مصر بعد الثورة ,, قيصر العاميه

[Mahmoud Mohie]

بـسـم الله الـرحـمـن الـرحـيـم ,,

مِسِكْ الحُكمْ راجل

قال هَيبقى عَادل

عَملْ فيها قَادر

والحِمْل ليه كان قاتل

دى مصر بعد الثورة

بِلتاجى بَديع عِريان

دول هما الاخوان

مَشوا كلامهم ع الراجل

وغرَّقوا معاهم شعب غلبان

دى مصر بعد الثورة

بردعى موسى حمدين

عَملوا إنهم كويسين

بجَبهه سموها انقاذ

طلعوا للبلد مُخربين

و دى مصر بعد الثورة

الشيخ خالد وخميس

اعلام بيأيد الرئيس

عامل فيها مُحايد

وهو أصلاً خَسيس

دى مصر بعد الثورة

أديب وائل ولميس

اعلام بيعارض الرئيس

بإسم الحِياد بيتكلم

مع انه برده بيْمَيس

ودى مصر بعد الثورة

قنديل وحكومته الضعيفه

فى حكمها باظت العيشه

مش لاقيين لقمه عيش

بجْنيه ولا حتى بَريزه

دى مصر بعد الثورة

مَيه مش متْوفرة

ولا غاز ولا كهربه

بعد ما كُنا بنصدر

بقينا نشحت من بره

و دى مصر بعد الثورة

بعد ما كان القصر هِيبه

واللى يقربله تبقى عِيبه

بقى عامل زى الملجأ

أى فاضى ليه بيلجأ

مش دى برده تبقى خِيبه

دى مصر بعد الثورة

أحزاب قايمه ع المصلحه

تولع فى مصر , المهم المنْجهه

شويه مناصب زايله

عشانها يولعوا ف البلد

و دى مصر بعد الثورة

نفسى نحافظ على بلدنا

ونحميها من كل شر

دى هبه ومنحه من ربنا

ازاى نفرط فيها, بدل م نفديها بدمنا

نفسى نكون ايد واحده

يجمعنا بس حبها

نبنى نعمر ف ارضها

ولا نتكاسل ف يوم عنها

نفسى بلدنا تبقى عظيمه

ويرجع ليها مجد اجدادنا

بعمْلهم بنوا حضاره عريقه

واحنا بنهدم فيها بغبائنا

"

"

تمـ بحمد الله

مُحى

8-2-2013

[Lost Pearl]

كلمات جميلة اوي يا محمود

بجد احسنت التعبير

و ربنا يصلح حال مصر

بالتوفيق ف المسابقة

[سهـــر]

يا جامد
هقولك شوقي بعد كدا رخامه
بجد بجد حلوة اوي
تنفع امحمود
استمر بئا يا شوقي

[وهج الايمان]

بردعى موسى حمدين

عَملوا إنهم كويسين

بجَبهه سموها انقاذ

طلعوا للبلد مُخربين

حلوه اوي دي
اسمح لي ابدي اعجابي بقلمك وتميزك واسلوبك الراقي وتالقك

بالتوفيق

[شاعرة الرومانسيه]

الله الله على الجمال والأسلوب الجميل

والله من جمالها قرأت مرات وبجد

تستاهل 5 نجوم

بالتوفيق ان شاء الله

[lady lead]

مصر بعد الثورة
وجهات نظر مختلفة
مؤيدين أو معارضين أو بين
الله المستعان
أحيي قلمك على روعة ما نثر
بالتوفيق إن شاء الله
تقديري و احترامي

[قلب وكلمات]

الجميل والرائع محي

أولا معلش بئه مختلف معاك في وجهة نظرك بما يخص الرئيس

لكن هنا بي كلمات الناطقه بالحرقة والتي تصحبنا إلي حال بلد ممزق

والكل يريد أن يكون هو بطل المشهد ولا يهمه بلد ولا شعب يعاني

أشعر بقوة كلماتك واحساسك الذي نتشارك وكل الشعب فيه

وكل حريص على نهضة هذه البلد

الله عليك يا محمود كلمات قوية ربنا يوفقك ويعزك

تحياتي لك

القيصــر

[Magic Dreams]

بصراح مش عارف اقولك ايه اخدت منى النجوميه يابنى والله تقيمى تحياتى امير الاحزان

[طبيب الهوى]

مصر بعد الثوره

زادت فيها الدماء

أنكشفت فيها العوره

وضاع زمن الرخاء

أتنهب منها الثروه

وصارت صحراء جدباء

إخوان إنقاذ نَوَره

أغتصبوا حق الشُهداء

يا إلَهي أجِرنا

فأنتَ نَصيرَ الضُعفاء



هذيان قلمي المجنون



أخي محمود مُحي



بسم الله ما شاء الله عليك أخي



قصيدة رائعة منك قسمتها بأسلوب الرُباعيات



جذبتني وجعلتني أقرأها أكثر من مرة

مع أختلافي معك في بعض الأراء

إلا أنها راقت لي كثيراً



تقييمي البسيط + ***** 5



تحياتي لقلمك المُبدِع والراقي



طبيب الهوى

[sad prince]

تسلم يا حوده بجد فنان
وكلمات روعه واحساس رائع
متحرمناش من جديدك