..{ فع‘ــآآليـآآت المنتــدى }..



آخر 12 مواضيع
ساحر الاحزان مع أعضاء بنات مصر في رمضان مع شاعر الحب الحزين
الكاتـب : ساحر الأحزان - آخر مشاركة : إيلاانا - مشاركات : 4 -
مآآشي ي زمن
الكاتـب : نو تعارف - آخر مشاركة : ساحر الأحزان - مشاركات : 1 -
بلا إستئذان .. قلم مهيب
الكاتـب : مهيب الركن . - آخر مشاركة : ساحر الأحزان - مشاركات : 2 -
بكامل قوايا العقلية
الكاتـب : شاعر الحب الحزين - مشاركات : 4 -
ولعت في العيال
الكاتـب : ~♥ Queen sozan♥~ - آخر مشاركة : شاعر الحب الحزين - مشاركات : 3 -
ساحر الأحزان مع أعضاء بنات مصر في رمضان مع اميره ميرو
الكاتـب : ساحر الأحزان - مشاركات : 8 -
كل سنه وانتي معايا
الكاتـب : واد حبيب - آخر مشاركة : ~♥ Queen sozan♥~ - مشاركات : 5 -
اتأخرتي جداً
الكاتـب : شاعر الحب الحزين - مشاركات : 4 -
بقيت بغير عنواني
الكاتـب : شاعر الحب الحزين - مشاركات : 6 -
امي حُبًّا خَالِدًا
الكاتـب : حسن الذاكي - آخر مشاركة : عابرpasserbyسبيل - مشاركات : 2 -
البال مش رايق
الكاتـب : شاعر الحب الحزين - مشاركات : 8 -
عابرpasserbyسبيل اهلا بيك في المنتدي
الكاتـب : واد حبيب - آخر مشاركة : عابرpasserbyسبيل - مشاركات : 13 -

الإهداءات


النصيب _عالم أميره ج 4(تنشيط القسم )

قصص - روايات - حكايات ...منقولة


إضافة رد
 
LinkBack أدوات الموضوع انواع عرض الموضوع
قديم منذ /02-12-2013, 06:00 PM   #1

مشرفه سابقه

 

 رقم العضوية : 29574
 تاريخ التسجيل : Aug 2009
 الجنس : ~ أنثى
 المكان : القليوبية
 المشاركات : 13,324
 الحكمة المفضلة : كما تدين تدان
 النقاط : ياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond reputeياسمينااا has a reputation beyond repute
 درجة التقييم : 442309
 قوة التقييم : 222

ياسمينااا غير متواجد حالياً

أوسمة العضو

وسام التميز في قسم سجل الاعضاء 2015 وسام منظم مسابقه اسره مسلمه ذريه صالحه وسام تنظيم مسابقه افضل تقرير سياحي وسام افضل ضيف حملة عالم الرجل وسام المركز الثانى لمسابقة ذكرى الثورة وسام النشاط الاشرافى 

افتراضي النصيب _عالم أميره ج 4(تنشيط القسم )








دخلت اميره الغرفة الرئيسية حيث كان والدها قد سبق الجميع ودخل غرفته ليستطلع الاخبار الملتهية هنا وهناك

وترك لزوجته مهمة توديع الضيوف عند الباب

الاب بابتسامة : انا توقعت انك هتيجي على هنا عشان تحطيني انا فى وش المدفع

اميره بابتسامة تملق رقيقه : انا حبيت أجي قبل ما تنام اقولك ملخص اخبار الدنيا احسن ما تتعب نفسك فى قراية الجرايد

الاب : يا بنت يا عفريته على بابا الكلام دا .. انتي عارفاني اهوى اقرا الجرايد احسن من النت بتاعكم ..

و انا كنت ملاحظ انه بسلامته كان شكله مش مبسوط من الكلام معاكي .. شكلك لخبطتي كتير

اميره : ابدا يا بابا انا كنت بس برد عليه مش اكتر

الاب : يا بنت با عفريته دا انا اكتر واحد حافظك وعارفك وعرفت رايك مجرد ما بدأ بينكم الكلام

اميره : يعني يا بابا معرفش اخبي عليك حاجه دايما كده كاشفني

الاب : مش بقولك انتي عفريته انا رغم كل خبرتي ورغم اني فاهمك لكن احيانا مش بعرف عنك الا كم سطر من كتابك

اميره يا بنتي انا عارف طبعك متحبيش تحسي ان حاجه مفروضه عليكي وعارف ان ليكي نظرة

ورأي فى الانسان اللى هترتبطي بيه ومش عاوزه تتنازلي عن رأيك .. لكن يابنتي دى طريقة طبيعيه وعادية

ومش من الاصول اني امنع حد عاوز ييجي يطلبك طالما انه محترم ومن عيلة محترمة

وممكن تلاقى اللي بتدوري عليه وسط اللى جايين يتقدمولك بالطريقة التقليديه دي

عشان كده مش عاوزك ترفضي من قبل ما تشوفي وتبدأى الاعتراض قبل ما تعرفي طبيعته

اميره : حبيبي انت يا بابا انت اكتر واحد احبه فى الدنيا دي .. انا لما الاقى الانسان اللى يستاهلني مش هسيبه

