حلقة جديدة من برنامج تخابيط مع(عمرو الجورى

[ساحر الأحزان]

بسم الله الرحمن الرحيم

حلقة اليوم بنزلها نيابة عن الاخ العزيز

كبرياء رجل

لظروف خاصة عندة بتمنعة عن تنزيل الموضوع وبشكرة لجميل

ثقتة فية وفى الأول وفى الأخر أهو

خبطة فى التخابيط يعنى الموضوع تخبيط ,فى تخبيط

والان

على موعد في برنامج

تخبيط

وبين راي واخر في مشاكل مجتماعتنا

بين

الرجل

والمراه

بين التحضر والجهل

بين التغيير المرغوب واللا مرغوب

يقولون انها اختلاف الاذواق

واخرون بقولون تدني الاخلاق

معانا عضو حكيم

هادي مميز باسلوبه

وقوة قلمه

وبحكمته وحبه للجميع

وايضا محبة الجميع له

مميز اينما يذهب وحيثما يكون

فهناك تكون بصمه مميزه

نسعد بتواجده دائما سواء بقوة مواضيعه او ردوده

او اولا واخيرا جمال اخلاقه ورقي قلمه

معانا الاخ المميز

عمرو الجوري

منورنا اخي واهلا وسهلا بيك

دا نورك يا حبيب قلبي ونور كل اللي موجودين

شكرا على المقدمة الجميلة دي ودا

كله طبعا من زووق حضرتك

ودي كانت بدايه الاسئله

ووجهات النظر كثيره

/ البنت اللي بتقصر شعرها وهل هذا يقلل من جمال المرأه

البنت تعمل اللي هي عايزاه بس لزوجها مش لحد تاني

/ البنت اللي بتلبس ضيق او قصير

بصراحة انا بضحك جدا لما اشوف الحاجات دي

مش هقولك انا بدير وشي وبغمض عيني لا ببص

بس لما بفكر بضحك هي ليه لابسة كده

مين اللي مستمتع بدا هي ولا اللي بيتفرج عليها

البس ديق في بيتك وقصي شعرك في بيتك

واعملي ميكب في بيتك

علشان جسمك مش يكون فرجة للناس

/ من تضع مكياج بطريقه ملفته

تعددت الأسباب والفتن واحدة

طيب هنقول البنت بتعمل كدا علشان تتجوز

طيب ماهي حتى بعد الزواج بتحط ميكب وبتلبس ديق

مش هو دا السبب ولا هي دي المشكلة

المشكلة كلها في التربية

صدقيني انتي جميلة بس الأيام بتعدي والعُمر بيخلص

والجمال بيروح والجسم بيفني ومش بيبقا غير العمل الصالح

اعملي كل اللي نفسك فيه لزوجك

واذا مش متجوزة مش دل هيكون سبب جوازك

امال المنقبات بيتجوزا ازاي

/ الكعب العالي وهل نبرر المراه القصيره للبسها للكعب العالي

بسم الله الرحمن الرحيم

ولا يَضرِبن بأَرجُلهِنَ لِيُعلَم ما يُخفِينَ مِن زِينَتِهِن

صدق الله العظيم

الكعب العالي هو اداة أخرى للفت الأنظار

وطبعا الآية الكريمة واضحة جدا في هذا الشأن

وما نزل في كتاب الله هو أمر واجب علينا تنفيذه

/ عمليات السليكون ما فوائدها وما اضرارها

وهل هناك من السيدات من هم بحاجه الى هذا النوع من العمليات

واللهي باردوا من رأي لو في بنت عايزة تعمل حاجة زي كدا

يبقا باردوا لزوجها مش معقولة هتعمل

الحاجات دي علشان الناس تبص عليها في الشارع

وفي بنات بتفكر ان لو مش عملت كدا مش هتجوز

أو لو اتجوزت ومش عجبت جوزها ممكن يحصل نفور

بسبب حاجة زي كدا اوك لما تنخطبي ابقي جهزي نفسك لزوجك

بس اذا كان السليكون دا دخول في تغير خلق الله

ومحرم فهو حرام وانا طبعا مش فقيه بالدين

علشان احرم واحل انا بقول وجهة نظر بس

/ هل فعلا المراه اخدت من حقها من اهتمام في يومنا المعاصر

اه ايه اللي بقا ناقص المرأة دلوقتي

بقت دكتورة وبقت مهندسة وبقت عالمة

وساعات بتكون العصمة في ايديهم

مش فاضل غير ان هما اللي يدفعوا المهر

ويروحوا يطلبوا ايد الشاب من ابوه

