المرشد العام للاخوان فى حوار صريح مع جبال الاحزان

[ملك جبال الاحزان]

السلام عليكم بعد الاحداث اللى حصلت بلبلد قررت انى اعمل حوار مع الريس اقوله عيب كدة مينفعش بس رجعت فى كلامى قولت ليه اكلم حد وفى حد كلمته بتمشى عليه قررت انى اكلم المرشد العام اللى بسمع اسمه اكتر ما بسمع اسم الريس عملت اتصالتى وقولت استضيبفه لقيت حد فتح عليه اسمه حماده عرفت بعد كدة مين حماده ده بعدين المهم خلص الاتصال والمرشد وافق على الموضوع ويبداء الحوار منورنى حضرتك فى برنامجى المتواضع المرشد . شكرا ليك ولاستضفاتى فى برنامجك بس ياريت بسرعه علشان الحق اعمل اى حااجه قبل ما يسقطونى اها اخد بالى ده انت يا رجل بيطلبو بسقوطك اكتر من مبارك ههههه المرشد . ها ها ها اكيد طبعا الناس مقمات طيب مش هطول عليك ايه رايك فى المظاهرات اللى نزلت الميدان المرشد .والله الشعب ليه حق يحتفل بالذكرى التانيه براحته ديه حريه لا حضرتك ده مش احتفال دول طابو باسقاطكم وعايزينكم تسيبو الريس فى حاله المرشد .ما قولنا بيحتفلو بقا وخلص ولا تحب قناتك تتقفل زى دريم يالهوى لا بس حضرتك هتقفلوها بسبب ايه مفيش سبب المرشد .لا ما انا وحماده بـ ....... حماده مين حضرتك المرشد . حماده محمد مرسى اصل انا بحب ادلعه وهو كلبوزة كدة اها طيب حضرتك بردو ملكش حق تقفل القناه المرشد .لا ما انا هقول انكم قناه اباحيه وحماده طلع قرار بلاغلاق الاباحى يا استاذ احنا بلد قوانين وبنمشى بالقوانين وبحترمها بتحترموها مممممم مااشى اها قولى صحيح ايه موضوع قفل المواقع الاباحيه ده وليه طلعتوه بالقرار فى وقت زى ده !! المرشد .. بينى وبينك اتفقت انا وحماده اننا نقفلها علشان نتفرج براحتنا ها ها ها ها ها اهاااااااااااااا بس ممممم المرشد .يعنى الريس ميدلعش لا طبعا الريس يدلع واحنا نتفقع ومعانا مراسلتنا من ميدان التحرير قوللنا ايه اللى بيحصل عندك المرسله . الدنيا هنا مقلوبه خالص والدخان فى كل حته ونفس تعليمات النظام القديم اسحلوه المواطنين والدنيا مقلوبه على دماغ المرشد ومرسى والاخوان كح كح كح يا مراسلتا الجميله معانا فى الاستوديو الجميل الرائع الوطنى المرشد العام ياريت تنقلى المشهد عندك وبس المراسله . المشهد هنا يا ميدو مليوانات من كل حته وضرب فى كل مكان ومفيش ولا اخوانى اموت واعرف بيرحو فين دول تعرف بيرحو فين اخلصى بقا وقولى مطالبهم طلبهم وندائهم الرئيسى ارحل ارحل يا ابن الجزمه الله يخربيتك طيب الارسال ااتقطع حضرتك ايه رايك فى مطلب الشعب ارحل بعد اذن حضرتك يا مرشد المرشد .