كتاب الوزارة

[Hearts Whisper]

دمعى عليكى يا بلد ،
فيك الاساس من ورق
يطويه جهل الولد
يشجعه صوت الفرق
بيقول عليه دا متعلم
فى ايده كتاب وبيتكلم
بيحكى يقول مصر الامان
قالوها جدودنا ليالى زمان
كتبوها فى الكتب خلوها برهان
لكل واهم نفسه بكلمة أمان
اصل الامان دا ذكر الكتاب
احكى وقول ومفيش عتاب
كلامك دا اصله كتاب الوزارة
اساسه متين ويبنى عماره
بس الكلام دا صنف خوان
بيطير ويتبخر بعد الامتحان
فتبص وتلاقى منظر جنان
عمارتك اتهدت،نفاها الزمان
امان مزيف.خوف وتهديد
وطن ضأيع . دم شهيد
شعب تايه . وولد فقيد
اصل الوزارة دى كتابها عنيد
بتحكى واقع فى احلام الفقيد
امان واستقرار وحاكم صاحب قرار
يقول ويوعد مش مجرد كلام هزار
عايشين فيكى يا بلد ومش فاهمين
ان الحر فيكى عبد لكلمتين متسجلين

[ماتركس]

همس القلوب

تسلم ايدك علي كلماتك وانتي عندك حق الواحد زي ما يكون ملوش مكان في بلده

ويوم ما نعيش فيها نعيش في غابه

تسلم ايدك

موفقه

[الابتسامه المصريه]

كلمات جميله
عبرت عن ما نحن فيه الان


تسلم اناملك يا عسل
الله ينور قلبك بنور الله ورسوله

[Islam Hagras]

طرح جميل
وكلمات معبره
تسسلمى

[دمعه حائره]

كلمات معبره جدا عن الحال اللى وصلنا ليه
مابقتش بلد الامان خلاص والكل طمعان فى الكرسى
ونسيوا الشهدااللى راحوا فى الثورة وبقت فوضى
تسلمى واستمرى فى الكتابه هانتظر كل جديدك

[طِيشْ !]

عايشين فيكى يا بلد ومش فاهمين
ان الحر فيكى عبد لكلمتين متسجلين

...............

تلك هي الحقيقة المرة التي نأبى جميعا أن نصدقها

تلك الكلمة اللعينة

التي ما نلبث و نخضع لها

أي أمان هذا الذي نواسي أنفسنا بذكره

و أي شرعية هذه التي تعطيهم الحق في دفننا ونحن أحياء

صدق عمر بن الخطاب عندما قال

" حكامكم أعمالكم في الدنيا "

ولكن السؤال .. أبهذا السواد كانت أعمالنا

طرح مؤلم منكِ غاليتي

و نسأل الله عز وجل أن يحفظ مصر وشعبها

دآآم الإبداع\

ودي ووردي

[الرحــاال المٌتَمرد]

كتاب الوزاره ,,
رٌبما تَكٌن تَرجمه لــ مَشهد الشارع الأن
جَميل عِندما تَستطيع الكلمات أن تٌعبر
عَن المَكنون وصرخات بداخلنا مَكتومه
هَمس القلوب ,,
إستمري فـــ لكِ قلماً رائع ,, وأنيق
تحياتى سيدتي

[Lost Pearl]

هي دي حال البلد خلاص

و كله بيخبط ف بعضه و محدش فاهم حاجة و محدش متعلم حاجة

وضع مؤلم و سئ فعلا

بجد كلماتك عسولة اوي يا شيماء

ف انتظار جديدك دايما متتأخريش علينا بقي ،،

[Words Whisper]

أساس من ورق !!
صح أووووووووي
بلدنا هادية والريس تمام والأمن مستتب
كل دا بس ع الورق
دايما لما بشوف كتب الوزارة
بقول هما بيضحكوا ع الطلبة ليه ؟
هو الطالب دا أعمى مثلا مش شايف حال بلده ايه ؟!
ولا فاكرين انه مش شاف دم زمايله اللي اتقتلت أحلامهم ؟!
ولو مش شاف دا كله
مش شايف والده اللي متغرب ولاّ اللي بيخلص الوظيفة الحكومي ويروح الشغل الإضافي ؟!!
دايما مش في مصر بس
كتب الوزارة بتتكلم عن المدينة الفاضلة اللي مش موجودة
والطالب اللي بيصدق بكره بيكبر ويعرف انه كلام ورق !!


حلو أووووووي بجد
عجبني بجد ماشاء الله ..


شكرا كتييير ..
دمتِ بتوفيق وسعادة ..




5 ستارز ..

[ملاك صعبة الإمتلاك]

كلمات رائعة ومميزة

تعبر عن الحال الذي وصلنا اليه

حال البلد

فعلا أعجبني طرحك الراقي

ودي