الحلقة الثانية من برنامج " انت والأرقام " مع ( sereen )

[♥..pure]

عآجبني تنوع الآسئله بتآعت الآعضـآء ..،
منورهـ آكيد يـ سيرين .. آختيآر مميز منك يـ رؤى
ممكن آسـأل من غير ماختآر رقم !!
لو أذنت رؤي بكدآ خدي السؤالين دول .. منفعش بئه ولآ كأنك شوفتيهم
- احكمي ع شخصيتك من وجهه نظركـ من حيث :
[ مواقف عملتيهآ ومعجبكيش رد فعلك .. او بتتمنى انه يكون مختلف ، عيوب شايفاها فيكي ، ]
- آيه رد فعلك فـ الحآلآت الآتيه ؟!
* الآهمآل
* التبعيه
*الخروج عن الحد
* التسيب
* الاستغلال
شكرآ لسعة صدركم ,
دمتم بخير

[الحان الورد]

،


انتِ تنوري يا صافي
وأكيد ينفع تسألي من غيرأرقام ,,
احنا كل غرضنا نسأل الضيف أكبر قدر ممكن من الاسئلة ونعرفه أكتر

نورتِ ,, وفي انتظار سيرين تجاوب بقى ^^

[Sєяєєη●•ʚɞ]

فى بيتنا صافى ياهلا ياهلا
وداخلة بأسئله جامدة
هجاوب اهو
بس فين الشيكولاتة بقا

[Sєяєєη●•ʚɞ]

اقتباس المشاركة الأصلية كتبت بواسطة ♥..pure عآجبني تنوع الآسئله بتآعت الآعضـآء ..، منورهـ آكيد يـ سيرين .. آختيآر مميز منك يـ رؤى ممكن آسـأل من غير ماختآر رقم !! لو أذنت رؤي بكدآ خدي السؤالين دول .. منفعش بئه ولآ كأنك شوفتيهم - احكمي ع شخصيتك من وجهه نظركـ من حيث : [ مواقف عملتيهآ ومعجبكيش رد فعلك .. او بتتمنى انه يكون مختلف ، عيوب شايفاها فيكي ، ] - آيه رد فعلك فـ الحآلآت الآتيه ؟! * الآهمآل * التبعيه *الخروج عن الحد * التسيب * الاستغلال شكرآ لسعة صدركم , دمتم بخير

اسألى اسألى براحتك

- احكمي ع شخصيتك من وجهه نظركـ من حيث :
[ مواقف عملتيهآ ومعجبكيش رد فعلك .. او بتتمنى انه يكون مختلف

جيتى ع الجرح لانى فعلا مش بتعجبنى شخصيتى فى بعض المواقف واقربهم النهاردة الصبح "انى مابعرفش ارد وبتفاجىء بردة فعل اللى قدامى خصوصا لما يتساخف ويقول كلمة رخمة واحيانا بتكون ناس كبيرة وبتقلل قيمتها انا بسكت لانى بحس لو رديت يبقى نزلت لمستوى انا ماعرفش انزل فيه
بس بحس الناس دى ماينفعش معاهم غير اللى يكون بنفس بيئتهم او بمعنى اصح عنده مهارة فى اسلوب البيئة بتاعتهم والناس دول للاسف بقابلهم كتير جدا فى الشغل
مشكلتلى انى بتعامل مع الناس بزوق اوى فى زمن قله الزوق منتشرة ومترعرعه فيه
وفى الغالب لما باخد ردة فعل بتكون مش من اول مرة لان الاولى بتصدم ومش بتوقعها من الشخص دة
اما التانية بكون فهمت اسلوبة بقا
كمان مش بحب شخصيتى فى انى مابعرفش اضرب بوظ فى الحقيقة او اتعامل بوش خشب صح وبتحرج بمجرد اما اللى قدامى بيكلمنى كويس وبحس انى ضيعت حقى


بحب نفسى بقا فى المواقف التلقائية منى
انا تلقائية جدا وساعات بعد اما بعمل الموقف بقعد اضحك ضحك ع نفسى
اقربهم النهاردة
ابن اختى فى اولى ابتدائى هو وصاحبة بيخبطوا الباب ففتحتلهم
حسيت ان الواد صاحبة شكلة مش غريب عليا وانى اديته قبل كدة او شفته فى مدرسة
فلاقيت نفسى بسأله
هو انت عارفنى ؟ هههههههههههه
الواد ضحك وقالى لا قلتله اصلى شكلك مش غريب عليا فحاسة انى اديتك قبل كدة يلا اطلعوا العبوا
بعدها قعدت اضحك ع نفسى ايه الهبل اللى بعمله دة

