~لكل من غلبته الذنوب ويريد أن يتوب ~

[فريق العفة]

انا الحبوب
انا اللى عايز يتوب
انا اللى شبهى وشبهك

انا العايش وقتى وقتى
انا اللى باصص تحت رجله
انا اللى بيفكر فى نفسيته
انا اللى عايش علشان اعيش
وبقضى وقتى كله تهيس
انا اللى حبيت حنان
ونسيت معاها وقت الاذان
انا اللى زيك فى شكلك
لبسى وقتى اغانى شكلك
صلاه بظروفها حياتى شبهك
انا اللى فاكر نفسى صح
نفسى اتوب وامشى صح
انا اللى حاسس بالتناقض
جوايا خير بيشاكل شر
انا اللى نفسى ابقى راجل

زهقت من شكل المناضل
وانا اللى جوايا حبه نور
نفسى يغرقونى امل

نفسى انضف بقى من جوا

نفسى لما امى تجى جمبى

اسيب الجهاز تشوف مصالحى

مبخافش منها خالص تقفش

على حاجه حرام بعملها بدرى

نفسى ابقى جوا حاجه

برا هى نفس الحاجه

نفسى ابقى متوازن

لا متعصب ولا متساهل

نفسى اسيب حب حرام

لا عارف بضحك عليها ولا

بحبها ايوه تمالى اقولها

لكن بشكلى ده هضيعها

ايوه الخير جوايا كتير

لكن الشر مسيطر بجنزير

الشيطان كتفنى

كتف احلامى وانفاسى

بقيت بصحى اشرب حرام
انام على صوت الحرام
عيشت بقت حرام فى حرام
غير بس شويه امل

انا اللى نفسى اتوب

نفسى حياتى تبقى
بميت لون

زهقت من اللون الاسود

زهقت من افلام حرام

وشهوه مضيعه وقتى وتركيزى

نفسى ابقى انسان بجد

وقفت قدام المرايه

وسالتها ايه الحل

قالتى شويه خير ابدأ بيهم

شويه شر ابعد عنهم

غير حياتك بنفسك تقدر

اوعاك تزهق وتمل تفكر

بلون الطاعه غيرها

بصحبه خير حررها

بقرءان جميل املاها
باغانى امسحها وابعدها

بموقف راجل قول لحبيبتك

فى الحلال وبس انتى ليا

اعمل ديلت لكل ذنوبك

ابدأ بدايه جديده وقول

نيو فولدر هتبقى حياتى

والتاريخ راح واتمسح

وربى هيغفر لو صدقت التوبه

وامشى على الخط

دونلود خير

اجنور شر

(منقول من بيدج انا هكون يوسف وانتى هتكونى مريم ومش هنحب الا ازواجنا)

[الابتسامه المصريه]

سبحانه وتعالى
بابه مفتوح ليلا ليتوب مذنب النهار
ومفتوح نهارا ليتوب مذنب الليل
باب التوبه مفتوح دائما


وقال رب العزه((ورحمتى وسعت كل شئ)
انه هو الغفور الرحيم بنا
بارك الله فيك

[حالمة باميرى]

-

طرحح رآئع وآنتقـآء مميز
يعطيك آلف عآفييةة على آلآختيـآر آلجميييل
ولآعدمنآ عذب آطروحآتك
آحترآمي وتقديري.."

[طِيشْ !]

إن الله غفور رحيم

بابه مفتوح لكل من يريد العودة إليه عز وجل

و مهما تخيلنا و تألمنا في رحمته لن نصل إلى مقدارها أو مداها

طرح جميل منك أختى

جزيتي خيرا عليه

غفر الله ذنوبنا جميعا

ودي ووردي

[توحد ارواح]

كل مسلم مهما بلغت ذنوبه ومعاصيه بيكون فى قلبه شوق الى التوبه و الاستقامه
و الرجوع الى طاعة الله
لان كلنا هنموت لان الموت حقيقه مؤكده ف الحياه الذى هى دار الفناء
والكل منا يذنب و لكن ليس كلنا يتوب
فلنجعل لكل ذنب توبه
ولا نسوفها او نؤجلها لان ربما نموت ف اى لحظه
راااائع
مشكوره اختى وجزاكِ الله خيرا

[زهره الشتاء]

ان الله غفور رحيم
مهما بلغت معاصيك
نحن فقط نحتاج لوقفه مع النفس ومراجعه ما نفعله من اجل الله
ف ان نسيته انساك .. ومن اصبح بقربه عاش هنيئآ ف طاعته
واسعدك واكرمك بحياتك ..
لكن للآسف الشيطاان بيزين الحياه للآنسان الضعيف
نحتاج لحسن الظن بالله سبحانه وتعالى
تسسلم ايدك للطرح الطيب
ربنا اهدنا للطريق الحق .. ووفقنا لما تحبه وترضاه
دمت بخير

[ناصرعبده]

جعله الله في ميزان حسانتك

[الأميرة رودي]

كلنا بنغلط وبنمر بـ غفلات وبننسى حق ربنا علينا
وبنرجع نندم ونتمنى التوبه ونطلب رضا ربنا علينــا.. بيكون احساس جميل
بس الاجمل فعـــلا أننا لما نكسب رضا ربنا نحافظ عليه ومش نستهتر برضاه
ومش نرجع للغلط بعد ماتركناه .

كلمات جميله لمست قلوبنا كلنا
لاننا كلنا قصرنا بجد
شكـــــــــرا اختى يسلمو ايديكى