إحنا برضو عايشين (مسابقة أكمل القصيدة)

[العاشق الذى لم يتب]

أنا والمدام والعيال قال كنا عاشين أهو مرة فرحنا علشان نمنا متعشين ومرة العيال بكو وقالوا إحنا جعانين تمر أيام وأيام وشهور وسنين إحنا بنكبر والعمري جرى ومازلنا محرومين نشوف الولاد يصعبو علينا متبهدلين نسمع كلام حكومة تقول افرحو خليكو متفائلين نحلم بالفرح ونبات بهنا مبسوطين مستبشرين ولا بإدينا غير الصبر ما أهو إحنا مغلوبين وجات الصرخة وعلت للسما وملت ميادين الشعب ثار وقال لازم نشيل حكومة ظالمين غضب الحاكم وقال أنتو مين يافران وجرازين وعساكره بالكرابيد والغاز والخرطوش نزلين اضرب ياظالم احبس اقتل محنا ش خايفين ياما مات قبلينا كتير وبالجوع إحنا ميتين وبأمر الكريم جبار منتقم شال فاسدين نحمدك يارب نصرتنا واحنا شاهدين أم العيال غنت موال الصبر آخره زين مبروك علينا هنودع الهم والفقرو الدين راحت وزارة وجات وزارة زى بعض الاتنين لسه ياعيالى شوية صبر لازم نكون واثقين أكيد ربك هيرضيها لما يجى وزرة عارفين قالو يابابا بتصبر روحك ولا بتضحك على مين إحنا خلاص تعبنا معدناش قادرين قلت يا أولادى ما أهو إحنا برضو عايشين

[ساحر الأحزان]

عايشين مهو كل الناس عايشين

وبرضة صابرين ومتحملين

بسى لحد فين

كلمات جميلة منك

كما تعودنا بجميل اختيارك الطيب

بتمنى ليك التوفيق

[طِيشْ !]

أوتلك دنيا تعاش سيدي ؟؟

أهذه هي الخاتمة ..~

قصيدتك مؤلمة حد الهلاك ..,

ألهبت جرحنا و قادته نارا ..

مفجع هو الحال و الصورة

كان الله في عوننا و سينصر عز وجل كل مظلوم

أبدعت فيما كتبت

أدآآم الله رقي قلمك

و أتمنى أن تكون مولودتك الجديدة فرحة بالصورة المنيرة بإذن الله

ودي ووردي

[العاشق الذى لم يتب]

اقتباس المشاركة الأصلية كتبت بواسطة ساحر الأحزان عايشين مهو كل الناس عايشين وبرضة صابرين ومتحملين بسى لحد فين كلمات جميلة منك كما تعودنا بجميل اختيارك الطيب بتمنى ليك التوفيق

أشكرك كبيرنا ألأخ أمجد
الصبر آخره زين
شرفتنى بمرورك
تقبل تحياتى وودى
رفعت

[العاشق الذى لم يتب]

اقتباس المشاركة الأصلية كتبت بواسطة طِيشْ ! أوتلك دنيا تعاش سيدي ؟؟ أهذه هي الخاتمة ..~ قصيدتك مؤلمة حد الهلاك .., ألهبت جرحنا و قادته نارا .. مفجع هو الحال و الصورة كان الله في عوننا و سينصر عز وجل كل مظلوم أبدعت فيما كتبت أدآآم الله رقي قلمك و أتمنى أن تكون مولودتك الجديدة فرحة بالصورة المنيرة بإذن الله ودي ووردي

شكرا ليك أختى الفاضلة / طيش
أسعدنى كثيرا تعقيبك وردك فيه وجدت قلبا كبيرا عالما ومتابع بما يجرى ومتأثرا بالأحداث التى تمر بها مصرنا الحبيبة
والكل ينهل من نهر واحد
أشكرك على دعواتك وأمنياتك
تقبلى تحياتى وودى
رفعت

[phalsteen]

كلمات تعبر عما تعانيه من قسوة الحياة
فلقد تشتت الفكر
وتاهت بوصلة الاتجاه
في هذا الصحراء
والتي نسميها حياة
لقلمك كل التحية

[مُنـــــايا]

آدينا عايشين والمر دايقيين ....بس صابرين ومستنيين نيجى للدنيا شمال تيجي لنا يمين ...وعلى فين رايحين ؟؟؟ احنا مش عارفين ؟؟!!! و فـــ قاع الدنيا عايشين وجنب الحيط ماشيين ناس مش لاقيه تاكل.. وناس مايهمهاش ملايين وللاسف اغلب الناس مبقوش بنى ادمين بس آدينا صابرين ومستنيين بكره ييجي حامل لينا الامل من العذاب والا نين وفي الاول والآخر اقول لنا رب اسمه الكريم ابدعت في طرحك كلمات مفجعه لواقع عايشينه سلمت يمينك بما خطت دوام الابداع احترامي وتقديري

[الابتسامه المصريه]

بسم الله
بالتوفيق بالمسابقه

وكلماتك جميله ورائعه
ومعبرة عن الثورة
وما نحن عليه الان

بارك الله فيك

[شاعر الانسانية]

حقا حقا اخترت
القصيدة المناسبة
والكلمات المعبرة
الشاملة لكل شى
تقبل مرورى

[ويبقى الأثر]

مصر الابيه رايحه فيــــــن

الموجه عاليه ومفيش طريق

والدم بولادك مالى الاديـــن

عاملين شبابك زى الغريـــق

اوزى واحــد من الوجــــــع

يتلوى من الــم الحـــــريـــــق

ــــــــــــــــــــــــــــــــــــــــــــــــــ ـــ

مش ينفع للاسف نكون عايشين ومظلومين

لازم عن كلمة الحق نكون مدافعين

حتى لو متنا هنموت ولعلم بلادنا رافعين

اخى الكريم كتبت فابدعت راق نصك

بالتوفيق بالمسابقه ان شاء الله

تحياتى وتقديرى