الحلقه الخامسه من برنامج (تطويو ذواتنا وتغيير حياتنا ) ومعانا حياتي ذكريات

[ياسمينااا]

أهلاً وسهلاً بكم أعضاء منتدي بنات مصر وحلقه جديده من برنامج (تطوير ذواتنا وتغيير حياتنا ) ضيفتنا عضوه جميله كانت غايبه بقالها فتره طويله ورجعت نورت المنتدي من تاني أسمحولي أرحب بضيفتي حياتي ذكريات مراقبة الأقسام العامة سابقا أهلا ًوسهلا ً بيكي معانا حياتي اهلا بيكي ياسمينا في البداية كدا تحبي تشربي إيه ؟ سحلب إتفضلي حبيبتي ونبدأ معكم الاسئله :- 1- ماهي نقطة ضعفك ؟ لما بزعل من حد واتعصب بفضل اقول كلام من كتر غضبي يضايق وبعد كده برجع اخبط نفسي في مليون حيطة اوقات بعرف امسك نفسي واوقات مبعرفش ودي حاجه بتضايقني جداااااا 2-اذا واجهت مشكلة ما تحب ان يشاركك احد بحلها أم تعتمد على نفسك؟ استشير حد بس في النهاية اعمل اللي يريحني انا طب بما إنك مش هتعملي برأيه يبقي بتخديه ليه بقي 3-ماهي اصعب كلمة ممكن ان تقولها لأي شخص ؟ بحبك 4-تعتبر نفسك محبوب اذا الجواب ( نعم) برايك ايه السر؟ الحمد لله طول ما الواحد بيعامل اللي قدامه كويس وبياخد ويدي معاهم بهزار ويقف جنبهم وقت ما يحتاجولو هتلاقي ده بيتردلك 5-ماهي مشكلة العصر في نظرك ؟ النفاق 6- ( فاشل..ناجح ..طموح..قوي..) بتعنيلك ايه هذه الكلمات؟ زي اي كلمة ممكن تديلك دفعه احباط وممكن تديلك دفعه تخليكِ قدام 7-ماهو الشيء الذي يطاردك في كل مكان وانت تهرب منه ؟ القلق 8-متى تشعر بانك محبط ؟ لما استنى حاجه من حد واعشم نفسي ويطلع على مفيييش 9--هل تمنيت الموت يومآ ومتى ؟ ممكن تكون في لحظة غضب ومفيش حد ما اتحطش في الموقف ده 10-من هو الشخص اللي اذا شفتو بتحس الدنيا لسا بخير؟ بابا ربنا يخليهولي ربنا يخلهولك يارب 11--ماهي الطريقة التي تعبر فيها عن غضبك ؟ بفضل ساكته كده مش عايزة انطق عشان لو اتكلمت مش هيعجب حد انما لو حد ضغط عليا هتلاقيني قمت قلت كلمتين حلوين بعدين هديت فجاة كده وخدت نفسي على اوضتي وافضل بقى شغل اني الوم نفسي 12-ماهو دافعك في الحياة ؟ احاول اطلع بيها بحاجه تليق اني اقابل ربنا بيها 13-عبارة تفائل دائما ترددها ؟ سنظل اوفياء حتى تبتسم لنا السماء عموما مبقتش احب اتفائل عشان ما اتصدمش بعد كده بس على لساني على طول " لعله خير " " ومحدش عارف الخير فين " 14-متى تكذب ؟ لما اتزنق حبل الكدب قصير بعدين مهما حاولت اداري هيتكشف اكدب ليه بقى وادخل في حوارات ملهاش اخر قول الحقيقة من الاول من غير لف ودوران هتستريح 15-ماهو شعارك في الحياة ؟ مش شعار تقريبا بس جمله بحسها اووووي " طول ما انت بعيد عن ربنا .. مينفعش تقول انا ليه بيحصلي كده ؟!! " 16-حكمة تتاخذها شعارا بالحياة؟ " كن مبتسم .. وانسى ان هناك ما يسمى سوء حظ قل بأن فيها الخير لك واترك أمرك لله " 17-انت قوي-اذآ ( من الشخص الذي تضعف امامة) ؟ ممكن ميكونش شخص واحد كذا حد طب مش قولتي مين هما بردو 18- ماذا علمتك الحياة ؟ ما استناش حاجه من حد وما اعاملش الناس اكتر ما تستحق 19-ما لون كل من : الامل ، السعادة ، الحزن ، التفاؤل ، ؟ الأمل : أصفر السعاده : أبيض الحزن : أسود التفاؤل : رمادي 20-شيئ لايعجبك بنفسك وحابب تغيرو؟ العناد 21-هروب الكلمات من مخيلتك عندما تكون في أمس الحاجة لها كيف تعالجه؟ بتعامل بهدوء كده هعرف اتكلم كويس لكن طول ما انا محسسه نفسي اني لازم اقول كلام دلوقتي عمره ما هيطلع 22-تؤمن بلبس الاقنعه لتتكيف مع الحياة من جميع النواحى ؟ بصي انا زي ما انا مع الكل بس على حسب اللي قدامي بتكلم يعني مثلا لو قدامي واحد متدين هتكلم عن الاغاني مثلا !! وهكذا 23-هل فشلت في تحقيق شيء مهم في حياتك؟ حصل بس محدش عارف الخير فين 24-باقة ورد لمن تهديها من الاعضاء اللي بالمنتدى. وباقة من الشوك لمن تهديها ؟ ورد للكل طبعا عشان ناس كتير وحشتني شوك محبش اشوَك حد 25-من تتمنى ان يكون الضيف بعدك ولماذا ؟؟ الحان الورد بنت جدعه بحبها لله في الله كده تسلمي حبيبتي ع قبول الإستضافة نورتينا بنورك حبيبتي ربنا يخليكي اتشرفت الشرف لينا مرسي لكي مره تانيه أتمني الحلقه تنال إعجابكم

