برنامج نهارك سعيد من countess

[countess]

على آد الشوق ياجميل سلم ومنتدآش آد الحب ياقلبي ورد قلبي

الفن الجميل وزمن الفن الجميل >> نستضيف الكاتبه القميله فــــرح

وهي شخصية فعلا جميله رغم معرفهاش آوي بس من صفحتها عرفت ورى تلك الصفحات

شخصية فيها من الحزن والفرح والفرفشه والرزآنه يعني الي فهمتو من تلك شخصية

متصالحه نوعآ ما مع نفسها





تعالو نشوف إجبات فروحه كانت آزي

منوره يافرح الحلقه وزمن الفن الجميل ياقلبو؛

دا نور كل متابع ومستمتع بأفلام الزمن الجميل اكيد ..

نقولك نهارك سعيد

يومكم اسعد بذكر الله ( سبحان الله وبحمده سبحان الله العظيم )

احكي براحتك امتى بديتي آتابعي اعماله ا لقديمه فنان كبير زي شكري سرحان ؟؛

انا بحكم أني اصغر وحده في العيلة كنت بحب اقلد اخوتي الكبار ( البنات طبعا) اللي هما سبعه فعين العدو ..

فكانوا متابعين اوي لقنوات مصر الاولى والتانيه والفضائيه ..

وفاكرة كلمه ( نتابع معكم الان احداث فيلم السهره ..) ههههه مش فكره الباقي .. المهم

كنت وقتها والله صغيره في ابتدئي 8 او 9 سنوات فكنت بسمع اخواتي

بتكلمو عن الشخصيات اللي في الافلام اللي بيشوفوها وانا بحب اختي الوسطانية علياء جداا وبحب شخصيتها وبحب اقلدها بالعربي كدا .. المهم عليا كانت بتحب شكري سرحان جدا .. وبتتكلم عنه كتير فبقت احبه زيها .. وبتفرج على افلام عربي بصفه عامه

بس اما يجي شكري بقى كنت بحس بحاجه مش حب بس اني عاوزه اكبر

واشوف شكري سرحان( بعيون عليا)

اول فيلم شوفته لشكري سرحان فاكره اسم الفيلم ؟؛

اول فيلم معلق معايا لحد دلوقتي ( رنة الخلخال)

كمان قولينا اول مسرحية لشكري سرحان ؟ وياريت تجيب مقطع قصير ؟ نشوف معاك ،؛

دا مقطع من فيلم السفيره عزيزه

مشفتش ابدا مسرحية لشكري سرحان .. لاني مبحبش المسرح القديم اوي بصراحه

مسرحية او فيلم لنجمك النهارده عالق في ذاكرتك يافروحه ؟؛

ااااااااه رد قلبي طبعا .. الفيلم دا لو اشوفه 100 مرة بحس بيه اكنه اول مره

آذكري لينا من آعمال شكري سرحان تلات افلام وتلات مسرحيات ؟ لو له مسرحيات لنو آغلب الي بشوفه لشكري تقريبآ آفلام لو له كويس آذكريها ياقلبو ؟ ؛

مسرحيات انسي اني اقولك اسم واحدة حتى لان بجد مشفتش ابدااا أي مسرحية ليه

اما الافلام ..

قنديل ام هاشم مع فاتن حمامه

.. رد قلبي .. مريم فخر الدين

السفيرة عزيزه طبعا مع سعاد حسني

طيب فرح مجمل عدد آفلام شكري سرحان كام؟ وآنتي كام بقا فيلم شوفتيه لنجمنا ؟؛

انا قدر اجيب من النت كم المجمل ولله يا سارونه .. بس بصراحه معرفش

حتى اللي شوفتها ليه مش فاكرة عددهم .. حقول اللي فاكرهم بصراحه

رد قلبي – قنديل ام هاشم – السفيره عزيزه – التلميذه والاستاذ – رنة الخلخال – الزوجه الثانيه

الاشقياء الثلاثه – ريا وسكينة – اعز الحبايب .. انا حره ووالله كتيييير غيرهم

آذكري خمس شخصيات قام بآدئها شكري سرحان ؟؛

شخصية ( عباس ) في فيلم انا حره مع ( لبنه عبدالعزيز) هو دور صحفي معارض او سياسي عاقل جد وجار لامينه

الشخصية اللي حابة تعيش حريتها بطريقتها دون الاهتمام بكلام الناس والجيران .. كان ناصح ليها وعقلاني جدا احترمت فيه نظرته لبنت منطقته رغم عيوبها ورغبتها في الحريه بس مكنش بيشوف ظاهرها وكان بينصحها بذكاء

شخصية ( علي ) في فيلم رد قلبي مع ( مريم فخر الدين ) ضابط وابن جنايني حب بنت اميرة ابوه كان بيشتغل جنايني عندهم .. فيلم بعشقه جدااااا ومعتقدتش محدش شافه ..

شخصية ( اسماعيل) من فيلم قنديل ام هاشم مع ( سميرة احمد) خطيبته في الفيلم

كان دوره دكتور عيون اتربى وسط عيله بسيطه

فحي شعبي وكان في الحي معلم اورمز ديني مقدس اللي هو ( قنديل ام هاشم) فكرة الفيلم نبذ الجهل الديني من حيث

تقديسهم بطريقة خاطئه لهذا لقنديل ومحاولة استشفائهم بما فيه ومن الناس اللي كانوا بيتعملوا مع القنديل بالقدسيه دي

خطيبته فاطمه اللي كانت بتشكي من عينيها .. المهم الكل عارض الدكتور اسماعيل اما نبذ الاستشفاء بالقنديل دا وقطعوه .. احداث الفيلم جميله وكتيره ..