الاب : هتلاقيه فين فى سوبر ماركت ميشو اللى جنبنا ولا فى الطريق وانتي رايحه لسميه صاحبتك

.. انا عاوز سعادتك انتي واخواتك

اميره : طيب ليه كل الحمل والتركيز عليا وسايبين اخويا سامي براحته ف كل حاجه

وبالمناسبة انا ملاحظه انك شادد عليه الحبل اليومين دول اكيد عمل حاجه

الاب : متفكرنيش .. اقولك بس اوعي تقولي لامك

اميره : اطمن سرك ف بير مالوش قرار

الاب : تصوري الواد ده لقيته قاعد ف كوفي ومعاه واحد صاحبه ومعاهم 3 بنات انما ايه حاجه تبرجل العقل و.....

اميره : استنا .. بالراحه عليا شويا يا ابي فوق الشجره .. دي معلومه جديده .. قولي من امتى بتروح كافيهات .. اوعى تكون بتعمل رانديفو من ورايا .. انت مش قد شجرة الدر

الاب : انا عارف والحمدلله ان القباقيب انقرضت .. عموما دي مره وحصلت صدفه .. ماانتي عارفه يا اميره من يوم طلعت معاش مش بحب اخرج من البيت خصوصا اليومين دول والبلد حالها مقلوب

ولما بخرج يدوب للجامع ويومين فى الاسبوع بقعد مع اصحابي المعاشات زيي على القهوه اللى اول الشارع ..

الاسبوع اللى فات القهوه كان فيها اصلاحات فقلنا نروح كوفي محترم من باب التغيير وكمان مرة نشوف وجوه الناس برا قهوتنا

وتعرفي رغم انه مكان فخم وخدمة من بنات مانيكان انما كلنا ما ارتحنا وقلنا قهوتنا البلدي احسن

ويدوب قعدنا الا ولمحت المحروس اخوكي قاعد معا صاحبه وصحباتهم وهات يا ضحك ولعب

ولا شافنى من اندماجه فى الضحك ولما رحت له قام وقف وراح وشه بكل الالوان وعرفني على اصحابه وانا محبتش احرجه قدام اصحابه

اميره : طيب يا بابا فيها ايه لما بقعد فى كوفي محترم .. سامي كبير وبيشتغل وعلى وش خطوبه

الاب : معرفش لكن زعلت وخلاص وكمان معندوش ذوق ازاى بكونوا 2 اولاد ومعاهم 3 بنات

كان المفروض يعزم عليا اقعد معاهم عشان تبقى قسمة عدل

اميره : آه قول كده كنت حضرتك عاوز رانديفو مع مزه .. طيب قوللي دا انا صاحبتي سميه تقولي يا بختك بوالدك

شكلها عينها منك يا محطم قلوب العذارى

الاب : آه منك فعلا بكااااشه زي مامتك مابتقول عنك .. المهم اٍلحقي احكيلي قبل شجرة الدر ما تيجي


وبدأت اميره تحكي لوالدها الحوار مع ضيف اليوم وبينما هم كذلك سمعوا اقدام الام تقترب

الاب : شجرة الدر جايه استعدي وحاولي تهديها .. لا دي شكلها رايحه أودتك .. طبعا هتعرف انك هنا .. اهي جايه

فتحت الام الباب وهي غاضبه بينما ارتفع صوت الاب عاليا وكأنه يلوم ابنته

الاب : يعني ايه يا بنت معجبكيش هو ااحنا هنجيبلك واحد تفصيل .. يعني ايه دمه تقيل

ابقي شربيه ميه كتير عشان دمه يخف .. دا كلام فاضى ولاد الناس مش لعبه ..

هو صحيح سمج لكنه مؤدب.. هو صحيح شكله دلوع اهله لكن ابن ناس

الام : وهي بنتك بيهمها حد برضه اللى ف دماغها ما تتنازل عنه ولازم رأيها اللى يمشي .. دي كسفتني مع الناس

اميره : ليه بس يا ماما انا عملت ايه اديني قعدت معاه زي ما قولتيلي

الام : هوا انا مش عارفاكي انا كنت قاعده مع امه لكن وداني معاكي .. من امتى بتقري لاحسان عبدالقدوس

.. عاوزه تقولي انك بنت متحرره وعنيده .. كانك بتخوفيه منك دا كلام بنت عاقله لواحد جاي يطلبها

اميره : وماله بس احسان عبدالقدوس دا من احسن الكتاب اللى كتبوا عن المرأه وقصصه كلها هايله

الام : لانه متحرر وبطلاته متحررات و معروف انه بيكتب كلام يخدش حياء البنات اللي زيك

اميره لكن في نفسها : يا ماما دا انا بكتب قصص تخدش حياء احسان عبدالقدوس نفسه

الام : وايه لزوم حركات العيال دي تطلعي بالنقاب ولابسه نظارة جدتك

اميره : يا امي يا حبيبتي حبيتا قوله اني منقبه لأن فيه اللى ما يحبوا النقاب

الام : انتي يا دوب لابسه النقاب من يومين لحقتي خلتيه اساس عندك ..