/ هل هناك من الوظائف التي تقلل من انوثه المراه

لا اعتقد ذلك المرأة كيانها محفوظ في اي مكان

/ اختار وظائف لا تصلح للمراه

يمكن الحاجة الوحيدة اللي تبقا غريبة عليها

هي انها تكون بتسوق تاكسي ولا سرفيس أجرة

/ الرجيم وعمليات التجميل

الرجيم عادي وتزود وزنها باردوا عادي

عمليات التجميل بقا لو بتدخل في اطار التحريم

يبقا انا لا أصلح لذلك في ابداء رأي

/ المراه التي تمارس العاب القوى

طبعا احنا كمجتمع شرقي بنختلف عن الغرب

ولكن طبعا العاب القوى للسيدات حتى في الشرق بقا موجود

وباردوا انا لست ممن يكبلوا المرأة

ولكن كل كلمة أكتبها سوف أسئل عنها

لذلك ان كانت حرام فهي حرام وهناك أهل العلم ليجيبوا عن ذلك

/ هل الرقص فن ام اغراء الرقص الشرقي اقصد

اللي على قناة التت وكدا يعني

دول طبعا اكل عيشهم ربنا يقويهم ههههه

دووول ناس مش متربين ولا ليهم أهالي يسئلوا عليهم

والرقص عندهم هواية وشغل وفن في نفس الوقت

يعني حياتهم كلها رقص في رقص

بس الست المتزوجة ترقص لزوجها عادي مش فيها حاجة

/ لماذا عندما تحزن المرأه تصرخ ولما تفرح تزغرت ليه مش الراجل مثلا

الراجل لا يصلح اطلااقا لذلك

عندما تحزن تصرخ قصدك تصوت يعني

هي مميزين في حاجات كتير

غير الرقص والحاجات دي

في الصويت مش يتوصوا

ولما يزرغدوا باردوا مش يتوصوا

هما رغم انهم حلوين بس ساعات بيكونوا حقنة

/ قالوا المرأه سريعه الغضب

وقالوا ايضا بان باقل الكلمات ترضيها

وكان شئ لم يكن هل هو تسامح ام حب ام ماذا

اه واللهي هي كدا فعلا

كلمة تزعلها وكلمة ترضيها

هي سريعة الغضب لأنها حساسة جدا

وكلمة بترضيها لأنها تمتلك أطيب قلب في الكون

مش ننسي ان اهي الأم والأخت والزوجة والابنة

هي أساس المجتمع وقواعده في الحياة

/ لماذا دائما قلب المرأه يتحكم بعقلها

مش كل النساء طبعا لأن احيانا

الراجل كمان قلبه بيتحكم في عقله

/ المرأه والمرايا واصبحت كخيالها

ليه مش الراجل مثلا

طيب هي علشان جميلة

اما الراجل هيبص في المراية ليه

على شنبه المكروت ولا شعره الأصلع

ولو كانت زوجتك من عشاق المرايا هتعمل ايه

هقولها يا ريتني كنت مرايا

/ ايه رائيك في الستات المسنات من يضعون
احمر الشفايف ومكياج وملابس غير ملائمه
لسنهم ويعتقدون انفسهم ما زالوا صغار

الناس متمسكة بالدنيا وحسوا ان العُمر راح منهم

ربنا يكون في عونهم

وفي ستات بتعدي الستين سنة وهي لسة جميلة

/ ايه رئيك في البنت اللي بتقلد الولد في لبسه وفي حركاته وسلوك حياته

البنت بنت والولد ولد

طيب فين الأنوثة بقا لما تقلد الولد

الأنوثة هي أهم حاجة في البنت لو فقدتها

يبقا فقدت اهم حاجة فيها ودا سر جمالها

/ من الممكن ان تجيب المرأه عن اي سوال الا اذا سالتها عن عمرها

أه فعلا

هيموتوا على الدنيا

تبقا عندها تلاتين سنة وتسألها تقولك 22

ولما تبحلق فيها تقولك ونص

/ االمرأه المتسلطه

عادي خليها تعيش الدور

/ قيل وقال عن الحموات وما يسببونه من مشاكل

ما رأيك بذلك

وما فكرتك عن الحموات

طبعا موجود الكلام دا

في حموات بتبقا زي القضى المستعجل

وفي حموات بتبقا أطيب من الأم

/ ايه رايك في البنات الرغايه

انا بمووووووووووت في البنت الرغاية

.................................................. ...

