happy valentine day

[ياسمين الروح]

أعزائى المستمعين السهرانين معانا فى كل مكان.. أهلا بيكم معانا النهاردة فى حلقة برنامجكم " حب إيه اللى إنت جاى تقول عليه؟"..والنهاردة أعزائى المستمعين حلقتنا حلقة مش عادية.. يعنى مش زى أى حلقة كده تسمعها وإنت قاعد على السرير بتهرش فى دماغك.. حلقة النهاردة حلقة غيييييير.. بتيجى مرة واحدة فى السنة بس..حلقة النهاردة عن

"عيد الحب"
وأحب اقول لكل الناس اللى سهرانين معانا النهاردة .. والنايمين لأ.. هابى فلانتين داى
واحب برضة افهم الناس اللى لسه عايشين فى الألفية اللى فاتت واللى ميعرفوش يعنى إيه فلانتين داى

عيد الحب ده يا جماعة الناس الحبيبة عملوه علشان يفتكروا إنهم المفروض إنهم يكونوا بيبحوا بعض


يعنى الواد من دول يبقى يا عينى مشحطط البت معاه طول السنة يحشرها فى اى اتوبيس نقل عام .. ولا اى توك توك.. بس يجى اليوم ده ويجبلها دبدوب احمر مكتوب عليه بحبك يا ساكمونى مهما الناس لامونى.. بس أخر اليوم برضة بيرجع يحشرها فى التوكتوك تانى.. ماهو مش هيبقى دبدوب وتاكسى يعنى.. حرام .. ضربتين فى الراس يورموا
ههههه

وطبعا إحنا فى انتظار ايميلاتكم واتصالتكم واس ام اسهاتكم على ارقامنا الل انتوا طبعا حافظنها .. ونروح نسمع اغنية محمد سعد " حب ايه" على ماحد فيكم يعبرا برسالة ولا مكالمة ونرجعلكوا تانى

واوعى حسك عينك تجيب نجوم اف ام ولا اى محطة تانية .. انا بقولك اهو وقد اعذر من انذر


" حب ايه اللى انت جاى تقول عليه.. انت عارف قبله معنى الحب ايه.. ايييييييييييييييييييييييه؟؟هش هش يا ديك الفرخة دى مش ليك هش هش يا ديك..دييييييييييييييك

ورجعنالكم تانى اعزائى المستمعين معانا فى كل مكان معاكم مذيعتكم المتألقة دايما "ياسمين الروح


ونعتذر عن قطع الاغنية العاطفية "حب ايه" لحظر تداولها بين المواطنين خوفا من تفشى مرض انفلونزا الطيور

وصلنى دلوقتى إس ام اس من "ع ت"بيقولى فيها

" انا بحب واحدة سكتها صعبة .. وقالوا عناه اذكى وملهاش ماسكة .. تفتكرى الحب ده ممكن يستمر

أحب اقول لصاحب الإس امن اس ده .. يابنى انت بتحب واحدة ولا بتحب مج.. ملهاش ماسكة ازاى يعنى؟؟ وبعدين مين دول اللى بيقولوا عنها.. ازاى تحب واحدة كل الناس عمالة تجيب فى سيرتها كده..لا لا لا.. عيب عليك .. لاتزم لما تختار واحدة علشان تحبها تختار واحدة كده تكون شبهى ومتتخيرشى عنى تمام.. للأسف ده برنامج اذاعى صحيح .. بس وماله بكرة أطلعلكم فى التليفزيون لغاية ما اقرفكم .. فى كل القنوات هتلاقينى.. اصبروا عليا بقى


جاتلى دلوقتى اس ام اس تانية بتقول

انا اللى بحبه مش سائل فيا ولما بسيبه وانفضله واديله استمارة ستة بيرجع زى الكلب

استمارة ستة.. هى الأخت شغالة فى الضرايب ولا ايه؟؟بس ارجع واقول برضة .. هم الرجالة كده يا اوختشى زى طابع البوسطة .. كل ما تتفى عليه يلزق اكتر.. قطيعة أمال انا مقطعاهم ليه؟؟