لما تروحي بيت جوزك ابقي اتنقبي ولا حتى تلبسي شوال محدش هيعارضك ..

كنتي عاوزه تقولي انك معقده يعني باختصار عاوزه تطفشيه ..

وليه النظاره عشان تقولي ان نظرك ضعيف انتي عاوزه تجيبيلي المراره

اميره : سلامتك يا قمر ان شالله اللي يكرهك .. نظارة جدتي بتفاءل بيها ..

وبعدين كل دا بسبب الاستاذ ابو عيون جريئة .. ده معندوش لياقه ولا بيعرف اصول

وكان نظراته ليا وقحة كأنه بيتفحص بضاعه هيشتريها ولا عامل حساب حد وكان ناقص يقولي تسمحيلي بالرقصه دي يا آنسه

الام : دا كلام فاضى الراجل مغلطش انتى نازله فيه بكلامك البايخ وأسئلتك الصعبه وكأنه فى امتحان ..

دا كله من دلع ابوكي فيكي حضرته مسايرك انا عارفه وهو اللى مخليكي حاسه ان يا أرض اتهدي ما عليكي قدي

الاب : بالعكس دا انا قاعد ابهدل فيها من بدري البنت دى مش بتسمع الكلام لازم لها شده شويه

الام : انا هلاقيها منك ولا من اخوكي ولا من الشغل ولا من البيت .. اتفضلي روحي أودتك انا عندي شغل الصبح

اميره وهي تجري خارج الغرفه : حرام عليكم انا ما استاهلش كل الكلام دا ...انا عاوزه انسان مش تاجر بيشتري بضاعه

جرت اميره الى غرفتها دامعة باكيه .. مسرعه الى عالمها

.........................................

ونكمل الحلقة الجاية











  رد مع اقتباس
قديم منذ /02-13-2013, 01:49 PM   #2

مشرف سابق

 

 رقم العضوية : 83443
 تاريخ التسجيل : Apr 2012
 الجنس : ~ رجل
 المكان : أسيوط
 المشاركات : 101,429
 الحكمة المفضلة : طأطأ الرأس تسلم وأمتثل للأمر تغنم
 النقاط : العاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond reputeالعاشق الذى لم يتب has a reputation beyond repute
 درجة التقييم : 2245572
 قوة التقييم : 1123

العاشق الذى لم يتب غير متواجد حالياً

إرسال رسالة عبر Yahoo إلى العاشق الذى لم يتب إرسال رسالة عبر Skype إلى العاشق الذى لم يتب

 

 

 

 

 

MY MmS

أوسمة العضو

وسام التفاعل والنشاط للاعضاء اكتوبر 2016 وسام نجم الشهر لقسم بقلم الاعضاء2016 نجم الاقسام  الحصريه مسابقه  النقاش وسام مسابقة كالالماس المركز الثاني افضل مقال 25 وسام مسابقة لمحة من حياتنا مركز ثالث صديق الأقلام وسام حملة تنشيط القسم العام مركز ثاني 

افتراضي

إيه ده ياسمسمينا مش كنت تعرفينى إنك وصلت للجزء 4 هو فين بقية الأجزاء والله ماشوفتهاش
ولازم أعرف حكاية النضارة دى بالظبط
ع العموم هدور ع الباقى وأشوف إيه الحكاية
تقبلى تحياتى وودى
رفعت







  رد مع اقتباس
إضافة رد

الكلمات الدلالية (Tags)
4تنشيط, أميره, النسخة, القزم, عالم

« اليهودى والعصفور | سأقطف رمانتي من فوق اغصان البرتقال »

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

Posting Rules
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
النصيب _عالم أميره ج 3(تنشيط القسم ) ياسمينااا قصص - روايات - حكايات ...منقولة 2 02-10-2013 09:41 PM
النصيب _عالم أميره ج 2 (تنشيط القسم ) ياسمينااا قصص - روايات - حكايات ...منقولة 12 02-10-2013 08:38 PM
النصيب _عالم أميره (تنشيط القسم ) ياسمينااا قصص - روايات - حكايات ...منقولة 9 02-09-2013 10:49 PM
كلمة في اذن كل رجل(تنشيط القسم) غزاوية وافتخر عالم الرجل - ازياء - موضه - ماركات 3 01-07-2012 02:02 AM
أميره.... وفي عيونك ناسك أميره بترولي قسم الخواطر - وهمس القوافى حصرى بقلم الأعضاء 8 04-09-2011 11:27 PM

مجلة الحلوة / مذهلة

الساعة الآن 11:10 AM


Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w


elMagic Style.Design By:۩۩ elMagic ۩۩