[Mind language]

بعتذر جدا جدا على غيابى عن البرنامج
الجميل دا ودا خاضع لظروف الجهاز عندى
حلقه فى منتهى الجمال واستضافه
جميله مع عضوه اجمل وفكره فى منتهى
الجمال منك يا ياسمينااااا نورتى بيها القسم
وفى انتظار الحلقات القادمه وبالتوفيق ليكم
انتوا الاتنين .

[ساحر الأحزان]

استضافة جميل ياسمينا

مع دعاء

اجابات مميزة

واسئلة جميلة جدا

تحياتى لكم

[Lost Pearl]

حلقة حلوة اوي

بس تفائلي يا دعاء بجد محدش عارف الخير فين

و التفاؤل خلي معاه الصبر دايما و الثقة فـ ربنا

ربنا يوفقك دايما يا جميلة ،،

تسلمي يا ياسمينا ع المجهود

فـ انتظار الحان بقي .،

[وهج الايمان]

ربنا يخليلك بباكي

التفاؤل حاجه جميله جدا

واكيد اي حاجه خير

" كن مبتسم ..
وانسى ان هناك ما يسمى سوء حظ
قل بأن فيها الخير لك
واترك أمرك لله "

جميله جدا الحكمه دي

اجابات جميله

وضيفه متميزه

تسلمي ياسمينا لمجهودك حبيبتي

في انتظار حلقه الحان الورد

تقييمي

[روح صامتة]

حلو اللقاء دا
وحشتينا ي ذكريات ^^
فينك من زمان كده
المهم التفاؤل مش رمادي اوي يعني ممكن انا اقول عليه ابيض بصراحة ^^
وبالنسبة للمتدين ^^ اختيارنا فعلا للالفاظ والمواضيع الي نتناقش بيها مع الناس مهمة فعلا
بس ع فكرة يعني فيه ناس متدينة وبتسمع اغاني مش دا شرط لدا ^^ )
بشكرك كتتيييير اوي ي ياسمينا ع اللقاء اللطيف دا :*
ارق تحياتي

[ابتسامة الزهر]

الأمل
نحن نعيش بالأمل
خلى عند دائما ثقة بالله وامل
تفائلى دائما فانت لا تعرفى الخير فين
حوار جميل ياسمينا
مع ضيفة الحقيقة متعاملتش معاها اطلاقا
بس واضح انها راقية فى حوارها
سلمت يدك

[العاشق الذى لم يتب]

شوفى بئا ياحضرة المذيعة
المرحوم جدى كان شغال فى مباحث الضرائب العامة
وأكيد فيه حدهناك كان بيعزه
وأنا قررت أرفع عليك دعوة تهرب من الضاريب
وعندى الدليل وصورة من عقود التعاقد بتاع الفضئيات
وعلشان أنت غالية علىّ حبيت أنبهك واللى يقدم شيئ بيداه ألتقاه
بس قبل الشكوى دى أسمحيلى أشكرك على الإضافة الجميلة دى للأخت / حياتى ذكريات
والأولأق ولها حمدلله على السلامة ويارب مافىحاجة تشغلها وتبعدها عننا
بس ليه حياتى ذكريات مانخليها ذكريات فى حياتى أحسن
وبعدين ياأخت حياتى كل ماواحد يزعلك تخبطى راسك فى الحيط بالذمة دا كلام هى راسك يعنى هتحمل إيه ولاإيه مش كفاية عليها جبهة الإنقاذ وجبة حلق حوش
واللهأ سئلة فى منتهى العظمة منك ياياسمينا وأختنا الفاضلة قمة فى بساطة الرد والأسلوب السهل الخالى من التعقيدات ولا اللف ولا الدوران
أنا بجد سعدت جدا بوجودى فى معيتكما
تقبلا تحياتى وودى
أخوكم
رفعت

[ياسمينااا]

اقتباس المشاركة الأصلية كتبت بواسطة mind language بعتذر جدا جدا على غيابى عن البرنامج الجميل دا ودا خاضع لظروف الجهاز عندى حلقه فى منتهى الجمال واستضافه جميله مع عضوه اجمل وفكره فى منتهى الجمال منك يا ياسمينااااا نورتى بيها القسم وفى انتظار الحلقات القادمه وبالتوفيق ليكم انتوا الاتنين .

ولا يهمك يا قمرايه إنتي
وإن شاء الله الجهاز يتظبط
وتتابعي معانا دايما ً
الأجمل مرورك
أسعدني مرورك جد ً
نورتي حبيبتي

[ياسمينااا]

اقتباس المشاركة الأصلية كتبت بواسطة ساحر الأحزان استضافة جميل ياسمينا مع دعاء اجابات مميزة واسئلة جميلة جدا تحياتى لكم

الأجمل مرورك
أسعدني مرورك أمجد
نورت التوبيك