واخييييييييرا معانا إتصال تليفونى ونقول ألو

-ايوة مين معانا؟ باين من صوتك كده انك واد حليوة

أنا شاهينو السمنى

السمنى؟؟ منين يا سمنى؟؟

أنا من كوم ابو صفيح

- يا لهوى.. سمنى وصفيح.. انا حاسة إنك هتسيحلنا يا شاهينو

- ارجوكى اسمعينى .. انا عندى مشكلة جامدة.. بيج بروبليم

يا عينى قول يا بنى قول.. ده انت صوتك كله مرته.. قصدى مرارة

أنا كنت بحب واحدة زى الموووز.. بس فى يوم فى قعدة صفا.. للأسف اعترفتلى بالحقيقة المؤلمة

-ايه يا شاهينو .. قول يابنى؟؟



- مامتها.. مامتها طلعت بتسيح زبدة علشان تعمل سمنة

أه يا قلبى.. طبعا انت متحملتش الصدمة.. ما انت سمنى بقى.. يعنى منطقتك

-طبعا طبعا

- افهم من كده إنك مش مرتبط دلوقتى يا شاهينو؟؟

-ايوة.. بس الأول انتوا بتسيحوا زبدة؟؟

-لا لا .. انا مش باكل الحاجات دى خالص.. ده انا حتى عاملة دايت

- خلاص هستناكى فى الكافيتريا اللى على الناصية .. وهبقى ماسك فى ايدي علبة روابى

- اوك.. بس عالله تحلقلى

اعزائى المستمعين .. بعد ما سمعنا مشكلة السمنى.. عايزين نقول ان المصارحة هى أجمل حاجة فى العلاقة بين اتنين.. ومعانا اتصال تانى .. واضح ان مشاكل الحب مش عايزة تخلص ونقول الووو

ايوة

-مين معايا

- انا روشة

- اهلا يا ورشة.. انتى متبعانة من اول الحلقة؟؟

-اه

- وايه رايك فى موضوع الحلقة؟؟

-الله هو موضوع جميل ورومانسى وشاعرى وبيمس القلوب

جميل واضح انك رومانسية جدا يا روشة

واى حد مش بيحب يتمنى يحب دلوقتى عشان موضوعكوا ده

-عاااااااااااا.. تصدقى بالله يا بت يا روشة انتى.. انا نفسى حتى صرصار(بس يكون بشنب لو سمحتى) يحبنى

-ههههههههههههههههههههه

- المهم قوليلنا رأيك فى الحب يا روشة

الحب إحساس جميل..بس المشكلة إنه كالرمح إما ان يطعنك أو تطعن به غيرك..ذو حدين

- مين؟؟ ايه فيلم فجر الإسلام ده؟؟معلشى يا روشة برنامجنا عنده مبدأ .. ممنوع نتكلم فيه بلغات اجنبية .. عربى وبس علشان المستمعين بيتضايقوا

-!!!!!!!!!!!!!!!

-عذرا اعزائى المستمعين.. فريق الترجمة اللى فى الاستديو هنا قالى إنها عايزة تقول إن الحب ده زى المطوة القرن كده لا مؤاخذة .. يا تغزى بيها حد يا حد تانى يغزك

طيب فى الأخر روشة تحبى تهدى الأغنية اللى جاية لمين؟؟

- أحب اهديها للحيوان اللى بحبه

-شكرا لإتصالك يا روشة .. وكل اسرة البرنامج بتهدى معاكى للحيوان اللى انتى بتحبيه أغنية " بحبك يا حماااااااااار"
وهابى فلانتين دااااااااااااااااااااااى
*********************
كانت معكم المزيعة التى حصلت على جائزة افضل مزيعه مجنونه
ياسمين الروح

[Lost Pearl]

هههههههه

Happy Valentine

تسلمي يا جميلة ع الموضوع المجنون حقا ده

[الأميرة رودي]

هههههههههه ايوه صح دبدوب وتاكسي ضربتين فى الراس توجع
ماله التوكتوك ؟؟ مفيش احسن منه ههههه
تسلمي ياقمــر توبيك جميل و Happy Valantine Day

[ماتركس]

ياسمين

كل سنه وانتي طيبه وبجد مووضووعك جميل فكاهي

وعيد حب سعيد علي الجميع ويارب تكون كل اياامنا حب وسعاده وموده