حِكَاية ثَوْرة شَعبْ لـ أكْملـ القَصيدة

[Mahmoud Mohie]

بــســم الله الرحــمــن الرحــيــم ,,

.
.



كـان يا مكانـ .. مايحلى الكَلام

مُواطن غَلبانـ .. همه يعيشـ ف سَلام

كافى خيره شره .. ولا يوم كان طَمعانــ

ف حاجة مش بتاعته .. واهو عايشـ والسَلام

من كتر سكوته .. وصمته على حَقه

قتلوا أخوه خالد .. قدام عينه ونَظره

شرطة نظام ظالمـ .. كان أصلاً فَسدانــ
ورموه ف الشارع .. زى الكلب وإبنه

كان القتلْ .. شرارة إشعال ثَورة

حط محمد إيده .. ف إيد مينا وأَروة

بعد ما كاان الخوفـ .. سمة الشُبانــ

زال الخوف من روحهم .. واتحول قِوة

نِزل الراجل .. جنب الست ف التَحرير

نادوا برفع الظلم .. وطبعا قبله بالتَغيير

إسقاط حكم نظامـ .. عايش من أَزمانــ

ناهش فينا وقاتلـ .. فطلبنا التَطهيير

قابل الحَاكِمْ ثورتنا .. بكل عنف وشِدة

قتل سحل .. ضرب تعذيب وبحِدة

نسى ان ده شبابـ .. بلده الغَلبانــ

نازل طالب حقه .. من غير سلاح وعِدة

مات أحلى شبابـ .. نادى بحق اخواته

أتمنى يكونوا شهدا .. يدخلهم ربى جناته

رغم انه كان عايشـ .. مرفه ف أمانــ

نزل واجه الموتـ .. لجل يرجع حق بلاده

سقط النظام ..وملى الفرح قلوب الكُل

شلنا مباركـ ..جبنا مرسى وقلنا فُل

نجحت ثورتنا .. وخلاصـ هنعيش بإطمئنانــ

من غير ضربـ وتعذيبـ ولا قهر وذُل

ف حكم مرسى .. شوفنا تباطئ غير مفهوم

ناسوا واهلوا ..كانوا معاه فين ما يقوم

عَين وزرا .. كانوا حبايبوا من الاخوانــ

أهل ثقة .. ومن الكفاءة كله معدوم

مع قنديل ووزارته .. عانينا بجد يا ناس

قطر وباص .. اتقلبوا هُوبا مفيشـ احساس

ولا أى قرار اتقال .. م اللى فيهم كنتـ انا عشمانــ

راحت قيمة أى مواطن .. ودمه خلاص



:
:


شكراً
مُحى

[وهج الايمان]

حلوه الحته الاخيره دي

ف حكم مرسى .. شوفنا تباطئ غير مفهوم

ناسوا واهلوا ..كانوا معاه فين ما يقوم

عَين وزرا .. كانوا حبايبوا من الاخوانــ

أهل ثقة .. ومن الكفاءة كله معدوم

بجد في بطئ شديد اوي

ودي كمان حلوه

مع قنديل ووزارته .. عانينا بجد يا ناس

قطر وباص .. اتقلبوا هُوبا مفيشـ احساس

ولا أى قرار اتقال .. م اللى فيهم كنتـ انا عشمانــ

راحت قيمة أى مواطن .. ودمه خلاص

هوبا مفيش احساس ههههه
حلوه

اسمح لي ابدي اعجابي بقلمك وتميزك واسلوبك الراقي وتالقك

منيميز دائما في اختيار كلماتك

يسلمووووووو

[MĺŔǾ]

جامد يا محي قصيدة فعلا بتعبر ببساطة عن حكاية ثورة شعب ،،،،،
تمنياتي لك بالتوفيق ،،،

[نجم وزهره ومسافات فراق]

حكاية ثوره
الله عليك أخي الفاضل الكريم
إختيار تفوقت به على نفسك
وكلمات وتشبيهات بالغة القيمه والأثر الأدبي
وطرح ( تعودته منك )
صادقا
جليا
هادفا
مثمرا
أخي الكريم
تحدثت بلسان حالك وحال الأغلبيه الطيبه من عموم شعب مصر الطيب
أجدت وتميزت وامتزت بالصدق البالغ يا أخي
تقييمي ( ولا يكفي والله )
أشكرك يا رائع
كن بكل الخير الدائم
حفظك الله من كل شر

[phalsteen]

في هذا الوقت المنكوب
تبقى تلك الشهقات التى تصيب قلوبنا
وتدميها حسره وخوف وانكسار
أقوى من أى دمار أو قتل ممكن أن يحيط بنا
فقد ماتت الضمائر وانتحرت الأخلاق
وأختبأ البشر خلف جدران وجدران من الصمت
وتركوا البلاد هدايا مغلفة في يد هؤلاء

أخي الفاضل
مقطوعه زاخره بكل ألوان الحيره والعذاب والتمرد
قد أطبقت على خناقنا حتى كادت أن تدمي الرقاب
رائع بوحك

[ابتسامة الزهر]

البلد كلها بتخبط فى بعضها
ومش عارفه راسها من رجلها
وكل حاجة بتزيد عن حدها
بتقلب لضدها
أصلها طول عمرها
بتكدب على شعبها
لو كانت قالت الصراحة من الاول
ماكنش حصلها اللى حصلها
ومن كتر الكدب بقت بتصدق نفسها
وبتعامل شعبها على أنه عدوها
اللى أنتم ما تعرفهوش
أن شعبها نفسه
زهق وطهق وكره نفسه
وشاف الويل
وحط صوابعه العشرة فى الشق منها
ربنا يصبر قلبه على ظلمها
مش عارفة لحد أمتى هاتفضل
تخبط فى بعضها

محيى
رغم الألم

حروفك رائعة
وقلمك ثائر
يشكو ظلم الآخرين
أسعد الله قلمك وقلبك
أطيب التحايا

[شاعرة الرومانسيه]

ايه الجمال ده يا محمود

رووووووووعه بجد كلمات رائعه

الله المستعان على مانحن فيه

احلى 5 نجوم على تلك الرائعه

[روح صامتة]

حلوووووة جدااا ,,
اكيد خدت منك وقت عشان تركب كل المعاني دي ,, ^^
رائعة فعلا احنا الثورة بدات بشكل جميل .. وانتهت بشيء غير مرغوب فيه وغير مفهوم نهائي ,,
ومشيين بسياسة التخوين والهلع ,,
بشكرك جدااا ع موضوعك الراقي ,,
ارق تحياتي والخمس نجوم

[Mo chahin]

انها حكايه ثورة ما زالت مستمرة ..

والله عجبتنى جدا الرباعيات دى يا محي ..

ربنا يبارك فيك يا فنان ..

[פﭠة ﺳگـړُھَہّ]

حكاية ثوره فعلا ملهاش بدايه ولا نقطة نهايه

ابدعت فكتبت فصدقت فكل حرف وتلامست الواقع

بالتوفيق دائما