والله احنا بلد ديمقراطى والشعب ليه حق يطلب واحنا لينا حق نوافق او نرفض يعنى حضرتك مش هتسيينا المرشد .لا طبعا ده انا لما صدقت مسكت فيكم ولما ازهق هبقا اسيبكم اممممممممممم طيب حرضتك فى برنامجكم قولتم هتحققوه مطالب الشعب وهى عيش حريه وعداله اجتماعيه العيش ومبقناش لاقيناه ولو لاقيناه بيبقا متاكل 3 مرات قبل كدة والحريه الواحد بقا يخاف يتكلم علشان يترفعش عليه قضيه والعداله الاجتماعيه بلاش اتكلم عليها احسن المرشد . حققنا ده كله العيش وبقينا نريح المواطن قولنا هنوادى للمواطن 3 ارغيفه كل يوم لحد باب بيته وهيعملو ايه حضرتك دول طول اليوم للمواطن على كدة الواحد هيخبى العيش بتاعه من اخواته المرشد .الفكرة هنا اننا هنخلى الشعب يعمل رجيم رجيم ايه حرضتك الشعب قرب يختفى اساسا ده مثال اهو هو ده المثال النموذجى اللى احنا عايزينه للشعب المصرى يالهوى ده انتو هتنفخونا اقصد هتفسونا المرشد . والحريه يا ميدو بزمتك كان زمان حد يقدر يتمشى بس من عند قصر الرئاسه دلوقتى بنخلى المواطنين يباتو كمان عند القصر فى حريه اكتر من كدة يباتو هما كانو بيتفسحو دول كانو فى اعتصام وكمان ما انتو نزلتو الشباب بتاعكم موتوهم المرشد .عندهم حق وانا الى نزلتهم كمان مكناش عارفين ننام ايه ده ده كان فيه واحد بيشخر....... بيشخر المرشد .اه بيشخر وهو نايم كان بيوقعنى من على السرير من قوة شخيراه يا راجل تنام ايه حضرتك وحتى لو هتنام تموتوهم وكمان حضرتك كنت نايم فى القصرالرئاسى المرشد .. لا لا لا ده حماده اتصل بيا وقالى مش عارف انام اصل هو مبيعرفش يعمل حاجه من غيرى والله انا شاكك فيك انت وحماده بتاعك ده المرشد .فا انا قولتله هبعتلك كام بلطجى من بتوعنا يخلصولك الموضوع عمر الشعب ما كان ليه عداوة شخصيه مع حد الشعب عايز حد يخاف عليه ويهتم بيه الناس ضايعه وناس بتترحم علي عيلاها اللى ماتت الحقو الشعب لان رصيدكم المتبقى عندنا خلص شكرا ليكم واشوفكم فى حلقات جديده من حوار صريح كان معاكم