، عيوب شايفاها فيكي ، ]
اكترهم الحساسية الزيادة
وانى لما بكون متضايقة من حاجة بفكر كتير لدرجة بصدع صداع رهيب
بقلق بسرعه

- آيه رد فعلك فـ الحآلآت الآتيه ؟!
* الآهمآل
لو اهمال ف الحب ببعد لانى مابحبش اللى يطنشنى او يهملنى وبحس انى تقيله ع قلبه
لو الاهمال كصفة ان حد مهمل فى نفسه وحاجاته وكدة فصفه مابحبهاش
لو الاهمال فى حاجة ف الشغل بتخنق من الشخص دة ومابحبش اتعامل معاه فى شغل تانى

* التبعيه
لو تابعه لفكر معين + انة يشغل فكرة
فعادى انما لو التابع دة بيكون تابع من غير اما يشغل عقله سواء تابع لفكر او لشخص فصاحبها بحسة ماعندوش شخصية

*الخروج عن الحد
ردة فعلى بتختلف
اما بتكون جامدة جدا وبشيط لما احس اللى قدامى وصل لمرحلة الاستعباط
واما بحس بإشمئاز وبسكت ومابعرفش انزل لمستوى كلامهم وحتى ردى مش بيكون بنفس مستواهم زى ماحكيت فوق ودة بيكون حسب الشخص ومكان التعامل

* التسيب
بشفق على صاحبتة او صاحبة
بحسة نقص كبير فى الاخلاق وانعدام ضمير يأنبهم

* الاستغلال
بكرة جدا ومابحبش اللى بيصاحبوك عشان مصلحة فببعد عنهم

اسئلتك حلوة وطلعتى اللى فى قلبى
تعالى تانى بقا بس ماتنسيش الشيكولاتة

[♥..pure]

ههههههههه
الشيكولآ !
خفي يابنتي عليهآ ,, بتزود الوزن (


اجآبآتك جميله وكنت متوقعآهآ
تسلمي يـ رؤي ع زوقك ..
مجهود جميل منكم يـ بنـآت ,,
موفقين دآيمـآ ..

[Sєяєєη●•ʚɞ]

اقتباس المشاركة الأصلية كتبت بواسطة ♥..pure ههههههههه الشيكولآ ! خفي يابنتي عليهآ ,, بتزود الوزن ( اجآبآتك جميله وكنت متوقعآهآ :d تسلمي يـ رؤي ع زوقك .. مجهود جميل منكم يـ بنـآت ,, موفقين دآيمـآ ..

ههههههههههههههههه
ايوة كدة هاتيلى الشيكولاتة
ما انتى عارفه يا صافى انها مش بتحوق معايا مهما اما اكلتها
وطبعا كنت متوقعاها عشان لسه راغين ف الموضوع ده انا وانتى
فاكرة لما فضلت انا اتكلم وفتحت وماسكتش وقلتلك فى الاخر ياخراشى على رغى وقولتيلى بحب اسمعك
فضحت مكالمتنا اهى :d
الكلام معاكى جميل بردوا وشكرا ع احلى شيكولاتة من احلى صافى

[Sєяєєη●•ʚɞ]

اقتباس المشاركة الأصلية كتبت بواسطة sereen بحب نفسى بقا فى المواقف التلقائية منى انا تلقائية جدا وساعات بعد اما بعمل الموقف بقعد اضحك ضحك ع نفسى اقربهم النهاردة ابن اختى فى اولى ابتدائى هو وصاحبة بيخبطوا الباب ففتحتلهم حسيت ان الواد صاحبة شكلة مش غريب عليا وانى اديته قبل كدة او شفته فى مدرسة فلاقيت نفسى بسأله هو انت عارفنى ؟ هههههههههههه الواد ضحك وقالى لا قلتله اصلى شكلك مش غريب عليا فحاسة انى اديتك قبل كدة يلا اطلعوا العبوا بعدها قعدت اضحك ع نفسى ايه الهبل اللى بعمله دة

شوفتوآ بقآ طلعت اديت للولد دة فعلا بس هو اللى مسطول
وافتكرت اديته فين كمان
افتكرت دلوقتى لما عرفت ان له اخ توأم
ايوة كدة الذاكرة لسه سليمة لانى مش بنسى الوشوش
الولد دة انا اديتة من سنتين وشوية بالضبط وكانت فترة قليله شهر بس بعدها سبت الشغل ورحت شغل تانى لانى ما ارتحتش فيه