) التاهل

[morshooo]

وبكدا بنقول مبروك لكلا من :

kasem

mr.m!ro

لحظة عتاب

واهلا بيكم فى المرحلة الاخيرة ^_^

[Mahmoud Mohie]

بالتوفيق
شكرا

[هزوره المصريه]

أولا مبروك يـ قاسم ويـ محمد ويـ لحظة عتاب
ثانيا جدا راضيه عن قصتى وترتيب أحداثها
ولاكـن التنسيق مش أعرف عنه أى حاجه الاخت
فرح جزاها الله خير هى اللى رتبت وزودت الصور كمـان
أنا والله كنت مجهزة تنسيق هـ يبهر المشاهد
ولاكن النت كان مش كويس عندى أشاء الله لـ محمد الفوز.
أنا حقيقى زعلانه م ـش علشان م ـش بحب الخير لـ غيرى لاء
علشـان أنا مبدخلش مسابقه الا وأنا عندى يقين فـ الله ثم فـ نفسى
أن مش هخرج منها الا بـ مركز وكويس كمــان .
ولاكن الحمد لله فـ الأخر
أنا أشـاء وأنت تشـاء والله يفعل مـا يشاء
ألف م ـبروك ع الوصول للنهائيات
ج ـميعـا

[الرحــاال المٌتَمرد]

ألف مبروك للمتأهلين
وهَذا لا يقلل أبداً من باقي المٌشاركين
وما قدموا مِن موضوعات وقصص لها كٌل الإحترام والتقدير
وأعتقد أن الظروف لم تَخدم باقي المٌشاركين كَي يطرحون موضوعاتِهم بأنفٌسِكم
ولَكن ,, لَن تَكون أخر مٌسابقات النهايه ,,
مبروك لمن حالفه الحَظ وتوفق فى هَذا المَرحله ,,
وفٌرصه قادمه تَكٌن أفضل لباقي المٌشاركين الأعزاء
إحترامي ,, ودوام التمَيٌز مٌرشد

[morshooo]

اقتباس المشاركة الأصلية كتبت بواسطة هزوره المصريه أولا مبروك يـ قاسم ويـ محمد ويـ لحظة عتاب ثانيا جدا راضيه عن قصتى وترتيب أحداثها ولاكـن التنسيق مش أعرف عنه أى حاجه الاخت فرح جزاها الله خير هى اللى رتبت وزودت الصور كمـان أنا والله كنت مجهزة تنسيق هـ يبهر المشاهد ولاكن النت كان مش كويس عندى أشاء الله لـ محمد الفوز. أنا حقيقى زعلانه م ـش علشان م ـش بحب الخير لـ غيرى لاء علشـان أنا مبدخلش مسابقه الا وأنا عندى يقين فـ الله ثم فـ نفسى أن مش هخرج منها الا بـ مركز وكويس كمــان . ولاكن الحمد لله فـ الأخر أنا أشـاء وأنت تشـاء والله يفعل مـا يشاء ألف م ـبروك ع الوصول للنهائيات ج ـميعـا

ماتزعليش هزورة
ويمكن انتى ظروفك مكنتش مسعداكى
عموما تتعوض ان شاء الله فى المسابقة الجاية
بالتوفيق

[Mo chahin]

اشكركم مبدئيا ..

واشكر اللجنه الموقره على تعليقاتها الطيبه ..

ملحوظه للجنه ..

مينفعش يا لجنه يا موقره اننا نقول التنسيق سىء جدا .. ممكن نقول التنسيق مش فى محله

دا اولا ..

ثانيا .. غريبه اوى ان حد فى اللجنه يقول التنسيق سيء ..

وحد تانى يقول التنسيق جميل .. حاجه غريبه فعلا ,,

لكن ما علينا ..

اشكركم ..

وشكر خاص ليك يا احمد

[Mo chahin]

طيب .. انا حاولت ادخل هزوره مكانى لأنها احق منى ,,

فا منفعش ..

وأحمد بيه قالى عايز تنسحب ماشى لكن مينفعش تدخل حد مكانك ,,




أعلن إنسحـــــــــــــابى ..