اسئله الرجل

/ الرجل الذي لا يتحمل المسئوليه

نقص في شخصيته طبعا تربيته كانت سلبية

/ الرجل الذي يخجل

موجود باردوا بس مش فى كل الحالات يعني فكها شوية

/ رجل دموعه سريعه وهل دموعك سريعه

انت هتخليني اعيط في الأخر ولا ايه

أه أنا دموعي سريعة جدا

مش عارف هي ميزة ولا خيبة

انا مرة كنت في الينما ومش في مصر كنت مسافر بره

وكنت بسمع فيلم الكراج بتاع فاروق الفيشاوي

ونجلاء فتحي وفضلت اعيط

لما السينما كلها بقت تتفرج علي

كان موقف عمرى ما أنساه انا فعلا دموعي قريبة جدا

/ الشاب الذي يعاكس الفتيات وهل حدث وعاكست قبل كده

واللهي انا بشوف ان مش من الأدب

ان الولد يعاكس البنت في الشارع

في طبعا بنات بتكون سعيدة لما بتتعاكس

بس انا مش ممكن احط نفسي في الموقف دا

اعاكس بنت وتبقا متنرفزة ولا حاجة وتطلع غلها في

وتسمعني كلمة مش كويسة

علشان كدا انا لما كانت بتطلب معايا اعاكس

كنت بعاكس على التليفون

اهو ابقا بعيد عن وشها

ويا تصيب يا تخيب

/ لماذا في بعض المجتمعات العربيه هناك تفرقه بين الولد والبنت

نشأوا على كده وخلاص مش ينفع يغيروها

انا موجود في السعودية

والكلام دا موجود هنا

وفعلا اقتنعت انهم مستحيل يقدروا يغيروا كدا

/ ما هو عيب الرجل

لما يعمل سي السيد على مراته

وهو بيبقا ضعيف الشخصية برا البيت

/ حنان الرجل هل هو مكتسب من المرأه

أكيد كل حاجة حلوة في حياتنا سببها المرأة

/وهل هناك من السيدات من يرفضون حنان الرجل

أحيانا بيكون في بنات مسترجلة شوية

ومش بتطلب معاهم حنان ولا كلام حلو

/ الشاب السيس

بقا موجود في المجتمع حاليا

خليه يروش نفسه فاضي مش لاقي حاجة يعملها

/ الرجل اللي بيقلد المراه في لبسها وتحركاتها

اقوله اتلهي والنبي

انت راجل خايب واخيب من الخايب

/ماذا تعني لك كلمه رجل

الأب والأخ والابن والمعلم

/ الرجل اللي زوجته بتلبس ضيق وقصير وعادي

هو نشأ في بيئة كده

اخته بتلبس كده وامه بتلبس كده

يبقا اكيد مراته هتلبس كده

/ ما هي نقطه ضعف الرجل

بتختلف من راجل لراجل

انا نقطة ضعفي هي دموع النساء

اشكرك على قبول الدعوه

انا اللي بشكرك جدا على اختيارك لي أني أكون ضيفك

دمت بخير دائما

ربنا يخليك يارب شكرا اوي ليك

ان شاء الله تكون الحلقة نالت الاعجاب

ونشوف الحلقة الى جاية من أعداد وأخراج

كبرياء رجل

تحياتى لكم

[ķąyąŋ..♡]

بجد حوار جميل جدا مع انسان محترم

جدا الاستاذ عمرو الجوري

واجابات تستحق الاحترام والتقدير

مجهود جميل منك يا امجد

وربنا يرجع كبرياء بالسلامه

[Mo chahin]

حوار جميل من شخص أجمل وضيف طيب وكريم ,,

تحياتى لكم ..

متمنيا دائما وابدا التوفيقـ لكم ..

[ابتسامة الزهر]

حوار راقى جميل من شخصية مميزة
ودائما ما يعجبنى الرجل الذى يحترم المرأة
عمرو الجورى شخصية محترمة
اجابات كلها استمتعت بها
والأسئلة رائعة
تميزت امجد فى الحوار
وان شاء الله يعود كيرياء بالسلامة

[Mahmoud Mohie]

انا ضحكت ضحك ع الاجابات ,,
بجد انت راائع يا عمر ,,
وده مش جديد ,,
عقلانى بخه دم

رائع يا أمجد

شكرُاا

[eljoker.]

حوار جميل وممتع ومجهود جميل

[ويبقى الأثر]

ماشاء الله
حوار جميل جدا وراقى جدا
عمرو شخصيه راقيه وقلم مميز ومحترم وله اسلوبه الخاص
واجابته بتدل على رقى اخلاقه
شكراامجد موضوع راق منك وحوار ارقى
تمنياتى لكما بالسعاده

[нαиαи]

اقتباس / لماذا في بعض المجتمعات العربيه هناك تفرقه بين الولد والبنت نشأوا على كده وخلاص مش ينفع يغيروها انا موجود في السعودية والكلام دا موجود هنا وفعلا اقتنعت انهم مستحيل يقدروا يغيروا كدا

اطلب اي هديه و اجيب لك هيه
صحيح بجد مجتمعنا فيه تفرقه و عادات زفت ولله الحمد

بجد استضافه رائعه
و اعجبتني صراحه عمرو

يسلمو امجد

[عاشقة ذكر الله]

هههههههههههههههههههههههههه
وربنا انا مبطلتش ضحك من مابدأت أقرأ ,,
بصراحه حلقه جمييله جدا وخفيفه كدا ,,
عجبتنى اوووووى ,,
يسلموووو للشخصيتين المميزتين ,,
منور أ \ عمرو ,,

[مُنـــــايا]

حوار جميل وشيق جدا من انسان مميز وضيف خفيف الظل // الاستاذ عمرو الجوري / المرأه والمرايا واصبحت كخيالها ليه مش الراجل مثلا طيب هي علشان جميلة اما الراجل هيبص في المراية ليه على شنبه المكروت ولا شعره الأصلع ههههههههههههههههه بجد اجاباتك كلها جميله وبسيطه وواقعيه جعلكم الله من السعداء في الدنيا والآخره شكرا علي الدعوه الكريمه دمتم بتوفيق من الله احترامي