[حنـــــون]

صدق حورا رائع
انا عن نفسى استفدت جدا
ادينى عرفت دلع الريس ايه ههههههه
جميل جدا ياملك حوار ساخر
بس بيحمل معانى كتير جدا

اقتباس الحقو الشعب لان رصيدكم المتبقى عندنا خلص شكرا ليكم واشوفكم فى حلقات جديده

بس احب اضيف ان مافيش رصيد اصلا يبتلحق
خلاص بعد الموت مابنبئاش على حد
عجبنى الموضوع جدا
تسلم ايدك

[الابتسامه المصريه]

داه على كده انت واصل

تعمل حوار مع اكبر راس عايزه قطعها

الحمد لله انتا كده ضمنت ان قناتك مش
هنئفل مشيك معاك ياعم
حوار خزعبلاوى جامد


الله ينور قلبك بنور الله ورسوله

[Islam Hagras]

ياااااه دا حوار ممتاز وجميل جداً وصريح فى نفس الوقت
بس حلوة حكاية الرجيم دى ههههههههه

[مُنـــــايا]

الموضوع ببساطه هما لعبوها صح الصح في غياب كامل للثورة التى بلا قائد ولا هدف واحد محدد والحقيقه كمان انهم انتظروا 70 سنه تحت الارض وجاتهم فرصة العمر التى لن يضيعوها ابدا ابدا وسيبذلون كل مااوتوا من قوه لا يهمهم ولا يعنيهم من يعيش ومن يموت لان الاهم احكام القبضه على كل شيء وكل شبر في مصر وسينجحون لانهم سيضعوننا بين رحي اختيارين احلاهم مر اما الانصياع دافع الاستقرار او الموت والهلاك والدمار فايهما سيختار المواطن البسيط ورب الاسرة؟ ابسط شيء نجرب طالما في فرصه بدل ما تضيع البلد سيطروا ومنعوا وحجبوا كل شيء الراى الاخر الديمقراطيه تشويه الرموز والمعارضه والقضاء بكل انواعه حتى القضاء الدستوري المحتل والمحاصر باقي شيء واحد فقط هو الاستيلاء على المؤسسه العسكريه وهو الهدف الاكبر ليس لهم فحسب ولكن لكل الدول المعاديه وحتى الصديقه يريدوننا بلا قوة حقيقيه تحمينا ويريدونها بعد ان ظهرت البشائر بحازمون ميلشيات مسلحه تابعه لكل فصيل ولا ننسى بان من سيدان منهم ويقبض عليه سيخرج وسيدخل مكانه شخص اخر بالكدب والنفاق والتضليل والرغي الكثيييييير واللف والدوران الذي اصبح لغة العصر مع الجميع حمى الله مصر ونجاا وشعبها من كيد الكاذبون حتى ولو كانوا من مرسي او المرشد والعريان والبلتاجى وحازمون طرح اكثر من رائع دوام التميز والابداع دمت بحفظ الرحمن احترامي

[αЛαstoOorα]

ههههه

لخصت الموضوع آنت كدا ^_*

هما من 25 يناير اللي فات دا

وشغلهم كله من تحت الترابيزة

ومبيظهروش في اى مليونيه بتطلع

والسبب ..ايام الآتحاديه كانو نازلين معاهم شوية عيال عشان تبقة القضية مؤيد ومُعارض

ودافعيين فلوس للناس دي كلها , وغير كدا الطيار مكنش عالي اوي عليهم ,,

لما نزلت آحكام بور سعيد وابتدت مسيرة 25 يناير تشعل النيران فـ قلب الميادين تاني

اختفو ومحدش فيهم ظهر ,,لآنهم واثقين آنهم لو كانو ظهرو فى الآحداث دي

كانو هيتفحتو وهيتسحلو من المتظاهرين ,,معروف عنهم انهم فئة يفزعها كل من له حق

ومتقلقشي طولت قصرت مصر مش ليهم ولا الكرسي لايق عليهم وهنفضل وراهم لحد ما

يغورو منها ,

متحنط لمدة ( 7 ) ايام ^^

[احضان الحبايب]

الخزعبلات لا تتعدى كونهاا خزعبلاااات : )

ربنا يصلح الحال

[مريم المصريه]

اف رجيم اجباري لا كده حرام عليهم
لسه اونكل لولو معترض علي الرجيم ده
كان نفسه في موكا موس
خليهم ينامو والشعب يموت
طرح اكثر من رااائع
تسلم الايادي
شكرا لك
وفي انتظار جديدك الشيق
تحياتي وتقديري

[ملك جبال الاحزان]

اقتباس المشاركة الأصلية كتبت بواسطة حنـــــون صدق حورا رائع انا عن نفسى استفدت جدا ادينى عرفت دلع الريس ايه ههههههه جميل جدا ياملك حوار ساخر بس بيحمل معانى كتير جدا بس احب اضيف ان مافيش رصيد اصلا يبتلحق خلاص بعد الموت مابنبئاش على حد عجبنى الموضوع جدا تسلم ايدك

نورتينى واتشرفت بمرورك

بس عندك حق بعد الدم مفيش رصيد

نورتينى

[ملك جبال الاحزان]

اقتباس المشاركة الأصلية كتبت بواسطة تراتتا داه على كده انت واصل تعمل حوار مع اكبر راس عايزه قطعها الحمد لله انتا كده ضمنت ان قناتك مش هنئفل مشيك معاك ياعم حوار خزعبلاوى جامد الله ينور قلبك بنور الله ورسوله

ايه الدعوه الجميله ديه تسلمي يا رب

واكيد طبعا قولت اعمل معاه الحوار قبل ما يهرب هههههههه

هو اساسا هربان


نورتينى