فيلم شوفته لشكري سرحان وقصة الفيلم عجبآكي والسينايو الحوار يعني بختصارتمنيتي تكوني مكان البطله ؟ آذكرينآ الفيلم دآ وإيه بقآ الأحدآث الي بدور حوليه ؟؛

بصراحه .. فيلم انا حره ..

حابه اكون في الدور دا لسبب بسيط ان شخصية شكري سرحان في الفيلم دا

شخصيه محتاجها كل بنت شرقيه فحياتها .. حد ما يستغلش اللي هي فيه من تحرر وانفتاحية

بطريقة مستأذبه .. ومكنش شخصيه ملائكيه مبيغلطش وتفهم لطبيعة امينة ونفسيتها

وشوفها من جواهااااا دا الاهم

اخر مسرحية آو فيلم شوفتيها من فتره قصيره لشكري سرحان وكانت على قناة ايه ؟؛

انا بتابع عاليوتيوب الافلام اللي بحبها .. واخر حاجه شفتها ( التلميذه والاستاذ )

بنهاية عاوزينك فرح تختاري مقطع من فليم او مسرحيه انتي بتحبيها لشكري سرحان ؟؛

انا حهدي لمحبي شكري سرحان مقطع من نهايات فيلم ( رد قلبي )

تشكرآت ع قبولك الدعوة ياقمري

بالعكس انا اللي بشكرك يا اميرة البنات عالاستضافة دي

[Mo chahin]

نفسى اكون اول من رد بقى على الاستضافه الاكتر من راقيه دى ,,

هو انا بحبها من شويه يا جودعان ههه

لا بجد استضافه جميله منك يا سارة .. تعيشي وتستضيفي يارب ,,

اما عن فرح فا وفقتى جدا يا سارة لما قلتى عنها من زمن الفن الجميل ,,

موفقين ديما يابنوتات ,,

[احساسى صحيح]

اجابات جميلة من فروحة الغالية
طلعت ذاكرتها قوية اهية
يسلموا كتير فرح
وذوقك عالى ما شاء الله عليكى
زى ما احنا متعودين دايما منك
واسئلة جميلة من اليستنا الجميلة
حلقة روووعة بججد
بتفكرنا بالزمن الجميل اللى افتقدناة جدا
شكرا على الحلقة الرائعة
وبأنتظار ضيفك القادم كونتيسة
تقديرى واحترامى

[∂αнмє]

استضافة جميلة منك يا قمر

واجابات جميلة يا فرح

وفعلا شكرى سرحان من عمالقة التمثيل

زمان وله اثر فى عالم الفن

[وهج الايمان]

حوار جميل ي ساره

اعتقد ان فرح اكتر واحده بتحب شكري سرحان في مصر

هههههههههه

قليل جدا لما تلاقي حد دلوقتي مهتم ولسه بيتابع افلام من الزمن القديم

اجابات نايس فروحه

نورتي الحلقه شور

في انتظار حلقات اخري ساره

تقييمي

[Lost Pearl]

حافظاه انتي يا فرح هههههههه

لأ بجد استضافة جميلة حقا

نورتي يا فرح و اجاباتك جميلة و عرفتني حاجات عن شكري سرحان

انا كنت بشوفه بس مكنتش اعرف اسمه هههههههه

تسلمي يا سارة ع الحلقة الجميلة

و ف انتظار المزيد

[فــــــــــرح]

اكرر شكري وامتناني لكٍ ساره على موضوع لحقبه من زمان نستصرخه للرجوع
للجمال عنوان .. للأصالة وحكايات نربي بها الحاضر بأبسط تفاصيله
لعشاق الزمن الجميل .. قيمة جمالية لا تتواجد الا بتواجد ساره وبرنامج (نهارك سعيد )

استمتعت جدا بأستضافتي ..

من اعماق القلب شكراً ..~

[๓αℓάҝ]

حلوه الحلقة أوي يا ساره ،،

فرح منوره الحلقه و فعلا أفلام زمان كانت جميلة جداً
شكري سرحان برضه له مكانه في قلبي ههههههههه بس عبد الحليم واخد الجو
استمتعت بالحلقة و إجاباتك
منوره الحلقة حبيبتي ..

تسلمي يا ساره

[رنين]

ما شاء الله

جميله الحلقه جدا

انا بحب اتابع الافلام الابيض واسود جداً

عجبنى تحليلك لافلام يا فرح والجوانب ال حباها ف كل فيلم ,,

لسه شايفه فيلم رد قلبى من شويه ^^

بجد حلقه جميله مع بنتين زى العسل تحسو الحلقه هاديه كدا ^^

ربنا يبارك فيكِ يا فروحه وفى اخواتك السبعه ما شاء الله ^^

فكره مميزه يا كونتيستنا ومنتظرين باقى الحلقات بقى

تحياتى ,,

[مشتاقه للجنه]

استضافه رائعه يا ساروونه بجد يحق يطلق عليه الزمن الجميل

فرووح تحليلاتك رائعه للافلام وشكلك كده متابعه ممتازه للافلام القديمه

أفلام لها معنى وطعم الرومانسيه فيها كانت وقوره غير الافلام بتاعة الايام دى

موفقين يا آميرات